Adran 45 – Pŵer i ddiwallu anghenion gofalwr am gymorth
170.Mae adran 45 yn rhoi pŵer i awdurdodau lleol i ddiwallu anghenion cymorth gofalwr heb o reidrwydd gwblhau asesiad o anghenion nac asesiad ariannol yn gyntaf. Mae’r pŵer hwn ar gael, er enghraifft, pan ystyrir bod angen diwallu anghenion fel mater brys.
171.Mae’r pŵer hwn ar gael hefyd mewn achosion pan fo asesiad wedi ei gynnal ond nad yw’r anghenion yn bodloni’r meini prawf cymhwystra. Yn yr amgylchiadau hyn, caiff yr awdurdod lleol, er gwaethaf hynny, benderfynu diwallu’r anghenion, er nad yw o dan ddyletswydd i wneud hynny.
