Adran 21 – Tir y Goron
115.Mae’r adran hon yn dweud pwy gaiff ymrwymo i gytundebau rheoli tir adran 16 ar ran y Goron.
116.Caiff CNC ymrwymo i gytundeb adran 16 mewn perthynas â thir y Goron ond mae adran 21 yn golygu ei bod yn ofynnol i’r awdurdod priodol naill ai wneud y cytundeb neu gymeradwyo’r cytundeb, gan ddibynnu a yw’r Goron yn dal y buddiant perthnasol mewn tir. Pennir yr awdurdod priodol ar sail pwy yw perchennog tir y Goron, a chaiff ei ddiffinio yn is-adran (4). Diffinnir “tir y Goron” yn is-adran (3).
117.Mae is-adran (5) yn darparu bod unrhyw gwestiwn ynghylch pwy yw’r awdurdod priodol yn cael ei gyfeirio at y Trysorlys.
