Rheoliadau Cynhyrchion sy'n Dod o Anifeiliaid (Mewnforion Trydydd Gwledydd) (Cymru) 2005

Offerynnau Statudol Cymru

2005 Rhif 666 (Cy.56)

AMAETHYDDIAETH, CYMRU

Rheoliadau Cynhyrchion sy'n Dod o Anifeiliaid (Mewnforion Trydydd Gwledydd) (Cymru) 2005

Wedi'u gwneud

8 Mawrth 2005

Yn dod i rym

15 Mawrth 2005

Mae Cynulliad Cenedlaethol Cymru, gan ei fod wedi'i ddynodi(1) at ddibenion adran 2(2) o Ddeddf Cymunedau Ewrop 1972(2) mewn perthynas â pholisi amaethyddol cyffredin y Gymuned Ewropeaidd, drwy arfer y pwerau a roddwyd iddo yn rhinwedd yr adran honno, drwy hyn yn gwneud y Rheoliadau canlynol:

RHAN 1 Cyflwyniad

Enwi, cychwyn a chymhwyso

1.   Enw'r Rheoliadau hyn yw Rheoliadau Cynhyrchion sy'n Dod o Anifeiliaid (Mewnforion Trydydd Gwledydd) (Cymru) 2005; maent yn gymwys o ran Cymru yn unig a deuant i rym ar 15 Mawrth 2005.

Dehongli

2.—( 1) Yn y Rheoliadau hyn—

ystyr “amodau mewnforio” (“import conditions”) mewn perthynas â chynnyrch, yw'r amodau a osodwyd ar gyfer mewnforio'r cynnyrch hwnnw mewn unrhyw gyfarwyddeb, penderfyniad neu reoliad a restrir yn Atodlen 1, gan gynnwys—

(a)

amodau ynglyn â'r wlad neu'r sefydliad y mae'r cynnyrch yn dod ohonynt yn wreiddiol,

(b)

gofynion penodol a osodwyd ar gyfer mewnforio'r cynnyrch hwnnw i Aelod-wladwriaeth benodol neu ardal benodol o Aelod-wladwriaeth, ac

(c)

a osodwyd ar gyfer mewnforio'r cynnyrch hwnnw at ddibenion penodol;

ystyr “archwilydd pysgod swyddogol” (“official fish inspector”) yw swyddog iechyd yr amgylchedd a benodwyd yn archwilydd pysgod swyddogol gan awdurdod lleol yn unol â rheoliad 6(2)(b);

ystyr “yr Asiantaeth”(“the Agency”) yw'r Asiantaeth Safonau Bwyd;

ystyr “awdurdod lleol” (“local authority”)—

(a)

pan fydd yna awdurdod iechyd porthladd, yw'r awdurdod iechyd porthladd hwnnw;

(b)

pan nad oes unrhyw awdurdod iechyd porthladd, yw cyngor y sir neu'r fwrdeistref sirol yn ôl y digwydd;

mae “cludydd sydd â gofal am y tro” (“carrier who has charge for the time being”) dros gynnyrch, llwyth neu ran o lwyth yn cynnwys gyrrwr unrhyw gerbyd, peilot unrhyw awyren a meistr unrhyw long (ond nid gyrrwr unrhyw drên) sy'n cludo'r cynnyrch hwnnw, y llwyth hwnnw neu'r rhan honno o'r llwyth;

ystyr “y Cod Tollau” (“the Customs Code”) yw Rheoliad y Cyngor (EEC) Rhif 2913/92 (sy'n sefydlu'r Cod Tollau Cymunedol)(3);

ystyr “y Comisiynwyr” (“the Commissioners”) yw Comisiynwyr Tollau Tramor a Chartref;

ystyr “Cyfarwyddeb 92/118/EEC (“Directive 92/118/EEC”) yw Cyfarwyddeb y Cyngor 92/118/EEC (sy'n gosod gofynion iechyd anifeiliaid ac iechyd y cyhoedd sy'n llywodraethu masnachu yn y Gymuned a mewnforio iddi gynhyrchion nad ydynt yn ddarostyngedig i'r gofynion hyn a nodwyd mewn rheolau Cymunedol penodol y cyfeirir atynt yn Atodiad A (I) i Gyfarwyddeb 89/662/EEC ac, o ran pathogenau, i Gyfarwyddeb 90/425/EEC)(4);

ystyr “Cyfarwyddeb 97/78/EC” (“Directive 97/78/EC”) yw Cyfarwyddeb y Cyngor 97/78/EC (sy'n gosod yr egwyddorion sy'n llywodraethu'r dull o drefnu gwiriadau milfeddygol ar gynhyrchion sy'n dod i mewn i'r Gymuned o drydydd gwledydd)(5);

ystyr “cyflwyno” (“introduce”) yw dod â rhywbeth i mewn; ac mae person yn cyflwyno cynnyrch i diriogaeth neu ardal—

(a)

os yw'r person hwnnw neu honno yn dod ag ef i mewn i'r diriogaeth neu i'r ardal honno ac mai ef neu hi yw perchennog y cynnyrch;

(b)

os yw'r person hwnnw neu honno yn dod ag ef i mewn i'r diriogaeth neu i'r ardal honno ac mai ef neu hi yw'r cludydd; neu

(c)

os yw cludydd yn dod ag ef i mewn i'r diriogaeth neu i'r ardal honno yn unol â chyfarwyddiadau'r person hwnnw neu honno;

ond nid yw cynnyrch ar gyfrwng cludo sy'n gweithredu'n rhyngwladol, a hwnnw'n gynnyrch y bwriedir i griw neu deithwyr y cyfrwng cludo hwnnw ei fwyta neu ei yfed, yn cael ei gyflwyno i diriogaeth neu ardal os nad yw'n cael ei ddadlwytho, neu os yw'n cael ei drosglwyddo'n uniongyrchol o un cyfrwng cludo sy'n gweithredu'n rhyngwladol i un arall yn yr un porthladd neu faes awyr ac o dan oruchwyliaeth, o fewn yr ystyr yn Erthygl 4(13) o'r Cod Tollau, gan y Comisiynwyr;

mae i “cylchrediad rhydd” yr ystyr sydd i “free circulation” yn Erthyglau 23(2) a 24 o Gytuniad sefydlu'r Gymuned Ewropeaidd;

ystyr “cynhyrchion pysgodfeydd” (“fishery products”) yw pob anifail dŵ r môr a dŵ r croyw, p'un a yw'n fyw ai peidio, gan gynnwys—

(a)

anifeiliaid dyframaeth a chynhyrchion dyframaeth fel y diffinnir “aquaculture animals” ac “aquaculture products” yn Erthygl 2 o Gyfarwyddeb y Cyngor 91/67/EEC (ynglyn ag amodau iechyd anifeiliaid sy'n llywodraethu'r gwaith o roi anifeiliaid a chynhyrchion dyframaeth ar y farchnad)(6),

(b)

molysgiaid deufalf fel y diffinnir “bivalve molluscs” yn Erthygl 2(1) o Gyfarwyddeb y Cyngor 91/492/EEC (sy'n gosod yr amodau iechyd ar gyfer cynhyrchu a rhoi ar y farchnad folysgiaid deufalf byw)(7),

(c)

echinodermau, tiwnigogion a gastropodau morol, ac

(ch)

cynhyrchion pysgodfeydd a chynhyrchion dyframaeth fel y diffinnir “fishery products” ac “aquaculture products” yn Erthygl 2 o Gyfarwyddeb y Cyngor 91/493/EEC (sy'n gosod yr amodau iechyd ar gyfer cynhyrchu a rhoi cynhyrchion pysgodfeydd ar y farchnad)(8);

ond nid yw'n cynnwys mamaliaid dyfrol, ymlusgiaid a llyffantod, a rhannau ohonynt;

ystyr “cynnyrch” (“product”) yw

(a)

unrhyw gynnyrch sy'n dod o anifeiliaid ac a restrir yn yr Atodiad i Benderfyniad y Comisiwn 2002/349/EC (sy'n pennu'r rhestr o gynhyrchion sydd i'w harchwilio wrth safleoedd arolygu ar y ffin o dan Gyfarwyddeb y Cyngor 97/78/EC)(9);

(b)

gwair; ac

(c)

gwellt,

ond nid yw'n cynnwys cynhyrchion bwyd cyfansawdd fel y'u pennir yn Erthygl 3 o Benderfyniad y Comisiwn 2002/349/EC;

ystyr “cynnyrch a drawslwythwyd” (“transhipped product”) yw cynnyrch Erthygl 9 sydd wedi'i drawslwytho neu wedi'i ddadlwytho yn y ffordd a ddisgrifir (mewn perthynas â llwythi) yn Erthygl 9(1) o Gyfarwyddeb 97/78/EC yn y safle arolygu ar y ffin ar gyfer ei gyflwyno;

ystyr “cynnyrch a ddychwelwyd” (“returned product”) yw cynnyrch a allforiwyd yn wreiddiol o diriogaeth dollau'r Gymuned ac a gaiff ei ddychwelyd yno am ei fod wedi'i wrthod gan drydedd wlad;

ystyr “cynnyrch Erthygl 9” (“Article 9 product”) yw cynnyrch o drydedd wlad sy'n cael ei gyflwyno gyntaf i'r tiriogaethau perthnasol wrth un safle arolygu ar y ffin ond sydd wedi'i fwriadu ar gyfer ei fewnforio drwy un arall, fel y'i disgrifir (mewn perthynas â llwythi) yn Erthygl 9(1) o Gyfarwyddeb 97/78/EC, p'un a yw'r cynnyrch wedi'i drawslwytho neu wedi'i ddadlwytho wrth y safle arolygu cyntaf ar y ffin ai peidio;

ystyr “cynnyrch nad yw'n cydymffurfio” (“non-conforming product”) yw cynnyrch nad yw'n cydymffurfio â'r amodau mewnforio;

ystyr “cynnyrch tramwy” (“transit product”) yw cynnyrch sy'n tarddu o drydedd wlad ac, yn ôl yr wybodaeth a anfonwyd ymlaen llaw ac y cyfeirir ati yn Erthygl 3(3) o Gyfarwyddeb 97/78/EC, a fydd yn destun tramwy;

ystyr “dogfen berthnasol” (“relevant document”) yw unrhyw ddogfen ofynnol ac unrhyw dystysgrif neu ddogfen filfeddygol neu fasnachol arall neu unrhyw dystysgrif neu ddogfen arall sy'n ymwneud â chynnyrch, gan gynnwys maniffest unrhyw long fordwyol neu awyren;

ystyr “dogfen fynediad filfeddygol gyffredin” (“common veterinary entry document”) yw dogfen ar y ffurf a geir yn Atodiad III i Reoliad (EC) Rhif 136/2004;

ystyr “dogfen ofynnol” (“required document”) yw unrhyw dystysgrif filfeddygol wreiddiol, dogfen filfeddygol wreiddiol neu ddogfen wreiddiol arall sy'n ofynnol mewn perthynas â chynnyrch yn rhinwedd unrhyw gyfarwyddeb, penderfyniad neu reoliad a restrir yn Atodlen 1;

ystyr “gwair” (“hay”) yw unrhyw borfa, meillion, lwsérn neu ffawlys a sychwyd naill ai'n naturiol neu'n artiffisial, ac mae'n cynnwys unrhyw gynnyrch a geir drwy sychu felly unrhyw borfa, meillion, lwsérn neu ffawlys;

ystyr “gweithredydd” (“operator”)—

(a)

mewn perthynas â safle arolygu ar y ffin, yw'r person sy'n darparu mangre a chyfleusterau eraill ar gyfer cyflawni gwiriadau milfeddygol wrth y safle arolygu hwnnw ar y ffin; a

(b)

mewn perthynas â sefydliad y daw'r cynhyrchion ohono yn y Gymuned, warws storio drosiannol neu sefydliad gyrchfan, yw'r person sy'n eu meddiannu at ddibenion ei fusnes;

ystyr “gwellt” (“straw”) yw unrhyw rawnfwyd gwyrdd sydd wedi'i sychu naill ai'n naturiol neu'n artiffisial ac mae'n cynnwys unrhyw gynnyrch (ac eithrio grawn) a geir drwy sychu unrhyw rawnfwyd gwyrdd;

ystyr “gwiriad adnabod” (“identity check”) yw gwiriad drwy archwiliad gweledol i sicrhau bod y tystysgrifau milfeddygol neu'r dogfennau milfeddygol neu ddogfennau eraill sy'n mynd gyda llwyth yn cyfateb i'r cynhyrchion sy'n ffurfio'r llwyth, a hwnnw'n wiriad sy'n cael ei gyflawni yn unol ag Erthygl 4(4)(a) o Gyfarwyddeb 97/78/EC;

ystyr “gwiriad dogfennol” (“documentary check”) yw'r archwiliad o'r tystysgrifau milfeddygol neu'r dogfennau milfeddygol neu ddogfennau eraill sy'n mynd gyda llwyth, ac sy'n cael ei gyflawni yn unol ag Erthygl 4(3) o Gyfarwyddeb 97/78/EC ac Atodiad I i Reoliad (EC) Rhif 136/2004;

ystyr “gwiriad ffisegol” (“physical check”) yw gwiriad ar y cynnyrch ei hun (a all gynnwys gwiriadau o'r pecynnu a'r tymheredd a hefyd samplu a phrofi mewn labordy) sy'n cael ei gyflawni yn unol ag Erthygl 4(4)(b) o Gyfarwyddeb 97/78/EC ac Atodiad III iddi ac, yn achos profi mewn labordy, Atodiad II i Reoliad (EC) Rhif 136/2004;

ystyr “gwiriad milfeddygol” (“veterinary check”) yw unrhyw wiriad y darperir ar ei gyfer yng Nghyfarwyddeb 97/78/EC gan gynnwys gwiriad dogfennol, gwiriad adnabod a gwiriad ffisegol;

ystyr “llwyth” (“consignment”) yw swm o gynhyrchion o'r un math a gwmpesir gan yr un dystysgrif filfeddygol neu ddogfen filfeddygol, neu ddogfen arall y darparwyd ar ei chyfer drwy ddeddfwriaeth filfeddygol, a'r rheini'n gynhyrchion sy'n cael eu cludo â'r un cyfrwng cludo ac sy'n dod o'r un drydedd wlad neu'r un rhan o drydedd wlad;

mae “mangre” (“premises”) yn cynnwys unrhyw adeiladwaith, gosodiad, cynhwysydd neu gyfrwng cludo;

ystyr “mewnforio”, pan fydd yn cyfateb i'r enw “import” yn y fersiwn Saesneg o'r Rheoliadau hyn, yw rhyddhau ar gyfer cylchredeg yn rhydd o fewn yr ystyr yn Erthygl 79 o'r Cod Tollau;

ystyr “milfeddyg swyddogol” (“official veterinary surgeon”) yw milfeddyg sydd wedi cymryd rhan mewn rhaglen hyfforddi arbennig y cyfeirir ati yn Erthygl 27 o Gyfarwyddeb 97/78/EC ac a gaiff ei benodi gan Gynulliad Cenedlaethol Cymru yn unol â rheoliad 6(1)(a) neu gan awdurdod lleol yn unol â rheoliad 6(2)(a);

ystyr “perchennog” (“owner”), mewn perthynas â chynnyrch, llwyth neu ran o lwyth, yw'r person y mae'r eiddo yn y cynnyrch, y llwyth neu'r rhan wedi'i freinio ynddo am y tro;

ystyr “person sy'n gyfrifol dros” (“person responsible for”) gynnyrch, llwyth, neu ran o lwyth—

(a)

hyd nes y bydd y cynnyrch, y llwyth neu'r rhan yn cyrraedd gyntaf ar safle arolygu ar y ffin yng Nghymru neu, yn achos cynnyrch Erthygl 9, neu lwyth neu ran o lwyth o gynhyrchion Erthygl 9, nes i'r cynnyrch, y llwyth neu'r rhan gyrraedd safle arolygu ar y ffin ar gyfer cyrchfan yng Nghymru—

(i)

y person y cyfeirir ato yn Erthygl 38(1) o'r Cod Tollau sy'n dod â'r cynnyrch, y llwyth neu'r rhan i mewn i diriogaeth dollau'r Gymuned;

(ii)

person y cyfeirir ato yn Erthygl 38(2) o'r Cod Tollau sy'n ysgwyddo'r cyfrifoldeb dros gludo'r cynnyrch, y llwyth neu'r rhan ar ôl iddynt gael eu dwyn i mewn i diriogaeth dollau'r Gymuned; a

(iii)

person y cyfeirir ato yn Erthygl 44(2)(b) o'r Cod Tollau, a hwnnw'n berson y gweithredodd y personau y cyfeiriwyd atynt yn is-baragraffau (a)(i) a (ii) yn ei enw;

(b)

o'r funud y mae'r cynnyrch, y llwyth neu'r rhan yn cyrraedd safle arolygu ar y ffin yng Nghymru, neu, yn achos cynnyrch Erthygl 9, neu lwyth neu ran o lwyth o gynhyrchion Erthygl 9, o'r amser y mae'n cyrraedd safle arolygu ar gyfer cyrchfan yng Nghymru, nes iddo neu iddi adael y safle arolygu cyntaf hwnnw ar y ffin, neu'r safle arolygu hwnnw ar y ffin ar gyfer cyrchfan yn ôl fel y digwydd yw—

(i)

y person y cyfeirir ato yn Erthygl 44(2)(b) o'r Cod Tollau ac y gweithredodd y personau y cyfeiriwyd atynt yn is-baragraffau (a)(i) a (ii) yn ei enw; neu

(ii)

os yw'r cynnyrch, y llwyth neu'r rhan yn cael ei storio dros dro, fel y cyfeirir at “temporary storage” yn Erthygl 50 o'r Cod Tollau, y person y cyfeirir ato yn Erthygl 51(2) o'r Cod Tollau sy'n eu dal mewn man storio dros dro; neu

(iii)

os yw'r person y cyfeiriwyd ato yn is-baragraff (b)(i) neu (ii), yn ôl y digwydd, wedi penodi cynyrchiolydd yn ei ymwneud â'r awdurdodau tollau, o fewn ystyr “customs authorities” yn Erthygl 5 o'r Cod Tollau, a bod cyfrifoldeb yn cael ei roi i'r cynyrchiolydd hwnnw neu fod y cynrychiolydd yn ysgwyddo cyfrifoldeb dros sicrhau bod y cynnyrch, y llwyth neu'r rhan yn destun gwiriadau milfeddygol, y cynrychiolydd hwnnw; ac

(c)

ar ôl i'r cynnyrch, y llwyth neu'r rhan adael y safle arolygu cyntaf hwnnw ar y ffin, neu, yn achos cynnyrch Erthygl 9, neu lwyth neu ran o lwyth o gynhyrchion Erthygl 9, ar ôl iddo neu iddi adael y safle arolygu ar y ffin ar gyfer cyrchfan yw—

(i)

y person a wnaeth ddatganiad tollau, o fewn ystyr “customs declaration” yn Erthygl 64 o'r Cod Tollau, sy'n ymdrin â'r cynnyrch, y llwyth neu'r rhan; neu

(ii)

os nad oes unrhyw ddatganiad tollau o'r fath wedi'i wneud eto, y person y mae ganddo'r gallu i'w wneud;

ystyr “person y mae'n ymddangos ei fod â gofal” (“person appearing to have charge”) dros gynnyrch, llwyth neu ran o lwyth yw unrhyw berson, gan gynnwys cludydd, y mae'n ymddangos bod y cynnyrch hwnnw, y llwyth hwnnw neu'r rhan honno o lwyth yn ei feddiant, o dan ei warchodaeth neu o dan ei reolaeth;

ystyr “pwynt mynediad” (“point of entry”) yw unrhyw fan lle y mae nwyddau yn ddarostyngedig i oruchwyliaeth y tollau o dan Erthyglau 37 a 38 o'r Cod Tollau, ac eithrio safle arolygu ar y ffin;

ystyr “Rheoliad (EC) Rhif 1774/2002” (“Regulation (EC) No. 1774/2002”) yw Rheoliad (EC) Rhif 1774/2002 Senedd Ewrop a'r Cyngor (sy'n gosod rheolau iechyd ynghylch sgil-gynhyrchion anifeiliaid na fwriedir i bobl eu bwyta neu eu hyfed)(10);

ystyr “Rheoliad (EC) Rhif 136/2004” (“Regulation (EC) No. 136/2004”) yw Rheoliad y Comisiwn (EC) Rhif 136/2004 (sy'n gosod gweithdrefnau ar gyfer gwiriadau milfeddygol mewn safleoedd arolygu ar ffiniau'r Gymuned a hynny ar gynhyrchion a fewnforir o drydydd gwledydd)(11);

ystyr “safle arolygu ar y ffin” (“border inspection post”) yw

(a)

safle arolygu ar y ffin sydd wedi'i gynnwys yn y rhestr a gynhwysir yn yr Atodiad i Benderfyniad y Comisiwn 2001/881/EC(12); neu

(b)

safle arolygu ar y ffin yng Ngweriniaeth Gwlad yr Iâ neu Deyrnas Norwy sydd wedi'i gynnwys yn y rhestr a gynhwysir yn yr Atodiad i Benderfyniad Rhif 86/02/COL Awdurdod Gwyliadwriaeth Cymdeithas Masnach Rydd Ewrop (EFTA);(13)

ystyr “safle arolygu ar y ffin ar gyfer cyflwyno” (“border inspection post of introduction”) yw safle arolygu ar y ffin lle y mae cynnyrch Erthygl 9 yn cael ei gyflwyno gyntaf i'r tiriogaethau perthnasol;

ystyr “safle arolygu ar y ffin ar gyfer cyrchfan” (“border inspection post of destination”) yw safle arolygu ar y ffin y bwriedir mewnforio cynnyrch Erthygl 9 drwyddo;

ystyr “sefydliad gyrchfan” (“destination establishment”), mewn perthynas â chynnyrch, yw'r sefydliad a nodwyd yn y cofnod ynglŷn â “chyfeiriad danfon” yn Rhan 1 o ddogfen fynediad Milfeddygol gyffredin;

ystyr “sefydliad tarddiad Cymunedol” (“Community establishment of origin”) yw'r fangre sydd wedi'i lleoli mewn Aelod-wladwriaeth lle y cymerodd y cynnyrch a ddychwelwyd y ffurf oedd arno pan gafodd ei allforio'n wreiddiol o'r tiriogaethau perthnasol;

ystyr “storfa longau” (“ships' store”) yw mangre gaeedig y cyfeirir ati yn Erthygl 13(1)(c), neu warws a gymeradwywyd yn arbennig ac y cyfeirir ati yn Erthygl 13(2)(a) o Gyfarwyddeb 97/78/EC;

ystyr “swyddog awdurdodedig” (“authorised officer”) yw person a awdurdodwyd gan Gynulliad Cenedlaethol Cymru, awdurdod lleol neu'r Asiantaeth, naill ai'n gyffredinol neu'n arbennig, i weithredu mewn materion sy'n codi o dan y Rheoliadau hyn, p'un a yw'r person hwnnw yn un o swyddogion Cynulliad Cenedlaethol Cymru neu awdurdod lleol neu'r Asiantaeth ai peidio;

ystyr “swyddog corfforaethol” (“corporate officer”) yw cyfarwyddwr, rheolwr, ysgrifennydd neu un o swyddogion tebyg eraill corff corfforaethol, neu berson sy'n honni ei fod yn gweithredu yn rhinwedd swydd o'r fath;

ystyr “swyddog tollau” (“customs officer”) yw swyddog fel y diffinnir “officer” yn adran 1(1) o Ddeddf Rheoli Tollau Tramor a Chartref 1979(14) (person a gomisiynwyd gan y Comisiynwyr);

ystyr “y swyddogaethau rheoliadol” (“the regulatory functions”) yw'r swyddogaethau sy'n cael eu neilltuo gan y Rheoliadau hyn i swyddogion awdurdodedig, milfeddygon swyddogol, archwilwyr pysgod swyddogol a chynorthwywyr sy'n cael eu penodi yn unol â rheoliad 6;

mae i “tiriogaeth dollau'r Gymuned” yr ystyr sydd i “the customs territory of the Community” yn Erthygl 3 o'r Cod Tollau;

ystyr “y tiriogaethau perthnasol” (“the relevant territories”) yw ardal sy'n ffurfio tiriogaethau'r Aelod-wladwriaethau, fel y'u rhestrir yn Atodiad I i Gyfarwyddeb 97/78/EC, tiriogaeth Gweriniaeth Gwlad yr Iâ a thiriogaeth Teyrnas Norwy (ac eithrio Svalbard), Tywysogaeth Andorra a Gweriniaeth San Marino;

ystyr “tramwy” (“transit”) yw tramwy o un drydedd wlad i un arall, gan fynd drwy un neu ragor o Aelod-wladwriaethau, o dan y weithdrefn dramwy allanol y cyfeirir ati yn Erthyglau 91 i 97 o'r Cod Tollau;

ystyr “trydedd wlad” (“third country”) yw gwlad nad yw'n un o'r tiriogaethau perthnasol;

mae i “warws rydd” yr ystyr sydd i “free warehouse” ac mae i “parth rhydd” yr ystyr sydd i “free zone” yn Nheitl IV, Pennod 3, Adran 1 o'r Cod Tollau;

ystyr “warws storio drosiannol” (“intermediate storage warehouse”) yw cyfleusterau storio oer a gymeradwywyd ar gyfer storio cynhyrchion yn drosiannol fel y cyfeirir atynt ym Mhennod 10 o Atodiad I i Gyfarwyddeb 92/118/EEC; ac

ystyr “warws y tollau” (“customs warehouse”) yw warws sy'n bodloni amodau Erthyglau 98 i 113 o'r Cod Tollau, a lle y mae nwyddau yn cael eu storio yn ddarostyngedig i'r weithdrefn y cyfeirir ati yn yr Erthyglau hynny ynglyn â chadw mewn warysau'r tollau;

(2) Mae cynhyrchion sy'n cael eu cyflwyno i Gymru o Weriniaeth Gwlad yr Iâ, ac eithrio cynhyrchion pysgodfeydd, i'w hystyried at ddibenion y Rheoliadau hyn fel rhai sy'n cael eu cyflwyno o drydedd wlad.

(3) Mae unrhyw gyfeiriad yn y Rheoliadau hyn at offeryn Cymunedol yn gyfeiriad at yr offeryn hwnnw fel y'i diwygiwyd ar y dyddiad y cafodd y Rheoliadau hyn eu gwneud.

Esemptiadau

3.—( 1) Nid yw'r Rheoliadau hyn yn gymwys i gynhyrchion fel samplau masnachu i'w harddangos, neu samplau masnachu ar gyfer astudiaethau neu ddadansoddiadau penodol, sy'n cael eu cyflwyno i Gymru o drydedd wlad gydag awdurdodiad ymlaen llaw gan Gynulliad Cenedlaethol Cymru.

(2) Rhaid i awdurdodiad Cynulliad Cenedlaethol Cymru fod yn ysgrifenedig, caniateir ei wneud yn ddarostyngedig i amodau, a'i ddiwygio, ei atal neu ei ddirymu yn ysgrifenedig ar unrhyw adeg.

(3) Nid yw Rhan 3, ac eithrio rheoliad 25, a Rhannau 4 i 10 yn gymwys i'r canlynol——

(a) llaeth powdr babanod, bwyd babanod, neu fwydydd arbennig y mae eu hangen am resymau meddygol ac sy'n cynnwys cig, cynhyrchion cig, llaeth, neu gynhyrchion llaeth o drydedd wlad—

(i) os ydynt ym magiau personol teithiwr a'i fod ef ei hun yn bwriadu eu bwyta, eu hyfed neu eu defnyddio;

(ii) os nad oes mwy ohonynt nag y gellid yn rhesymol eu bwyta neu eu hyfed gan unigolyn;

(iii) os nad oes angen eu cadw mewn oergell cyn eu hagor;

(iv) os ydynt yn gynhyrchion brand patent sydd wedi'u pecynnu i'w gwerthu'n uniongyrchol i'r defnyddiwr olaf; a

(v) os yw'r deunydd y maent wedi'u pacio ynddo yn gyfan, oni bai eu bod yn cael eu defnyddio ar y pryd;

(b) cig, cynhyrchion cig, llaeth neu gynhyrchion llaeth o Ynysoedd Ffaröe, Kalaallit Nunaat (Greenland), Gweriniaeth Gwlad yr Iâ, Liechtenstein, neu'r Swistir—

(i) os ydynt ym magiau personol teithiwr, neu os cânt eu hanfon drwy'r post neu eu cludo gan gludydd (ac eithrio fel rhan o'r broses fasnachu neu fel sampl masnachu) a'u bod wedi'u cyfeirio at unigolyn preifat yng Nghymru;

(ii) os yw'r teithiwr ei hun neu, yn ôl y digwydd, y sawl y cyfeirir hwy ato, yn bwriadu eu bwyta neu eu hyfed; ac

(iii) os nad yw cyfanswm eu pwysau ym magiau personol unrhyw deithiwr neu mewn unrhyw lwyth a anfonir drwy'r post neu a gludir gan gludydd at unigolyn preifat yn fwy na 5 cilogram; neu

(c) os yw'r cynhyrchion ym magiau personol teithiwr a bod ef neu hi ei hun yn bwriadu eu bwyta neu eu hyfed, neu os ydynt yn cael eu hanfon drwy'r post neu eu cludo gan gludydd (ac eithrio fel rhan o broses fasnachu neu fel sampl masnachu) a'u bod wedi eu cyfeirio at unigolyn preifat yng Nghymru, a'i fod ef ei hun yn bwriadu eu bwyta neu eu hyfed, ac—

(i) os nad cig, cynhyrchion cig, llaeth neu gynhyrchion llaeth ydynt;

(ii) os nad ydynt yn pwyso mwy nag un cilogram;

(iii) os ydynt yn dod o drydedd wlad neu o ran o drydedd wlad y caniateir eu mewnforio oddi yno yn unol â rhestr a lunnir gan offeryn yn Atodlen 1; ac

(iv) os nad ydynt yn dod o drydedd wlad neu o ran o drydedd wlad y gwaherddir eu mewnforio oddi yno gan unrhyw offeryn yn Atodlen 1.

