- Y Diweddaraf sydd Ar Gael (Diwygiedig) - Saesneg
- Y Diweddaraf sydd Ar Gael (Diwygiedig) - Cymraeg
- Gwreiddiol (Fel y'i Deddfwyd) - Saesneg
- Gwreiddiol (Fel y'i Deddfwyd) - Cymraeg
Dyma’r fersiwn wreiddiol (fel y’i gwnaed yn wreiddiol).
Mesur gan Gynulliad Cenedlaethol Cymru i wneud darpariaeth ynghylch ymgysylltiad cymunedau â phenderfyniadau gan awdurdodau lleol yng Nghymru a ddylid gwaredu caeau chwarae; ac at ddibenion cysylltiedig.
Mae'r Mesur hwn, a basiwyd gan Gynulliad Cenedlaethol Cymru ar 6 Hydref 2010 ac a gymeradwywyd gan Ei Mawrhydi yn Ei Chyngor ar 15 Rhagfyr 2010, yn deddfu'r darpariaethau a ganlyn:–
(1)Caiff Gweinidogion Cymru, trwy reoliadau, wneud darpariaeth ar gyfer ymgysylltiad cymunedau â phenderfyniadau gan awdurdodau lleol am warediadau ganddynt o dir sy'n gae chwarae neu'n rhan o gae chwarae.
(2)Caiff rheoliadau o dan is-adran (1) ymhlith pethau eraill–
(a)cymhwyso'r rheoliadau i fathau penodedig o warediadau;
(b)cymhwyso'r rheoliadau i warediadau o fathau penodedig o gae chwarae;
(c)gwneud gwarediad y mae'r rheoliadau yn gymwys iddo yn ddarostyngedig i ymgynghoriad yn unol â'r rheoliadau;
(d)pennu'r personau neu'r categorïau o berson y mae'n rhaid ymgynghori â hwy, sef y personau hynny yr effeithir arnynt gan warediad neu sydd â buddiant mewn gwarediad, a'r gwarediad hwnnw yn un y mae'r rheoliadau yn gymwys iddo;
(e)darparu ar gyfer ffurf a dull yr ymgynghori;
(f)darparu ar gyfer rhoi hysbysiad am warediadau arfaethedig, gan gynnwys ffurf a dull yr hysbysiad;
(g)ei gwneud yn ofynnol bod gwybodaeth am y canlynol yn cael ei darparu–
(i)effaith gwarediad arfaethedig ar unrhyw strategaeth, cynllun neu asesiad a bennir yn y rheoliadau, neu
(ii)unrhyw beth arall cysylltiedig â gwarediad arfaethedig;
(h)pennu ffurf a dull y mae'r wybodaeth i'w darparu ynddi ac ynddo;
(i)darparu bod rhaid i awdurdod lleol, wrth arfer ei swyddogaethau o dan y rheoliadau, roi sylw i ganllawiau a roddir o bryd i'w gilydd gan Weinidogion Cymru;
(j)gwneud darpariaeth wahanol ar gyfer achosion gwahanol neu ddosbarthau ar achosion gwahanol;
(k)gwneud darpariaeth yn gyffredinol neu yn ddarostyngedig i eithriadau neu yn unig o ran achosion penodol neu ddosbarthau ar achosion penodol;
(l)gwneud unrhyw ddarpariaethau cysylltiedig, darpariaethau atodol, darpariaethau canlyniadol, darpariaethau trosiannol neu ddarpariaethau arbed a wêl Gweinidogion Cymru yn dda.
(3)Yn y Mesur hwn–
ystyr “awdurdod lleol” (“local authority”) yw–
cyngor sir neu gyngor bwrdeistref sirol,
cyngor cymuned (gan gynnwys cyngor tref),
awdurdod Parc Cenedlaethol;
ystyr “cae chwarae” (“playing field”) yw man agored sy'n cynnwys un neu fwy o ardaloedd sydd ar unrhyw adeg wedi'u marcio neu wedi'u neilltuo fel arall ar gyfer chwaraeon neu weithgaredd hamddenol tebyg;
ystyr “gwarediad” (“disposal”) yw rhoi unrhyw ystâd neu fuddiant mewn tir neu wneud cytundeb i wneud hynny.
(1)Diwygir Deddf Llywodraeth Leol 1972 (p. 70) fel a ganlyn.
