Rheoliadau Traffordd yr M4 (Cyffordd 28 (Parc Tredegar) i Gyffordd 24 (Coldra)) (Terfyn Cyflymder 50 mya) 2021

Offerynnau Statudol Cymru

2021 Rhif 101 (Cy. 27)

Traffig Ffyrdd, Cymru

Rheoliadau Traffordd yr M4 (Cyffordd 28 (Parc Tredegar) i Gyffordd 24 (Coldra)) (Terfyn Cyflymder 50 mya) 2021

Gwnaed

29 Ionawr 2021

Gosodwyd gerbron Senedd Cymru

2 Chwefror 2021

Yn dod i rym

28 Chwefror 2021

Mae Gweinidogion Cymru, drwy arfer y pwerau a roddir iddynt gan adran 17(2), (3) a (3ZAA) o Ddeddf Rheoleiddio Traffig Ffyrdd 1984(1), ac ar ôl ymgynghori ag unrhyw sefydliadau cynrychioliadol y tybiwyd eu bod yn briodol yn unol ag adran 134(10) o’r Ddeddf honno, yn gwneud y Rheoliadau a ganlyn.

Enwi, cychwyn a dehongli

1.—( 1) Enw’r Rheoliadau hyn yw Rheoliadau Traffordd yr M4 (Cyffordd 28 (Parc Tredegar) i Gyffordd 24 (Coldra)) (Terfyn Cyflymder 50 mya) 2021, a deuant i rym ar 28 Chwefror 2021.

(2) Yn y Rheoliadau hyn, ystyr “traffordd yr M4” yw traffordd yr M4 Llundain i Dde Cymru.

Gosod terfyn cyflymder

2.   Ni chaiff neb yrru cerbyd modur yn gyflymach na 50 milltir yr awr ar y darnau o draffordd yr M4 a bennir yn yr Atodlen.

Dirymu

3.   Mae Rheoliadau Traffordd yr M4 (Man i’r Gorllewin o Gyffordd 23A (Magwyr) i Fan i’r Dwyrain o Gyffordd 29 (Cas-bach)) (Terfynau Cyflymder Amrywiadwy) 2015(2) drwy hyn wedi eu dirymu.

Ken Skates

Gweinidog yr Economi, Trafnidiaeth a Gogledd Cymru, un o Weinidogion Cymru

29 Ionawr 2021

Rheoliad 2

YR ATODLEN Y DARNAU PENODEDIG O DRAFFORDD YR M4

Y darnau penodedig o draffordd yr M4 yw—

a)

Y darn o’r gerbytffordd tuaְ’r gorllewin o bwynt 675 o fetrau i’r gorllewin o linell ganol trosbont Trefesgob i Lanfarthin hyd at bwynt 80 metr i’r gorllewin o ganolbwynt tanbont Forge Road.

b)

Y darn o’r gerbytffordd tuaְ’r dwyrain o bwynt 64 o fetrau i’r dwyrain o’i chyffordd â ffordd ymadael tua’r dwyrain cyffordd 28 (Parc Tredegar) hyd at bwynt 229 o fetrau i’r dwyrain o’i chyffordd â ffordd ymuno tua’r dwyrain cyffordd 24 (Coldra).

c)

Y darn o’r ffordd ymadael tua’r dwyrain wrth gyffordd 24 (Coldra) o’i chyffordd â’r brif gerbytffordd tua’r dwyrain hyd at bwynt 123 o fetrau i’r gorllewin o’i chyffordd â cherbytffordd gylchredol yr A48/A449 Cyfnewidfa Coldra.

d)

Y darn o’r ffordd ymadael tua’r gorllewin wrth gyffordd 24 (Coldra) o’i chyffordd â’r brif gerbytffordd tua’r gorllewin hyd at bwynt 114 o fetrau i’r dwyrain o’i chyffordd â cherbytffordd gylchredol yr A48/A449 Cyfnewidfa Coldra.

e)

Y darn o’r ffordd ymuno tua’r gorllewin wrth gyffordd 24 (Coldra) o bwynt 6 metr i’r gorllewin o’i chyffordd â cherbytffordd gylchredol Cyfnewidfa Coldra hyd at ei chyffordd â’r brif gerbytffordd tua’r gorllewin.

f)

Y darn o’r ffordd ymadael tua’r gorllewin wrth gyffordd 25 (Caerllion) o’i chyffordd â’r brif gerbytffordd tua’r gorllewin hyd at ei chyffordd â cherbytffordd gylchredol cylchfan Caerllion y B4596.

g)

Y darn o’r ffordd ymuno tua’r dwyrain wrth gyffordd 25 (Caerllion) o’i chyffordd â cherbytffordd gylchredol cylchfan Caerllion y B4596 hyd at ei chyffordd â’r brif gerbytffordd tua’r dwyrain.

h)

Y darn o’r ffordd gyswllt ymadael tua’r gorllewin wrth gyffordd 25A (Grove Park) o’i chyffordd â’r brif gerbytffordd tua’r gorllewin hyd at ei chyffordd â’r A4042.

i)