(4) Yn y rheoliad hwn ystyr “cig” (“meat”), “cynhyrchion cig” (“meat products”), “llaeth” (“milk”) a “cynhyrchion llaeth” (“milk products”) yw cynhyrchion o'r mathau hynny a restrir yn adrannau 01 — 04 o dan y pennawd 1.2, Teitl I yn yr Atodiad i Benderfyniad y Comisiwn 2002/349/EC.

RHAN 2 Gorfodi

Awdurdodau gorfodi a chyfnewid gwybodaeth

4.—( 1) Rhaid i'r Rheoliadau hyn gael eu gweithredu a'u gorfodi—

(a) gan Gynulliad Cenedlaethol Cymru mewn safle arolygu ar y ffin sydd wedi'i ddynodi a'i gymeradwyo ar gyfer gwiriadau milfeddygol ar gynhyrchion y cyfeirir atynt yn Rheoliad (EC) Rhif 1774/2002 yn unig;

(b) gan yr Asiantaeth—

(i) mewn mangre y mae'n ofynnol iddi gael ei thrwyddedu o dan Reoliadau Cig Ffres (Hylendid ac Archwilio) 1995(15), Rheoliadau Cig Dofednod, Cig Adar Hela a Ffermir a Chig Cwningod (Hylendid ac Archwilio) 1995(16), neu Reoliadau Cig Anifeiliaid Hela Gwyllt (Hylendid ac Archwilio) 1995(17); a

(ii) mangre gyfun fel y diffinnir “combined premises” yn Rheoliadau Cynhyrchion Cig (Hylendid) 1994(18), neu Reoliadau Briwgig a Pharatoadau Cig (Hylendid 1995(19); ac

(c) yn ddarostyngedig i reoliad 16, gan bob awdurdod lleol o fewn ei ardal, gan gynnwys mewn unrhyw safle arolygu ar y ffin, ac eithrio mewn safle arolygu ar y ffin y cyfeirir ato yn is-baragraff (a) ac mewn mangreoedd y cyfeirir atynt yn is-baragraff (b).

(2) At ddibenion gweithredu neu orfodi'r Rheoliadau hyn, caiff Cynulliad Cenedlaethol Cymru, y Comisiynwyr, unrhyw awdurdod lleol a'r Asiantaeth gyfnewid ymhlith ei gilydd unrhyw wybodaeth y maent wedi ei chael wrth weithredu neu orfodi'r Rheoliadau hyn.

(3) Caiff Cynulliad Cenedlaethol Cymru, y Comisiynwyr, unrhyw awdurdod lleol a'r Asiantaeth rannu gydag awdurdodau gorfodi yn Lloegr, Gogledd Iwerddon a'r Alban wybodaeth y maent wedi ei chael wrth iddynt weithredu neu orfodi'r Rheoliadau hyn, a hynny at ddibenion gorfodi'r ddeddfwriaeth ar gyflwyno cynhyrchion sy'n dod o anifeiliaid ac a ddaw o drydydd gwledydd i Loegr, Gogledd Iwerddon a'r Alban yn y drefn honno.

(4) Nid yw paragraffau (2) a (3) yn rhagfarnu yn erbyn unrhyw bŵer arall sydd gan Gynulliad Cenedlaethol Cymru, y Comisiynwyr, unrhyw awdurdod lleol a'r Asiantaeth i ddatgelu gwybodaeth.

Gorfodi gan swyddog awdurdodedig neu'r Asiantaeth yn lle awdurdod lleol

5.—( 1) Os yw Cynulliad Cenedlaethol Cymru o'r farn bod awdurdod lleol yn methu neu wedi methu gweithredu neu orfodi'r Rheoliadau hyn yn gyffredinol, neu mewn unrhyw ddosbarth ar achosion, neu mewn achos unigol, caiff roi pŵer i swyddog awdurdodedig neu i'r Asiantaeth i'w gweithredu neu i'w gorfodi yn lle'r awdurdod lleol hwnnw.

(2) Caiff Cynulliad Cenedlaethol Cymru neu'r Asiantaeth adennill oddi wrth yr awdurdod lleol dan sylw unrhyw dreuliau a dynnwyd ganddo neu ganddi o dan baragraff (1).

Penodi milfeddygon swyddogol ac archwilwyr pysgod swyddogol

6.—( 1) Rhaid i Gynulliad Cenedlaethol Cymru benodi—

(a) milfeddyg swyddogol i gyflawni'r swyddogaethau rheoliadol wrth unrhyw safle arolygu ar y ffin sydd wedi'i ddynodi a'i gymeradwyo ar gyfer gwiriadau milfeddygol yn unig ar gynhyrchion y cyfeirir atynt yn Rheoliad (EC) Rhif 1774/2002; a

(b) ar gyfer pob milfeddyg swyddogol a benodwyd yn unol ag is-baragraff (a), y cynorthwywyr hynny sydd wedi'u hyfforddi'n briodol ac sy'n angenrheidiol ar gyfer cyflawni'r swyddogaethau rheoliadol yn briodol ac yn ddi-oed.

(2) Rhaid i awdurdod lleol benodi—

(a) milfeddyg swyddogol i gyflawni'r swyddogaethau rheoliadol wrth bob safle arolygu ar y ffin yn ei ardal, ac eithrio safle arolygu ar y ffin y cyfeiriwyd ato yn is-baragraff (1)(a);

(b) archwilydd pysgod swyddogol i gyflawni'r swyddogaethau rheoliadol o ran cynhyrchion pysgodfeydd wrth bob safle arolygu ar y ffin yn ei ardal, ac eithrio safle arolygu ar y ffin y cyfeiriwyd ato yn is-baragraff (1)(a); ac

(c) ar gyfer pob milfeddyg swyddogol a benodwyd yn unol ag is-baragraff (2)(a), a phob archwilydd pysgod swyddogol a benodwyd yn unol ag is-baragraff (2)(b), y cynorthwywyr hynny sydd wedi'u hyfforddi'n briodol ac sy'n angenrheidiol i gyflawni'r swyddogaethau rheoliadol yn briodol ac yn ddi-oed.

Arfer pwerau gorfodi

7.—( 1) Caiff milfeddyg swyddogol, archwilydd pysgod swyddogol neu swyddog awdurdodedig, ar bob adeg resymol, ac o gyflwyno unrhyw ddogfen a ddilyswyd yn briodol ac sy'n dangos ei awdurdod, os gofynnir amdani, arfer y pwerau a roddir gan reoliadau 8 ac 9 at ddibenion—

(a) gweithredu neu orfodi'r Rheoliadau hyn;

(b) gweithredu neu orfodi unrhyw ddatganiad a wnaed gan Gynulliad Cenedlaethol Cymru neu'r Asiantaeth yn unol â rheoliad 59;

(c) canfod a gydymffurfir neu a gydymffurfiwyd â'r Rheoliadau hyn; neu

(ch) gwirio beth yw unrhyw gynnyrch, beth yw ei darddiad neu ei gyrchfan.

(2) Yn achos milfeddyg swyddogol, archwilydd pysgod swyddogol neu swyddog awdurdodedig a gafodd ei benodi neu ei awdurdodi gan awdurdod lleol, rhaid i'r pwerau a roddir gan reoliadau 8 a 9 gael eu harfer—

(a) o fewn ardal yr awdurdod lleol hwnnw, a

(b) y tu allan i ardal yr awdurdod lleol hwnnw er mwyn canfod a gydymffurfir neu a gydymffurfiwyd â'r rheoliadau hyn o fewn yr ardal honno.

Pwerau mynediad a phwerau archwilio

8.—( 1) Caiff milfeddyg swyddogol, archwilydd pysgod swyddogol neu swyddog awdurdodedig——

(a) mynd ar unrhyw safle arolygu ar y ffin neu ar unrhyw dir neu i mewn i fangre arall (ac eithrio ar dir sy'n cael ei ddefnyddio fel anhedd-dŷ yn unig) a'u harchwilio ac archwilio unrhyw beth sydd ynddynt neu arnynt;

(b) agor unrhyw fwndel, pecyn, blwch pacio, neu eitem o blith bagiau personol, neu ei gwneud yn ofynnol i unrhyw berson, sy'n meddu ar unrhyw un o'r uchod neu sy'n mynd gyda hwy, eu hagor;

(c) archwilio cynnwys unrhyw fwndel, pecyn, blwch pacio, neu eitem o blith bagiau personol a agorwyd yn unol ag is-baragraff (b);

(ch) archwilio unrhyw gynnyrch, gan gynnwys ei ddeunydd pacio, ei seliau, ei farciau, ei ddeunydd labelu a'i gyflwyniad, ac unrhyw beiriant neu gyfarpar sy'n cael eu defnyddio ar gyfer unrhyw gynnyrch neu mewn cysylltiad ag ef; ac

(d) cymryd samplau o unrhyw gynnyrch.

(2) Os bydd milfeddyg swyddogol, arolygydd pysgod swyddogol neu swyddog awdurdodedig yn cymryd sampl o gynnyrch ac eithrio yng nghwrs gwiriad corfforol a wneir yn unol â rheoliad 19(1), caiff ef neu hi gyflwyno i'r person sydd, yn ei farn ef, â gofal dros y llwyth sy'n cynnwys y cynnyrch, hysbysiad ysgrifenedig yn ei gwneud yn ofynnol i'r llwyth neu ran ohono gael ei storio nes bydd ef neu hi yn cyflwyno hysbysiad ysgrifenedig arall yn ei gwneud yn ofynnol i'r llwyth neu ran ohono gael ei symud, o dan oruchwyliaeth y milfeddyg swyddogol, yr arolygydd pysgod swyddogol neu'r swyddog awdurdodedig, yn ôl y digwydd, a hynny yn y fan ac o dan yr amodau a gyfarwyddir gan y milfeddyg swyddogol yn yr hysbysiad; a chaiff costau storio o'r fath eu talu gan y person sy'n gyfrifol am y llwyth.

(3) Caiff milfeddyg swyddogol, arolygydd pysgod swyddogol neu swyddog awdurdodedig sy'n mynd ar unrhyw dir neu i mewn i fangre yn unol ag is-baragraff (1)(a) fynd â'r canlynol gydag ef—

(a) personau eraill sy'n gweithredu o dan ei gyfarwyddyd;

(b) un neu ragor o gynrychiolwyr y Comisiwn Ewropeaidd; ac

(c) un neu ragor o gynrychiolwyr awdurdodau trydedd wlad, sydd wedi'u penodi ac sy'n gweithredu yn unol â'r darpariaethau yn un o'r penderfyniadau cyfwerthedd a restrir yn Atodlen 2.

Pwerau ynglyn â dogfennau

9.   Caiff milfeddyg swyddogol, arolygydd pysgod swyddogol neu swyddog awdurdodedig—

(a) ei gwneud yn ofynnol i unrhyw berson sydd, yn ei farn ef neu ei barn hi, â gofal dros gynnyrch, unrhyw berson sy'n gyfrifol am gynnyrch ac unrhyw swyddog corfforaethol, cyflogai, gwas neu asiant unrhyw bersonau o'r fath, ddangos unrhyw ddogfen berthnasol sydd yn eu meddiant neu o dan eu rheolaeth ac sy'n ymwneud â'r cynnyrch, a rhoi unrhyw wybodaeth ychwanegol sydd ganddynt yn eu meddiant neu o dan eu rheolaeth ac sy'n ymwneud â'r cynnyrch, a'r rheini'n ddogfen ac yn wybodaeth y mae'n rhesymol i'r milfeddyg swyddogol, yr arolygydd pysgod swyddogol neu'r swyddog awdurdodedig ofyn amdanynt;

(b) archwilio unrhyw ddogfen berthnasol sy'n ymwneud â chynnyrch ac, os yw'n cael ei chadw trwy gyfrwng cyfrifiadur, caiff fynd at unrhyw gyfrifiadur ac aparatws neu ddeunydd cysylltiedig a ddefnyddir neu a ddefnyddiwyd mewn cysylltiad â'r ddogfen berthnasol honno, a'u harchwilio a gwirio eu gweithrediad;

(c) gwneud unrhyw gopïau y gwêl ef neu hi yn dda o unrhyw ddogfen berthnasol sy'n ymwneud â chynnyrch a dal eu gafael ar y copïau hynny; ac

(ch) atafaelu unrhyw ddogfen berthnasol ynglŷn â chynnyrch y mae gan y milfeddyg swyddogol, yr arolygydd pysgod swyddogol neu'r swyddog awdurdodedig le i gredu y gallai fod ei hangen yn dystiolaeth mewn achos o dan y Rheoliadau hyn a dal eu gafael arni, a phan fo unrhyw ddogfen berthnasol yn cael ei chadw drwy gyfrwng cyfrifiadur, ei gwneud yn ofynnol iddi gael ei dangos ar ffurf y gellir mynd â hi oddi yno arni.

Amddiffyn swyddogion sy'n gweithredu'n ddidwyll

10.—( 1) Ni fydd unrhyw swyddog awdurdodedig, milfeddyg swyddogol, arolygydd pysgod swyddogol, neu gynorthwyydd a benodwyd yn unol â rheoliad 6 yn atebol yn bersonol mewn perthynas ag unrhyw weithred y bu iddynt ei gwneud wrth gyflawni'r swyddogaethau rheoliadol o fewn cwmpas eu cyflogaeth, neu wrth honni eu cyflawni, os oeddent yn credu'n onest, pan fu iddynt gyflawni'r weithred honno, fod eu dyletswydd o dan y Rheoliadau hyn yn ei gwneud yn ofynnol neu'n rhoi'r hawl iddynt wneud hynny.

(2) Ni fydd paragraff (1) yn rhyddhau Cynulliad Cenedlaethol Cymru, awdurdod lleol na'r Asiantaeth rhag unrhyw atebolrwydd mewn perthynas â'u gweithredoedd neu weithredoedd eu swyddogion.

Gwarantau mynediad

11.   Os yw ynad heddwch wedi'i fodloni, ar ôl cael gwybodaeth ysgrifenedig ar lw, fod sail resymol i filfeddyg swyddogol, archwilydd pysgod swyddogol neu swyddog awdurdodedig fynd ar unrhyw dir neu i mewn i unrhyw fangre yn unol â rheoliad 8 a hynny at unrhyw un o'r dibenion a bennir yn rheoliad 7 a naill ai—

(a) bod mynediad wedi'i wrthod, neu ei bod yn rhesymol disgwyl iddo gael ei wrthod, a bod y milfeddyg swyddogol, yr arolygydd pysgod swyddogol neu'r swyddog awdurdodedig wedi hysbysu'r meddiannydd o'i fwriad i wneud cais am warant mynediad; neu

(b) y byddai cais am fynediad, neu y byddai rhoi hysbysiad o'r fath, yn mynd yn groes i ddiben y mynediad, neu fod angen mynediad ar frys, neu fod y tir heb ei feddiannu neu'r fangre heb ei meddiannu, neu fod y meddiannydd yn absennol dros dro, ac y byddai aros iddo ddychwelyd yn mynd yn groes i ddiben y mynediad,

caiff yr ynad drwy warant a lofnodwyd gan yr ynad, a honno'n warant sy'n ddilys am fis, awdurdodi'r milfeddyg swyddogol, yr arolygydd pysgod swyddogol neu'r swyddog awdurdodedig i fynd ar y tir neu i mewn i'r fangre, gan ddefnyddio grym rhesymol pe byddai angen.

Atebion awdurdodau lleol

12.—( 1) Ar gyfer pob safle arolygu ar y ffin yn ei ardal, rhaid i awdurdod lleol gyflwyno i Gynulliad Cenedlaethol Cymru ateb sy'n cynnwys—

(a) cyfanswm y llwythi a wiriwyd, a'r rheini wedi'u dosbarthu yn ôl grwpiau o gynhyrchion ac yn ôl y wlad y maent yn tarddu ohoni;

(b) rhestr o'r llwythi y cymerwyd samplau ohonynt a chanlyniadau unrhyw brawf ar bob sampl neu ddadansoddiad o bob sampl; ac

(c) rhestr o lwythi y mae'n ofynnol eu hanfon ymlaen neu eu gwaredu yn unol â rheoliad 21 gan y milfeddyg swyddogol neu'r archwilydd pysgod swyddogol, a hynny, ym mhob achos, ynghyd â'r wlad y maent yn tarddu ohoni, y sefydliad y maent yn tarddu ohono (os yw'n hysbys), disgrifiad o'r cynnyrch o dan sylw a'r rheswm dros ei wrthod.

(2) Cynulliad Cenedlaethol Cymru gaiff benderfynu pa mor aml y mae'r atebion y cyfeirir atynt ym mharagraff 12 i gael eu cyflwyno a pha gyfnod o amser y maent i ymdrin ag ef.

Atal safleoedd arolygu ar y ffin rhag gweithredu

13.—( 1) Os yw Cynulliad Cenedlaethol Cymru wedi'i fodloni—

(a) y byddai parhau i weithredu safle arolygu ar y ffin yn peri risg difrifol i iechyd y cyhoedd neu i iechyd anifeiliaid; neu

(b) bod toriad difrifol wedi bod, wrth safle arolygu ar y ffin, o'r gofynion ar gyfer cymeradwyo safleoedd arolygu ar y ffin sydd wedi'u gosod yn Atodiad II i Gyfarwyddeb 97/78/EC neu ym Mhenderfyniad y Comisiwn 2001/812/EC (sy'n gosod gofynion ar gyfer cymeradwyo safleoedd arolygu ar y ffin sy'n gyfrifol am wiriadau milfeddygol ar gynhyrchion sy'n cael eu cyflwyno i'r Gymuned o drydydd gwledydd)(20),

caiff gyflwyno i weithredydd y safle arolygu ar y ffin o dan sylw hysbysiad ysgrifenedig yn datgan bod y gymeradwyaeth o'r fangre fel safle arolygu ar y ffin yn unol ag Erthygl 6(2) neu 6(4) o Gyfarwyddeb 97/78/EC wedi'i hatal.

(2) Ar ôl cyflwyno hysbysiad yn unol â pharagraff (1), rhaid i'r fangre bellach beidio â bod yn safle arolygu ar y ffin, er gwaethaf y ffaith y gall ymddangos o hyd ar y rhestr o safleoedd arolygu ar y ffin sydd wedi'i chynnwys yn yr Atodiad i Benderfyniad y Comisiwn 2001/881/EC, nes iddi gael ei chymeradwyo unwaith eto fel safle arolygu ar y ffin yn unol ag Erthygl 6(2)(a) o Gyfarwyddeb 97/78/EC.

Swyddogaethau rheoliadol archwilwyr pysgod swyddogol

14.   Yn Rhannau 3 i 9, a Rhan 13, pan fydd cynnyrch pysgodfeydd o dan sylw, rhaid dehongli'r ymadrodd “milfeddyg swyddogol” fel archwilydd pysgod swyddogol fel y'i diffiniwyd yn rheoliad 2.

RHAN 3 Darpariaethau sy'n Gymwys i Gynhyrchion yn Gyffredinol

Gwahardd cynhyrchion nad ydynt yn cydymffurfio

15.   Heb ragfarnu yn erbyn rheoliad 22 o Reoliadau Cynhyrchion Llaeth (Hylendid) 1995(21), ni chaiff neb gyflwyno cynnyrch nad yw'n cydymffurfio i mewn i Gymru o drydedd wlad, na chynnyrch nad yw'n cydymffurfio sy'n tarddu o drydedd wlad i mewn i Gymru o fan arall yn y tiriogaethau perthnasol—

(a) onid yw'n gynnyrch tramwy, neu

(b) onid yw ei sefydliad gyrchfan yn warws mewn parth rhydd, yn warws rydd neu'n warws y tollau sydd wedi'i chymeradwyo yn unol ag Erthygl 12(4)(b) o Gyfarwyddeb 97/78/EC, neu'n storfa longau sy'n cydymffurfio ag Erthygl 13 o Gyfarwyddeb 97/78/EC, a leolwyd (ym mhob achos) y tu allan i'r Deyrnas Unedig.

Gwahardd cyflwyno cynhyrchion ac eithrio wrth safleoedd arolygu ar y ffin

16.—( 1) Ni chaniateir cyflwyno unrhyw gynnyrch i Gymru o drydedd wlad ac eithrio wrth safle arolygu ar y ffin a ddynodwyd ac a gymeradwywyd ar gyfer gwiriadau milfeddygol ar y cynnyrch hwnnw.

(2) Ni chaniateir cyflwyno i Gymru unrhyw gynnyrch Erthygl 9, y mae'r safle arolygu ar y ffin ar gyfer ei gyflwyno wedi'i leoli y tu allan i'r Deyrnas Unedig, ac y mae'r safle arolygu ar y ffin ar gyfer ei gyrchfan wedi'i leoli yng Nghymru, ac eithrio wrth safle arolygu ar y ffin a ddynodwyd ac a gymeradwywyd ar gyfer gwiriadau milfeddygol ar y cynnyrch hwnnw.

(3) Bydd y rheoliad hwn yn cael ei orfodi—

(a) wrth bwyntiau mynediad gan y Comisiynwyr;

(b) mewn mangreoedd y cyfeiriwyd atynt yn rheoliad 4(1)(b) gan yr Asiantaeth; ac

(c) mewn unrhyw fan arall gan yr awdurdod lleol.

(4) Mewn achosion lle y mae swyddog awdurdod lleol, wrth arfer unrhyw swyddogaeth statudol, yn darganfod, wrth bwynt mynediad, lwyth neu gynnyrch y mae'r swyddog o'r farn y gallai fod wedi'i gyflwyno yn groes i'r rheoliad hwn, rhaid i'r swyddog hysbysu swyddog tollau a dal ei afael ar y llwyth neu'r cynnyrch nes bod swyddog tollau yn ei gymryd dan ei ofal.

(5) At ddibenion cymhwyso Deddf Rheoli Tollau Tramor a Chartref 1979(22) i gynhyrchion sy'n cael eu cyflwyno yn groes i'r rheoliad hwn, amser eu mewnforio fydd yr amser cyflwyno yn unol ag adran 5 o'r Ddeddf honno.

Hysbysu ymlaen llaw ynglyn â chyflwyno neu roi cynhyrchion gerbron

17.—( 1) Ni chaiff unrhyw berson—

(a) cyflwyno cynnyrch i Gymru o drydedd wlad, neu

(b) cyflwyno i Gymru gynnyrch Erthygl 9 y mae'r safle arolygu ar y ffin ar gyfer ei gyrchfan wedi'i leoli yng Nghymru,

oni bai bod hysbysiad o'i gyflwyno wedi'i roi yn unol â'r rheoliad hwn i'r milfeddyg swyddogol wrth safle arolygu ar y ffin a ddynodwyd ac a gymeradwywyd ar gyfer gwiriadau milfeddygol ar y cynnyrch hwnnw a bod copi ohono wedi'i anfon i swyddfa'r Comisiynwyr sy'n gyfrifol am yr ardal y mae'r safle arolygu hwnnw ar y ffin wedi'i leoli ynddi.

(2) Pan fydd y safle arolygu ar y ffin ar gyfer cyflwyno cynnyrch Erthygl 9 a'r safle arolygu ar y ffin ar gyfer cyrchfan cynnyrch Erthygl 9 ill dau yng Nghymru, ni chaiff neb roi'r cynnyrch gerbron mewn safle arolygu ar y ffin oni bai bod hysbysiad o'i roi gerbron wedi'i roi yn unol â'r rheoliad hwn i'r milfeddyg swyddogol wrth safle arolygu ar y ffin ar gyfer cyrchfan a ddynodwyd ac a gymeradwywyd ar gyfer gwiriadau milfeddygol ar y cynnyrch hwnnw a bod copi o'r hysbysiad hwnnw wedi'i anfon i swyddfa'r Comisiynwyr sy'n gyfrifol am yr ardal y mae'r safle arolygu hwnnw ar y ffin wedi'i leoli ynddi.

(3) Rhaid i'r hysbysiad y cyfeiriwyd ato ym mharagraffau (1) a (2)

(a) bod ar y ffurf a geir yn Rhan 1 o'r ddogfen fynediad filfeddygol gyffredin;

(b) cael ei gyflenwi ar ffurf electronig;

(c) bod yn Gymraeg neu yn Saesneg a hefyd yn un o ieithoedd swyddogol y gyrchwlad yn y tiriogaethau perthnasol y cyfeirir atynt yn yr hysbysiad, os gwlad wahanol i'r Deyrnas Unedig yw'r gyrchwlad;

(ch) cyrraedd y safle arolygu ar y ffin—

(i) o leiaf chwe awr gwaith, yn achos cynnyrch sy'n dod i mewn i'r wlad ar awyren, a

(ii) o leiaf un diwrnod gwaith, mewn unrhyw achos arall,

cyn bod y cynnyrch yn cael ei roi i'r milfeddyg swyddogol wrth y safle arolygu ar y ffin yn unol â rheoliad 18; ac

(d) yn achos hybsysiad a roddwyd i safle arolygu ar y ffin ar gyfer y gyrchfan, pennu pa wiriadau sydd wedi'u gwneud wrth y safle arolygu ar y ffin ar gyfer cyflwyno.

(4) Ym mharagraff (3) ystyr “oriau gwaith” (“working hours”) a “diwrnod gwaith” (“working day”) yw oriau a diwrnod pan fydd y safle arolygu ar y ffin ar agor ar gyfer rhoi cynhyrchion i'r milfeddyg swyddogol yn unol â rheoliad 18.

Rhoi cynhyrchion gerbron mewn safleoedd arolygu ar y ffin

18.—( 1) Rhaid i unrhyw berson sy'n gyfrifol am gynnyrch sy'n cael ei gyflwyno i Gymru o drydedd wlad, neu am gynnyrch Erthygl 9 y mae'r safle arolygu ar y ffin ar gyfer ei gyrchfan wedi'i leoli yng Nghymru ac sy'n cael ei gyflwyno i Gymru, roi'r cynnyrch a'r dogfennau gofynnol, yn ddi-oed, i'r milfeddyg swyddogol yng nghyfleuster archwilio'r safle arolygu ar y ffin y rhoddwyd iddo hysbysiad o gyflwyno neu roi'r cynnyrch gerbron yn y man hwnnw yn unol â rheoliad 17, neu sicrhau bod y rheini'n cael eu rhoi iddo.

(6) Pan fydd safle arolygu ar y ffin ar gyfer cyflwyno cynnyrch Erthygl 9 wedi'i leoli yn y Deyrnas Unedig a'r safle arolygu ar y ffin ar gyfer ei gyrchfan wedi'i leoli yng Nghymru, rhaid i unrhyw berson sy'n gyfrifol am y cynnyrch ar ôl ei symud o'r safle arolygu ar y ffin ar gyfer ei gyflwyno roi'r cynnyrch a'r dogfennau gofynnol, yn ddi-oed, i'r milfeddyg swyddogol yng nghyfleuster archwilio'r safle arolygu ar y ffin ar gyfer y gyrchfan y rhoddwyd hysbysiad o roi'r cynnyrch iddo yn unol â rheoliad17, neu sicrhau bod y rheini'n cael eu rhoi iddo.

(7) Rhaid i berson sy'n rhoi cynnyrch gerbron, ac eithrio cynnyrch tramwy neu gynnyrch y mae Rhan 8 yn gymwys iddo, yn unol â pharagraff (1) neu (2), roi'r dogfennau gofynnol sy'n ymwneud ag ef ac sydd wedi'u llunio yn Gymraeg neu yn Saesneg.