(2)Yn adran 123 (gwaredu tir gan y prif gynghorau)–
(a)yn is-adran (1), ar ôl “Subject to the following provisions of this section,” mewnosoder–
“and to those of the Playing Fields (Community Involvement in Disposal Decisions) (Wales) Measure 2010,”,
(b)ar ôl is-adran (2A), mewnosoder–
“(2AA)Subsection (2A) does not apply to a disposal to which the provisions of regulations made under section 1 of the Playing Fields (Community Involvement in Disposal Decisions) (Wales) Measure 2010 apply.”, ac
(c)yn is-adran (2B), ar ôl “by virtue of subsection (2A) above”, mewnosoder–
“or in accordance with the provisions of regulations made under section 1 of the Playing Fields (Community Involvement in Disposal Decisions) (Wales) Measure 2010.”.
(3)Yn adran 127 (gwaredu tir gan blwyfi a chymunedau), yn is-adran (1), ar ôl “Subject to the following provisions of this section,” mewnosoder–
“and to those of the Playing Fields (Community Involvement in Disposal Decisions) (Wales) Measure 2010,”.
(1)Diwygir Deddf yr Amgylchedd 1995 (p. 25) fel a ganlyn.
(2)Yn Atodlen 8, ar ôl paragraff 1(1), mewnosoder–
“(1A)The reference in sub-paragraph (1) to section 123 of the 1972 Act is to be interpreted as a reference to that section as amended by section 2 of the Playing Fields (Community Involvement in Disposal Decisions) (Wales) Measure 2010 in so far as that sub-paragraph applies to a National Park authority for a National Park in Wales.”.
(1)Mae unrhyw bŵer i wneud rheoliadau a roddir gan y Mesur hwn yn arferadwy drwy offeryn statudol.
(2)Mae unrhyw offeryn statudol sy'n cynnwys rheoliadau a wneir o dan y Mesur hwn yn gallu cael ei ddiddymu yn unol â phenderfyniad gan y Cynulliad.
(1)Enw'r Mesur hwn yw Mesur Caeau Chwarae (Ymgysylltiad Cymunedau â Phenderfyniadau Gwaredu) (Cymru) 2010.
(2)Daw'r Mesur hwn i rym ar y diwrnod y'i cymeradwyir gan Ei Mawrhydi yn y Cyfrin Gyngor.
Y Diweddaraf sydd Ar Gael (diwygiedig):Y fersiwn ddiweddaraf sydd ar gael o’r ddeddfwriaeth yn cynnwys newidiadau a wnaed gan ddeddfwriaeth ddilynol ac wedi eu gweithredu gan ein tîm golygyddol. Gellir gweld y newidiadau nad ydym wedi eu gweithredu i’r testun eto yn yr ardal ‘Newidiadau i Ddeddfwriaeth’. Dim ond yn Saesneg y mae’r fersiwn ddiwygiedig ar gael ar hyn o bryd.
Gwreiddiol (Fel y’i Deddfwyd neu y’i Gwnaed) - Saesneg: Mae'r wreiddiol Saesneg fersiwn y ddeddfwriaeth fel ag yr oedd pan gafodd ei deddfu neu eu gwneud. Ni wnaed unrhyw newidiadau i’r testun.
Gwreiddiol (Fel y’i Deddfwyd neu y’i Gwnaed)-Cymraeg:Y fersiwn Gymraeg wreiddiol o’r ddeddfwriaeth fel yr oedd yn sefyll pan gafodd ei deddfu neu ei gwneud. Ni wnaed unrhyw newidiadau i’r testun.
Testun a grëwyd gan yr adran o Lywodraeth Cynulliad Cymru oedd yn gyfrifol am destun y Mesur i esbonio beth mae’r Mesur yn ceisio ei wneud ac i wneud y Mesur yn hygyrch i ddarllenwyr nad oes ganddynt gymhwyster cyfreithiol. Mae Nodiadau Esboniadol yn cyd-fynd â holl Fesurau Cynulliad Cenedlaethol Cymru.
Gallwch wneud defnydd o ddogfennau atodol hanfodol a gwybodaeth ar gyfer yr eitem ddeddfwriaeth o’r tab hwn. Yn ddibynnol ar yr eitem ddeddfwriaeth sydd i’w gweld, gallai hyn gynnwys:
Defnyddiwch y ddewislen hon i agor dogfennau hanfodol sy’n cyd-fynd â’r ddeddfwriaeth a gwybodaeth am yr eitem hon o ddeddfwriaeth. Gan ddibynnu ar yr eitem o ddeddfwriaeth sy’n cael ei gweld gall hyn gynnwys:
liciwch ‘Gweld Mwy’ neu ddewis ‘Rhagor o Adnoddau’ am wybodaeth ychwanegol gan gynnwys