Y darn o’r ffordd gyswllt ymuno tua’r dwyrain wrth gyffordd 25A (Grove Park) o’i chyffordd â’r A4042 hyd at ei chyffordd â’r brif gerbytffordd tua’r dwyrain.

j)

Y darn o’r ffordd ymadael tua’r dwyrain, gan gynnwys y lôn sy’n troi i’r chwith, wrth gyffordd 26 (Malpas) o’i chyffordd â’r brif gerbytffordd tua’r dwyrain hyd at ei chyffordd â cherbytffordd gylchredol cylchfan Malpas yr A4051.

k)

Y darn o’r ffordd ymadael tua’r gorllewin wrth gyffordd 26 (Malpas) o’i chyffordd â’r brif gerbytffordd tua’r gorllewin hyd at ei chyffordd â cherbytffordd gylchredol cylchfan Malpas yr A4051.

l)

Y darn o’r ffordd ymuno tua’r dwyrain wrth gyffordd 26 (Malpas) o’i chyffordd â cherbytffordd gylchredol cylchfan Malpas yr A4051 hyd at ei chyffordd â’r brif gerbytffordd tua’r dwyrain.

m)

Y darn o’r ffordd ymuno tua’r gorllewin wrth gyffordd 26 (Malpas) o’i chyffordd â cherbytffordd gylchredol cylchfan Malpas yr A4051 hyd at ei chyffordd â’r brif gerbytffordd tua’r gorllewin.

n)

Y darn o’r ffordd ymadael tua’r dwyrain wrth gyffordd 27 (High Cross) o’i chyffordd â’r brif gerbytffordd tua’r dwyrain hyd at ei chyffordd â cherbytffordd gylchredol cylchfan High Cross y B4591.

o)

Y darn o’r ffordd ymadael tua’r gorllewin wrth gyffordd 27 (High Cross) o’i chyffordd â’r brif gerbytffordd tua’r gorllewin hyd at ei chyffordd â cherbytffordd gylchredol cylchfan High Cross y B4591.

p)

Y darn o’r ffordd ymuno tua’r dwyrain wrth gyffordd 27 (High Cross) o’i chyffordd â cherbytffordd gylchredol cylchfan High Cross y B4591 hyd at ei chyffordd â’r brif gerbytffordd tua’r dwyrain.

q)

Y darn o’r ffordd ymuno tua’r gorllewin wrth gyffordd 27 (High Cross) o’i chyffordd â cherbytffordd gylchredol cylchfan High Cross y B4591 hyd at ei chyffordd â’r brif gerbytffordd tua’r gorllewin.

r)

Y darn o’r ffordd ymadael tua’r gorllewin wrth gyffordd 28 (Parc Tredegar) o’i chyffordd â’r brif gerbytffordd tua’r gorllewin hyd at bwynt 270 o fetrau i’r gogledd o’i chyffordd â phrif gerbytffordd gylchredol Cyfnewidfa Parc Tredegar.

s)

Y darn o’r ffordd ymuno tua’r dwyrain wrth gyffordd 28 (Parc Tredegar) o bwynt 45 o fetrau i’r gogledd o’i chyffordd â cherbytffordd gylchredol cylchfan yr A48/A467 hyd at ei chyffordd â’r brif gerbytffordd tua’r dwyrain.

NODYN ESBONIADOL

(Nid yw’r nodyn hwn yn rhan o’r Rheoliadau)

Mae’r Rheoliadau hyn yn gosod terfyn cyflymder uchaf o 50 milltir yr awr (yn lle’r terfyn cyflymder cenedlaethol) ar y darnau o draffordd yr M4 a bennir yn yr Atodlen i’r Rheoliadau hyn.

Mae’r Rheoliadau hyn hefyd yn dirymu Rheoliadau Traffordd yr M4 (Man i’r Gorllewin o Gyffordd 23A (Magwyr) i Fan i’r Dwyrain o Gyffordd 29 (Cas-bach)) (Terfynau Cyflymder Amrywiadwy) 2015.

Ystyriwyd Cod Ymarfer Gweinidogion Cymru ar gynnal Asesiadau Effaith Rheoleiddiol mewn perthynas â’r Rheoliadau hyn. O ganlyniad, lluniwyd asesiad effaith rheoleiddiol o’r costau a’r manteision sy’n debygol o ddeillio o gydymffurfio â’r Rheoliadau hyn. Gellir cael copi oddi wrth: Y Gangen Orchmynion, Trafnidiaeth, Llywodraeth Cymru, Parc Cathays, Caerdydd, CF10 3NQ neu [e-mail].

(1)

1984 p. 27 Diwygiwyd adran 17(2) gan baragraff 28(3) o Atodlen 8 i Ddeddf Ffyrdd Newydd a Gwaith Stryd 1991 (p. 22), a pharagraff 25 o Atodlen 4 ac Atodlen 8 i Ddeddf Traffig Ffyrdd 1991 (p. 40). Mewnosodwyd adran 17(3ZAA) gan adran 26(2) o Ddeddf Cymru 2017 (p. 4).

(2)

O.S. 2015/1018 (Cy. 72).