(8) Rhaid i berson sydd, yn unol â pharagraff (1) neu (2), yn rhoi gerbron gynnyrch tramwy neu gynnyrch y mae Rhan 8 yn gymwys iddo ynghyd â dogfen ofynnol mewn iaith heblaw Cymraeg neu Saesneg, roi ar yr un pryd gyfieithiad i'r Gymraeg neu i'r Saesneg o'r ddogfen ofynnol, a rhaid i'r cyfieithiad hwnnw fod yn un y mae arbenigwr â chymhwyster priodol wedi cadarnhau ei fod yn gyfieithiad cywir.

Gwiriadau milfeddygol

19.—( 1) Yn ddarostyngedig, yn achos cynhyrchion a drawslwythwyd, i reoliad 38, rhaid i unrhyw berson y mae'n ofynnol iddo yn rhinwedd rheoliad 18 gyflwyno cynnyrch a'i ddogfennau gofynnol, neu sicrhau eu bod yn cael eu cyflwyno i filfeddyg swyddogol, ganiatáu i'r milfeddyg swyddogol, neu gynorthwyydd a benodwyd yn unol â rheoliad 6(1)(b) neu 6(2)(c), gyflawni ar y cynnyrch neu ar y dogfennau gofynnol, yn ôl y digwydd—

(a) gwiriad dogfennol,

(b) gwiriad adnabod, ac

(c) yn ddarostyngedig i reoliadau 41, 46 a 50, gwiriad ffisegol,

a rhaid iddo roi i'r milfeddyg swyddogol neu i'r cynorthwyydd unrhyw gymorth y mae'n rhesymol iddynt ofyn amdano i'w galluogi i gyflawni unrhyw un o'r gwiriadau hynny.

(2) Pan fydd sampl o gynnyrch yn cael ei gymryd wrth gynnal gwiriad ffisegol, ni chaiff neb symud y cynnyrch neu beri iddo gael ei symud o'r safle arolygu ar y ffin lle y cafodd ei gyflwyno nes bod y milfeddyg swyddogol wedi awdurdodi ei symud drwy ddyroddi Rhan 2 o'r ddogfen fynediad filfeddygol gyffredin ar gyfer y cynnyrch neu ar gyfer y llwyth neu'r rhanlwyth sy'n cynnwys y cynnyrch.

(3) Hyd oni symudir y cynnyrch yn unol â pharagraff (2) rhaid i'r person sy'n gyfrifol am y llwyth sy'n cynnwys y cynnyrch ei storio o dan oruchwyliaeth y milfeddyg swyddogol yn y man ac o dan yr amodau a gyfarwyddir gan y milfeddyg swyddogol a thalu costau ei storio felly.

Dogfen fynediad filfeddygol gyffredin i fynd gyda llwyth

20.—( 1) Rhaid i'r person sy'n gyfrifol am lwyth neu ranlwyth y mae Rhan 2 o'r ddogfen fynediad filfeddygol gyffredin wedi'i dyroddi mewn perthynas ag ef, ac unrhyw gludydd sydd â gofal drosto am y tro, sicrhau bod y ddogfen fynediad filfeddygol gyffredin yn mynd gyda'r llwyth neu'r rhanlwyth—

(a) yn achos llwyth neu ranlwyth y bwriedir ei fewnforio, ac yn ddarostyngedig i reoliad 37(3), hyd y funud y bydd y llwyth neu'r rhanlwyth, ar ôl ei fewnforio, yn cyrraedd mangre lle y caiff cynhyrchion eu storio, eu prosesu, eu trafod, eu prynu neu eu gwerthu, a

(b) ym mhob achos arall hyd nes na fydd y llwyth neu'r rhanlwyth yn ddarostyngedig i oruchwyliaeth gan awdurdodau'r tollau, o fewn yr ystyr a geir yn Erthygl 4(13) o God y Tollau.

(2) Rhaid i'r person sydd, at ddibenion ei fusnes, yn meddiannu'r fangre y cyfeirir ati yn is-baragraff (1)(a) gymryd meddiant o'r ddogfen fynediad filfeddygol gyffredin y cyfeirir ati ym mharagraff (1) a dal ei afael ynddi ar y fangre am gyfnod o flwyddyn yn cychwyn ar y diwrnod ar ôl i'r ddogfen gyrraedd yno.

Cynhyrchion sy'n methu gwiriadau milfeddygol

21.—( 1) Yn ddarostyngedig i reoliad 22, mae'r rheoliad hwn yn gymwys—

(a) pan fydd y milfeddyg swyddogol, yn dilyn gwiriad milfeddygol wrth safle arolygu ar y ffin, yn penderfynu bod cynnyrch (ac eithrio cynnyrch tramwy sy'n bodloni gofynion Rhan 7 neu gynnyrch y cyfeiriwyd at ei sefydliad gyrchfan yn Rheoliad 15(b)) yn gynnyrch nad yw'n cydymffurfio, neu fod rhyw afreoleidd-dra arall mewn perthynas â'r cynnyrch; a

(b) pan fydd swyddog awdurdodedig yn penderfynu, yn dilyn gwiriad milfeddygol ar gynnyrch sydd wedi'i leoli i ffwrdd o safle arolygu ar y ffin (ac eithrio cynnyrch tramwy sy'n bodloni gofynion Rhan 7 neu gynnyrch y cyfeiriwyd at ei sefydliad gyrchfan yn Rheoliad 15(b)), yn penderfynu bod y cynnyrch yn gynnyrch nad yw'n cydymffurfio.

(2) Os yw is-baragraff (1)(a) yn gymwys, rhaid i'r milfeddyg swyddogol gyflwyno hysbysiad ysgrifenedig i'r person sy'n gyfrifol am y cynnyrch, ac os bydd is-baragraff (1)(b) yn gymwys, rhaid i'r swyddog awdurdodedig gyflwyno hysbysiad ysgrifenedig i'r person sydd yn ei farn ef â gofal dros y cynnyrch, yn ei gwneud yn ofynnol iddo naill ai—

(a) anfon y cynnyrch ymlaen o'r safle arolygu ar y ffin, neu, os bydd is-baragraff (1)(b) yn gymwys, ei anfon ymlaen o safle arolygu ar y ffin, a nodir yn yr hysbysiad, a hynny drwy'r dull cludo a ddefnyddiwyd i'w gyflwyno i Gymru, i gyrchfan y cytunwyd arni gyda'r milfeddyg swyddogol neu'r swyddog awdurdodedig, sydd wedi'i lleoli mewn trydedd wlad, a hynny o fewn cyfnod o drigain o ddiwrnodau yn cychwyn ar y diwrnod ar ôl cyflwyno'r hysbysiad; neu

(b) gwaredu'r cynnyrch yn unol â Rheoliad (EC) Rhif 1774/2002 yn y cyfleusterau a ddarparwyd at y diben hwnnw ac sydd agosaf at y safle arolygu ar y ffin neu, os yw is-baragraff (1)(b) yn gymwys, sydd agosaf at leoliad y cynnyrch.

(3) Rhaid gwaredu'r cynnyrch yn unol ag is-baragraff (2)(b)—

(a) pan fydd ei anfon ymlaen wedi'i ragwahardd ar sail iechyd anifeiliaid neu iechyd y cyhoedd oherwydd canlyniadau gwiriad milfeddgol, neu drwy unrhyw ofyniad o ran iechyd anifeiliaid neu iechyd y cyhoedd sydd wedi'i osod mewn offeryn Cymunedol sydd mewn grym ar y dyddiad y cafodd y Rheoliadau hyn eu gwneud, neu sydd fel arall yn amhosibl; neu

(b) pan fydd y cyfnod o drigain o ddiwrnodau y cyfeiriwyd ato yn is-baragraff (2)(a) wedi mynd heibio; neu

(c) pan fydd y person sy'n gyfrifol am y cynnyrch neu, os yw is-baragraff (1)(b) yn gymwys, perchennog y cynnyrch yn cytuno ar unwaith i'w waredu.

(4) O ran cynnyrch y mae hysbysiad wedi'i gyflwyno mewn perthynas ag ef yn unol â pharagraff 2, rhaid i'r person sy'n gyfrifol amdano, neu, os yw is-baragraff (1)(b) yn gymwys, ei berchennog, sicrhau ei fod yn cael ei storio hyd oni chaiff ei anfon ymlaen neu ei waredu o dan oruchwyliaeth y milfeddyg swyddogol neu'r swyddog awdurdodedig yn y fan neu o dan yr amodau a gyfarwyddir ganddo yn yr hysbysiad.

(5) Ym mharagraff (1)(a) “afreoleidd-dra arall” mewn perthynas â chynnyrch yw—

(a) ei gyflwyno i Gymru o drydedd wlad, neu ei roi gerbron mewn safle arolygu ar y ffin ar gyfer cyrchfan yng Nghymru, heb fod hysbysiad wedi'i roi yn unol â rheoliad 17;

(b) unrhyw wybodaeth ffug neu gamarweiniol sydd wedi'i chynnwys mewn hysbysiad a roddwyd yn unol â rheoliad 17;

(c) unrhyw wybodaeth ffug neu gamarweiniol a roddwyd yn unol â rheoliad 45 neu 49;

(ch) unrhyw gamgymeriad, hepgoriad neu wybodaeth ffug neu gamarweiniol mewn dogfen ofynnol, ac unrhyw anghysondeb rhwng dogfen ofynnol ac—

(i) yr hysbysiad a roddwyd yn unol â rheoliad 17 o gyflwyno neu roi'r cynnyrch gerbron, neu

(ii) y cynnyrch ei hun, neu

(iii) y seliau, y stampiau, y marciau neu'r labeli ar y cynnyrch, ar y llwyth sy'n cynnwys y cynnyrch neu ar y cynhwysydd sy'n dal y cynnyrch neu'r llwyth;

(d) unrhyw ddiffyg yn y cynnyrch sy'n ei wneud yn anffit i'w ddefnyddio at y diben y bwriedir ef ar ei gyfer, yn ôl y dogfennau gofynnol;

(dd) unrhyw ddiffyg yn y seliau, y stampiau, y marciau neu'r labeli y cyfeirir atynt yn is-baragraff (5)(ch)(iii) gan gynnwys, yn achos cynnyrch sydd wedi'i becynnu, unrhyw doriad o'r gofynion labelu sydd wedi'u gosod ar gyfer y cynnyrch hwnnw mewn unrhyw gyfarwyddeb, penderfyniad neu reoliad a restrir yn Atodlen 1;

(e) yn achos cynnyrch y bwriedir ei fewnforio, unrhyw awgrym yn y dogfennau gofynnol nad yw'r cynnyrch yn cydymffurfio â'r amodau mewnforio; ac

(f) yn achos cynnyrch nad yw'n cydymffurfio ac sy'n gynnyrch tramwy, neu gynnyrch y cyfeirir at ei sefydliad gyrchfan yn rheoliad 15(b), unrhyw doriad o'r gofynion a osodir ar gyfer y cynnyrch hwnnw nad yw'n cydymffurfio mewn unrhyw gyfarwyddeb, penderfyniad neu reoliad a restrir yn Atodlen 1.

(6) Caiff unrhyw berson y mae penderfyniad y cyfeirir ato yn is-baragraff (1)(a) neu (1)(b) yn ei dramgwyddo apelio i lys ynadon o fewn un mis i ddyddiad y penderfyniad trwy gyfrwng cwyn am orchymyn a bydd Deddf Llysoedd Ynadon 1980(23) yn gymwys i'r achos.

(7) Tra byddir yn aros am benderfyniad ar apêl yn unol â pharagraff (6) bydd paragraff (4) yn gymwys i ddull storio'r cynnyrch o dan sylw.

Trin cynhyrchion fel sgil-gynhyrchion anifeiliaid

22.—( 1) Os bydd y milfeddyg swyddogol neu'r swyddog awdurdodedig o'r farn nad yw cynnyrch y mae rheoliad 21 yn gymwys iddo yn peri unrhyw risg i iechyd anifail neu iechyd y cyhoedd, caiff awdurdodi defnyddio'r cynnyrch yn unol â rheoliad 26 o Reoliadau Sgil-gynhyrchion Anifeiliaid 2003(24) er gwaethaf paragraffau (2), (3) a (4) o reoliad 21.

(2) Rhaid i'r awdurdodiad fod yn ysgrifenedig, caniateir ei wneud yn ddarostyngedig i amodau, a'i ddiwygio, ei atal neu ei ddirymu drwy hysbysiad ysgrifenedig ar unrhyw bryd.

(3) Caiff yr awdurdodiad bennu p'un o'r defnyddiau yn rheoliad 26 o Reoliadau Sgil-gynhyrchion Anifeiliaid 2003 a ganiateir.

Cynhyrchion sy'n cynnwys sylweddau anawdurdodedig a gweddillion gormodol

23.—( 1) Yn y rheoliad hwn—

(a) ystyr “terfyn gweddillion uchaf” yw terfyn gweddillion uchaf a restrir yn Atodiad I neu Atodiad III i Reoliad y Cyngor (EEC) Rhif 2377/90 (sy'n gosod gweithdrefn Gymunedol ar gyfer sefydlu terfynau gweddillion uchaf cynhyrchion meddyginiaethol milfeddygol mewn bwydydd sy'n dod o anifeiliaid)(25);

(b) mae i “sylwedd anawdurdodedig” yr ystyr sydd i “unauthorised substance or product” yng Nghyfarwyddeb y Cyngor 96/23/EC (ar fesurau i fonitro sylweddau penodol a'u gweddillion mewn anifeiliaid byw a chynhyrchion anifeiliaid a diddymu Cyfarwyddebau 85/358/EEC a 86/469/EEC a Phenderfyniadau 89/187/EEC a 91/664/EEC)(26).

(2) Mae'r rheoliad hwn yn gymwys pan fo gwiriad milfeddygol ar lwyth o sefydliad tarddiad penodol mewn trydedd wlad yn datgelu bod sylwedd anawdurdodedig yn bresennol, neu'n datgelu yr aethpwyd dros y terfyn gweddillion uchaf, ond nad oes unrhyw fesurau Cymunedol wedi'u mabwysiadu eto mewn ymateb i hyn.

(3) dan yr amgylchiadau a ddisgrifir ym mharagraff (2), bydd paragraffau (4), (5), (6) a (7) yn gymwys i'r rheini a gyflwynir i Gymru o blith y deg llwyth nesaf a gyflwynir i'r Deyrnas Unedig o'r sefydliad hwnnw.

(4) Rhaid i'r milfeddyg swyddogol wrth y safle arolygu ar y ffin lle y mae unrhyw lwyth o'r fath yn cael ei gyflwyno, ei gymryd dan ei ofal, drwy gyflwyno hysbysiad ysgrifenedig i'r person sy'n gyfrifol am y llwyth, a gwirio'r gweddillion yn y llwyth drwy gymryd sampl gynyrchioliadol o'r cynhyrchion sy'n ffurfio'r llwyth hwnnw a'i ddadansoddi.

(5) Pan gyflwynir hysbysiad o dan baragraff (4), rhaid i'r person sy'n gyfrifol am y llwyth roi yng ngofal y milfeddyg swyddogol flaendal neu warant sy'n ddigonol i sicrhau bod pob taliad sy'n daladwy yn unol â Rhan 10 am wiriadau milfeddygol a gyflawnwyd ar y llwyth, gan gynnwys cymryd samplau, ac unrhyw brawf neu ddadansoddiad labordy a wnaed ar unrhyw sampl a gymerwyd, yn cael eu talu.

(6) Os bydd unrhyw wiriad milfeddygol a gyflawnwyd ar y llwyth yn datgelu bod sylweddau anawdurdodedig neu eu gweddillion yn bresennol neu'n datgelu yr aethpwyd dros ben y terfyn gweddillion uchaf rhaid i'r milfeddyg swyddogol—

(a) rhoi awgrym clir o'r rhesymau dros ei wrthod drwy arnodi'r dogfennau gofynnol sy'n ymwneud â'r llwyth; ac

(b) anfon ymlaen lwyth neu ranlwyth y mae'r milfeddyg swyddogol yn barnu bod presenoldeb sylweddau anawdurdodedig neu eu gweddillion neu weddillion gormodol yn effeithio arno, ynghyd â'r dogfennau gofynnol, i'r drydedd wlad y mae'n tarddu ohoni.

(7) Rhaid i gostau anfon ymlaen a chludo'r llwyth neu'r rhanlwyth i'r drydedd wlad y mae'n tarddu ohoni gael eu talu gan yr anfonydd y mae ei enw yn ymddangos ar yr hysbysiad o gyflwyno'r llwyth a roddwyd yn unol â rheoliad 17.

Llwythi a chynhyrchion sy'n cael eu cyflwyno'n anghyfreithlon

24.—( 1) Mae'r rheoliad hwn yn gymwys—

(a) pan fydd llwyth neu gynnyrch yn cael ei gyflwyno i Gymru o drydedd wlad ond nad yw'n cael ei roi gerbron yn unol â rheoliad 18;

(b) pan fydd llwyth neu gynnyrch sy'n tarddu o drydedd wlad wedi'i gyflwyno i Gymru o rywle arall yn y tiriogaethau perthnasol, ond nad yw wedi'i roi gerbron mewn safle arolygu ar y ffin yno;

(c) pan fydd y safle arolygu ar y ffin ar gyfer y gyrchfan i lwyth o gynhyrchion Erthygl 9 yng Nghymru ond nad yw'r llwyth yn cael ei roi gerbron yno yn unol â rheoliad 18(1); ac

(ch) pan fydd llwyth sy'n cael ei gyflwyno i Gymru yn cael ei roi i'r milfeddyg swyddogol wrth safle arolygu ar y ffin nad yw wedi'i ddynodi na'i gymeradwyo ar gyfer gwiriadau milfeddygol ar y cynhyrchion sy'n ffurfio'r llwyth hwnnw.

(2) O dan yr amgylchiadau a ddisgrifir ym mharagraff(1)(a), (b) ac (c) rhaid i swyddog awdurdodedig, drwy hysbysiad ysgrifenedig a gyflwynir i'r person sydd ym marn y swyddog â gofal dros y llwyth, ac, o dan yr amgylchiadau a ddisgrifiwyd yn is-baragraff (1)(ch), y milfeddyg swyddogol, drwy hysbysiad ysgrifenedig a gyflwynir i'r person sy'n gyfrifol amdano, gymryd y llwyth neu'r cynnyrch o dan ei ofal a naill ai,

(a) ei anfon ymlaen, drwy'r dull cludo a ddefnyddiwyd i'w gyflwyno gyntaf i'r tiriogaethau perthnasol, i gyrchfan y cytunwyd arni gyda'r perchennog, o dan yr amgylchiadau a ddisgrifiwyd yn is-baragraffau(1)(a), (b) ac (c), neu gyda'r person sy'n gyfrifol am y llwyth, o dan yr amgylchiadau a ddisgrifiwyd yn is-baragraff (1)(ch), a honno'n gyrchfan a leolir mewn trydedd wlad o fewn cyfnod o drigain o ddiwrnodau yn cychwyn ar y diwrnod ar ôl diwrnod cyflwyno'r hysbysiad; neu

(b) ei waredu fel pe bai'n ddeunydd Categori 1 o dan Reoliad (EC) Rhif 1774/2002 yn y cyfleusterau a ddarparwyd at y dibenion hynny ac sydd agosaf at y fan lle y mae'r swyddog awdurdodedig neu'r milfeddyg swyddogol yn ei gymryd dan ei ofal.

Cynhyrchion sy'n beryglus i iechyd anifeiliaid neu i iechyd y cyhoedd

25.   Os yw milfeddyg swyddogol neu swyddog awdurdodedig o'r farn bod llwyth neu gynnyrch o drydedd wlad yn peri risg i iechyd anifeiliaid neu iechyd y cyhoedd rhaid iddo, drwy hysbysiad ysgrifenedig a gyflwynir i'r person y mae'n ymddangos ei fod â gofal dros y llwyth neu'r cynnyrch, ei gymryd o dan ei ofal a'i waredu yn unol â rheoliad 24(2)(b).

Tor-cyfraith difrifol neu fynych

26.—( 1) Pan fydd Cynulliad Cenedlaethol Cymru neu'r Asiantaeth yn dod i'r casgliad rhesymol, ar sail canlyniadau gwiriadau milfeddygol, fod cynhyrchion o drydedd wlad benodol, rhan benodol o drydedd wlad neu sefydliad penodol mewn trydedd wlad yn gysylltiedig â thor-cyfraith difrifol neu fynych o unrhyw ofyniad a osodwyd mewn offeryn Cymunedol sy'n ymwneud ag iechyd anifeiliaid neu ag iechyd y cyhoedd, bydd y rheoliad hwn yn gymwys i'r rhai a gyflwynir i Gymru o blith y deg llwyth nesaf a gyflwynwyd i'r Deyrnas Unedig o'r drydedd wlad honno, o'r rhan honno o drydedd wlad neu o'r sefydliad hwnnw, yn ôl y digwydd.

(2) Rhaid i'r milfeddyg swyddogol wrth y safle arolygu ar y ffin lle y mae unrhyw lwyth o'r fath yn cael ei gyflwyno, drwy hysbysiad ysgrifenedig a gyflwynir i'r person sy'n gyfrifol am y llwyth, ei gymryd o dan ei ofal a chyflawni gwiriad ffisegol ohono, gan gynnwys cymryd samplau a gwneud profion a dadansoddiadau labordy.

(3) Pan fydd hysbysiad wedi'i gyflwyno o dan baragraff (2), rhaid i'r person sy'n gyfrifol am y llwyth roi yng ngofal y milfeddyg swyddogol flaendal neu warant sy'n ddigonol i sicrhau bod pob taliad sy'n daladwy yn unol â Rhan 10 am wiriadau milfeddygol a gyflawnwyd ar y llwyth, gan gynnwys cymryd samplau, ac unrhyw brawf neu ddadansoddiad labordy a wnaed ar unrhyw sampl a gymerwyd, yn cael eu talu.

(4) Os bydd unrhyw wiriad milfeddygol sy'n cael ei gyflawni ar y llwyth yn datgelu bod unrhyw ofyniad a osodwyd mewn offeryn Cymunedol ynglyn ag iechyd anifeiliaid neu iechyd y cyhoedd wedi'i dorri, rhaid i'r milfeddyg swyddogol naill ai anfon y llwyth ymlaen neu ei waredu yn unol â rheoliad 21(2).

Annilysu dogfennau milfeddygol

27.   Pan fydd milfeddyg swyddogol neu swyddog awdurdodedig yn cyflwyno hysbysiad sy'n ei gwneud yn ofynnol bod cynnyrch yn cael ei anfon ymlaen yn unol â rheoliad 21(2)(a), neu'n cymryd llwyth o dan ei ofal yn unol â rheoliad 24(2), rhaid i unrhyw berson sy'n meddu ar y dogfennau gofynnol sy'n ymwneud â'r cynnyrch neu'r llwyth hwnnw neu sy'n eu rheoli eu cyflwyno ar unwaith i'r milfeddyg swyddogol neu'r swyddog awdurdodedig, yn ôl y digwydd, i'w hannilysu.

Costau mewn perthynas â chynhyrchion sy'n cael eu hanfon ymlaen neu eu gwaredu

28.—( 1) Rhaid i'r person sy'n gyfrifol am y cynnyrch neu'r llwyth o dan sylw neu, os oes hysbysiad wedi'i gyflwyno i'r person y mae'n ymddangos ei fod â gofal dros y cynnyrch neu'r llwyth, perchennog y cynnyrch neu'r llwyth, neu'r person y mae hysbysiad atafaelu yn unol â Deddf Rheoli Tollau Tramor a Chartref 1979 wedi'i gyflwyno iddo, dalu ar ofyn gostau storio, cludo, anfon ymlaen a gwaredu unrhyw gynnyrch neu lwyth sy'n cael ei anfon ymlaen neu ei waredu yn unol â rheoliad 21, 24, 25 neu 26, neu unrhyw bwerau sy'n cael eu harfer o dan Ddeddf Rheoli Tollau Tramor a Chartref 1979 wrth orfodi rheoliad rheoliad 16.

(2) Rhaid i unrhyw gost y cyfeiriwyd ati ym mharagraff (1) ac sy'n cael ei thalu gan filfeddyg swyddogol, swyddog awdurdodedig, Cynulliad Cenedlaethol Cymru, awdurdod lleol, yr Asiantaeth neu'r Comisiynwyr gael ei had-dalu, os gofynnir iddo wneud hynny, gan y person sy'n gyfrifol am y cynnyrch neu'r llwyth neu gan berchennog y cynnyrch neu'r llwyth hwnnw.

RHAN 4 Cyflenwadau Arlwyo ar Gyfrwng Cludo

Gwaredu cyflenwadau arlwyo nas defnyddiwyd

29.—( 1) Ni fydd Rhan 3 yn gymwys i gynhyrchion sy'n cael eu cyflwyno i Gymru o gyfryngau cludo sy'n gweithredu'n rhyngwladol a'r rheini'n gynhyrchion a oedd wedi'u bwriadu i'w bwyta gan griw neu deithwyr y cyfrwng cludo hwnnw.

(2) Rhaid i unrhyw berson sy'n meddu ar gynnyrch y cyfeiriwyd ato ym mharagraff (1) neu sy'n ei reoli gydymffurfio ag Erthygl 4(2) a (3) o Reoliad (EC) Rhif 1774/2002.

(3) Pan fydd eitemau sydd wedi bod mewn cyffyrddiad â chynhyrchion o'r fath, megis deunydd pacio, neu gytleri neu blatiau tafladwy, yn cael eu dadlwytho o'r cyfrwng cludo er mwyn eu gwaredu, rhaid ymdrin â hwy yn yr un ffordd â'r cynhyrchion eu hunain.

RHAN 5 Claddu ar Safleoedd Tirlenwi Gyflenwadau Arlwyo ar Gyfrwng Cludo nas Defnyddiwyd

Cymeradwyo safleoedd tirlenwi

30.—( 1) Dim ond ar safle tirlenwi a gymeradwywyd o dan y rheoliad hwn y caiff unrhyw berson sy'n gwaredu deunydd yn unol â rheoliad 29 ei gladdu.

(2) Dim ond os yw wedi'i fodloni ynghylch y canlynol y caiff Cynulliad Cenedlaethol Cymru gymeradwyo defnyddio safle tirlenwi i waredu deunydd o dan reoliad 29 —

(a) y bydd y deunydd yn cael ei gladdu heb oedi gormodol er mwyn atal adar gwyllt rhag mynd ato;

(b) bod y gweithredydd wedi cymryd camau digonol i atal carnolion rhag mynd i'r rhan o'r safle tirlenwi sydd heb ei hadfer ac i'r rhan o'r safle tirlenwi sy'n cael ei gweithio ar y pryd; ac

(c) y bydd y gweithredydd yn cydymffurfio ag unrhyw un o amodau'r gymeradwyaeth.

(3) Rhaid i'r gymeradwyaeth fod yn ysgrifenedig, caniateir ei gwneud yn ddarostyngedig i amodau, a chaniateir ei diwygio neu ei hatal drwy hysbysiad ysgrifenedig yn unol â rheoliad 32.

(4) Os bydd Cynulliad Cenedlaethol Cymru yn gwrthod rhoi cymeradwyaeth, neu os bydd yn rhoi cymeradwyaeth yn ddarostyngedig i amod, rhaid iddo drwy hysbysiad ysgrifenedig a gyflwynir i'r ceisydd——

(a) rhoi'r rhesymau dros wneud hynny, a

(b) esbonio hawl y ceisydd i gyflwyno sylwadau ysgrifenedig i Gynulliad Cenedlaethol Cymru ac i ymddangos gerbron person annibynnol a benodwyd gan Gynulliad Cenedlaethol Cymru yn unol â rheoliad 33 a chael gwrandawiad ganddo.

Gweithredwyr safleoedd tirlenwi

31.—( 1) Rhaid i weithredydd safle tirlenwi a gymeradwywyd yn unol â rheoliad 30 ——

(a) cynnal a gweithredu'r fangre yn unol â'r gofynion ym mharagraff 30(2)(a) a (b) ac unrhyw rai o amodau'r gymeradwyaeth;

(b) sicrhau bod unrhyw berson sy'n cael ei gyflogi gan y gweithredydd, ac unrhyw berson â chaniatâd i fynd i mewn i'r fangre yn cydymffurfio â'r gofynion a'r amodau hynny;

(c) cydymffurfio â'r gofynion ynghylch cadw cofnodion a gynhwysir yn Erthygl 9 o Reoliad (EC) Rhif 1774/2002; ac

(ch) cadw cofnodion cyfatebol ar gyfer deunydd y cyfeiriwyd ato yn rheoliad 29(3).

(2) Caniateir i'r cofnodion y mae'n ofynnol eu cadw o dan y rheoliad hwn fod ar ffurf ysgrifenedig neu electronig a rhaid eu cadw am o leiaf ddwy flynedd.

