Adran 64 – Rheoliadau am asesiadau ariannol
230.Mae adran 64 yn ei gwneud yn ofynnol i Weinidogion Cymru wneud rheoliadau ynghylch y ffordd y mae asesiadau ariannol i’w cynnal gan awdurdod lleol. Rhaid i’r rheoliadau ddarparu ar gyfer cyfrifo incwm a chyfalaf person cymwys. Hefyd, cânt ddarparu ar gyfer y graddau y mae’r naill neu’r llall i’w ystyried neu i’w ddiystyru wrth gyfrifo’r ffioedd sydd i’w gosod, yr amgylchiadau pan ystyrir bod gan berson adnoddau ariannol uwchlaw trothwy penodedig a’r amgylchiadau pan fydd rhaid, neu pan ganiateir, cynnal asesiad ariannol newydd.
