Search Legislation

Rheoliadau Deintyddiaeth Breifat (Cymru) 2017

 Help about what version

What Version

Statws

This is the original version (as it was originally made). Dim ond ar ei ffurf wreiddiol y mae’r eitem hon o ddeddfwriaeth ar gael ar hyn o bryd.

NODYN ESBONIADOL

(Nid ywʼr nodyn hwn yn rhan oʼr Rheoliadau)

Mae’r Rheoliadau hyn wedi eu gwneud o dan Ddeddf Safonau Gofal 2000 (“y Ddeddf”) ac maent yn gymwys mewn perthynas â phersonau sy’n cynnal neu’n rheoli’r ddarpariaeth o wasanaethau deintyddiaeth preifat gan ddeintydd, neu wasanaethau proffesiynol perthnasol gan broffesiynolyn gofal deintyddol, ac eithrio at ddibenion Deddf y Gwasanaeth Iechyd Gwladol (Cymru) 2006 yng Nghymru.

Mae’r Rheoliadau hyn yn disodli Rheoliadau Deintyddiaeth Breifat (Cymru) 2008 a oedd yn rheoleiddio deintyddion unigol ac maent yn gwneud darpariaeth mewn perthynas â phractisau deintyddol preifat y mae’n ofynnol iddynt gofrestru o dan Ran 2 o’r Ddeddf.

Mae Rhan 2 o’r Ddeddf yn darparu ar gyfer cofrestru ac arolygu sefydliadau ac asiantaethau gan yr awdurdod cofrestru (Gweinidogion Cymru). Mae Rhan 2 o’r Ddeddf hefyd yn darparu i Weinidogion Cymru bwerau i wneud rheoliadau sy’n llywodraethu’r ffordd y mae sefydliadau ac asiantaethau yn cael eu rhedeg.

Mae adran 42 o’r Ddeddf yn gwneud darpariaeth, drwy reoliadau, ar gyfer cymhwyso Rhan 2 o’r Ddeddf (gydag unrhyw addasiadau a bennir) mewn cysylltiad â phersonau sy’n cynnal neu’n rheoli’r ddarpariaeth o wasanaethau nad ydynt wedi eu pennu yn y Ddeddf honno.

Mae Rheoliadau Deddf Safonau Gofal 2000 (Estyn Cymhwysiad Rhan 2 i Bractisau Deintyddol Preifat) (Cymru) 2017 wedi eu gwneud o dan y pŵer yn adran 42 o’r Ddeddf i ddarparu bod y pwerau i wneud rheoliadau yn Rhan 2 o’r Ddeddf yn gymwys, gyda’r addasiadau a nodir yn y Rheoliadau hynny, mewn cysylltiad â phractisau deintyddol preifat.

Mae Rhan 1 o’r Rheoliadau hyn yn darparu bod rhaid i bob practis deintyddol preifat gael datganiad o ddiben, sy’n cynnwys y materion a nodir yn Atodlen 1 i’r Rheoliadau hyn, a thaflen gwybodaeth i gleifion, a bod rhaid adolygu’r ddau yn gyson (rheoliadau 5 i 7). Yn rhinwedd rheoliad 5(3) rhaid rhedeg y practis deintyddol preifat mewn modd sy’n gyson â’i ddatganiad o ddiben.

Mae rheoliad 8 yn nodi’r polisïau a’r gweithdrefnau y mae rhaid eu llunio a’u gweithredu mewn perthynas â’r practis deintyddol preifat.

Mae Rhan 2 o’r Rheoliadau hyn yn gwneud darpariaeth ynghylch addasrwydd y personau sy’n cynnal ac yn rheoli’r practis deintyddol preifat ac yn ei gwneud yn ofynnol bod gwybodaeth lawn a boddhaol ar gael mewn perthynas â’r materion a ragnodir yn Rhan 1 o Atodlen 3. Pan fo’r darparwr yn bartneriaeth, rhaid i’r wybodaeth hon fod ar gael mewn perthynas â phob un o’r partneriaid. Pan fo’r darparwr yn sefydliad, rhaid iddo enwebu unigolyn cyfrifol y mae rhaid i’r wybodaeth hon fod ar gael mewn cysylltiad ag ef (rheoliad 9). Mae rheoliadau 10 ac 11 yn rhagnodi’r amgylchiadau pan fo rhaid i reolwr gael ei benodi ar gyfer y practis deintyddol preifat a’r gofynion addasrwydd ar gyfer y rheolwr. Mae rheoliad 12 yn gosod gofynion cyffredinol mewn perthynas â chynnal a rheoli’r practis deintyddol preifat a’r angen am hyfforddiant priodol.

Mae Rhan 3 o’r Rheoliadau yn gwneud darpariaeth benodol ynghylch rhedeg practisau deintyddol preifat, yn benodol ynghylch ansawdd y gwasanaethau sydd i gael eu darparu mewn, neu at ddibenion, practis deintyddol preifat, gan gynnwys materion sy’n ymwneud ag ansawdd y driniaeth, preifatrwydd ac urddas y cleifion, staffio’r practis deintyddol preifat, addasrwydd y gweithwyr, diogelu cleifion, cwynion, ffurflenni blynyddol a chadw cofnodion. Gwneir darpariaeth hefyd ynghylch addasrwydd mangreoedd a’r rhagofalon tân sydd i gael eu cymryd. Mae’n ofynnol i’r darparwr cofrestredig ymweld â’r practis deintyddol preifat fel y’i rhagnodir (rheoliad 23) ac mae rheoliad 24 yn gosod gofynion sy’n ymwneud â hyfywedd ariannol y practis deintyddol preifat.