Diwygio, atal a dirymu cymeradwyaethau

32.—( 1) Pan fo Cynulliad Cenedlaethol Cymru wedi'i fodloni nad yw unrhyw un o amodau'r gymeradwyaeth bellach yn cael ei chyflawni, neu na chydymffurfir â'r gofynion yn rheoliad 30(2)(a) a (b), neu ei bod yn rhaid gwneud hynny am resymau iechyd y cyhoedd neu iechyd anifeiliaid, caiff, drwy hysbysiad ysgrifenedig a gyflwynir i'r gweithredydd, atal y gymeradwyaeth.

(2) Pan fo Cynulliad Cenedlaethol Cymru wedi'i fodloni y dylid diwygio unrhyw un o amodau'r gymeradwyaeth am resymau iechyd y cyhoedd neu iechyd anifeiliaid, caiff, drwy hysbysiad ysgrifenedig a gyflwynir i'r gweithredydd, ddiwygio'r gymeradwyaeth.

(3) Bydd atal o dan baragraff (1) neu ddiwygio o dan baragraff (2)——

(a) yn cael effaith ar unwaith os yw Cynulliad Cenedlaethol Cymru wedi'i fodloni ei bod yn angenrheidiol iddo wneud hynny er mwyn diogelu iechyd y cyhoedd neu iechyd anifeiliaid; a

(b) fel arall heb gael effaith am o leiaf un ar hugain o ddiwrnodau ar ôl cyflwyno'r hysbysiad.

(4) Rhaid i'r hysbysiad ym mharagraff (1) neu (2) ——

(a) roi'r rhesymau dros atal neu ddiwygio; a

(b) esbonio hawl gweithredydd y fangre i gyflwyno sylwadau ysgrifenedig i Gynulliad Cenedlaethol Cymru ac i gael gwrandawiad gan berson annibynnol a benodwyd gan Gynulliad Cenedlaethol Cymru yn unol â rheoliad 33.

(5) Pan fydd apêl o dan reoliad 33, ni fydd diwygiad neu ataliad yn cael effaith hyd oni wneir dyfarniad terfynol Cynulliad Cenedlaethol Cymru yn unol â'r rheoliad hwnnw oni bai bod Cynulliad Cenedlaethol Cymru yn barnu ei bod yn angenrheidiol er mwyn diogelu iechyd y cyhoedd neu iechyd anifeiliaid i'r diwygiad neu'r ataliad gael effaith yn gynt.

(6) Pan fydd Cynulliad Cenedlaethol Cymru wedi atal cymeradwyaeth, ac——

(a) nad oes unrhyw apêl wedi'i dwyn yn unol â rheoliad 33; neu

(b) bod Cynulliad Cenedlaethol Cymru yn cadarnhau'r ataliad yn sgil apêl o'r fath,

caiff ddirymu'r gymeradwyaeth drwy hysbysiad ysgrifenedig ar yr amod ei fod wedi'i fodloni, o ystyried holl amgylchiadau'r achos, nad yw'r fangre yn cael ei gweithredu yn unol â gofynion rheoliad 30(2)(a) neu (b) neu amodau'r gymeradwyaeth, os oes rhai.

Apelau

33.—( 1) Caiff person y cyflwynwyd hysbysiad iddo o dan baragraff (4) o reoliad 30 neu baragraff (1) neu (2) o reoliad 32 o fewn un ar hugain o ddiwrnodau gan gychwyn ar y diwrnod y cyflwynwyd yr hysbysiad——

(a) darparu sylwadau ysgrifenedig i Gynulliad Cenedlaethol Cymru; a

(b) rhoi hysbysiad ysgrifenedig ei fod yn dymuno ymddangos gerbron person annibynnol a benodwyd gan Gynulliad Cenedlaethol Cymru a chael gwrandawiad ganddo.

(2) Pan fydd apelydd yn rhoi hysbysiad o'i ddymuniad i ymddangos gerbron person annibynnol a benodwyd at y diben a chael gwrandawiad ganddo——

(a) rhaid i Gynulliad Cenedlaethol Cymru benodi person annibynnol i wrando sylwadau a phennu terfyn amser erbyn pryd y mae'n rhaid cyflwyno sylwadau i'r person annibynnol hwnnw;

(b) rhaid i'r person a benodir felly beidio â bod yn un o swyddogion Cynulliad Cenedlaethol Cymru nac yn was iddo, ac eithrio gyda chydsyniad yr apelydd;

(c) os bydd yr apelydd yn gofyn am hynny, rhaid i'r gwrandawiad fod yn gyhoeddus;

(ch) rhaid i'r person annibynnol roi adroddiad i Gynulliad Cenedlaethol Cymru; ac

(d) os bydd yr apelydd yn gofyn hynny, rhaid i Gynulliad Cenedlaethol Cymru ddarparu copi o adroddiad y person annibynnol ar ei gyfer.

(3) Rhaid i Gynulliad Cenedlaethol Cymru roi i'r apelydd hysbysiad ysgrifenedig o'i benderfyniad terfynol a'r rhesymau drosto.

RHAN 6 Cynhyrchion y Bwriedir eu Mewnforio

Dal gafael ar ddogfennau wrth safleoedd arolygu ar y ffin

34.   Pan fydd gwiriad dogfennol wedi'i gyflawni wrth safle arolygu ar y ffin ar gynnyrch y bwriedir ei fewnforio (boed yn uniongyrchol neu yn y pen draw), rhaid i'r person a gyflwynodd y dogfennau gofynnol ynglyn â'r cynnyrch hwnnw yn unol â rheoliad 18(1) ildio'r rheini i'r milfeddyg swyddogol wrth y safle arolygu hwnnw ar y ffin.

Tystiolaeth am ardystio gwiriadau milfeddygol a thalu amdanynt

35.   Pan fo Rhan 2 o'r ddogfen fynediad filfeddygol gyffredin wedi'i dyroddi a'i bod yn ardystio bod llwyth yn ffit i'w fewnforio, rhaid i'r person sy'n gyfrifol am y llwyth ddarparu tystiolaeth foddhaol ar gyfer y Comisiynwyr sy'n dangos—

(a) bod Rhan 2 o'r ddogfen honno wedi'i dyroddi; a

(b) bod yr holl ffioedd sy'n daladwy yn unol â Rhan 10 am wiriadau milfeddygol a gyflawnwyd ar y llwyth, gan gynnwys samplu, ac am unrhyw brawf neu ddadansoddiad a wnaed ar unrhyw samplau a gymerwyd, wedi'u talu, neu fod taliad amdanynt wedi'i sicrhau drwy flaendal neu warant sy'n boddhau'r person y mae'r ffioedd yn daladwy iddo yn unol â rheoliad 52(2), yn daladwy.

Cynhyrchion nas bwriedir ar gyfer y Deyrnas Unedig

36.   Pan fo—

(a) hysbysiad o gyflwyno cynnyrch wedi'i roi yn unol â rheoliad 17; a

(b) yr hysbysiad hwnnw yn pennu Aelod-wladwriaeth ac eithrio'r Deyrnas Unedig yn gyrchwlad; ac

(c) Rhan 2 o ddogfen fynediad filfeddygol gyffredin wedi'i dyroddi ar gyfer y cynnyrch hwnnw, yn awdurdodi ei fewnforio—

(i) i mewn i'r Aelod-wladwriaeth honno neu i ardal benodol ohoni yn unol â gofynion penodol, neu

(ii) at ddibenion penodol yn unol ag amodau,

a bod y gofynion neu'r amodau hynny wedi'u gosod ar gyfer cynhyrchion sy'n cael eu mewnforio i mewn i'r Aelod-wladwriaeth neu'r ardal benodol honno, neu ar gyfer cynhyrchion sy'n cael eu mewnforio at y dibenion penodol hynny, mewn unrhyw gyfarwyddeb, penderfyniad neu reoliad a restrir yn Atodlen 1,

ni chaiff neb, heb esgus rhesymol, atal na gohirio cludo'r cynnyrch hwnnw i'r Aelod-wladwriaeth honno.

Cynhyrchion sy'n cael eu cludo o dan oruchwyliaeth

37.—( 1) Mae'r rheoliad hwn yn gymwys i gynhyrchion y bwriedir eu mewnforio ac y mae'n ofynnol iddynt, o dan unrhyw gyfarwyddeb, penderfyniad neu reoliad a restrir yn Atodlen 1, gael eu cludo o dan oruchwyliaeth milfeddyg o'r safle arolygu ar y ffin lle y cawsant eu cyflwyno gyntaf i'r tiriogaethau perthnasol i'w sefydliad gyrchfan.

(2) Ni chaiff neb symud cynnyrch y mae'r rheoliad hwn yn gymwys iddo o safle arolygu ar y ffin oni bai ei fod wedi'i gynnwys mewn cynhwysydd sy'n ddiogel rhag gollyngiadau neu gyfrwng cludo sydd wedi'i selio gan swyddog i'r Comisiynwyr neu gan y milfeddyg swyddogol wrth y safle arolygu hwnnw ar y ffin.

(3) Rhaid i'r person sy'n gyfrifol am gynnyrch y mae'r rheoliad hwn yn gymwys iddo ac unrhyw gludydd y mae o dan ei ofal am y tro sicrhau bod y cynnyrch yn cael ei gludo yn ddi-oed i'w sefydliad cyrchfan, a bod y ddogfen fynediad filfeddygol gyffredin yn mynd gydag ef nes iddo gyrraedd ei sefydliad gyrchfan.

(4) Pan fo Rhan 2 o'r ddogfen fynediad filfeddygol gyffredin wedi awdurdodi mewnforio cynnyrch y mae'r rheoliad hwn yn gymwys iddo at ddibenion penodol fel a ddisgrifir yn rheoliad 36(c)(ii), rhaid i'r person sy'n gyfrifol am y cynnyrch ac unrhyw gludydd sydd â gofal amdano am y tro sicrhau ei fod yn aros o dan oruchwyliaeth y Comisiynwyr yn unol â'r weithdrefn T5 y darperir ar ei chyfer yn Erthyglau 471 i 495 o Reoliad y Comisiwn (EEC) Rhif 2454/93 (sy'n gosod darpariaethau ar gyfer gweithredu Rheoliad y Cyngor (EEC) Rhif 2913/92 sy'n sefydlu'r Cod Tollau Cymunedol)(27) nes iddo gyrraedd ei sefydliad gyrchfan.

(5) Rhaid i weithredydd sefydliad gyrchfan neu warws storio drosiannol roi hysbysiad ysgrifenedig ar unwaith i'r swyddog milfeddygol, sy'n gyfrifol ar ran Cynulliad Cenedlaethol Cymru neu'r Asiantaeth dros y sefydliad gyrchfan neu'r warws storio drosiannol, yn ôl y digwydd, fod unrhyw gynnyrch y mae'r rheoliad hwn yn gymwys iddo wedi cyrraedd yno.

(6) Rhaid i weithredydd sefydliad gyrchfan sicrhau bod cynnyrch y mae'r rheoliad hwn yn gymwys iddo yn cael yn y sefydliad gyrchfan y driniaeth a ragnodir ar ei gyfer gan y gyfarwyddeb berthnasol, y penderfyniad perthnasol neu'r rheoliad perthnasol a restrir yn Atodlen 1.

Trawslwytho cynhyrchion y bwriedir eu mewnforio

38.—( 1) Mae'r rheoliad hwn yn gymwys i gynhyrchion a drawslwythwyd pan fo'r safle arolygu ar y ffin ar gyfer cyflwyno wedi'i leoli yng Nghymru.

(2) Cyn gynted ag y bo cynnyrch y mae'r rheoliad hwn yn gymwys iddo yn cyrraedd y safle arolygu ar y ffin ar gyfer cyflwyno, rhaid i'r person sy'n gyfrifol am y cynnyrch hysbysu'r milfeddyg swyddogol yno yn ysgrifenedig, neu ar ffurf gyfrifiadurol neu ffurf electronig arall, o union leoliad y cynnyrch, o'r amser yr amcangyfrifir y byddai'n cael ei drawslwytho neu ei ddadlwytho, ac o'r safle arolygu ar y ffin ar gyfer ei gyrchfan.

(3) Pan fo cynnyrch, yn ôl yr hysbysiad a roddwyd yn unol â pharagraff (2) i'w drawslwytho, a hwnnw'n gynnyrch y mae'r rheoliad hwn yn gymwys iddo—

(a) o un awyren i un arall, naill ai'n uniongyrchol neu ar ôl iddo gael ei ddadlwytho mewn man o dan reolaeth y dollfa wrth y safle arolygu ar y ffin at gyfer cyflwyno am lai na deuddeng awr, neu

(b) o un long fordwyol i un arall, naill ai'n uniongyrchol neu ar ôl ei ddadlwytho mewn man fel yr un a enwyd uchod am lai na saith niwrnod,

os yw'r milfeddyg swyddogol o'r farn bod y cynnyrch yn peri risg i iechyd anifeiliaid neu iechyd y cyhoedd, rhaid i unrhyw berson y mae rheoliad 18 yn ei gwneud yn ofynnol iddo roi'r cynnyrch a'i ddogfennau gofynnol i'r milfeddyg swyddogol wrth y safle arolygu ar y ffin ar gyfer cyflwyno, neu sicrhau eu bod yn cael eu rhoi iddo, ganiatáu i'r milfeddyg swyddogol, neu i gynorthwyydd a benodwyd yn unol â rheoliad 6(1)(b) neu 6(2)(c), gyflawni gwiriad dogfennol ar y dogfennau gofynnol.

(4) Pan fwriedir dadlwytho cynnyrch y mae'r rheoliad hwn yn gymwys iddo o awyren am ddeuddeng awr neu fwy, rhaid i'r person sy'n gyfrifol am y cynnyrch sicrhau ei fod yn cael ei storio am gyfnod nad yw'n hwy na 48 awr o dan oruchwyliaeth y milfeddyg swyddogol yn y safle arolygu ar y ffin ar gyfer cyflwyno mewn lle yno sydd o dan reolaeth y dollfa a'i fod wedyn yn cael ei ail-lwytho ar awyren i'w gludo ymlaen i'r safle arolygu ar y ffin ar gyfer ei gyrchfan.

(5) Pan fwriedir dadlwytho cynnyrch y mae'r rheoliad hwn yn gymwys iddo o long fordwyol am saith niwrnod neu fwy, rhaid i'r person sy'n gyfrifol am y cynnyrch sicrhau ei fod yn cael ei storio am gyfnod nad yw'n hwy nag ugain niwrnod o dan oruchwyliaeth y milfeddyg swyddogol yn y safle arolygu ar y ffin ar gyfer cyflwyno mewn lle yno sydd o dan reolaeth y dollfa a'i fod wedyn yn cael ei ail-lwytho ar long fordwyol i'w gludo ymlaen i'r safle arolygu ar y ffin ar gyfer ei gyrchfan.

(6) Rhaid i unrhyw berson y mae rheoliad 18 yn ei gwneud yn ofynnol iddo gyflwyno cynnyrch, y mae paragraff (4) neu baragraff (5) yn gymwys iddo, ynghyd â'i ddogfennau gofynnol, i'r milfeddyg swyddogol wrth y safle arolygu ar y ffin ar gyfer cyflwyno ganiatáu i'r milfeddyg swyddogol yno, neu gynorthwyydd a benodwyd yn unol â rheoliad 6(1)(b) neu 6(2)(c), gyflawni gwiriad dogfennol ar y dogfennau gofynnol ac, os yw'r milfeddyg swyddogol o'r farn bod y cynnyrch yn peri risg i iechyd anifeiliaid neu i iechyd y cyhoedd, gwiriad adnabod ar y cynnyrch hwnnw yn erbyn y dogfennau gofynnol a gwiriad ffisegol o'r cynnyrch.

(7) Pan fydd cynnyrch y mae paragraff (4) yn gymwys iddo yn cael ei storio am fwy na 48 awr ar ôl ei ddadlwytho, neu os yw cynnyrch y mae paragraff (5) yn gymwys iddo yn cael ei storio am fwy nag ugain niwrnod ar ôl ei ddadlwytho, rhaid i unrhyw berson y mae rheoliad 18 yn ei gwneud yn ofynnol iddo roi'r cynnyrch a'i ddogfennau gofynnol i'r milfeddyg swyddogol wrth y safle arolygu ar y ffin ar gyfer cyflwyno, ganiatáu i'r milfeddyg swyddogol yno, neu gynorthwyydd a benodwyd yn unol â rheoliad 6(1)(b) neu 6(2)(c), gyflawni, ym mhob achos, wiriad adnabod o'r cynnyrch yn erbyn y dogfennau gofynnol a gwiriad ffisegol o'r cynnyrch.

RHAN 7 Cynhyrchion Tramwy

Safleoedd arolygu ar y ffin ar gyfer dod i mewn ac ymadael

39.   Yn y Rhan hon—

ystyr “safle arolygu ar y ffin ar gyfer dod i mewn” (“border inspection post of entry”) yw'r safle arolygu ar y ffin lle y mae cynnyrch tramwy yn dod i mewn i diriogaeth dollau'r Gymuned;

ystyr “safle arolygu ar y ffin ar gyfer ymadael” (“border inspection post of exit”) yw'r safle arolygu ar y ffin y bwriedir i gynnyrch tramwy ymadael â thiriogaeth dollau'r Gymuned drwyddo, fel a bennir yn y ddogfen fynediad filfeddygol gyffredin sy'n ymwneud â'r cynnyrch hwnnw.

Awdurdodi tramwy ymlaen llaw

40.   Ni chaiff neb gyflwyno cynnyrch tramwy i Gymru o drydedd wlad oni bai bod y milfeddyg swyddogol wrth y safle arolygu ar y ffin ar gyfer dod i mewn wedi awdurdodi'n ysgrifenedig ymlaen llaw dramwyad y cynnyrch hwnnw.

Gwiriad ffisegol o gynhyrchion tramwy

41.   Dim ond os yw'r milfeddyg swyddogol o'r farn bod cynnyrch tramwy yn peri risg i iechyd anifeiliaid neu i iechyd y cyhoedd neu'n amau'n rhesymol fod rhyw afreoleidd-dra arall, fel y'i diffinnir yn rheoliad 21(5), mewn perthynas â'r cynnyrch tramwy, y mae angen i unrhyw berson y mae'n ofynnol o dan reoliad 18 iddo roi cynnyrch tramwy i'r milfeddyg swyddogol wrth y safle arolygu ar y ffin ar gyfer dod i mewn, neu sicrhau ei fod yn cael ei roi iddo, ganiatáu i'r milfeddyg swyddogol neu gynorthwyydd a benodwyd yn unol â rheoliad 6(1)(b) neu 6(2)(c) gyflawni gwiriad ffisegol ar y cynnyrch tramwy.

Symud cynhyrchion tramwy

42.—( 1) Ni chaiff neb symud cynnyrch tramwy o'r safle arolygu ar y ffin ar gyfer dod i mewn na pheri iddo gael ei symud oni bai bod y person sy'n gyfrifol am y cynnyrch wedi rhoi ymrwymiad ysgrifenedig i'r milfeddyg swyddogol yno y bydd yn dilyn ac yn cyflawni gofynion rholiad 43.

(2) Pan fydd cynnyrch tramwy yn cael ei gludo, ar unrhyw adeg ar ôl ei symud o safle arolygu ar y ffin ar gyfer dod i mewn, drwy Gymru ar hyd ffordd, rheilffordd, dyfrffordd neu drwy'r awyr—

(a) rhaid i'r person sy'n gyfrifol am y cynnyrch tramwy ac unrhyw gludydd sydd â gofal drosto am y tro sicrhau ei fod yn cael ei gludo mewn cerbyd neu gynhwysydd sydd wedi'i selio gan yr awdurdodau tollau neu'r awdurdodau milfeddygol sy'n gyfrifol am y safle arolygu ar y ffin ar gyfer dod i mewn, bod ei ddogfennau gofynnol, unrhyw gyfieithiadau sy'n ofynnol o dan reoliad 18(4) a'i ddogfen fynediad filfeddygol gyffredin yn mynd gydag ef i'r safle arolygu ar y ffin ar gyfer ymadael a hynny o dan oruchwyliaeth y Comisiynwyr yn unol â'r weithdrefn tramwy allanol y cyfeirir ati yn Erthyglau 91 i 97 o'r Cod Tollau;

(b) ni chaiff neb dorri'r seliau ar y cerbyd neu'r cynhwysydd y mae'r cynnyrch tramwy yn cael ei gludo ynddo, na dadlwytho'r cynnyrch tramwy, na hollti'r llwyth na'r rhanlwyth sy'n cynnwys y cynnyrch tramwy, na pheri i'r cynnyrch tramwy gael ei drafod mewn unrhyw ffordd; ac

(c) rhaid i'r person sy'n gyfrifol am y cynnyrch tramwy ac unrhyw gludydd sydd â gofal drosto am y tro sicrhau ei fod yn ymadael â thiriogaeth dollau'r Gymuned wrth y safle arolygu ar y ffin ar gyfer ymadael heb fod yn hwy na 30 o ddiwrnod ar ôl ei symud o'r safle arolygu ar y ffin ar gyfer dod i mewn (heb gynnwys dyddiad ei symud).

(3) Ni chaiff neb gyflwyno cynnyrch tramwy i barth rhydd, warws rydd na warws y tollau yng Nghymru.

Gwaredu cynhyrchion tramwy a ddychwelwyd

43.—( 1) Os bydd cynnyrch tramwy yn cael ei ddychwelyd i Gymru ar ôl ymadael â thiriogaeth dollau'r Gymuned, rhaid i'r person sy'n gyfrifol am y cynnyrch tramwy naill ai—

(a) anfon ymlaen y cynnyrch tramwy o'r safle arolygu ar y ffin y mae'n cael ei ddychwelyd i drydedd wlad drwyddo drwy'r dull cludo a ddefnyddiwyd i'w ddychwelyd a hynny o fewn trigain o ddiwrnodau iddo gael ei ddychwelyd (heb gynnwys y dyddiad y cafodd ei ddychwelyd), neu

(b) os yw'r amgylchiadau a ddisgrifir ym mharagraff (2) yn gymwys, gwaredu'r cynnyrch fel pe bai'n ddeunydd Categori 1 o dan Reoliad (EC) Rhif 1774/2002 yn y cyfleusterau a ddarparwyd at y diben hwnnw ac sydd agosaf at y safle arolygu ar y ffin y dychwelir y cynnyrch iddo.

(2) Rhaid gwaredu'r cynnyrch tramwy yn unol ag is-baragraff (1)(b)—

(a) pan fydd anfon y cynnyrch ymlaen wedi'i ragwahardd ar sail iechyd anifeiliaid neu iechyd y cyhoedd oherwydd canlyniadau gwiriad ffisegol, neu oherwydd unrhyw ofyniad iechyd anifeiliaid neu iechyd y cyhoedd sydd wedi'i osod mewn offeryn Cymunedol sydd mewn grym ar y dyddiad y gwneir y Rheoliadau hyn, neu pan fydd yn amhosibl gwneud fel arall;

(b) pan fydd y cyfnod o drigain o ddiwrnodau y cyfeiriwyd ato yn is-baragraff (1)(a) wedi dod i ben, neu

(c) pan fydd y person sy'n gyfrifol am y cynnyrch tramwy yn cytuno ar unwaith i'w waredu.

(3) Rhaid i unrhyw berson, y mae ganddo yn ei feddiant neu o dan ei reolaeth y dogfennau gofynnol neu'r ddogfen fynediad filfeddygol gyffredin sy'n ymwneud â chynnyrch tramwy y mae paragraff (1) yn gymwys iddo, eu cyflwyno i'w hannilysu i'r milfeddyg swyddogol wrth y safle arolygu ar y ffin y mae'r cynnyrch wedi'i ddychwelyd iddo.

(4) Rhaid i'r person sy'n gyfrifol am gynnyrch tramwy y mae paragraff (1) yn gymwys iddo ei storio nes iddo gael ei anfon ymlaen neu ei ddinistrio o dan oruchwyliaeth y milfeddyg swyddogol wrth y safle arolygu ar y ffin y mae'r cynnyrch wedi'i ddychwelyd iddo a hynny yn y man ac o dan yr amodau a gyfarwyddir gan y milfeddyg swyddogol.

(5) Rhaid i'r person sy'n gyfrifol am gynnyrch tramwy y mae paragraff (1) yn gymwys iddo dalu costau ei storio, ei gludo, ei anfon ymlaen a'i waredu.

RHAN 8 Cynhyrchion a Fwriedir ar gyfer Warysau neu Storfeydd Llongau

Cymhwyso Rhan 8

44.   Mae'r Rhan hon yn gymwys i gynhyrchion os—

(a) warws mewn parth rhydd, warws rydd neu warws y tollau, sydd wedi'i lleoli yn nhiriogaeth dollau'r Gymuned, neu

(b) storfa long sy'n cydymffurfio ag Erthygl 13 o Gyfarwyddeb 97/78/EC ac sydd wedi'i lleoli y tu allan i'r Deyrnas Unedig yw sefydliad gyrchfan y cynhyrchion.

Gwybodaeth ychwanegol sydd i'w rhoi ymlaen llaw

45.—( 1) Ni chaiff neb gyflwyno cynnyrch y mae'r Rhan hon yn gymwys iddo i Gymru, na rhoi cynnyrch o'r fath gerbron mewn safle arolygu ar y ffin ar gyfer cyrchfan yng Nghymru, oni bai bod y milfeddyg swyddogol y rhoddwyd hysbysiad iddo, yn unol â rheoliad 17, o gyflwyno neu o roi'r cynnyrch gerbron, wedi'i hysbysu—

(a) a fwriedir mewnforio'r cynnyrch yn y pen draw;

(b) os na, a yw'n gynnyrch tramwy; ac

(c) sut bynnag, a yw'r cynnyrch yn cydymffurfio â'r amodau mewnforio.

(2) Rhaid i'r wybodaeth ym mharagraff (1) gael ei rhoi yn ysgrifenedig a chaniateir ei chynnwys yn yr hysbysiad o gyflwyno'r cynnyrch neu o'i roi gerbron a roddwyd yn unol â rheoliad 17.

Gwiriad ffisegol o gynhyrchion nad ydynt yn cydymffurfio

46.   Pan fo'r dogfennau gofynnol yn dangos bod cynnyrch y mae'r Rhan hon yn gymwys iddo yn gynnyrch nad yw'n cydymffurfio, dim ond os yw'r milfeddyg swyddogol o'r farn ei fod yn peri risg i iechyd anifeiliaid neu i iechyd y cyhoedd y mae angen i unrhyw berson, y mae'n ofynnol iddo o dan reoliad 0 ei roi i'r milfeddyg swyddogol wrth y safle arolygu ar y ffin, neu sicrhau ei fod yn cael ei roi iddo, ganiatáu i'r milfeddyg swyddogol, neu gynorthwyydd a benodwyd yn unol â rheoliad 6(1)(b) neu 6(2)(c) gyflawni gwiriad corfforol ar y cynnyrch.

Gwahardd cynhyrchion nad ydynt yn cydymffurfio o warysau

47.   Ni chaiff neb gyflwyno cynnyrch nad yw'n cydymffurfio i warws mewn parth rhydd, warws rydd na warws y tollau yng Nghymru.

RHAN 9 Cynhyrchion a Ddychwelwyd o Drydydd Gwledydd

Ystyr “tystysgrif allforio”

48.   Yn y Rhan hon ystyr “tystysgrif allforio” yw tystysgrif sy'n ardystio bod y cynnyrch a ddychwelwyd yn cydymffurfio â safonau iechyd anifeiliaid neu iechyd y cyhoedd, ac a ddyroddwyd i hwyluso allforio'r cynnyrch hwnnw'n wreiddiol o diriogaeth dollau'r Gymuned gan yr awdurdod sy'n gyfrifol am fonitro safonau o'r fath yn sefydliad tarddiad Cymunedol y cynnyrch a ddychwelwyd.

Dogfennau ychwanegol ar gyfer cynhyrchion a ddychwelwyd

49.   Rhaid i unrhyw berson sy'n rhoi, yn unol â rheoliad 18, gynnyrch a ddychwelwyd a'i ddogfennau gofynnol i filfeddyg swyddogol roi'r canlynol gyda'r dogfennau gofynnol—

(a) y dystysgrif allforio sy'n ymwneud â'r cynnyrch a ddychwelwyd neu gopi y dilyswyd ei fod yn gopi cywir gan yr awdurdod a'i dyroddodd;

(b) datganiad o'r rhesymau pam y cafodd y cynnyrch a ddychwelwyd ei wrthod gan y drydedd wlad;

(c) datganiad gan y person sy'n gyfrifol am y cynnyrch a ddychwelwyd yn dweud ei fod wedi cydymffurfio â'r amodau mewnforio ynglyn â storio a chludo mewn perthynas â'r cynnyrch a ddychwelwyd ers i'r cynnyrch a ddychwelwyd gael ei allforio'n wreiddiol o diriogaeth dollau'r Gymuned; a naill ai

(ch) yn achos cynnyrch a ddychwelwyd nad oedd wedi'i allforio'n wreiddiol mewn cynhwysydd a oedd wedi'i selio, datganiad gan y person sy'n gyfrifol am y cynnyrch a ddychwelwyd nad yw wedi cael ei drafod mewn unrhyw ffordd heblaw, yn achos cynhyrchion sydd wedi'u pecynnu yn unig, am lwytho a dadlwytho pecynnau sydd heb eu hagor; neu

(d) yn achos cynnyrch a ddychwelwyd ac a allforiwyd yn wreiddiol mewn cynhwysydd sydd wedi'i selio, datganiad gan y cludydd sy'n ei gyflwyno i Gymru nad yw wedi'i ddadlwytho o'r cynhwsydd y cafodd ei allforio ynddo, nac wedi cael ei drafod fel arall.

