Gorchymyn Deddf Cwricwlwm ac Asesu (Cymru) 2021 (Cychwyn Rhif 3 a Darpariaeth Drosiannol) 2022

Enwi a dehongli

1.—( 1) Enw’r Gorchymyn hwn yw Gorchymyn Deddf Cwricwlwm ac Asesu (Cymru) 2021 (Cychwyn Rhif 3 a Darpariaeth Drosiannol) 2022.

(2) Yn y Gorchymyn hwn—

ystyr “addysg feithrin” (“nursery education”) yw addysg a ddarperir i blant neu ddisgyblion sy’n iau na’r oedran ysgol gorfodol—

(i)

mewn ysgol a gynhelir neu ysgol feithrin a gynhelir, neu

(ii)

gan ddarparwr addysg feithrin a gyllidir ond nas cynhelir;

mae i “anghenion addysgol arbennig” yr ystyr a roddir i “special educational needs” yn adran 312(1) o Ddeddf 1996(1);

mae i “anghenion dysgu ychwanegol” (“additional learning needs”) yr ystyr a roddir iddo yn adran 2 o Ddeddf 2018;

ystyr “blwyddyn 1” (“year 1”) yw grŵp blwyddyn y mae’r rhan fwyaf o’r plant neu’r disgyblion yn cyrraedd 6 oed ynddo;

ystyr “blwyddyn 2” (“year 2”) yw grŵp blwyddyn y mae’r rhan fwyaf o’r plant neu’r disgyblion yn cyrraedd 7 oed ynddo;

ystyr “blwyddyn 3” (“year 3”) yw grŵp blwyddyn y mae’r rhan fwyaf o’r plant neu’r disgyblion yn cyrraedd 8 oed ynddo;

ystyr “blwyddyn 4” (“year 4”) yw grŵp blwyddyn y mae’r rhan fwyaf o’r plant neu’r disgyblion yn cyrraedd 9 oed ynddo;

ystyr “blwyddyn 5” (“year 5”) yw grŵp blwyddyn y mae’r rhan fwyaf o’r plant neu’r disgyblion yn cyrraedd 10 oed ynddo;

ystyr “blwyddyn 6” (“year 6”) yw grŵp blwyddyn y mae’r rhan fwyaf o’r plant neu’r disgyblion yn cyrraedd 11 oed ynddo;

ystyr “blwyddyn 7” (“year 7”) yw grŵp blwyddyn y mae’r rhan fwyaf o’r plant neu’r disgyblion yn cyrraedd 12 oed ynddo;

ystyr “blwyddyn 8” (“year 8”) yw grŵp blwyddyn y mae’r rhan fwyaf o’r plant neu’r disgyblion yn cyrraedd 13 oed ynddo;

ystyr “blwyddyn 9” (“year 9”) yw grŵp blwyddyn y mae’r rhan fwyaf o’r plant neu’r disgyblion yn cyrraedd 14 oed ynddo;

ystyr “blwyddyn 10” (“year 10”) yw grŵp blwyddyn y mae’r rhan fwyaf o’r plant neu’r disgyblion yn cyrraedd 15 oed ynddo;

ystyr “blwyddyn 11” (“year 11”) yw grŵp blwyddyn y mae’r rhan fwyaf o’r plant neu’r disgyblion yn cyrraedd 16 oed ynddo;

ystyr “blwyddyn 12” (“year 12”) yw grŵp blwyddyn y mae’r rhan fwyaf o’r plant neu’r disgyblion yn cyrraedd 17 oed ynddo;

ystyr “blwyddyn 13” (“year 13”) yw grŵp blwyddyn y mae’r rhan fwyaf o’r plant neu’r disgyblion yn cyrraedd 18 oed ynddo;

ystyr “blwyddyn academaidd” (“academic year”) yw’r cyfnod o 12 mis sy’n dechrau ar 1 Medi;

ystyr “blwyddyn derbyn” (“reception year”) yw grŵp blwyddyn y mae’r rhan fwyaf o’r plant neu’r disgyblion yn cyrraedd 5 oed ynddo;

ystyr “cynllun datblygu unigol” (“individual development plan”) yw cynllun a lunnir ac a gynhelir o dan Bennod 2 o Ran 2 o Ddeddf 2018;

mae i “darpariaeth anghenion addysgol arbennig” yr ystyr a roddir i “special educational needs provision” yn adran 312(4) o Ddeddf 1996(2);

mae i “darparwr addysg feithrin a gyllidir ond nas cynhelir” (“provider of funded non-maintained nursery education”) yr ystyr a roddir iddo yn adran 80(2)(a) o Ddeddf 2021;

ystyr “datganiad anghenion addysgol arbennig” (“statement of special educational needs”) yw datganiad o fewn ystyr adran 324 o Ddeddf 1996(3);

ystyr “Deddf 1996” (“the 1996 Act”) yw Deddf Addysg 1996(4);

ystyr “Deddf 2018” (“the 2018 Act”) yw Deddf Anghenion Dysgu Ychwanegol a’r Tribiwnlys Addysg (Cymru) 2018(5);

ystyr “Deddf 2021” (“the 2021 Act”) yw Deddf Cwricwlwm ac Asesu (Cymru) 2021;

mae i “disgybl” yr ystyr a roddir i “pupil” yn adran 3 o Ddeddf 1996(6);

ystyr “grŵp blwyddyn” (“year group”) yw grŵp o blant neu ddisgyblion mewn lleoliad y bydd y rhan fwyaf ohonynt, mewn blwyddyn academaidd benodol, yn cyrraedd yr un oedran;

ystyr “lleoliad” (“setting”) yw—

(a)

ysgol a gynhelir,

(b)

darparwr addysg feithrin a gyllidir ond nas cynhelir;

(c)

uned cyfeirio disgyblion, a

(d)

darpariaeth addysgu a dysgu ar gyfer plentyn ac eithrio mewn uned cyfeirio disgyblion yn rhinwedd trefniadau a wneir o dan adran 19A o Ddeddf 1996;

mae i “plentyn” yr ystyr a roddir i “child” yn adran 579(1) o Ddeddf 1996;

mae i “uned cyfeirio disgyblion” (“pupil referral unit”) yr ystyr a roddir iddo yn adran 81(1) o Ddeddf 2021;

ystyr “ysgol a gynhelir” (“maintained school”) yw ysgol a gynhelir o fewn ystyr adran 79(1)(a) a (b) o Ddeddf 2021.