Mae rheoliadau 25 i 30 yn delio â rhoi hysbysiadau i’r awdurdod cofrestru pan fo digwyddiadau penodol yn digwydd megis marwolaeth claf neu anaf difrifol i glaf; absenoldeb y rheolwr; pan fo newidiadau penodol yn digwydd, er enghraifft, newid y person cofrestredig a newidiadau eraill i bersonél neu newidiadau sylweddol i’r fangre; pan fo’r person cofrestredig neu’r unigolyn cyfrifol wedi ei euogfarnu o unrhyw drosedd; pan fo datodwyr ac eraill wedi eu penodi; a phan fo’r person cofrestredig yn marw.

Mae Rhan 4 yn nodi’r gofynion ychwanegol mewn perthynas â dadebru cleifion a’r defnydd o gynhyrchion laser Dosbarth 3B neu Ddosbarth 4.

Mae Rhan 5 yn delio â materion amrywiol. Yn benodol, mae rheoliad 36 yn darparu y bydd torri rheoliadau 5 i 32 yn drosedd ar ran y person cofrestredig.

Mae rheoliad 38 yn diwygio Rheoliadau Gofal Iechyd Annibynnol (Cymru) 2011 drwy ddileu o’r rhestr o “gwasanaethau rhestredig” y defnydd o gynhyrchion laser Dosbarth 4 gan neu o dan oruchwyliaeth deintydd neu broffesiynolyn gofal deintyddol mewn practis deintyddol preifat. Mae’r diwygiad hwn yn dileu’r gofyniad i gofrestru fel ysbyty annibynnol pan fo laser Dosbarth 4 yn cael ei ddefnyddio gan neu o dan oruchwyliaeth deintydd neu broffesiynolyn gofal deintyddol mewn practis deintyddol preifat i ddarparu triniaeth ddeintyddol.

Mae rheoliad 39 yn cymhwyso Rhan 2 o’r Ddeddf (i’r graddau nad yw eisoes wedi ei chymhwyso a’i haddasu) i bersonau sy’n cynnal ac yn rheoli practisau deintyddol preifat gyda’r addasiadau a nodir yn Atodlen 4.

Mae rheoliad 40 yn darparu darpariaethau trosiannol sy’n ymwneud â phersonau a oedd yn cynnal neu’n rheoli practis deintyddol preifat cyn i’r Rheoliadau hyn ddod i rym. Mae rheoliad 41 yn dirymu Rheoliadau Deintyddiaeth Breifat (Cymru) 2008 (“Rheoliadau 2008”) a Rheoliadau Deintyddiaeth Breifat (Cymru) (Diwygio) 2011. Mae rheoliad 42 yn darparu darpariaethau arbed mewn perthynas â deintyddion sydd wedi eu cofrestru o dan Reoliadau 2008 sydd wedi eu dirymu o dan y Rheoliadau hyn.

Ystyriwyd Cod Ymarfer Gweinidogion Cymru ar gynnal Asesiadau Effaith Rheoleiddiol mewn perthynas â’r Rheoliadau hyn. O ganlyniad, lluniwyd asesiad effaith rheoleiddiol o’r costau a’r manteision sy’n debygol o ddeillio o gydymffurfio â’r Rheoliadau hyn. Gellir cael copi oddi wrth: Yr Adran Iechyd a Gwasanaethau Cymdeithasol, Llywodraeth Cymru, Parc Cathays, Caerdydd CF10 3NQ.

Back to top

Options/Help

Print Options

Close

Legislation is available in different versions:

Latest Available (revised):The latest available updated version of the legislation incorporating changes made by subsequent legislation and applied by our editorial team. Changes we have not yet applied to the text, can be found in the ‘Changes to Legislation’ area. The revised version is currently only available in English.

Original (As Enacted or Made) - English: The original English language version of the legislation as it stood when it was enacted or made. No changes have been applied to the text.

Original (As Enacted or Made) - Welsh:The original Welsh language version of the legislation as it stood when it was enacted or made. No changes have been applied to the text.

Close

Opening Options

Different options to open legislation in order to view more content on screen at once

Close

More Resources

Access essential accompanying documents and information for this legislation item from this tab. Dependent on the legislation item being viewed this may include:

  • the original print PDF of the as enacted version that was used for the print copy
  • lists of changes made by and/or affecting this legislation item
  • confers power and blanket amendment details
  • all formats of all associated documents
  • correction slips
  • links to related legislation and further information resources
Close

More Resources

Use this menu to access essential accompanying documents and information for this legislation item. Dependent on the legislation item being viewed this may include:

  • the original print PDF of the as made version that was used for the print copy
  • correction slips

Click 'View More' or select 'More Resources' tab for additional information including:

  • lists of changes made by and/or affecting this legislation item
  • confers power and blanket amendment details
  • all formats of all associated documents
  • links to related legislation and further information resources