Gwiriad ffisegol o gynhyrchion a ddychwelwyd

50.   Dim ond os oes gan y milfeddyg swyddogol seilau rhesymol dros gredu—

(a) na chydymffurfiwyd, neu na chydymffurfir, â'r Rheoliadau hyn mewn perthynas â'r cynnyrch a ddychwelwyd;

(b) nad yw'r cynnyrch a ddychwelwyd yn cydymffurfio â'r amodau mewnforio; neu

(c) nad yw manylion adnabod neu gyrchfan y cynnyrch a ddychwelwyd yn cyfateb i'r wybodaeth a roddwyd ar unrhyw ddogfen berthnasol

y mae'n angen i unrhyw berson, y mae rheoliad 18 yn ei gwneud yn ofynnol iddo roi cynnyrch a ddychwelwyd i'r milfeddyg swyddogol wrth safle arolygu ar y ffin, neu sicrhau ei fod yn cael ei roi iddo, ganiatáu i filfeddyg swyddogol neu gynorthwyydd a benodwyd yn unol â rheoliad 6(1)(b) neu 6(2)(c) gyflawni gwiriad ffisegol ar y cynnyrch a ddychwelwyd.

Symud cynhyrchion a ddychwelwyd

51.   Ni chaiff neb symud cynnyrch a ddychwelwyd o safle arolygu ar y ffin, na pheri iddo gael ei symud, heb awdurdodiad ysgrifenedig y milfeddyg swyddogol yno.

(2) Ni chaiff neb symud cynnyrch a ddychwelwyd o safle arolygu ar y ffin oni bai ei fod wedi'i gynnwys mewn cynhwysydd sy'n ddiogel rhag gollyngiadau neu gyfrwng cludo sydd wedi'i selio gan un o swyddogion y Comisiynwyr neu gan y milfeddyg swyddogol wrth y safle arolygu hwnnw ar y ffin.

(3) Rhaid i'r person sy'n gyfrifol am gynnyrch a ddychwelwyd ac a symudwyd yn unol â pharagraffau (1) a (2), ac unrhyw gludydd sydd â gofal drosto am y tro sicrhau—

(a) ei fod yn cael ei gludo'n uniongyrchol i'w sefydliad tarddiad Cymunedol yn y cynhwysydd seliedig sy'n rhydd rhag gollyngiadau neu yn y cyfrwng cludo y cyfeiriwyd ato ym mharagraff (2); a

(b) bod ei ddogfen fynediad filfeddygol gyffredin yn mynd gydag ef hyd oni fydd y cynnyrch a ddychwelwyd yn cyrraedd ei sefydliad tarddiad Cymunedol.

(4) Ni chaiff neb dorri'r seliau ar y cynhwysydd neu'r cyfrwng cludo y mae'r cynnyrch a ddychwelwyd yn cael ei gludo ynddo, na dadlwytho'r cynnyrch a ddychwelwyd, na hollti'r llwyth neu'r rhanlwyth sy'n cynnwys y cynnyrch a ddychwelwyd, na pheri i'r cynnyrch a ddychwelwyd gael ei drafod mewn unrhyw ffordd, nes iddo gyrraedd ei sefydliad tarddiad Cymunedol.

(5) Rhaid i weithredydd y sefydliad tarddiad Cymunedol roi hysbysiad ysgrifenedig ar unwaith i'r milfeddyg sy'n gyfrifol ar ran Cynulliad Cenedlaethol Cymru neu'r Asiantaeth ar gyfer y sefydliad hwnnw fod y cynnyrch a ddychwelwyd wedi cyrraedd yno.

RHAN 10 Ffioedd am Wiriadau Milfeddygol

Talu ffioedd

52.—( 1) Codir ffi resymol a gaiff ei chyfrifo yn unol â rheoliadau 53 a 54 ac Atodlen 3 am wiriadau milfeddygol a gyflawnwyd ar lwyth wrth safle arolygu ar y ffin.

(2) Codir y ffi gan Gynulliad Cenedlaethol Cymru a bydd yn daladwy i Gynulliad Cenedlaethol Cymru, awdurdod lleol neu'r Asiantaeth, pa un bynnag sy'n gyfrifol, yn unol â rheoliadau 4 ac 5, am weithredu a gorfodi'r Rheoliadau hyn wrth y safle arolygu ar y ffin lle y cyflawnir y gwiriadau milfeddygol.

Cyfrifo ffioedd

53.   Rhaid i'r ffi am wiriadau milfeddygol gwmpasu'r costau a restrir yn Rhan I o Atodlen 3 a rhaid ei chyfrifo yn unol â Rhan II, III, IV neu V, yn ôl y digwydd, o Atodlen 3.

Trosi'r ffioedd yn sterling

54.   Caiff ffioedd a fynegir mewn ewros yn Atodlen 3 eu trosi'n bunnoedd sterling yn ôl y gyfradd drosi sy'n cael ei chyhoeddi yng nghyfres “C” o Gylchgrawn Swyddogol y Cymunedau Ewropeaidd ym Medi'r flwyddyn galendr cyn y flwyddyn y cyflawnwyd y gwiriad milfeddygol perthnasol ynddi.

Atebolrwydd am dalu ffioedd

55.   Pan ofynnir iddo wneud hynny, rhaid i'r person sy'n gyfrifol am lwyth dalu'r ffi a godwyd am y gwiriadau milfeddygol a gyflawnwyd ar y llwyth.

Gwybodaeth am ffioedd

56.—( 1) Rhaid i Gynulliad Cenedlaethol Cymru, awdurdod lleol neu'r Asiantaeth, os gofynnir yn ysgrifenedig iddo neu iddi wneud hynny, ddarparu ar gyfer unrhyw berson sy'n rhoi cynhyrchion gerbron yn unol â rheoliad 18, neu ar gyfer unrhyw gorff sy'n cynrychioli personau o'r fath, fanylion y cyfrifiadau y mae'n eu defnyddio i benderfynu ffioedd am wiriadau milfeddygol a rhaid iddynt gymryd i ystyriaeth unrhyw sylwadau a gyflwynwyd gan berson neu gorff o'r fath wrth benderfynu ffioedd o'r fath.

(2) Os gofynnir iddo'n ysgrifenedig wneud hynny gan Gynulliad Cenedlaethol Cymru neu'r Asiantaeth, rhaid i awdurdod lleol ddarparu ar gyfer Cynulliad Cenedlaethol Cymru neu'r Asiantaeth, yn ôl y digwydd, yr wybodaeth y gallai fod ei hangen arno neu arni mewn cysylltiad â chyfrifo'r ffioedd am wiriadau milfeddygol, ynghyd â chopïau o unrhyw sylwadau ysgrifenedig a wnaed gan bersonau neu gyrff y cyfeirir atynt ym mharagraff (1).

Apelau yn erbyn ffioedd a dalwyd i awdurdodau lleol

57.—( 1) Caiff unrhyw berson sydd wedi talu ffi am wiriadau milfeddygol i awdurdod lleol ac unrhyw gorff sy'n cynrychioli personau o'r fath, o fewn un niwrnod ar hugain o godi'r ffi, apelio'n ysgrifenedig ar y sail bod swm y ffi yn afresymol—

(a) i Gynulliad Cenedlaethol Cymru, os ffi am wiriadau milfeddygol a gyflawnwyd ac eithrio mewn perthynas ag unrhyw un o swyddogaethau'r Asiantaeth yw'r ffi; a

(b) i'r Asiantaeth, os ffi am wiriadau milfeddygol a gyflawnwyd mewn perthynas ag unrhyw un o swyddogaethau'r Asiantaeth yw'r ffi.

(2) Pan fo apêl o dan baragraff (1), rhaid i Gynulliad Cenedlaethol Cymru neu'r Asiantaeth, yn ôl y digwydd, ymgynghori â'r awdurdod lleol ac, os caiff ei fodloni neu ei bodloni bod swm y ffi yn afresymol, rhaid iddo neu iddi hysbysu'r awdurdod lleol, a rhaid i'r awdurdod lleol ailgyfrifo swm y ffi yn unol ag unrhyw gyfarwyddiadau a roddwyd gan Gynulliad Cenedlaethol Cymru neu'r Asiantaeth ac ad-dalu i'r person a dalodd y ffi y gwahaniaeth rhwng y ffi wreiddiol a'r ffi a ailgyfrifwyd.

Apelau yn erbyn ffioedd a dalwyd i Gynulliad Cenedlaethol Cymru neu i'r Asiantaeth

58.—( 1) Caiff unrhyw berson sydd wedi talu ffi am wiriadau milfeddygol i Gynulliad Cenedlaethol Cymru neu i'r Asiantaeth, ac unrhyw gorff sy'n cynrychioli personau o'r fath, cyn pen un diwrnod ar hugain ar ôl i'r ffi gael ei chodi, roi hysbysiad ysgrifenedig o'i ddymuniad i apelio i berson annibynnol a benodwyd gan Gynulliad Cenedlaethol Cymru, neu pan fo'r ffi wedi'i thalu i'r Asiantaeth, i berson annibynnol a benodwyd gan yr Asiantaeth ar y sail bod swm y ffi yn afresymol.

(2) Os i'r Asiantaeth y talwyd y ffi, rhaid i swyddogaethau Cynulliad Cenedlaethol Cymru ym mharagraffau (3) i (4) gael eu cyflawni gan yr Asiantaeth.

(3) Pan fydd apelydd yn rhoi hysbysiad o'i ddymuniad i ymddangos gerbron person annibynnol a benodwyd at y diben a chael gwrandawiad ganddo——

(a) rhaid i Gynulliad Cenedlaethol Cymru benodi person annibynnol i wrando sylwadau a phennu terfyn amser erbyn pryd y mae'n rhaid cyflwyno sylwadau i'r person annibynnol hwnnw;

(b) rhaid i'r person a benodir felly beidio â bod yn un o swyddogion Cynulliad Cenedlaethol Cymru nac yn was iddo, ac eithrio gyda chydsyniad yr apelydd;

(c) os bydd yr apelydd yn gofyn am hynny, rhaid i'r gwrandawiad fod yn un cyhoeddus;

(ch) rhaid i'r person annibynnol roi adroddiad i Gynulliad Cenedlaethol Cymru; ac

(d) os bydd yr apelydd yn gofyn hynny, rhaid i Gynulliad Cenedlaethol Cymru ddarparu copi o adroddiad y person annibynnol ar ei gyfer.

(4) Os caiff y person annibynnol ei fodloni bod swm y ffi yn afresymol, rhaid i Gynulliad Cenedlaethol Cymru ailgyfrifo'r ffi yn unol ag unrhyw gyfarwyddiadau a roddwyd gan y person annibynnol ac ad-dalu i'r person a dalodd y ffi y gwahaniaeth rhwng y ffi wreiddiol a'r ffi a ailgyfrifwyd.

RHAN 11 Datganiadau Brys

Brigiadau clefyd mewn trydydd gwledydd

59.—( 1) Pan fydd Cynulliad Cenedlaethol Cymru neu'r Asiantaeth yn cael ar ddeall fod clefyd y cyfeirir ato yng Nghyfarwyddeb y Cyngor 82/894/EEC (ar hysbysu o glefydau anifeiliaid o fewn y Gymuned)(28), milhaint neu glefyd arall neu ffenomen neu amgylchiad sy'n debyg o fod yn fygythiad difrifol i iechyd anifeiliaid neu i iechyd y cyhoedd yn bresennol mewn unrhyw drydedd wlad, neu pan fydd ganddo neu ganddi seiliau rhesymol dros amau ei fod yn bresennol, caiff atal unrhyw gynnyrch o'r cyfan neu o unrhyw ran o'r drydedd wlad honno rhag cael ei gyflwyno i Gymru, neu caiff osod amodau ar ei gyflwyno, drwy ddatganiad ysgrifenedig.

(2) Rhaid i ddatganiad o'r fath fod yn ysgrifenedig a rhaid iddo gael ei gyhoeddi yn y modd y gwêl Cynulliad Cenedlaethol Cymru neu'r Asiantaeth, yn ôl y digwydd, yn dda a rhaid iddo bennu'r cynhyrchion a'r drydedd wlad neu'r rhan ohoni sydd o dan sylw.

(3) Rhaid i ddatganiad sy'n gosod amodau ar gyflwyno unrhyw gynnyrch o drydedd wlad neu ran ohoni bennu'r amodau hynny.

(4) Pan fo datganiad mewn grym sy'n atal unrhyw gynnyrch rhag cael ei gyflwyno, ni chaiff neb gyflwyno'r cynnyrch hwnnw i Gymru os yw'n tarddu o'r drydedd wlad neu o'r rhan ohoni a bennir yn y datganiad.

(5) Pan fo datganiad mewn grym sy'n gosod amodau ar gyflwyno unrhyw gynnyrch, ni chaiff neb gyflwyno'r cynnyrch hwnnw i Gymru os yw'n tarddu o'r drydedd wlad neu o'r rhan ohoni sydd wedi'i phennu yn y datganiad oni bai bod y cynnyrch yn cydymffurfio â'r amodau a bennir yn y datganiad.

(6) Caniateir i ddatganiad gael ei addasu, ei atal neu ei ddirymu drwy ddatganiad ysgrifenedig pellach a gyhoeddir, i'r graddau y mae'n ymarferol, yn yr un modd ac i'r un graddau â'r datganiad gwreiddiol.

RHAN 12 Tramgwyddau a Chosbau

Rhwystro

60.—( 1) Ni chaiff unrhyw berson—

(a) rhwystro unrhyw berson yn fwriadol wrth iddo arfer pŵer a roddwyd gan reoliad 8 neu 9 neu wrth iddo gyflawni unrhyw swyddogaeth reoliadol arall;

(b) methu cydymffurfio heb esgus rhesymol â gofyniad a osodwyd arno yn unol â rheoliad 8 neu 9, neu fethu rhoi i unrhyw berson sy'n arfer pwer a roddwyd gan y rheoliadau hynny, neu sy'n cyflawni unrhyw swyddogaeth reoliadol arall, unrhyw gymorth neu wybodaeth y gall fod ar y person hwnnw angen rhesymol amdano neu amdani er mwyn arfer y pŵer neu gyflawni'r swyddogaeth; neu

(c) rhoi i unrhyw berson sy'n arfer pŵer a roddwyd gan reoliad 8 neu 9 neu sy'n cyflawni unrhyw swyddogaeth reoliadol arall unrhyw wybodaeth y mae'n gwybod ei bod yn ffug neu'n gamarweiniol.

(2) Rhaid i baragraff (1)(b) beidio â'i gwneud yn ofynnol i berson ateb unrhyw gwestiwn neu roi unrhyw wybodaeth os byddai gwneud hynny yn gallu taflu bai arno.

Amddiffyniad diwydrwydd dyladwy

61.—( 1) Mewn unrhyw achos am dramgwydd o dorri un o ddarpariaethau'r rheoliadau a restrir yn Atodlen 4, bydd yn amddiffyniad i'r person a gyhuddir brofi ei fod wedi cymryd pob rhagofal rhesymol ac wedi arfer pob diwydrwydd dyladwy i osgoi cyflawni'r tramgwydd ei hun neu i osgoi iddo gael ei gyflawni gan berson o dan ei reolaeth.

(2) Os yw'r amddiffyniad sy'n cael ei ddarparu gan baragraff (1) mewn unrhyw achos yn cynnwys honni bod y tramgwydd wedi'i gyflawni oherwydd gweithred neu fethiant person arall, neu oherwydd i'r person a gyhuddir ddibynnu ar wybodaeth a ddarparwyd gan berson arall, ni chaiff y person a gyhuddir, heb ganiatâd y Llys, yr hawl i ddibynnu ar yr amddiffyniad hwnnw, oni bai—

(a) o leiaf saith niwrnod clir cyn y gwrandawiad; a

(b) os yw ef eisoes wedi ymddangos o flaen llys, neu wedi ei ddwyn gerbron llys mewn perthynas â'r tramgwydd honedig, o fewn un mis o'i ymddangosiad am y tro cyntaf,

ei fod wedi cyflwyno i'r erlynydd hysbysiad ysgrifenedig a oedd ar yr adeg honno yn ei feddiant ac sy'n rhoi'r wybodaeth honno sy'n fodd i adnabod neu'n gymorth i adnabod y person arall hwnnw.

Toriadau

62.   Bydd unrhyw berson—

(a) sy'n torri un o ddarpariaethau'r Rholiadau hyn, ac eithrio—

(i) y darpariaethau a geir yn rheoliadau 8(2) a 19(3) yn cyfeirio at dalu costau; a

(ii) y darpariaethau a geir yn rheoliadau 23(7), 28, 43(5), 45(2) a 55; neu

(b) sy'n methu cydymffurfio â hysbysiad a gyflwynwyd iddo o dan y Rheoliadau hyn,

yn euog o dramgwydd.

Cosbau

63.—( 1) Bydd person sy'n euog o'r tramgwydd o dorri rheoliad 60(1)(a) neu (b) yn agored i'w gollfarnu'n ddiannod i ddirwy heb fod yn fwy na lefel 5 ar y raddfa safonol neu i gyfnod yn y carchar heb fod yn fwy na thri mis, neu i'r ddau.

(2) Bydd person sy'n euog o unrhyw dramgwydd arall o dan y Rheoliadau hyn yn agored—

(a) i'w gollfarnu'n ddiannod i ddirwy heb fod yn fwy na'r uchafswm statudol neu i'w garcharu am gyfnod heb fod yn fwy na thri mis neu i'r ddau;

(b) o'i gollfarnu ar dditiad, i ddirwy neu garchariad am gyfnod heb fod yn fwy na dwy flynedd neu i'r ddau.

Tramgwyddau gan gyrff corfforaethol

64.—( 1) Os yw corff corfforaethol yn euog o dramgwydd o dan y Rheoliadau hyn, ac os profir bod y tramgwydd wedi'i wneud drwy gydsyniad neu ymoddefiad, neu wedi'i briodoli i unrhyw esgeulustod ar ran un o swyddogion corfforaethol y corff corfforaethol, bydd ef, yn ogystal â'r corff corfforaethol, yn euog o dramgwydd a bydd yn agored i gael ei erlyn a'i gosbi'n unol â hynny.

(2) At ddibenion y rheoliad hwn ystyr “swyddog corfforaethol” mewn perthynas â chorff corfforaethol y mae ei fusnes yn cael ei reoli gan ei aelodau, yw aelod o'r corff corfforaethol.

RHAN 13 Hysbysiadau a Phenderfyniadau

Cyflwyno hysbysiadau

65.—( 1) Caniateir i unrhyw hysbysiad a gyflwynir o dan y Rheoliadau hyn gan Gynulliad Cenedlaethol Cymru, yr Asiantaeth, milfeddyg swyddogol, archwilydd pysgod swyddogol neu swyddog gorfodi gael ei gyflwyno i berson drwy—

(a) ei ddanfon at y person hwnnw;

(b) ei adael ym mhriod gyfeiriad y person hwnnw; neu

(c) ei bostio i briod gyfeiriad y person hwnnw.

(2) Rhaid i unrhyw hysbysiad o'r fath sydd i'w gyflwyno i gorff corfforaethol neu gymdeithas anghorfforaethol ac eithrio partneriaeth gael ei gyflwyno'n briodol i ysgrifennydd neu glerc y corff hwnnw neu i un o swyddogion tebyg eraill y corff.

(3) Rhaid i unrhyw hysbysiad o'r fath sydd i'w gyflwyno i bartneriaeth (gan gynnwys partneriaeth Albanaidd) gael ei gyflwyno'n briodol i bartner neu berson sy'n rheoli'r busnes partneriaeth neu sy'n rheolwr arno.

(4) Yn ddarostyngedig i baragraffau (5) a (6), at ddibenion y rheoliad hwn, cyfeiriad hysbys diwethaf y person fydd priod gyfeiriad unrhyw berson y mae hysbysiad i'w gyflwyno iddo, ac eithrio'r ffaith mai'r canlynol fydd y priod gyfeirad—

(a) yn achos corff corfforaethol neu ei ysgrifennydd neu ei glerc, cyfeiriad swyddfa gofrestredig neu brif swyddfa y corff corfforaethol;

(b) yn achos cymdeithas anghorfforaethol (ac eithrio partneriaeth) neu ei hysgrifennydd neu ei chlerc, cyfeiriad prif swyddfa'r gymdeithas; ac

(c) yn achos partneriaeth (gan gynnwys partneriaeth Albanaidd) neu berson sy'n rheoli'r busnes partneriaeth neu sy'n rheolwr arno, cyfeiriad prif swyddfa'r bartneriaeth.

(5) Pan fo'r person y mae'r hysbysiad i'w gyflwyno iddo yn gwmni sydd wedi'i gofrestru, neu'n bartneriaeth sy'n cynnal busnes, y tu allan i'r Deyrnas Unedig, a bod gan y cwmni neu'r bartneriaeth swyddfa o fewn y Deyrnas Unedig, ei brif swyddfa o fewn y Deyrnas Unedig fydd prif swyddfa'r cwmni hwnnw neu'r bartneriaeth honno at ddibenion paragraff 4.

(6) Os yw'r person y mae unrhyw hysbysiad o'r fath i'w gyflwyno iddo wedi rhoi i'r person sydd i gyflwyno'r hysbysiad gyfeiriad yn unol ag unrhyw un o ddarpariaethau'r Rheoliadau hyn, ymdrinnir â'r cyfeiriad hwnnw fel priod gyfeiriad y person y mae'r hysbysiad i'w gyflwyno iddo at ddibenion y rheoliad hwn.

(7) At ddibenion y rheoliad hwn ystyr “postio” hysbysiad yw ei anfon drwy ddull rhagdaledig drwy wasanaeth post sy'n ceisio danfon dogfennau drwy'r post o fewn y Deyrnas Unedig heb fod yn ddiweddarach na'r diwrnod gwaith nesaf ym mhob achos neu ran amlaf, a danfon dogfennau drwy'r post y tu allan i'r Deyrnas Unedig o fewn y cyfnod sy'n rhesymol o dan yr holl amgylchiadau.

Hysbysu o benderfyniadau

66.   Pan fo penderfyniad yn cael ei wneud, o dan unrhyw un o ddarpariaethau'r Rheoliadau hyn, mewn perthynas â chynnyrch neu lwyth, rhaid i'r person sy'n gwneud y penderfyniad, os gofynnir iddo wneud hynny, hysbysu'r person sy'n gyfrifol am y cynnyrch neu'r llwyth o'r penderfyniad a'r rhesymau drosto yn ysgrifenedig, ynghyd â rhoi manylion ei hawl i apelio yn erbyn y penderfyniad gan gynnwys y weithdrefn a'r terfynau amser sy'n gymwys.

RHAN 14 Datgymhwyso a Dirymu

Datgymhwyso'r darpariaethau sy'n bodoli eisoes

67.—( 1) Ni fydd Gorchymyn Mewnforio Embryonau, Ofa a Semen 1980(29) yn gymwys i gynhyrchion y mae'r Rheoliadau hyn yn gymwys iddynt, ac eithrio embryonau, ofa a semen rhywogaeth y ddafad a'r afr.

(2) Ni fydd Gorchymyn Mewnforio Cynhyrchion Anifeiliaid a Chynhyrchion Dofednod 1980(30) yn gymwys i gynhyrchion y mae'r Rheoliadau hyn yn gymwys iddynt, ac eithrio'r cynhyrchion y cyfeiriwyd atynt yn rheoliad 3(3) o'r Rheoliadau hyn.

(3) Ni fydd y canlynol yn gymwys i gynhyrchion y mae'r Rheoliadau hyn yn gymwys iddynt——

(a) Rheoliadau Mewnforio Semen Gwartheg 1984(31); a

(b) Rheoliadau Bwyd a Fewnforir 1984(32).

Dirymu

68.   Mae'r Rheoliadau canlynol wedi'u dirymu—

• Rheoliadau Cynhyrchion sy'n Tarddu o Anifeiliaid (Mewnforion Trydydd Gwledydd) (Cymru) 2004(33);

Llofnodwyd ar ran Cynulliad Cenedlaethol Cymru o dan adran 66(1) o Ddeddf Llywodraeth Cymru 1998(34).

D. Elis-Thomas

Llywydd y Cynulliad Cenedlaethol

8 Mawrth 2005

Rheoliadau 2(1), 3(3), 21(5), 36 a 37(1) a (6)

ATODLEN 1 Yr Amodau Mewnforio

RHAN I DARPARIAETHAU SY'N GYFFREDIN I NIFER O CATEGORÏAU O GYNNYRCH

Terfynau gweddillion uchaf a halogion

1.   Rheoliad y Cyngor (EEC) Rhif 2377/90 sy'n gosod gweithdrefn Gymunedol ar gyfer sefydlu terfynau gweddillion uchaf cynhyrchion meddyginiaethol milfeddygol mewn bwydydd sy'n dod o anifeiliaid (OJ Rhif L224, 18.8.90, t.1), fel y'i diwygiwyd ddiwethaf gan Reoliad y Comisiwn (EC) Rhif 1646/2004 (OJ Rhif L296, 21.9.2004, t.5).

2.   Cyfarwyddeb y Cyngor 96/23/EC ar fesurau i fonitro sylweddau penodol a'u gweddillion mewn anifeiliaid byw a chynhyrchion anifeiliaid a'r Cyfarwyddebau sy'n ei dirymu, sef Cyfarwyddebau 85/358/EEC a 86/469/EEC a Phenderfyniadau 89/187/EEC a 91/664/EEC (OJ Rhif L125, 23.5.96, t.10) fel y'i diwygiwyd ddiwethaf gan y Ddeddf ynghylch amodau ymaelodi'r Weriniaeth Tsiec, Gweriniaeth Estonia, Gweriniaeth Cyprus, Gweriniaeth Latfia, Gweriniaeth Lithiwania, Gweriniaeth Hwngari, Gweriniaeth Malta, Gweriniaeth Poland, Gweriniaeth Slofenia a'r Weriniaeth Slofac a'r addasiadau i'r Cytuniadau y mae'r Undeb Ewropeaidd wedi'i seilio arnynt (OJ Rhif L236, 23.9.2003, t.33) (“yr Act Ymaelodi”).

3.   Rheoliad y Comisiwn (EC) Rhif 466/2001 sy'n gosod y lefelau uchaf ar gyfer halogion penodol mewn bwydydd (OJ Rhif L77, 16.3.2001, t.1) fel y'i diwygiwyd ddiwethaf gan Reoliad y Comisiwn (EC) Rhif 563/2002 (OJ Rhif L86, 3.4.2002, t.5).

4.   Penderfyniad y Comisiwn 2004/432/EC ar gymeradwyo cynlluniau monitro gweddillion a ddanfonwyd gan drydydd gwledydd yn unol â Chyfarwyddeb y Cyngor 96/23/EC (OJ Rhif L154, 30.4.2004, t.44).

Enseffalopathïau sbyngffurf trosglwyddadwy

5.   Rheoliad (EC) Rhif 999/2001 Senedd Ewrop a'r Cyngor sy'n gosod rheolau ar gyfer atal, rheoli, a difa enseffalopathïau sbyngffurf trosglwyddadwy penodol (OJ Rhif L147, 31.5.2001, t.1) fel y'i diwygiwyd ddiwethaf gan Reoliad y Comisiwn (EC) Rhif 1492/2004, (OJ Rhif L274, 24.8.2004, t.3).

Ardystiadau iechyd ar gyfer cynhyrchion anifeiliaid o Seland Newydd

6.   Penderfyniad y Comisiwn 2003/56/EC ar dystysgrifau iechyd ar gyfer mewnforio anifeiliaid byw a chynhyrchion anifeiliaid o Seland Newydd (OJ Rhif L22, 25.1.2003, t.38) fel y'i diwygiwyd ddiwethaf gan Benderfyniad y Comisiwn 2003/669/EC (OJ Rhif L237, 24.9.2003, t.7).

Rheolau iechyd anifeiliaid ar fewnforio cynhyrchion o anifeiliaid i gael eu bwyta gan ddyn.