Darpariaeth drosiannol

2.   Hyd nes bod Rhan 4 o Ddeddf 1996 wedi ei diddymu gan Ddeddf 2018, mae cyfeiriadau yn Rhan 2 o Ddeddf 2021—

(a) at “darpariaeth anghenion dysgu ychwanegol” yn cael eu trin fel pe baent yn cynnwys “darpariaeth addysgol arbennig”;

(b) at “anghenion dysgu ychwanegol” yn cael eu trin fel pe baent yn cynnwys “anghenion addysgol arbennig”; ac

(c) at “cynllun datblygu unigol” yn cael eu trin fel pe baent yn cynnwys “datganiad o anghenion addysgol arbennig”.

Y darpariaethau sy’n dod i rym ar 14 Mehefin 2022: yn rhannol

3.   Daw’r darpariaethau a ganlyn o Ddeddf 2021 i rym ar 14 Mehefin 2022—

(a) adrannau 42 a 43 at ddiben gwneud rheoliadau o dan adran 42, a

(b) adran 69 at ddiben gwneud rheoliadau o dan yr adran honno.

Y darpariaethau sy’n dod i rym ar 1 Medi 2022: yn llawn

4.   Daw’r darpariaethau a ganlyn o Ddeddf 2021 i rym ar 1 Medi 2022—

(a) adrannau 6 i 8 i’r graddau nad ydynt eisoes mewn grym,

(b) adrannau 42 a 43 i’r graddau nad ydynt eisoes mewn grym,

(c) adrannau 56 a 57 i’r graddau nad ydynt eisoes mewn grym,

(d) adrannau 63 i 67,

(e) adran 69 i’r graddau nad yw eisoes mewn grym, ac

(f) adrannau 70 a 71.

Y darpariaethau sy’n dod i rym ar 1 Medi 2022: yn rhannol

5.—( 1) Daw’r darpariaethau yn Neddf 2021 ym mharagraff (2) i rym ar 1 Medi 2022 ar gyfer plentyn neu ddisgybl—

(a) y darperir addysg feithrin ar ei gyfer,

(b) mewn blwyddyn derbyn,

(c) ym mlynyddoedd 1 i 6, a

(d) ym mlwyddyn 7 yn yr ysgolion a gynhelir hynny a’r unedau cyfeirio disgyblion hynny a nodir yn yr Atodlen.

(2) Y darpariaethau y cyfeirir atynt ym mharagraff (1) yw—

(a) adrannau 9 i 24(1), (2), (3) a (4),

(b) adrannau 25 i 29,

(c) adrannau 34 i 41,

(d) adrannau 44 i 55, ac

(e) Atodlen 1.

Y darpariaethau sy’n dod i rym ar 1 Medi 2023: yn rhannol

6.—( 1) Daw’r darpariaethau yn Neddf 2021 ym mharagraff (2) i rym ar 1 Medi 2023 ar gyfer plentyn neu ddisgybl—

(a) ym mlwyddyn 7 ar gyfer pob lleoliad arall nad yw wedi ei restru yn yr Atodlen (Rhestr Blwyddyn 7), a

(b) ym mlwyddyn 8.

(2) Y darpariaethau y cyfeirir atynt ym mharagraff (1) yw—

(a) adrannau 9 i 24(1), (2), (3) a (4),

(b) adrannau 25 i 29,

(c) adrannau 34 i 41,

(d) adrannau 44 i 55, ac

(e) Atodlen 1.

Y darpariaethau sy’n dod i rym ar 1 Medi 2024: yn rhannol

7.   Daw’r darpariaethau a ganlyn o Ddeddf 2021 i rym ar 1 Medi 2024 ar gyfer plentyn neu ddisgybl ym mlwyddyn 9—

(a) adrannau 9 i 24(1), (2), (3) a (4),

(b) adrannau 25 i 29,

(c) adrannau 34 i 41,

(d) adran 68,

(e) adrannau 44 i 55, ac

(f) Atodlen 1.

Y darpariaethau sy’n dod i rym ar 1 Medi 2025: yn rhannol

8.   Daw’r darpariaethau a ganlyn o Ddeddf 2021 i rym ar 1 Medi 2025 ar gyfer plentyn neu ddisgybl ym mlwyddyn 10—

(a) adrannau 9 i 41,

(b) adrannau 44 i 55, ac

(c) Atodlen 1.

Y darpariaethau sy’n dod i rym ar 1 Medi 2026: yn llawn

9.   Daw’r darpariaethau a ganlyn o Ddeddf 2021 i rym ar 1 Medi 2026 i’r graddau nad ydynt eisoes mewn grym—

(a) adrannau 9 i 41,

(b) adrannau 44 i 55,

(c) adrannau 58 i 62,

(d) adran 68, ac

(e) Atodlen 1.

Jeremy Miles

Gweinidog y Gymraeg ac Addysg, un o Weinidogion Cymru

13 Mehefin 2022