7.   Cyfarwyddeb y Cyngor 2002/99/EC yn gosod rheolau iechyd anifeiliaid sydd yn rheoli cynhyrchu, prosesu, dosbarthu a chyflwyno cynhyrchion sydd yn dod o anifeiliaid ar gyfer eu bwyta gan ddyn (OJ Rhif L18, 23.1.2003, t. 11).

RHAN II CIG FFRES O ANIFEILIAID O DEULU'R FUWCH, TEULU'R DDAFAD, TEULU'R AFR A THEULU'R MOCHYN

Darpariaethau cyffredinol

1.   Cyfarwyddeb y Cyngor 64/433/EEC ar broblemau iechyd sy'n effeithio ar fasnach o fewn y Gymuned mewn cig ffres (OJ Rhif L121, 29.7.64, t.2012), fel y'i diwygiwyd a'i diweddarwyd gan Gyfarwyddeb y Cyngor 91/497/EC (OJ Rhif L268, 24.9.91, t.69) ac fel y'i diwygiwyd ddiwethaf gan yr Act Ymaelodi (gweler paragraff 2 o Ran I).

2.   Cyfarwyddeb y Cyngor 72/462/EEC ar broblemau iechyd a phroblemau archwiliadau milfeddygol wrth fewnforio anifeiliaid o deulu'r fuwch, teulu'r ddafad, teulu'r afr a theulu'r mochyn, cig ffres a chynhyrchion cig o drydydd gwledydd (OJ Rhif L302, 31.12.72, t.28), fel y'i diwygiwyd ddiwethaf gan Reoliad y Cyngor (EC) 1452/2001 (OJ Rhif L198, 21.7.2001, t.11).

3.   Cyfarwyddeb y Cyngor 77/96/EEC ar gyfer archwilio am trichinae (trichinella spiralis) wrth fewnforio o drydydd gwledydd gig ffres o foch domestig (OJ Rhif L26, 31.1.77, t.67), fel y'i diwygiwyd ddiwethaf gan yr Act Ymaelodi (gweler paragraff 2 o Ran I).

Trydydd gwledydd y caniateir mewnforio cig ffres ohonynt

4.   Penderfyniad y Cyngor 79/542/EEC sy'n llunio rhestr o drydydd gwledydd neu rannau o drydydd gwledydd, ac yn gosod yr amodau ynghylch iechyd anifeiliaid ac iechyd y cyhoedd ac ynghylch ardystiadau milfeddygol, ar gyfer mewnforio i'r Gymuned anifeiliaid byw penodol a'u cig ffres (OJ Rhif L146, 14.6.79, t.15) fel y'i diwygiwyd ddiwethaf gan Benderfyniad y Comisiwn 2004/620/EC (OJ Rhif L279, 28.8.2004, t.30).

Sefydliadau trydedd wlad y caniateir mewnforio cig ffres ohonynt

5.   Penderfyniad y Comisiwn 95/408/EC ar amodau ar gyfer llunio, am gyfnod interim, restrau dros dro o sefydliadau trydedd wlad yr awdurdodir Aelod-wladwriaethau i fewnforio ohonynt gynhyrchion penodol sy'n dod o anifeiliaid, cynhyrchion pysgodfeydd neu folysgiaid deufalf byw (OJ Rhif L243, 11.10.95, t.17) fel y'i diwygiwyd ddiwethaf gan Benderfyniad y Comisiwn 2003/912/EC (OJ Rhif L345, 31.12.2003, t.112).

6.  Yr Ariannin—— Penderfyniad y Comisiwn 81/91/EEC (OJ Rhif L58, 5.3.81, t.39) fel y'i diwygiwyd gan Benderfyniad y Comisiwn 86/392/EEC (OJ Rhif L228, 14.8.86, t.44).

7.  Awstralia—— Penderfyniad y Comisiwn 83/384/EEC (OJ Rhif L222, 13.01.83, t.36) fel y'i diwygiwyd gan Benderfyniad y Comisiwn 86/389/EEC (OJ Rhif L228, 14.8.86, t.34).

8.  Botswana—— Penderfyniad y Comisiwn 83/243/EEC (OJ Rhif L129, 19.5.83, t.70).

9.  Brasil—— Penderfyniad y Comisiwn 81/713/EEC (OJ Rhif L257, 10.9.81, t.28) fel y'i diwygiwyd ddiwethaf gan Benderfyniad y Comisiwn 89/282/EEC (OJ Rhif L110, 21.4.89, t.54).

10.  Bwlgaria—— Penderfyniad y Comisiwn 87/735/EEC (OJ Rhif L311, 8.11.82, t.16).

11.  Caledonia Newydd— Penderfyniad y Comisiwn 2004/628/EC (OJ Rhif L284, 3.9.2004, t.4).

12.  Canada—— Penderfyniad y Comisiwn 87/258/EEC (OJ Rhif L121, 9.5.87, t.50).

13.  Chile—— Penderfyniad y Comisiwn 87/124/EEC (OJ Rhif L51, 20.2.87, t.41).

14.  Croatia—— Penderfyniad y Comisiwn 93/26/EEC (OJ Rhif L16, 25.1.93, t.24).

15.  Ynysoedd Falkland— Penderfyniad y Comisiwn 2002/987/EC (OJ Rhif L344, 19.12.2002, t.39).

16.  Kalaallit Nunaat (Greenland)—— Penderfyniad y Comisiwn 85/539/EEC (OJ Rhif L334, 12.12.85, t.25).

17.  Gwlad yr Iâ—— Penderfyniad y Comisiwn 84/24/EEC (OJ Rhif L20, 25.1.84, t.21).

18.  Cyn Weriniaeth Iwgoslafaidd Macedonia—— Penderfyniad y Comisiwn 95/45/EC (OJ Rhif L51, 8.3.95, t.13).

19.  Madagasgar—— Penderfyniad y Comisiwn 90/165/EEC (OJ Rhif L91, 6.4.90, t.34).

20.  Mecsico—— Penderfyniad y Comisiwn 87/424/EEC (OJ Rhif L228, 15.8.87, t.43).

21.  Moroco—— Penderfyniad y Comisiwn 86/65/EEC (OJ Rhif L72, 15.3.86, t.40).

22.  Namibia—— Penderfyniad y Comisiwn 90/432/EEC (OJ Rhif L223, 18.8.90, t.19).

23.  Seland Newydd—— Penderfyniad y Comisiwn 83/402/EEC (OJ Rhif L223, 24.8.83, t.24) fel y'i diwygiwyd gan Benderfyniad y Comisiwn 86/432/EEC (OJ Rhif L253, 5.9.86, t.28).

24.  Paraguay—— Penderfyniad y Comisiwn 83/423/EEC (OJ Rhif L238, 27.8.83, t.39).

25.  Rwmania—— Penderfyniad y Comisiwn 83/218/EEC (OJ Rhif L121, 7.5.83, t.23) fel y'i diwygiwyd gan Benderfyniad y Comisiwn 86/289/EEC (OJ Rhif L182, 5.7.86, t.25).

26.  De Affrica—— Penderfyniad y Comisiwn 82/913/EEC (OJ Rhif L381, 31.12.82, t.28) fel y'i diwygiwyd gan Benderfyniad y Comisiwn 90/433/EEC (OJ Rhif L223, 18.8.90, t.21).

27.  Gwlad Swazi—— Penderfyniad y Comisiwn 82/814/EEC (OJ Rhif L343, 4.12.82, t.24).

28.  Y Swistir—— Penderfyniad y Comisiwn 82/734/EEC (OJ Rhif L311, 8.11.82, t.13) fel y'i diwygiwyd ddiwethaf gan Benderfyniad y Comisiwn 92/2/EEC (OJ Rhif L1, 4.1.92, t.22).

29.  Unol Daleithiau America— Penderfyniad y Comisiwn 87/257/EEC (OJ Rhif L121, 9.5.87, t.46) fel y'i diwygiwyd gan Benderfyniad y Comisiwn 2000/138/EC (OJ Rhif L46, 18.2.00, t.36).

30.  Uruguay—— Penderfyniad y Comisiwn 81/92/EEC (OJ Rhif L58, 5.3.81, t.43) fel y'i diwygiwyd gan Benderfyniad y Comisiwn 86/485/EEC (OJ Rhif L282, 3.10.86, t.31).

31.  Gweriniaeth Ffederal Iwgoslafia—— Penderfyniad y Comisiwn 98/8/EEC (OJ Rhif L2, 6.1.98, t.12).

32.  Zimbabwe—— Penderfyniad y Comisiwn 85/473/EEC (OJ Rhif L278, 18.10.85, t.35).

Y gofynion o ran ardystiadau iechyd

33.   Penderfyniad y Cyngor 79/542/EEC (gweler paragraff 4 o'r Rhan hon).

RHAN III CYNHYRCHION CIG

Darpariaethau cyffredinol

1.   Cyfarwyddeb y Cyngor 72/462/EEC (gweler paragraff 2 o Ran II).

2.   Cyfarwyddeb y Cyngor 77/99/EEC ar broblemau iechyd sy'n effeithio ar fasnach o fewn y Gymuned mewn cynhyrchion cig (OJ Rhif L26, 31.1.77, t.85), fel y'i diwygiwyd ac y'i diweddarwyd gan Gyfarwyddeb y Cyngor 1992/5/EEC (OJ Rhif L57, 2.3.92, t.1) ac fel y'i diwygiwyd ddiwethaf gan yr Act Ymaelodi (gweler paragraff 2 o Ran 1).

3.   Cyfarwyddeb y Cyngor 80/215/EEC ar broblemau iechyd anifeiliaid sy'n effeithio ar fasnach o fewn y Gymuned mewn cynhyrchion cig (OJ Rhif L47, 21.2.80, t.4), fel y'i diwygiwyd ddiwethaf gan Gyfarwyddeb y Cyngor 91/687/EEC (OJ Rhif L377, 31.12. 91, t.16) ac a ddarllenir gyda Chyfarwyddeb y Cyngor 2002/99/EC (gweler paragraff 7 o Ran 1).

Trydydd gwledydd y caniateir mewnforio cynhyrchion cig ohonynt

4.   Penderfyniad y Comisiwn 97/222/EEC sy'n gosod y rhestr o drydydd gwledydd y mae'r Aelod-wladwriaethau yn awdurdodi mewnforio cynhyrchion cig ohonynt (OJ Rhif L89, 4.4.97, t.39), fel y'i diwygiwyd ddiwethaf gan Benderfyniad y Comisiwn 2004/245/EC (OJ Rhif L77, 13.3.2004, t.62).

Sefydliadau trydedd wlad y caniateir mewnforio cynhyrchion cig ohonynt:

5.   Penderfyniad y Comisiwn 95/408/EC (gweler paragraff 5 o Ran II).

6.  Yr Ariannin—— Penderfyniad y Comisiwn 86/414/EC (OJ Rhif L237, 23.8.86, t.36), fel y'i diwygiwyd gan Benderfyniad y Comisiwn 97/397/EC (OJ Rhif L165, 24.6.97, t.13).

7.  Botswana—— Penderfyniad y Comisiwn 94/465/EC (OJ Rhif L190, 26.7.94, t.25).

8.  Brasil—— Penderfyniad y Comisiwn 87/119/EC (OJ Rhif L49, 18.2.87, t.37) fel y'i diwygiwyd gan Benderfyniad y Comisiwn 95/236/EC (OJ Rhif L156, 7.7.95, t.85).

9.  Namibia—— Penderfyniad y Comisiwn 95/427/EC (OJ Rhif L254, 24.10.95, t.28).

10.  Uruguay—— Penderfyniad y Comisiwn 86/473/EEC (OJ Rhif L279, 30.9.86, t.53) fel y'i diwygiwyd gan Benderfyniad y Comisiwn 96/466/EC (OJ Rhif L192, 2.8.96, t.25).

11.  Zimbabwe—— Penderfyniad y Comisiwn 94/40/EC (OJ Rhif L22, 27.1.94, t.50).

12.  Trydydd gwledydd amrywiol—— Penderfyniad y Comisiwn 97/365/EC (OJ Rhif L154, 12.6.97, t.41) fel y'i diwygiwyd ddiwethaf gan Benderfyniad y Comisiwn 2004/380/EC (OJ Rhif L144, 30.04.2004, t.5).

13.  Trydydd gwledydd amrywiol—— Penderfyniad y Comisiwn 97/569/EC (OJ Rhif L234, 26.8.97, t.16) fel y'i diwygiwyd ddiwethaf gan yr Act Ymaelodi (gweler paragraff 2 o Ran I).

Y gofynion o ran ardystiadau iechyd

14.   Penderfyniad y Comisiwn 97/221/EC (OJ Rhif L89, 4.4.97, t.32) (iechyd anifeiliaid).

15.   Cyfarwyddeb y Cyngor 72/462/EEC (gweler paragraff 2 o Ran II) (iechyd y cyhoedd).

16.   Penderfyniad y Comisiwn 97/41/EC (OJ Rhif L17, 21.1.97, t.34) (iechyd y cyhoedd).

RHAN IV LLAETH, LLAETH A GAFODD EI DRIN Å GWRES A CHYNHYRCHION SYDD WEDI'U SEILIO AR LAETH

Cyffredinol

1.   Cyfarwyddeb y Cyngor 92/46/EEC sy'n gosod y rheolau iechyd ar gyfer cynhyrchu a gosod ar y farchnad laeth crai, llaeth a gafodd ei drin â gwres a chynhyrchion sydd wedi'u seilio ar laeth (OJ Rhif L268, 14.9.92, t.1) fel y'i diwygiwyd ddiwethaf gan Gyfarwyddeb y Cyngor 2003/85/EC (OJ Rhif L306, 22.11.2003, t.1), ac y'i darllenir gyda Chyfarwyddeb y Cyngor 2002/99/EC (gweler paragraff 7 o Ran 1).

2.   Penderfyniad y Comisiwn 2004/438/EC sy'n gosod amodau ynghylch iechyd anifeiliaid ac iechyd y cyhoedd ac ynghylch ardystiadau milfeddygol ar gyfer cyflwyno i'r Gymuned laeth wedi ei drin â gwres, cynhyrchion sydd wedi eu seilio ar laeth, a llaeth crai a fwriedir ar gyfer ei yfed gan bobl (OJ Rhif L154, 30.4.2004, t.72).

Trydydd gwledydd y caniateir mewnforio ohonynt laeth a chynhyrchion sydd wedi'u seilio ar laeth

3.   Penderfyniad y Comisiwn 2004/438/EC (gweler paragraff 2 uchod).

Sefydliadau trydedd wlad y caniateir mewnforio ohonynt laeth a chynhyrchion sydd wedi'u seilio ar laeth

4.   Penderfyniad y Comisiwn 95/408/EC (gweler paragraff 5 o Ran II).

5.   Penderfyniad y Comisiwn 97/252/EC (OJ Rhif L101, 18.4.97, t.46) fel y'i diwygiwyd ddiwethaf gan yr Act Ymaelodi (gweler paragraff 2 o Ran I).

RHAN V CIG DOFEDNOD FFRES

Cyffredinol

1.   Cyfarwyddeb y Cyngor 71/118/EEC ar broblemau iechyd sy'n effeithio ar fasnach mewn cig dofednod ffres (OJ Rhif L55, 8.3.71, t.23), fel y'i diwygiwyd ac y'i diweddarwyd gan Gyfarwyddeb y Cyngor 92/116/EEC (OJ Rhif L62, 15.3.93, t.1) ac fel y'i diwygiwyd ddiwethaf gan yr Act Ymaelodi (gweler paragraff 2 o Ran I).

2.   Cyfarwyddeb y Cyngor 91/494/EEC ar amodau iechyd anifeiliaid sy'n llywodraethu masnach o fewn y Gymuned mewn cig dofednod ffres a mewnforion o'r cig hwnnw o drydydd gwledydd (OJ Rhif L268, 24.9.91, t.35), fel y'i diwygiwyd ddiwethaf gan Gyfarwyddeb y Cyngor 99/89/EC (OJ Rhif L300, 23.11.99, t.17) ac a ddarllenir gyda Chyfarwyddeb y Cyngor 2002/99/EC (gweler paragraff 7 o Ran 1).

3.   Penderfyniad y Comisiwn 93/342/EC sydd yn gosod y meini prawf ar gyfer dosbarthu trydydd gwledydd mewn perthynas â ffliw adar a chlefyd Newcastle (OJ Rhif L317, 8.6.93 t.24) fel y'i diwygiwyd gan Benderfyniad y Comisiwn 94/438/EC (OJ Rhif L181, 15.7.94, t.35)

Trydydd gwledydd y caniateir mewnforio cig dofednod ffres ohonynt

4.   Penderfyniad y Comisiwn 94/85/EC (OJ Rhif L44, 17.2.94, t.31), fel y'i diwygiwyd ddiwethaf gan Benderfyniad y Comisiwn 2004/118/EC (OJ Rhif L36, 7.2.2004, t.34).

Sefydliadau trydedd wlad y caniateir mewnforio cig dofednod ffres ohonynt

5.   Penderfyniad y Comisiwn 95/408/EC (gweler paragraff 5 o Ran II).

6.   Penderfyniad y Comisiwn 97/4/EC (OJ Rhif L2, 4.1.97, t.6) fel y'i diwygiwyd ddiwethaf gan yr Act Ymaelodi (gweler paragraff 2 o Ran I).

Y gofynion o ran ardystiadau iechyd

7.   Penderfyniad y Comisiwn 94/984/EC (OJ Rhif L378, 31.12.94, t.11) fel y'i diwygiwyd ddiwethaf gan Benderfyniad y Comisiwn 2004/436/EC (OJ Rhif L154, 30.4.2004, t.59).

RHAN VI CIG ANIFEILIAID HELA GWYLLT

Cyffredinol

1.   Cyfarwyddeb y Cyngor 92/45/EEC ar broblemau iechyd y cyhoedd ac iechyd anifeiliaid sy'n gysylltiedig â lladd anifeiliaid hela gwyllt ac â gosod cig anifeiliaid hela gwyllt ar y farchnad (OJ Rhif L268, 14.9.92, t.35) fel y'i diwygiwyd ddiwethaf gan yr Act Ymaelodi (gweler paragraff 2 o Ran I) a dylid ei ddarllen gyda Chyfarwyddeb y Cyngor 2002/99/EC (gweler paragraff 7 o Ran 1).

2.   Penderfyniad y Comisiwn 2000/585/EC sy'n llunio rhestr o drydydd gwledydd y mae Aelod-wladwriaethau'n awdurdodi mewnforio cig cwningod a chig penodol sy'n dod o anifeiliaid hela gwyllt ac o anifeiliaid hela a ffermir, ac sy'n gosod amodau ynghylch iechyd anifeiliaid ac iechyd y cyhoedd ac ynghylch ardystiadau milfeddygol ar gyfer mewnforio'r cig hwn (OJ Rhif L251, 6.10.2000, t.1), fel y'i diwygiwyd ddiwethaf gan Benderfyniad y Comisiwn 2004/413/EC (OJ Rhif L151, 30.4.2004, t.54).

Sefydliadau trydedd wlad y caniateir mewnforio cig anifeiliaid hela ohonynt

3.   Penderfyniad y Comisiwn 95/408/EC (gweler paragraff 5 o Ran II).

4.   Penderfyniad y Comisiwn 97/468/EC (OJ Rhif L199, 26.7.97, t.62) fel y'i diwygiwyd ddiwethaf gan yr Act Ymaelodi (gweler paragraff 2 o Ran I).

RHAN VII BRIWGIG A PHARATOADAU CIG

Cyffredinol

1.   Cyfarwyddeb y Cyngor 94/65/EC sy'n gosod y gofynion ar gyfer cynhyrchu briwgig a pharatoadau cig a'u gosod ar y farchnad (OJ Rhif L368, 31.12.94, t.10) fel y'i diwygiwyd gan Reoliad y Cyngor (EC) Rhif 806/2003 (OJ Rhif L122, 16.5.2003, t.1) dylid ei ddarllen gyda Chyfarwyddeb y Cyngor 2002/99/EC (gweler paragraff 7 o Ran 1).

Y gofynion o ran ardystiadau iechyd

2.   Penderfyniad y Comisiwn 2000/572/EC (OJ Rhif L240, 23.9.2000, t.19) fel y'i diwygiwyd ddiwethaf gan Benderfyniad y Comisiwn 2004/437/EC (OJ Rhif L154, 30.4.2004, t.65) (paratoadau cig).

3.   Penderfyniad y Cyngor 79/542/EEC (gweler paragraff 4 o Ran II (briwgig).

Sefydliadau trydedd wlad y caniateir mewnforio briwgig a pharatoadau cig ohonynt

4.   Penderfyniad y Comisiwn 95/408/EC (gweler paragraff 5 o Ran II).

5.   Penderfyniad y Comisiwn 99/710/EC (OJ Rhif L281, 4.11.1999, t.82) fel y'i diwygiwyd ddiwethaf gan Benderfyniad y Comisiwn 2004/381/EC (OJ Rhif L144, 30.4.2004, t.8).

RHAN VIII CYNHYRCHION AMRYWIOL

Cyffredinol

1.   Cyfarwyddeb y Cyngor 92/118/EEC sy'n gosod gofynion iechyd anifeiliaid ac iechyd y cyhoedd sy'n llywodraethu'r fasnach mewn cynhyrchion nad ydynt yn ddarostyngedig i'r gofynion a enwyd, sef gofynion a osodwyd mewn rheolau Cymunedol penodol y cyfeirir atynt yn Atodiad A (1) i Gyfarwyddeb 89/662/EEC ac, o ran pathogenau, i Gyfarwyddeb 90/425/EEC (OJ Rhif L62, 15.3.93, t.49), fel y'i diwygiwyd ddiwethaf gan Reoliad y Comisiwn (EC) Rhif 445/2004 (OJ Rhif L72, 11.3.2004, t.60) ac sy'n llywodraethu mewnforio'r cynhyrchion hynny.

2.   Cyfarwyddeb y Cyngor 91/495/EEC ynghylch problemau iechyd y cyhoedd ac iechyd anifeiliaid sy'n effeithio ar gynhyrchu cig cwningod a chig anifeiliaid hela a ffermir ac ar osod y cig hwnnw ar y farchnad (OJ Rhif L268, 24.9.91, t.41), fel y'i diwygiwyd ddiwethaf gan yr Act Ymaelodi (gweler paragraff 2 o Ran 1), ac a ddarllenir gyda Chyfarwyddeb y Cyngor 2002/99/EC (gweler paragraff 7 o Ran 1).

3.   Penderfyniad y Comisiwn 2000/609/EC sy'n gosod amodau ynghylch iechyd anifeiliaid ac iechyd y cyhoedd ac ynghylch ardystiadau milfeddygol ar gyfer mewnforio cig anifeiliaid di-gêl a ffermir ac sy'n diwygio Penderfyniad 94/85/EC sy'n llunio rhestr o drydydd gwledydd y mae Aelod-wladwriaethau yn awdurdodi mewnforio cig dofednod ffres ohonynt (OJ Rhif L258, 12.10.2000, t.49), fel y'i diwygiwyd ddiwethaf gan Benderfyniad y Comisiwn 2004/415/EC (OJ Rhif L151, 30.4.2004, t.70).

Trydydd gwledydd y caniateir mewnforio ohonynt gynhyrchion y mae Cyfarwyddeb y Cyngor 92/118/EEC yn ymdrin â hwy

4.   Penderfyniad y Comisiwn 2003/812/EC (OJ Rhif L305, 22.11.2003, t.17) fel y'i diwygiwyd gan Benderfyniad y Comisiwn 2004/19/EC (OJ Rhif L5, 9.1.2004, t.84).

Sefydliadau trydedd wlad y caniateir mewnforio ohonynt gynhyrchion y mae Cyfarwyddeb y Cyngor 92/118/EEC yn ymdrin â hwy

5.   Penderfyniad y Comisiwn 95/408/EC (gweler paragraff 5 o Ran II).

6.   Penderfyniad y Comisiwn 1999/120/EC (OJ Rhif L36, 10.2.1999, t.21) (casinau anifeiliaid) fel y'i diwygiwyd ddiwethaf gan yr Act Ymaelodi (gweler paragraff 2 o Ran I).

7.   Penderfyniad y Comisiwn 97/467/EC (OJ Rhif L199, 26.7.97 t.57) fel y'i diwygiwyd ddiwethaf gan Benderfyniad y Comisiwn 2004/591/EC (OJ Rhif 263, 10.8.2004, t. 21) cig cwningod a chig anifeiliaid hela a ffermir).

8.   Penderfyniad y Comisiwn 2001/396/EC (OJ Rhif L139, 23.5.2001, t.16) (cig di-gêl).

9.   Penderfyniad y Comisiwn 2001/556/EC (OJ Rhif L200, 25.7.2001, t.23) (gelatin) fel y'i diwygiwyd ddiwethaf gan yr Act Ymaelodi (gweler paragraff 2 o Ran 1).

Y gofynion o ran ardystiadau iechyd

10.   Penderfyniad y Comisiwn 2003/779/EC (OJ Rhif L285, 1.11.2003, t.38) fel y'i diwygiwyd gan Benderfyniad y Comisiwn 2004/414/EC (OJ Rhif L151, 30.4.2004, t.62) (casinau anifeiliaid).

11.   Penderfyniad y Comisiwn 97/199/EC (OJ Rhif L84, 26.3.97, t.4) (bwyd anifeiliaid anwes mewn cynwysyddion aerglos).

12.   Penderfyniad y Comisiwn 2000/585/EC (gweler paragraff 2 o Ran VI) (cig cwningod a chig anifeiliaid hela a ffermir).

13.   Penderfyniad y Comisiwn 2000/609/EC (gweler paragraff 3 o Ran VIII) (cig anifeiliaid di-gêl a ffermir).

14.   Penderfyniad y Comisiwn 97/38/EC (OJ Rhif L14, 17.1.97, t 61) (cynhyrchion wy).

15.   Penderfyniad y Comisiwn 2000/20/EC (OJ Rhif L6, 11.1.2000, t.60) (gelatin) (ac eithrio UDA).

16.   Penderfyniad y Comisiwn 2003/721/EC (OJ Rhif L260, 11.10.2003, t.21) (colagen) (ac eithrio UDA).

17.   Penderfyniad y Comisiwn 2003/863/EC (OJ Rhif L325, 12.12.2003, t.46) (gelatin a cholagen o UDA).

Sgil-gynhyrchion anifeiliaid

18.   Rheoliad (EC) Rhif 1774/2002 Senedd Ewrop a'r Cyngor sy'n gosod rheolau iechyd ynghylch sgil-gynhyrchion anifeiliaid nas bwriedir ar gyfer eu bwyta gan bobl (OJ Rhif L273, 10.10.2002, t.1) fel y'i diwygiwyd ddiwethaf gan Reoliad y Comisiwn (EC) Rhif 780/2004 (OJ Rhif L123, 19.4.2004. t.64).

19.   Rheoliad (EC) Rhif 878/2004 sy'n gosod mesurau trosiannol yn unol â Rheoliad (EC) Rhif 1774/2002 ar gyfer rhai sgil-gynhyrchion anifeiliaid a ddosberthir fel deunyddiau Categori 1 a 2 ac a fwriedir at ddibenion technegol (OJ Rhif L162, 30.4.2004, t.62).

20.   Penderfyniad y Comisiwn 2004/407/EC ar reolau iechydol trosiannol a rheolau ardystio o dan Reoliad (EC) Rhif 1774/2002 Senedd Ewrop a'r Cyngor mewn cysylltiad â mewnforio gelatin ffotograffig o drydydd gwledydd penodol(OJ Rhif L151, 30.4.2004, t.11).

RHAN IX DEUNYDD GENETIG

Deunydd o deulu'r fuwch

1.   Cyfarwyddeb y Cyngor 88/407/EEC sy'n gosod y gofynion iechyd anifeiliaid sy'n gymwys i fasnach ryng-Gymunedol mewn semen anifeiliaid domestig o rywogaeth y fuwch a hwnnw'n semen wedi'i rewi ac sy'n gymwys i fewnforio'r semen hwnnw i'r Gymuned (OJ Rhif L194, 22.7.88, t.10, fel y'i diwygiwyd ddiwethaf gan Benderfyniad y Comisiwn 2004/101/EC (OJ Rhif L30, 4.2.2004, t.15).

2.   Cyfarwyddeb y Cyngor 89/556/EEC ar amodau iechyd anifeiliaid sy'n llywodraethu masnach ryng-Gymunedol mewn embryonau anifeiliaid domestig o rywogaeth y fuwch ac yn llywodraethu eu mewnforio i'r Gymuned o drydydd gwledydd (OJ Rhif L302, 19.10.89, t.1) fel y'i diwygiwyd ddiwethaf gan Reoliad (EC) Rhif 806/2003/EC (OJ Rhif L22, 16.5.2003, t.1).

3.   Penderfyniad y Comisiwn 91/270/EEC sy'n llunio rhestr o drydydd gwledydd y mae Aelod-wladwriaethau'n awdurdodi mewnforio ohonynt embryonau anifeiliaid domestig o rywogaeth y fuwch (OJ Rhif L134, 29.05.91, t.56) fel y'i diwygiwyd ddiwethaf gan yr Act Ymaelodi (gweler paragraff 2 o Ran I).

4.   Penderfyniad y Comisiwn 92/471/EEC ynghylch amodau iechyd anifeiliaid ac ardystiadau milfeddygol ar gyfer mewnforio embryonau gwartheg o drydydd gwledydd (OJ Rhif L270, 15.9.92, t.27) fel y'i diwygiwyd ddiwethaf gan Benderfyniad y Comisiwn 2004/52/EC (OJ Rhif L10, 16.1.2004, t.67).

5.   Penderfyniad y Comisiwn 92/452/EEC sy'n sefydlu rhestr o dimau casglu embryonau a gymeradwywyd mewn trydydd gwledydd ar gyfer allforio embryonau gwartheg i'r Gymuned (OJ L250, 29.08.1992 t.40) fel y'i diwygiwyd ddiwethaf gan Benderfyniad y Comisiwn 2004/568/EC (OJ Rhif L252, 28.7.2004, t.5).

6.   Penderfyniad y Comisiwn 2004/639/EC sy'n gosod amodau mewnforio semen anifeiliaid domestig o rywogaeth y fuwch (OJ Rhif L292, 15.9.2004, t.21).

Deunydd o deulu'r mochyn

7.   Cyfarwyddeb y Cyngor 90/429/EEC sy'n gosod y gofynion iechyd anifeiliaid sy'n gymwys i fasnach ryng-Gymunedol mewn semen anifeiliaid domestig o rywogaeth y mochyn ac i fewnforio'r semen hwnnw (OJ Rhif L224, 18.8.90, t.62) fel y'i diwygiwyd ddiwethaf gan yr Act Ymaelodi (gweler paragraff 2 o Ran I).

8.   Penderfyniad y Comisiwn 94/63/EC sy'n llunio rhestr dros dro o drydydd gwledydd y mae Aelod-wladwriaethau yn awdurdodi mewnforio ohonynt semen, ofa, ac embryonau rhywogaeth y ddafad, yr afr a'r ceffyl, ofa ac embryonau rhywogaeth y mochyn (OJ Rhif L28, 2.2.94, t.47) fel y'i diwygiwyd ddiwethaf gan Benderfyniad y Comisiwn 2004/211/EC (OJ Rhif L73, 11.3.2004, t.1).

9.   Penderfyniad y Comisiwn 93/160/EEC sy'n llunio rhestr o drydydd gwledydd y mae Aelod-wladwriaethau'n awdurdodi mewnforio ohonynt semen anifeiliaid domestig o rywogaeth y mochyn (OJ L67, 19.03.1993 t.27).

10.   Penderfyniad y Comisiwn 2002/613/EC sy'n gosod yr amodau ynghylch mewnforio semen anifeiliaid domestig o rywogaeth y mochyn (OJ Rhif L196, 25.7.2002, t.45) fel y'i diwygiwyd ddiwethaf gan Benderfyniad y Comisiwn 2004/456/EC (OJ Rhif L156, 30.4.2004, t.44).

Deunydd o deulu'r ddafad a'r afr

11.   Cyfarwyddeb y Cyngor 92/65/EEC sy'n gosod gofynion iechyd anifeiliaid sy'n llywodraethu'r fasnach yn y Gymuned mewn anifeiliaid, semen, ofa ac embryonau nad ydynt yn ddarostyngedig i ofynion iechyd anifeiliaid a bennir yn rheolau penodol y Gymuned ac y cyfeirir atynt yn Atodiad A(I) i Gyfarwyddeb 90/425/EEC) (OJ Rhif L268, 14.9.92, t.54) fel y'i diwygiwyd ddiwethaf gan yr Act Ymuno (gweler paragraff 2 o Ran I) ac sy'n llywodraethu mewnforio'r rhain i'r Gymuned.

12.   Penderfyniad y Comisiwn 94/63/EC (gweler paragraff 8 o'r Rhan hon).

Deunydd o deulu'r ceffyl

13.   Cyfarwyddeb y Cyngor 92/65/EEC (gweler paragraff 11 o'r Rhan hon).

14.   Penderfyniad y Comisiwn 2004/211/EC sy'n sefydlu'r rhestr o drydydd gwledydd ac o rannau o diriogaeth trydydd gwledydd y mae Aelod-wladwriaethau'n awdurdodi mewnforio ohonynt equidae byw a semen, ac ofa ac embryonau rhywogaeth y ceffyl, ac sy'n diwygio Penderfyniadau 93/195/EC a 94/63/EC (OJ Rhif 73, 11.3.2004, t.1).

15.   Penderfyniad y Comisiwn 96/539/EC ar ofynion iechyd anifeiliaid ac ardystiadau milfeddygol ar gyfer mewnforio i'r Gymuned semen rhywogaeth y ceffyl, (OJ Rhif L230, 11.9.96, t.23) fel y'i diwygiwyd ddiwethaf gan y Ddeddf Ymuno (gweler paragraff 2 o Ran I).

16.   Penderfyniad y Comisiwn 96/540/EC ar ofynion iechyd anifeiliaid ac ardystiadau milfeddygol ar gyfer mewnforio i'r Gymuned ofa ac embryonau rhywogaeth y ceffyl (OJ Rhif L230, 11.9.96, t.28) fel y'i diwygiwyd gan y Ddeddf Ymuno (gweler paragraff 2 o Ran 1).

17.   Penderfyniad y Comisiwn 2004/616/EC yn sefydlu rhestr o ganolfannau casglu semen wedi eu cymeradwyo ar gyfer mewnforio o drydydd gwledydd semen o deulu'r ceffylau (OJ Rhif L278, 27.8.2004, t.64).

RHAN X CYNHYRCHION PYSGODFEYDD

Darpariaethau cyffredinol

1.   Cyfarwyddeb y Cyngor 91/67/EEC ynghylch yr amodau iechyd anifeiliaid sy'n llywodraethu gosod ar y farchnad anifeiliaid a chynhyrchion dyframaethu (OJ Rhif L46, 19.2.91, t.1), fel y'i diwygiwyd ddiwethaf gan Gyfarwyddeb y Cyngor 806/2003 (OJ Rhif L122, 16.5.2003, t.1).

2.   Cyfarwyddeb y Cyngor 91/492/EEC sy'n gosod yr amodau iechyd ar gyfer cynhyrchu molysgiaid deufalf byw a'u gosod ar y farchnad (OJ Rhif L268, 24.9.91, t.1), fel y'i diwygiwyd ddiwethaf gan Reoliad y Cyngor (EC) Rhif 806/2003 (OJ Rhif L122, 16.5.2003, t.1).

3.   Cyfarwyddeb y Cyngor 91/493/EEC sy'n gosod yr amodau iechyd ar gyfer cynhyrchu cynhyrchion pysgodfeydd a'u gosod ar y farchnad (OJ Rhif L268, 24.9.91, t.15) fel y'i diwygiwyd ddiwethaf gan y Ddeddf Ymaelodi (gwler paragraff 2 o Ran I).

4.   Cyfarwyddeb y Cyngor 92/48/EEC sy'n gosod rheolau gofynnol ynghylch hylendid sy'n gymwys i gynhyrchion pysgodfeydd sy'n cael eu dal ar fwrdd llongau penodol yn unol ag Erthygl 3(1)(a)(i) o Gyfarwyddeb 91/493/EEC (OJ Rhif L187, 7.7.92, t.41).

5.   Penderfyniad y Comisiwn 2003/774/EC sy'n cymeradwyo triniaethau penodol i atal micro-organeddau pathogenig rhag datblygu mewn molysgiaid deufalf a gastropodau morol (OJ Rhif L283, 31.10.03, t.78).

6.   Penderfyniad y Comisiwn 93/51/EEC ar y meini prawf microbiolegol sy'n gymwys i gynhyrchu cramenogion a molysgiaid a chregynbysgod sydd wedi'u coginio (OJ Rhif L13, 21.1.93, t.11).

7.   Penderfyniad y Comisiwn 93/140/EEC sy'n gosod y rheolau manwl sy'n ymwneud â'r archwiliad gweledol er mwyn datgelu parasitiaid mewn cynhyrchion pysgodfeydd (OJ Rhif L56, 9.3.93, t.42).

8.   Penderfyniad y Comisiwn 94/356/EC sy'n gosod rheolau manwl ar gyfer cymhwyso Cyfarwyddeb y Cyngor 91/493/EEC o ran hunanwiriadau iechyd ar gynhyrchion pysgodfeydd (OJ Rhif L156, 23.6.94, t.50).

9.   Penderfyniad y Comisiwn 95/149/EC sy'n pennu gwerthoedd terfyn cyfanswm y nitrogen sylfaenol anweddol (TVB-N) ar gyfer categorïau penodol o gynhyrchion pysgodfeydd ac sy'n pennu'r dulliau dadansoddi sydd i'w defnyddio (OJ Rhif L97, 29.4.95, t.84).

10.   Cyfarwyddeb y Cyngor 2001/22/EC sy'n gosod y dulliau samplu a'r dulliau dadansoddi ar gyfer rheoli'n swyddogol lefelau plwm, cadmiwm, mercwri a 3-MCPD mewn bwydydd (OJ Rhif L77, 16.3.2001, t.14) fel y'i cywirwyd gan Benderfyniad y Comisiwn 2001/873/EC (OJ Rhif L325, 8.12.2001, t.34).

11.   Penderfyniad y Comisiwn 2003/804/EC sy'n gosod amodau ynghylch iechyd anifeiliaid a gofynion ardystio ar gyfer mewnforio molysgiaid, eu hwyau a'u gametes i ganiatáu iddynt dyfu ymhellach, i'w pesgi, i'w hailddodi neu i'w bwyta gan bobl (OJ Rhif L302, 20.11.2003, t.22) fel y'i diwygiwyd gan Benderfyniad y Comisiwn 2004/623/EC (OJ Rhif L280, 31.8.2004, t.26).

12.   Penderfyniad y Comisiwn 2003/858/EC sy'n gosod amodau iechyd anifeliaid a gofynion ardystio ar gyfer mewnforio pysgod byw, eu hwyau a'u gametes a fwriedir ar gyfer ffermio, a physgod byw sy'n dod o ddyframaethu a chynhyrchion sy'n dod ohonynt ac a fwriedir ar gyfer eu bwyta gan bobl (OJ Rhif L324, 11.12.2003, t.37) fel y'i diwygiwyd gan Benderfyniad y Comisiwn 2004/454/EC (OJ Rhif L156, 30.4.2004, t.29).

13.   Penderfyniad y Comisiwn 2004/453/EC sy'n gweithredu Cyfarwyddeb y Cyngor 91/67/EC mewn perthynas â mesurau i rwystro afiechydon penodol mewn anifeiliaid dyframaeth (OJ Rhif L156, 30.4.2004, t.5).

Ardystiadau iechyd

14.   Penderfyniad y Comisiwn 95/328/EC sy'n sefydlu ardystiadau iechyd ar gyfer cynhyrchion pysgodfeydd o drydydd gwledydd nad yw Penderfyniad penodol (OJ Rhif L191, 12.8.95, t.32), fel y'i diwygiwyd ddiwethaf gan Benderfyniad y Comisiwn 2004/109/EC (OJ Rhif L32, 5.2.2004, t.17) yn ymdrin â hwy hyd yma.

15.   Penderfyniad y Comisiwn 96/333/EC sy'n sefydlu ardystiadau iechyd ar gyfer molysgiaid deufalf byw, ecinodermiaid, tiwnigogion a gastropodau morol o drydydd gwledydd nad yw Penderfyniad penodol (OJ Rhif L127, 25.5.96, t.33), fel y'i diwygiwyd ddiwethaf gan Benderfyniad y Comisiwn 2004/119/EC (OJ Rhif L36, 7.2.2004, t.56) yn ymdrin â hwy.

16.   Penderfyniad y Comisiwn 98/418/EC (OJ Rhif L190, 4.7.98, t.53) (Uganda, Tanzania, Kenya a Mozambique).

17.   Penderfyniad y Comisiwn 2000/127/EC (OJ Rhif L36, 11.2.2000, t.43) (Tanzania).

18.   Penderfyniad y Comisiwn 2003/804/EC sy'n gosod amodau iechyd anifeiliaid a gofynion ardystio ar gyfer mewnforio molysgiaid, eu hwyau a'u gametes i ganiatáu iddynt dyfu ymhellach, i'w pesgi, i'w hailddodi, neu i'w bwyta gan bobl (OJ Rhif L302, 20.11.2003, t.22) fel y'i diwygiwyd ddiwethaf gan Benderfyniad y Comisiwn 2004/623/EC (OJ Rhif L280, 31.8.2004, t.26).

19.   Penderfyniad y Comisiwn 2003/858/EC sy'n gosod amodau iechyd anifeiliaid a gofynion ardystio ar gyfer menwforio pysgod byw, eu hwyau a'u gametes a fwriedir ar gyfer ffermio, a physgod byw sy'n dod o ddyframaethu a chynhyrchion sy'n dod ohonynt ac a fwriedir ar gyfer eu bwyta gan bobl (OJ Rhif L324, 11.12.2003, t.37) fel y'i diwygiwyd gan Benderfyniad y Comisiwn 2004/454/EC (OJ Rhif L156, 30.4.2004, t.29).

Cyfwerthedd Trydydd Gwledydd

20.   Penderfyniad y Comisiwn 97/20/EC sy'n sefydlu'r rhestr o drydydd gwledydd sy'n bodloni'r amodau cyfwerthedd ar gyfer cynhyrchu molysgiaid deufalf, ecinodermiaid, tiwnigogion a gastropodau morol ac ar gyfer eu gosod ar y farchnad (OJ Rhif L6, 10.1.97, t.46) fel y'i diwygiwyd ddiwethaf gan Benderfyniad y Comisiwn 2002/469/EC (OJ Rhif L163, 21.6.2002, t.16).

Trydydd gwledydd y caniateir mewnforio cynhyrchion pysgodfeydd ohonynt

21.   Penderfyniad y Comisiwn 97/296/EC sy'n llunio rhestr o drydydd gwledydd yr awdurdodir mewnforio ohonynt gynhyrchion pysgodfeydd i bobl eu bwyta (OJ Rhif L122, 14.5.97, t.21), fel y'i diwygiwyd ddiwethaf gan Benderfyniad y Comisiwn 2004/359/EC (OJ Rhif L113, 20.4.2004, t.45).

Sefydliadau trydedd wlad y caniateir mewnforio cynhyrchion pysgodfeydd ohonynt

22.   Penderfyniad y Comisiwn 95/408/EC (gweler paragraff 5 o Ran II).

Amodau mewnforio arbennig ar gyfer cynhyrchion pysgodfeydd

23.  Albania—— Penderfyniad y Comisiwn 95/90/EC (OJ Rhif L70, 30.3.95, t.27) fel y'i diwygiwyd ddiwethaf gan Benderfyniad y Comisiwn 95/235/EC (OJ Rhif L156, 7.7.95, t.82).

24.  Yr Ariannin—— Penderfyniad y Comisiwn 93/437/EC (OJ Rhif L202, 12.8.93, t.42), fel y'i diwygiwyd ddiwethaf gan Benderfyniad y Comisiwn 97/276/EC (OJ Rhif L108, 25.4.97, t.53).

25.  Awstralia—— Penderfyniad y Comisiwn 97/426/EC (OJ Rhif L183, 11.7.97, t.21) fel y'i diwygiwyd gan Benderfyniad y Comisiwn 1999/403/EC (OJ Rhif L151, 18.6.1999, t.35).

26.  Bangladesh—— Penderfyniad y Comisiwn 98/147/EC (OJ Rhif L46, 17.2.98, t.13).

27.  Belize—— Penderfyniad y Comisiwn 2003/759/EC (OJ Rhif L273, 24.10.2003, t.18).

28.  Brasil—— Penderfyniad y Comisiwn 94/198/EC (OJ Rhif L93, 12.4.94, t.26) fel y'i diwygiwyd ddiwethaf gan Benderfyniad y Comisiwn 96/193/EC (OJ Rhif L61, 12.3.96, t.43).

29.  Bwlgaria— Penderfyniad y Comisiwn 2002/472/EC (OJ Rhif L163, 21.6.2002, t.24).

30.  Canada— Penderfyniad y Comisiwn 93/495/EC OJ Rhif L232, 15.9.93, t.43) fel y'i diwygiwyd ddiwethaf gan Benderfyniad y Comisiwn 2000/659/EC (OJ Rhif L276, 28.10.2000, t.81).

31.  Cape Verde—— Penderfyniad y Comisiwn 2003/763/EC (OJ Rhif L273, 24.10.2003, t.38).

32.  Chile—— Penderfyniad y Comisiwn 93/436/EC (OJ Rhif L202, 12.8.93, t.31) fel y'i diwygiwyd ddiwethaf gan Benderfyniad y Comisiwn 2000/61/EC (OJ Rhif L22, 27.1.2000, t.62).

33.  Tsieina—— Penderfyniad y Comisiwn 2000/86/EC (OJ Rhif L26, 2.2.2000, t.26) fel y'i diwygiwyd gan Benderfyniad y Comisiwn 2000/300/EC (OJ Rhif L97, 19.4.2000, t.15).

34.  Colombia—— Penderfyniad y Comisiwn 94/269/EC (OJ Rhif L115, 6.5.94, t.38) fel y'i diwygiwyd ddiwethaf gan Benderfyniad y Comisiwn 1999/486/EC (OJ Rhif L190, 23.7.1999, t.32).

35.  Costa Rica—— Penderfyniad y Comisiwn 2002/854/EC (OJ Rhif L301, 5.11.2002, t.1).

36.  Croatia—— Penderfyniad y Comisiwn 2002/25/EC (OJ Rhif L11, 15.1.2002, t.25).

37.  Cuba—— Penderfyniad y Comisiwn 98/572/EC (OJ Rhif L277, 14.10.98, t.44).

38.  Yr Aifft— Penderfyniad y Comisiwn 2004/38/EC (OJ Rhif L8, 14.1.2004, t.17).

39.  Ecuador—— Penderfyniad y Comisiwn 94/200/EC (OJ Rhif L93, 12.4.94, t.34) fel y'i diwygiwyd ddiwethaf gan Benderfyniad y Comisiwn 96/31/EC (OJ Rhif L9, 12.1.96, t.6).

40.  Ynysoedd Falkland—— Penderfyniad y Comisiwn 98/423/EC (OJ Rhif L190, 4.7.98, t.76).

41.  Polynesia Ffrengig—— Penderfyniad y Comisiwn 2003/760/EC (OJ Rhif L273, 24.10.2003, t.23).

42.  Gabon—— Penderfyniad y Comisiwn 2002/26/EC (OJ Rhif L11, 15.1.2002, t.31).

43.  Gambia—— Penderfyniad y Comisiwn 96/356/EC (OJ Rhif L137, 8.6.96, t.31).

44.  Ghana—— Penderfyniad y Comisiwn 98/421/EC (OJ Rhif L190, 4.7.98, t.66).

45.  Kalaallit Nunaat (Greenland)—— Penderfyniad y Comisiwn 2002/856/EC (OJ Rhif L301, 5.11.2002, t.11).

46.  Guatemala—— Penderfyniad y Comisiwn 98/568/EC (OJ Rhif L277, 14.10.98, t.26) fel y'i diwygiwyd gan Benderfyniad y Comisiwn 1999/487/EC (OJ Rhif L190, 23.7.1999, t.36).

47.  Guinée—— Penderfyniad y Comisiwn 2001/634/EC (OJ Rhif L221, 17.8.2001, t.50) fel y'i diwygiwyd gan Benderfyniad y Comisiwn 2002/61/EC (OJ Rhif L24, 26.1.2002, t.59).

48.  Guyana— Penderfyniad y Comisiwn 2004/40/EC (OJ Rhif L8, 14.1.2004, t.27).

49.  Honduras—— Penderfyniad y Comisiwn 2002/861/EC (OJ Rhif L301, 5.11.2002, t. 43).

50.  Yr India—— Penderfyniad y Comisiwn 97/876/EC (OJ Rhif L356, 31.12.97, t.57).

51.  Indonesia—— Penderfyniad y Comisiwn 94/324/EC (OJ Rhif L145, 10.6.94, t.23) fel y'i diwygiwyd ddiwethaf gan Benderfyniad y Comisiwn 2001/254/EC (OJ Rhif L91, 31.3.2001, t.85).

52.  Iran—— Penderfyniad y Comisiwn 2000/675/EC (OJ Rhif L280, 4.11.2000, t.63).

53.  Côte d'Ivoire—— Penderfyniad y Comisiwn 96/609/EC (OJ Rhif L269, 22.10.96, t.37).

54.  Jamaica—— Penderfyniad y Comisiwn 2001/36/EC (OJ Rhif L10, 13.1.2001, t.59).

55.  Japan—— Penderfyniad y Comisiwn 95/538/EC (OJ Rhif L304, 16.12.95, t.52) fel y'i diwygiwyd gan Benderfyniad y Comisiwn 2002/471/EC (OJ No L163, 21.6.2002, t.21).

56.  Kazakstan—— Penderfyniad y Comisiwn 2002/862/EC (OJ Rhif L301, 5.11.2002, t.48) fel y'i diwygiwyd ddiwethaf gan Benderfyniad y Comisiwn 2003/905/EC (OJ Rhif L340, 24.12.2003, t.74).

57.  Kenya— Penderfyniad y Comisiwn 2004/39/EC (OJ Rhif L8, 14.1.2004, t.22).

58.  Corea—— Penderfyniad y Comisiwn 95/454/EC (OJ Rhif L264, 7.11.95, t.37) fel y'i diwygiwyd ddiwethaf gan Benderfyniad y Comisiwn 2001/818/EC (OJ Rhif L307, 24.11.2001, t.20).

59.  Madagasgar—— Penderfyniad y Comisiwn 97/757/EC (OJ Rhif L307, 12.11.97, t.33).

60.  Malaysia—— Penderfyniad y Comisiwn 96/608/EC (OJ Rhif L269, 22.10.96, t.32).

61.  Maldives—— Penderfyniad y Comisiwn 98/424/EC (OJ Rhif L190, 4.7.98, t.81) fel y'i diwygiwyd gan Benderfyniad y Comisiwn 2001/252/EC (OJ Rhif L91, 31.3.2001, t.78).

62.  Mauritania—— Penderfyniad y Comisiwn 96/425/EC (OJ Rhif L175, 13.7.96, t.27).

63.  Mauritius—— Penderfyniad y Comisiwn 99/276/EC (OJ Rhif L108, 27.4.1999, t.52) fel y'i diwygiwyd gan Benderfyniad y Comisiwn 2000/84/EC (OJ Rhif L26, 2.2.2000, t.18).

64.  Mayotte—— Penderfyniad y Comisiwn 2003/608/EC (OJ Rhif L210, 20.08.2003, t.25).

65.  Mecsico—— Penderfyniad y Comisiwn 98/695/EC (OJ Rhif L332, 8.12.98, t.9) fel y'i diwygiwyd gan Benderfyniad y Comisiwn 2001/819/EC (OJ Rhif L307, 24.11.2001, t.22).

66.  Moroco—— Penderfyniad y Comisiwn 95/30/EC (OJ Rhif L42, 24.2.95, t.32) fel y'i diwygiwyd ddiwethaf gan Benderfyniad y Comisiwn 2004/367/EC (OJ Rhif L114, 21.4.2004, t.36).

67.  Mozambique—— Penderfyniad y Comisiwn 2002/858/EC (OJ Rhif L301, 5.11.2002, t. 24).

68.  Namibia—— Penderfyniad y Comisiwn 2000/673/EC (OJ Rhif L280, 4.11.2000, t.52).

69.  Antilles yr Iseldiroedd—— Penderfyniad y Comisiwn 2003/762/EC (OJ Rhif L273, 24.10.2003, t.33).

70.  Caledonia Newydd—— Penderfyniad y Comisiwn 2002/855/EC (OJ Rhif L301, 5.11.2002, t.6).

71.  Seland Newydd— Penderfyniad y Comisiwn 94/448/EC (OJ Rhif L184, 20.7.94, t.16) fel y'i diwygiwyd ddiwethaf gan Benderfyniad y Comisiwn 1999/402/EC (OJ Rhif L151, 18.6.1999, t.31).

72.  Nicaragua—— Penderfyniad y Comisiwn 2001/632/EC (OJ Rhif L221, 17.8.2001, t.40).

73.  Nigeria—— Penderfyniad y Comisiwn 98/420/EC (OJ Rhif L190, 4.7.98, t.59).

74.  Oman—— Penderfyniad y Comisiwn 99/527/EC (OJ Rhif L203, 3.8.1999, t.63).

75.  Pacistan—— Penderfyniad y Comisiwn 2000/83/EC (OJ Rhif L26, 2.2.2000, t.13).

76.  Papua Guinea Newydd—— Penderfyniad y Comisiwn 2002/859/EC (OJ Rhif L301, 5.11.2002, t. 33).

77.  Panama—— Penderfyniad y Comisiwn 99/526/EC (OJ No L203, 3.8.1999, t.58).

78.  Periw—— Penderfyniad y Comisiwn 95/173/EC (OJ Rhif L116, 23.5.95, t.41) fel y'i diwygiwyd gan Benderfyniad y Comisiwn 95/311/EC (OJ Rhif L186, 5.8.95, t.78).

79.  Philipinas—— Penderfyniad y Comisiwn 95/190/EC (OJ Rhif L123, 3.6.95, t.20) fel y'i diwygiwyd gan Benderfyniad y Comisiwn 96/256/EC (OJ Rhif L86, 4.4.96, t.83).

80.  Rwmania— Penderfyniad y Comisiwn 2004/361/EC (OJ Rhif L113, 20.4.2004, t.54).

81.  Rwsia—— Penderfyniad y Comisiwn 97/102/EC (OJ Rhif L35, 5.2.97, t.23) fel y'i diwygiwyd ddiwethaf gan Benderfyniad y Comisiwn 2002/941/EC (OJ Rhif L325, 30.11.2002, t.45).

82.  Saint Pierre et Miquelon—— Penderfyniad y Comisiwn 2003/609/EC (OJ Rhif L210, 20.08.03, t.30).

83.  Sénégal—— Penderfyniad y Comisiwn 96/355/EC (OJ Rhif L137, 8.6.96, t.24).

84.  Serbia a Montenegro— Penderfyniad y Comisiwn 2004/37/EC (OJ Rhif L8, 14.1.2004, t.12).

85.  Seychelles—— Penderfyniad y Comisiwn 99/245/EC (OJ Rhif L91, 7.4.1999, t.40).

86.  Singapore—— Penderfyniad y Comisiwn 94/323/EC (OJ Rhif L145, 10.6.94, t.19) fel y'i diwygiwyd ddiwethaf gan Benderfyniad y Comisiwn 2000/660/EC (OJ Rhif L276, 28.10.2000, t.85).

87.  De Affrica—— Penderfyniad y Comisiwn 96/607/EC (OJ Rhif L269, 22.10.96, t.23).

88.  Sri Lanka—— Penderfyniad y Comisiwn 2003/302/EC (OJ Rhif L110, 03.05.03, t.6).

89.  Suriname—— Penderfyniad y Comisiwn 2002/857/EC (OJ Rhif L301, 5.11.2002, t.19).

90.  Y Swistir—— Penderfyniad y Comisiwn 2002/860/EC (OJ Rhif L301, 5.11.2002, t.38).

91.  Taiwan—— Penderfyniad y Comisiwn 94/766/EC (OJ Rhif L305, 30.11.94, t.31) fel y'i diwygiwyd ddiwethaf gan Benderfyniad y Comisiwn 1999/529/EC (OJ Rhif L203, 3.8.1999, t.73).

92.  Tanzania—— Penderfyniad y Comisiwn 98/422/EC (O Rhif L190, 4.7.98, t.71).

93.  Gwlad Thai—— Penderfyniad y Comisiwn 94/325/EC (OJ Rhif L145, 10.6.94, t.30) fel y'i diwygiwyd ddiwethaf gan Benderfyniad y Comisiwn 97/563/EC (OJ Rhif L232, 23.8.97, t.12).

94.  Tunisia—— Penderfyniad y Comisiwn 98/570/EC (OJ Rhif L277, 14.10.98, t.36) fel y'i diwygiwyd ddiwethaf gan Benderfyniad y Comisiwn 2002/819/EC (OJ Rhif L281, 19.10.2002, t.18).

95.  Twrci—— Penderfyniad y Comisiwn 2002/27/EC (OJ Rhif L11, 15.1.2002, t.36).

96.  Uganda—— Penderfyniad y Comisiwn 2001/633/EC (OJ Rhif L221, 17.8.2001, t.45).

97.  Emiradau Arabaidd Unedig—— Penderfyniad y Comisiwn 2003/761/EC (OJ No L273, 24.10.2003, t.28).

98.  Uruguay—— Penderfyniad y Comisiwn 96/606/EC (OJ Rhif L269, 22.10.96, t.18) fel y'i diwygiwyd gan Benderfyniad y Comisiwn 2002/20/EC (OJ Rhif L10, 12.1.2002, t.75).

99.  Venezuela—— Penderfyniad y Comisiwn 2000/672/EC (OJ Rhif L280, 4.11.2000, t.46) fel y'i diwygiwyd gan Benderfyniad y Comisiwn 2002/833/EC (OJ Rhif L285, 23.10.2002, t.22).

100.  Fiet-nam———Penderfyniad y Comisiwn 99/813/EC (OJ Rhif L315, 9.12.1999, t.39) fel y'i diwygiwyd ddiwethaf gan Benderfyniad y Comisiwn 2004/267/EC (OJ Rhif L83, 20.3.2004, t.26).

101.  Yemen—— Penderfyniad y Comisiwn 99/528/EC (OJ Rhif L203, 3.8.1999, t.68).

102.  Zimbabwe— Penderfyniad y Comisiwn 2004/360/EC (OJ Rhif L113, 20.4.2004, t.48).

Amodau mewnforio arbennig ar gyfer molysgiaid deufalf

103.  Awstralia—— Penderfyniad y Comisiwn 97/427/EC (OJ Rhif L183, 11.7.97, t.38) fel y'i diwygiwyd gan Benderfyniad y Comisiwn 1999/531/EC (OJ Rhif L203, 3.8.1999, t.77).

104.  Chile—— Penderfyniad y Comisiwn 96/675/EC (OJ Rhif L313, 3.12.96, t.38).

105.  Japan—— Penderfyniad y Comisiwn 2002/470/EC (OJ No L163, 21.6.2002, t.19).

106.  Jamaica—— Penderfyniad y Comisiwn 2001/37/EC (OJ Rhif L10, 13.1.2001, t.64).

107.  Corea—— Penderfyniad y Comisiwn 95/453/EC (OJ Rhif L264, 7.11.95, t.35) fel y'i diwygiwyd ddiwethaf gan Benderfyniad y Comisiwn 2001/676/EC (OJ Rhif L236, 5.9.2001, t.18).

108.  Moroco—— Penderfyniad y Comisiwn 93/387/EC (OJ Rhif L166, 8.7.93, t.40) fel y'i diwygiwyd ddiwethaf gan Benderfyniad y Comisiwn 96/31/EC (OJ Rhif L9, 12.1.96, t.6).

109.  Periw—— Penderfyniad y Comisiwn 2004/30/EC (OJ Rhif L6, 10.1.2004, t.53).

110.  Gwlad Thai—— Penderfyniad y Comisiwn 97/562/EC (OJ Rhif L 232, 23.8.97, t.9).

111.  Tunisia—— Penderfyniad y Comisiwn 98/569/EC (OJ Rhif L277, 14.10.98, t.31) fel y'i diwygiwyd gan Benderfyniad y Comisiwn 2002/819/EC (OJ Rhif L281, 19.10.2002, t.18).

112.  Twrci—— Penderfyniad y Comisiwn 94/777/EC (OJ Rhif L312, 6.12.94, t.35) fel y'i diwygiwyd ddiwethaf gan Benderfyniad y Comisiwn 1999/767/EC (OJ Rhif L302, 25.11.1999, t.26).

113.  Uruguay—— Penderfyniad y Comisiwn 2002/19/EC (OJ Rhif L10, 12.1.2002, t.73).

114.  Fiet-nam——Penderfyniad y Comisiwn 2000/333/EC (OJ Rhif L114, 13.5.2000, t.42) fel y'i diwygiwyd gan Benderfyniad y Comisiwn 2004/263/EC (OJ Rhif L81, 19.3.2004, t.88).

Rheoliad 8(3)(c)

ATODLEN 2

Penderfyniadau Cyfwerthedd

1.   Penderfyniad y Cyngor 1999/201/EEC ar gwblhau'r Cytundeb rhwng y Gymuned Ewropeaidd a Llywodraeth Canada ar fesurau iechydol i amddiffyn iechyd y cyhoedd ac iechyd anifeiliaid mewn perthynas â masnach mewn anifeiliaid byw a chynhyrchion anifeiliaid (OJ Rhif L71, 18.3.1999, t.1).

2.   Penderfyniad y Cyngor 97/132/EC ar gwblhau'r Cytundeb rhwng y Gymuned Ewropeaidd a Seland Newydd a'r mesurau iechydol sy'n gymwys i fasnach mewn anifeiliaid byw a chynhyrchion anifeiliaid (OJ Rhif L57, 26.2.97, t.4) fel y'i diwygiwyd ddiwethaf gan Benderfyniad y Cyngor 1999/837/EC (OJ Rhif L332, 23.12.99, t.1).

3.   Penderfyniad y Cyngor 2002/957/EC ar gwblhau Cytundeb ar ffurf Cyfnewid Llythyrau ynghylch diwygio'r Atodiadau i'r Cytundeb rhwng y Gymuned Ewropeaidd a Seland Newydd ar fesurau iechydol sy'n gymwys i fasnach mewn anifeiliaid byw a chynhyrchion anifeiliaid (OJ Rhif L333, 10.12.02, t.13).

4.   Penderfyniad y Comisiwn 2003/56/EC (gweler paragraff 6 o Ran I o Atodlen 1).

Rheoliadau 53 a 54

ATODLEN 3 Cyfrifo Ffioedd am Wiriadau Milfeddygol

RHAN I Y COSTAU Y MAE'R FFIOEDD YN TALU AMDANYNT

1.   At ddibenion yr Atodlen hon ystyr “cost wirioneddol” y gwiriadau milfeddygol a gyflawnwyd ar lwyth wrth safle arolygu ar y ffin yw agregiad o'r canlynol—

(a) y gyfran y gellir ei phriodoli'n iawn i'r gwiriadau milfeddygol hynny o gost unrhyw eitemau a restrir ym mharagraff 2 isod sy'n ymwneud yn rhannol â'r gwiriadau milfeddygol hynny; a

(b) cost lawn unrhyw eitemau a restrir ym mharagraff 2 isod sy'n ymwneud yn gyfan gwbl â'r gwiriadau milfeddygol hynny.

2.   Y canlynol yw'r eitemau y cyfeirir atynt ym mharagraff 1 uchod—

(a) cyflogau a ffioedd, ynghyd â thaliadau goramser a chyfraniadau cyflogwyr o ran yswiriant gwladol a blwydd-dal, yr holl staff sy'n ymwneud yn uniongyrchol â chyflawni gwiriadau milfeddygol, a'r holl staff sy'n ymwneud â rheoli neu weinyddu gwiriadau milfeddygol wrth y safle arolygu ar y ffin;

(b) recriwtio a hyfforddi'r staff y cyfeiriwyd atynt yn eitem (a);

(c) treuliau teithio a mân dreuliau cysylltiedig a dynnwyd wrth gyflawni'r gwiriadau milfeddygol, ac eithrio pan fyddant wedi'u tynnu gan berson sy'n bresennol yn ei weithle arferol;

(ch) llety, cyfarpar a gwasanaethau swyddfa i staff sy'n ymwneud â gwneud gwiriadau milfeddygol wrth y safle arolygu ar y ffin, gan gynnwys dibrisiant celfi a chyfarpar swyddfa a chostau technoleg gwybodaeth, deunyddiau swyddfa a ffurflenni;

(d) dillad a chyfarpar amddiffynnol a ddefnyddiwyd wrth gyflawni'r gwiriadau milfeddygol;

(dd) glanhau'r dillad amddiffynnol y cyfeiriwyd atynt yn eitem (d);

(e) samplu, a phrofi a dadansoddi samplau (ac eithrio samplu a phrofi i weld a oes salmonela yn bresennol);

(f) gwaith arferol o ran anfonebu a chasglu ffioedd am wiriadau milfeddygol wrth y safle arolygu ar y ffin; ac

(ff) darparu gwasanaethau cyflogres a phersonél mewn cysylltiad â chyflogi staff sy'n cyflawni gwiriadau milfeddygol wrth y safle arolygu ar y ffin.

RHAN II LLWYTHI O SELAND NEWYDD

Y swm am wiriadau milfeddygol a gyflawnwyd ar lwyth a gyflwynwyd i diriogaeth dollau'r Gymuned o Seland Newydd fydd 1.5 ewro ar gyfer pob tunnell o'r llwyth, yn ddarostyngedig i isafswm o 30 ewro ac uchafswm o 350 ewro, ag eithrio pan fydd cost wirioneddol y gwiriadau milfeddygol a gyflawnwyd ar lwyth yn fwy na 350 ewro, y gost wirioneddol fydd swm y ffi.

RHAN III CIG A CHYNHYRCHION CIG

Y ffi am wiriadau milfeddygol a gyflawnwyd ar lwyth (ac eithrio llwyth y mae Rhan II o'r Atodlen hon yn gymwys iddo) y mae'r canlynol yn ymdrin ag ef—

(a) Pennod III o Gyfarwyddeb y Cyngor 71/118/EEC ar broblemau iechyd sy'n effeithio ar fasnach mewn cig dofednod ffres (OJ Rhif L55, 8.3.71, t.23) fel y'i diwygiwyd ac y'i diweddarwyd gan Gyfarwyddeb y Cyngor 92/116/EEC (OJ Rhif L62, 15.3.93, t.1) ac y'i diwygiwyd ddiwethaf gan Gyfarwyddeb y Cyngor 97/79/EC (OJ Rhif L24, 30.1.98, t.31),

(b) Cyfarwyddeb y Cyngor 72/462/EEC ar broblemau iechyd a phroblemau archwiliadau milfeddygol wrth fewnforio anifeiliaid o deulu'r fuwch ac o deulu'r mochyn a chig ffres neu gynhyrchion cig o drydydd gwledydd (OJ Rhif L302, 31.12.72, t.28, fel y'i diwygiwyd ddiwethaf gan Reoliad y Cyngor (EC) Rhif 1452/2001, OJ Rhif L198, 21.7.2001, t.11),

(c) Pennod III o Gyfarwyddeb y Cyngor 92/45/EEC ar broblemau iechyd y cyhoedd ac iechyd anifeiliaid sy'n ymwneud â lladd anifeiliaid hela gwyllt a gosod cig anifeiliaid hela gwyllt ar y farchnad (OJ Rhif L268, 14.9.92, t.35) fel y'i diwygiwyd ddiwethaf gan Gyfarwyddeb y Cyngor 97/79/EC (OJ Rhif L24, 30.1 98, t.1), neu

(ch) Pennod 11 o Atodiad I i Gyfarwyddeb y Cyngor 92/118/EEC sy'n gosod gofynion iechyd anifeiliaid ac iechyd y cyhoedd sy'n llywodraethu'r fasnach mewn cynhyrchion nad ydynt yn ddarostyngedig i'r gofynion a enwyd, sef gofynion a osodwyd mewn rheolau Cymunedol penodol y cyfeirir atynt yn Atodiad A(1) i Gyfarwyddeb 89/662/EEC ac, o ran pathogenau, i Gyfarwyddeb 90/425/EEC, fel y'i diwygiwyd ddiwethaf gan Benderfyniad y Comisiwn 2003/721/EC (OJ Rhif L260, 11.10.2003, t.21), ac yn llywodraethu mewnforio'r cynhyrchion hynny i'r Gymuned fydd —

(i) 30 ewro,

(ii) 5 ewro fesul tunnell o'r llwyth, neu

(iii) cost wirioneddol y gwiriadau milfeddygol a gyflawnwyd ar y llwyth,

p'un bynnag yw'r mwyaf.

RHAN IV CYNHYRCHION PYSGODFEYDD

Y ffi am wiriadau milfeddygol a gyflawnwyd ar lwyth o gynhyrchion pysgodfeydd sy'n dod o dan Bennod II o Gyfarwyddeb y Cyngor 91/493/EEC sy'n gosod yr amodau iechyd ar gyfer cynhyrchu cynhyrchion pysgodfeydd a'u gosod ar y farchnad (OJ Rhif L268, 24.9.91, t.15) fel y'i diwygiwyd ddiwethaf gan Gyfarwyddeb y Cyngor 97/79/EC (OJ Rhif L24, 30.1.98, t.31), ac eithrio llwyth y mae Rhan II o'r Atodlen hon yn gymwys iddo fydd —

(a) 30 ewro,

(b) 5 ewro fesul tunnell o'r llwyth ar gyfer y 100 tunnell cyntaf plws—

(i) 1.5 ewro fesul tunnell ychwanegol os nad yw'r llwyth wedi mynd drwy unrhyw broses arall heblaw diberfeddu; neu

(ii) 2.5 ewro fesul tunnell ychwanegol ym mhob achos arall; neu

(c) cost wirioneddol y gwiriadau milfeddygol a gyflawnwyd ar y llwyth ,

p'un bynnag yw'r mwyaf.

RHAN V POB CYNNYRCH ARALL

Cost wirioneddol y gwiriadau milfeddygol a gyflawnwyd ar lwyth fydd y ffi am wiriadau milfeddygol a gyflawnwyd ar lwyth, ac eithrio llwyth y mae Rhan II, III neu IV o'r Atodlen hon yn gymwys iddo.

Rheoliad 61(1)

ATODLEN 4 Darpariaethau Lle y Mae Amddiffyniad Diwydrwydd Dyladwy ar gael

Rheoliadau —

• 15 (Gwahardd cynhyrchion nad ydynt yn cydymffurfio)

• 16 (Gwahardd cyflwyno cynhyrchion ac eithrio wrth safleoedd arolygu ar y ffin)

• 17 (Hysbysu ymlaen llaw ynglyn â chyflwyno neu roi cynhyrchion gerbron)

• 18(1) a (2) (Rhoi cynhyrchion gerbron mewn safleoedd arolygu ar y ffin)

• 20(1) (Dogfen fynediad filfeddygol gyffredin i fynd gyda llwyth)

• 29(2) (Gwaredu cyflenwadau arlwyo nas defnyddiwyd)

• 37(3) a (4) (Cynhyrchion sy'n cael eu cludo o dan oruchwyliaeth)

• 38(2), (4) and (5) (Trawslwytho cynhyrchion y bwriedir eu mewnforio)

• 40 (Awdurdodi tramwy ymlaen llaw)

• 42(2)(a) ac (c) (Symud cynhyrchion tramwy)

• 45(1) (Gwybodaeth ychwanegol am gynhyrchion a fwriedir ar gyfer warysau)

• 51(3) (Symud cynhyrchion a ddychwelwyd)

Nodyn Esboniadol

(Nid yw'r nodyn hwn yn rhan o'r Rheoliadau)

Mae'r Rheoliadau hyn yn dirymu ac yn ailddeddfu gyda newidiadau Reoliadau Cynhyrchion sy'n Tarddu o Anifeiliaid (Mewnforion Trydydd Gwledydd) (Cymru) 2004 (O.S. 2004/1430).

Maent yn gweithredu ar gyfer Cymru Gyfarwyddeb y Cyngor 97/78/EC (sy'n gosod yr egwyddorion sy'n llywodraethu'r dull o drefnu gwiriadau milfeddygol ar gynhyrchion sy'n dod i mewn i'r Gymuned o drydydd gwledydd (OJ Rhif L24, 30.1.98, t.9). Mae Penderfyniad y Comisiwn 2002/349/EC (sy'n gosod y rhestr o gynhyrchion sydd i'w harchwilio wrth safleoedd arolygu ar y ffin o dan Gyfarwyddeb y Cyngor 97/78/EC) (OJ Rhif L121, 8.5.2002, t. 6) yn pennu'r cynhyrchion o drydydd gwledydd, sy'n dod o anifeiliaid ac y mae'r Gyfarwyddeb yn gymwys iddynt— cig, pysgod (gan gynnwys pysgod cregyn), llaeth, a chynhyrchion sydd wedi'u gwneud o'r rhain, ynghyd â chynhyrchion ŵy a nifer fawr o sgil-gynhyrchion anifeiliaid, gan gynnwys casinau, crwyn, esgyrn a gwaed.

Mae'n rhaid i'r cynhyrchion y mae'r Rheoliadau'n gymwys iddynt (ac a ddiffinnir yn rheoliad 2(1)) gydymffurfio â'r gofynion a restrir, drwy gyfeirio at y ddeddfwriaeth Gymunedol berthnasol, yn Atodlen 1. Mae samplau masnachol a chynhyrchion y bwriedir eu harddangos neu eu hastudio neu eu dadansoddi yn esempt rhag y Rheoliadau (rheoliad 3(1)). Mae cynhyrchion a fwriedir at ddefnydd personol ac sy'n cydymffurfio â'r amodau yn rheoliad 3(3), yn esempt rhag pob un ond ychydig o'r rheoliadau.

Mae rheoliadau 4 ac 16 yn diffinio'r awdurdodau sy'n gorfodi'r Rheoliadau. Wrth safleoedd arolygu ar y ffin, awdurdodau iechyd porthladd, sy'n penodi milfeddygon swyddogol ac archwilwyr pysgod swyddogol i gynnal gwiriadau milfeddygol wrth bob safle arolygu ar y ffin yn eu hardal, fydd y rhain (rheoliad 6). Mae'r Comisiynwyr Tollau Tramor a Chartref yn gorfodi rheoliad 16 wrth bwyntiau mynediad eraill megis meysydd awyr. Mae rheoliadau 7, 8 a 9 yn rhoi'r pwerau gorfodi angenrheidiol.

Mae Rhan 3 yn sefydlu'r system archwilio a fydd yn gymwys i'r mwyafrif o gynhyrchion. Gwaherddir cyflwyno i Gymru gynhyrchion nad ydynt yn cydymffurfio â gofynion Atodlen 1, oni bai eu bod yn cael eu cludo ar draws Cymru (rheoliad 15). Rhaid cyflwyno cynhyrchion wrth safleoedd arolygu ar y ffin, rhaid hysbysu ymlaen llaw y byddant yn cael eu cyflwyno, a rhaid trefnu iddynt fod ar gael i'w harchwilio, ynghyd â'r dogfennau gofynnol, wrth safle arolygu ar y ffin (rheoliadau 16 i 19). Mae Rheoliadau 21 i 28 yn ymdrin â chynhyrchion sy'n cael eu gwrthod yn ystod archwiliad, sy'n cael eu cyflwyno'n anghyfreithlon, neu sy'n peri risg i iechyd anifeiliaid neu iechyd y cyhoedd.

Mae Rhannau 4 i 9 yn gosod darpariaethau arbennig sy'n gymwys i gategorïau penodol o gynnyrch (cyflenwadau arlwyo ar gyfrwng cludo, cynhyrchion y bwriedir eu cylchredeg yn rhydd yn y Gymuned, cynhyrchion sydd ar eu taith ar draws Cymru, cynhyrchion y bwriedir eu rhoi mewn warws o dan gyfundrefnau tollau penodol, a chynhyrchion sydd wedi'u hallforio o'r Gymuned ac yna wedi'u dychwelyd iddi).

Mae Rhan 10 yn ymdrin â chyfrifo a thalu ffioedd am y gwiriadau milfeddygol y darparwyd ar eu cyfer yn y Rheoliadau; mae Rhan 11 yn rhoi pwer i Gynulliad Cenedlaethol Cymru a'r Asiantaeth Safonau Bwyd wahardd cynhyrchion rhag cael eu cyflwyno i Gymru o wledydd lle y mae clefyd anifeiliaid wedi brigo, ac nad ydynt yn wledydd yr Ardal Economaidd Ewropeaidd (AEE); mae Rhan 12 yn sefydlu tramgwyddau a chostau; ac mae Rhan 13 yn ymdrin â chyflwyno hysbysiadau a hysbysu o benderfyniadau.

Y prif newidiadau a wneir gan y Rheoliadau hyn

Mae'r Rheoliadau hyn yn darparu ar gyfer defnyddio'r ddogfen fynediad filfeddygol gyffredin a gyflwynir gan Reoliad y Comisiwn (EC) Rhif 136/2004 (sy'n gosod gweithdrefnau ar gyfer gwiriadau milfeddygol mewn safleoedd arolygu ar ffiniau'r Gymuned ar gynhyrchion a fewnforir o drydydd gwledydd) (OJ Rhif L21, 28.1.2004, t. 11), yn hytrach na'r dystysgrif cliriad milfeddygol. Defnyddir Rhan 1 o'r ddogfen hon i roi hysbysiad o gyflwyno cynnyrch yn unol â rheoliad 17, a llenwir a dyroddir Rhan 2 gan filfeddyg swyddogol neu archwilydd pysgod swyddogol.

Caiff Andorra a San Marino eu cynnwys yn y diffiniad o 'diriogaethau perthnasol ' (rheoliad 2(1)) yn null Rheoliad y Comisiwn (EC) Rhif 745/2004 (sy'n gosod mesurau o ran mewnforio cynhyrchion sy'n dod o anifeiliaid ac sydd i'w bwyta a'u hyfed gan y person sy'n eu mewnforio) (OJ Rhif L122, 26.4.2004, t. 1)).

Mae Rheoliad 3(3) yn ymgorffori'r newidiadau i'r esemptiadau ar gyfer mewnforion personol a gyflwynir gan Reoliad y Comisiwn (EC) Rhif 745/2004.

Mae Atodlenni 1 a 2 wedi eu diweddaru er mwyn gweithredu offerynnau Cymunedol a ddaeth i rym ers i Reoliadau Cynhyrchion sy'n Deillio o Anifeiliaid (Mewnforion Trydydd Gwledydd) 2004 ddod i rym. Mae'r Rheoliadau hefyd yn rhoi ar waith y diwygiadau a wnaed i offerynnau Cymunedol gan y Ddeddf sy'n ymwneud ag amodau ymaelodi'r Weriniaeth Tsiec, Gweriniaeth Estonia, Gweriniaeth Cyprus, Gweriniaeth Latfia, Gweriniaeth Lithiwania, Gweriniaeth Hwngari, Gweriniaeth Malta, Gweriniaeth Gwlad Pwyl, Gweriniaeth Slofenia a'r Weriniaeth Slofac, a'r addasiadau i'r Cytuniadau y seiliwyd yr Undeb Ewropeaidd arnynt (OJ Rhif L236, 23.9.03, t. 33).

Mae Arfarniad Rheoliadol wedi'i baratoi ar gyfer y Rheoliadau hyn ac wedi'i roi yn llyfrgell Cynulliad Cenedlaethol Cymru. Mae copïau ar gael oddi wrth yr Is-Adran Polisi Iechyd Anifeiliaid a Phlanhigion, Llywodraeth Cynulliad Cymru, Parc Cathays, Caerdydd, CF10 3NQ.

(1)

O.S. 1972/1811.

(2)

1972 p. 68.

(3)

OJ Rhif L302, 19.10.92, t.1, fel y'i newidiwyd ddiwethaf gan y Ddeddf ynghylch amodau ymaelodi'r Weriniaeth Tsiec, Gweriniaeth Estonia, Gweriniaeth Cyprus, Gweriniaeth Latfia, Gweriniaeth Lithiwania, Gweriniaeth Hwngari, Gweriniaeth Malta, Gweriniaeth Gwlad Pwyl, Gweriniaeth Slofenia a'r Weriniaeth Slofac, a'r addasiadau i'r Cytuniadau y seiliwyd yr Undeb Ewropeaidd arnynt (OJ Rhif L236, 23.9.2003, t.33) (“yr Act Ymaelodi”).

(4)

OJ Rhif L62, 15.3.93, t.49, a hynny fel y'i newidiwyd ddiwethaf gan Reoliad y Comisiwn (EC) Rhif 445/2004 (OJ Rhif L72, 11.3.2004, t.60).

(5)

OJ Rhif L24, 30.1.98, t.9, fel fel y'i diwygiwyd ddiwethaf gan yr Act Ymaelodi.

(6)

OJ Rhif L46, 19.2.91, t.1, fel y'i diwygiwyd ddiwethaf gan Reoliad y Cyngor (EC) Rhif 806/2003 (OJ Rhif L122, 16.5.2003, t.1).

(7)

OJ Rhif L268, 24.9.91, t.1, fel y'i diwygiwyd ddiwethaf gan Reoliad y Cyngor (EC) Rhif 806/2003 (OJ Rhif L122, 16.5.2003, t.1).

(8)

OJ Rhif L268, 24.9.91, t.15, fel y'i diwygiwyd ddiwethaf gan Reoliad y Cyngor (EC) Rhif 806/2003 (OJ Rhif L122, 16.5.2003, t.1).

(9)

OJ Rhif L121, 8.5.2002, t.6, fel y'i darllenir gyda Phenderfyniad y Comisiwn 2002/995/EC (OJ Rhif L353, 30.12.02, t.1).

(10)

OJ Rhif L273, 10.10.2002, t.1, fel y'i newidiwyd ddiwethaf gan Reoliad y Cyngor (EC) Rhif 668/2004, OJ Rhif L112, 19.4.2004, t.1), ac fel y'i darllenir gyda Rheoliadau'r Comisiwn (EC) Rhif 811/2003, 812/2003 ac 813/2003 (OJ Rhif L117, 13.5.2003, t.14, t.19 a t.22), a Phenderfyniadau'r Comisiwn 2003/320/EC, 2003/321/EC, 2003/326/EC a a 2003/327/EC (OJ Rhif L117, 13.5.2003, t.24, t.30, t.42 a t.44).

(11)

OJ Rhif L21, 28.1.2004, t.11.

(12)

OJ Rhif L326, 11.12.01, t.44, fel y'i diwygiwyd ddiwethaf gan Benderfyniad y Comisiwn 2004/273/EC (OJ Rhif L86, 24.3.2003, t. 21).

(13)

OJ Rhif L69, 13.3.2003, t.31.

(14)

1979 p. 2.

(15)

O.S. 1995/539, fel y'i diwygiwyd gan O.S. 1995/731, 1763, 2148, 2200, 3124, 3189, 1996/1148, 2235, 1997/2074, 2000/225, 656, 2215, 2001/1512, 2601, 2002/118 a'r 889.

(16)

O.S. 1995/540, fel y'i diwygiwyd gan O.S. 1995/1763, 2148, 2200, 3205, 1997/1729, 2000/225, 656, 2215, 2001/3399 a 2002/889.

(17)

O.S. 1995/2148, fel y'i diwygiwyd gan O.S. 1995/3205 a 2000/656.

(18)

O.S. 1994/3082, fel y'i diwygiwyd gan O.S. 1995/539, 1763, 2200, 3205, 1996/1499, 1999/683, 2000/225, 656, 790, 2215 a 2002/118.

(19)

O.S. 1995/3205, fel y'i diwygiwyd gan O.S. 1996/3124, 2000/225, 656, 2215, 2001/1512, 1739, 1771, 3451 a 2002/118.

(20)

OJ Rhif L306, 23.11.2001, t.28.

(21)

O.S. 1995/1086, fel y'i diwygiwyd gan O.S. 1995/1763, 1996/1499, 1699, 1997/1729, 1998/2424, 2000/656 ac, o ran Cymru, gan y Rheoliadau hyn.

(22)

1979 p. 2.

(23)

1980 p. 43.

(24)

O.S. 2003/1482.

(25)

OJ Rhif L224, 18.8.90, t.1, a hynny fel y'i newidiwyd ddiwethaf gan Reoliad y Cyngor (EC) Rhif 1873/2003 (OJ Rhif L275, 25.10.03, t.9).

(26)

OJ Rhif L125, 23.5.96, t.10, fel y'i diwygiwyd ddiwethaf gan Reoliad y Cyngor (EC) Rhif 806/2003 (OJ Rhif L122, 16.5.03, t.1).

(27)

OJ Rhif L253, 11.10.93, t.1, a hynny fel y'i newidiwyd ddiwethaf gan Reoliad y Cyngor (EC) Rhif 2286/2003 (OJ Rhif L343, 31.12.2003, t.1).

(28)

OJ Rhif L378, 31.12.82, t.58, fel y'i diwygiwyd ddiwethaf gan Benderfyniad y Comisiwn 2004/216/EC (OJ Rhif L101, 23.4.2003, t. L67, 5.3.2004, t.27).

(29)

O.S. 1980/12, fel y'i diwygiwyd gan O.S. 1984/1326, 1990/2371, a 1994/2920.

(30)

O.S. 1980/14, fel y'i diwygiwyd gan O.S. 1982/948, 1990/2371, 1994/2920 a 1994/3142, ac o'i ddarllen ynghyd ag O.S. 1997/322.

(31)

O.S. 1984/1325, fel y'i diwygiwyd gan O.S. 1993/1966.

(32)

O.S. 1984/1918, fel y'i diwygiwyd gan O.S. 1990/2371, 1997/2537 a 2000/656.

(33)

O.S. 2004/1430.

(34)

1998 p.38.