Gorchymyn Deddf Addysg Drydyddol ac Ymchwil (Cymru) 2022 (Cychwyn Rhif 2 a Darpariaeth Ddarfodol) 2023

Offerynnau Statudol Cymru

2023 Rhif 919 (Cy. 144) (C. 52)

Addysg, Cymru

Gorchymyn Deddf Addysg Drydyddol ac Ymchwil (Cymru) 2022 (Cychwyn Rhif 2 a Darpariaeth Ddarfodol) 2023

Gwnaed

21 Awst 2023

Mae Gweinidogion Cymru, drwy arfer y pwerau a roddir gan adran 148(2) a (3) o Ddeddf Addysg Drydyddol ac Ymchwil (Cymru) 2022(1), yn gwneud y Gorchymyn a ganlyn:

Enwi a dehongli

1.—( 1) Enw’r Gorchymyn hwn yw Gorchymyn Deddf Addysg Drydyddol ac Ymchwil (Cymru) 2022 (Cychwyn Rhif 2 a Darpariaeth Ddarfodol) 2023.

(2) Yn y Gorchymyn hwn, ystyr “y Ddeddf” yw Deddf Addysg Drydyddol ac Ymchwil (Cymru) 2022, ac mae i eiriau ac ymadroddion eraill yr un ystyr ag sydd iddynt yn y Ddeddf.

Y darpariaethau sy’n dod i rym ar 4 Medi 2023

2.   Daw’r darpariaethau a ganlyn o’r Ddeddf i rym ar 4 Medi 2023—

(a) adran 13 (datganiad o flaenoriaethau strategol);

(b) adran 14 (cynllun strategol ar gyfer y Comisiwn);

(c) adran 17 (rhyddid academaidd darparwyr a staff addysg uwch);

(d) adran 18 (awtonomi sefydliadol darparwyr addysg drydyddol);

(e) adran 19 (cydnawsedd â chyfraith elusennau a dogfennau llywodraethu darparwyr addysg drydyddol);

(f) adran 20 (canllawiau);

(g) adran 21 (pŵer Gweinidogion Cymru i roi cyfarwyddydau cyffredinol);

(h) adran 22 (swyddogaethau ychwanegol y Comisiwn);

(i) adran 24 (cynlluniau trosglwyddo);

(j) adran 25(7) (y gofrestr);

(k) adran 30(1) (amodau cymesur);

(l) adran 34 (pŵer i ddarparu ar gyfer amodau cofrestru parhaus mandadol pellach);

(m) adran 46 (gofynion ar gyfer datganiad terfyn ffioedd);

(n) adran 85(1), (2)(a) a (b) (pŵer Gweinidogion Cymru i gyllido’r Comisiwn);

(o) adran 87(2) (polisi ar bwerau cyllido);

(p) adran 89(1) a (2) (cymorth ariannol ar gyfer cyrsiau addysg uwch a bennir mewn rheoliadau);

(q) adran 130 (gwybodaeth a chyngor oddi wrth y Comisiwn a gwybodaeth oddi wrth Weinidogion Cymru);

(r) adran 132(1)(a) i (e), (g) i (k) a (2) (pwerau i rannu gwybodaeth);

(s) adran 141 (diogelu data);

(t) adran 142 (cyhoeddi);

(u) adran 147 (mân ddiwygiadau a diwygiadau canlyniadol);

(v) yn Atodlen 1 (y Comisiwn Addysg Drydyddol ac Ymchwil)—

(i) paragraff 5 i’r graddau nad yw eisoes mewn grym;

(ii) paragraff 7 i’r graddau nad yw eisoes mewn grym;

(iii) paragraff 8(1) i (3), (6) i (8) a (10);

(iv) paragraff 9(1) i (3) a (4)(a);

(v) paragraff 10 i’r graddau nad yw eisoes mewn grym;

(vi) paragraff 11(1) i’r graddau nad yw eisoes mewn grym, (3), (4) a (6) i (10);

(vii) paragraff 13;

(viii) paragraff 14;

(ix) paragraff 15(1)(a);

(x) paragraff 18;

(xi) paragraff 19;

(xii) paragraff 20;

(xiii) paragraff 21;

(xiv) paragraff 22;

(w) Atodlen 2 (trosglwyddo eiddo a staff i’r Comisiwn);

(x) yn Atodlen 4 (mân ddiwygiadau a diwygiadau canlyniadol)—

(i) paragraff 20(1);

(ii) paragraff 20(2)(a);

(iii) paragraff 28(a).

Y darpariaethau sy’n dod i rym ar 4 Medi 2023 i’r graddau a bennir

3.   Daw’r darpariaethau a ganlyn o’r Ddeddf i rym ar 4 Medi 2023 i’r graddau a bennir mewn perthynas â phob darpariaeth o’r fath—

(a) adran 2 (hybu dysgu gydol oes), at ddibenion llunio cynllun strategol o dan adran 14 (ond nid fel bod y ddyletswydd o dan adran 2 yn cael ei dwyn i rym);

(b) adran 3 (hybu cyfle cyfartal), at ddibenion llunio cynllun strategol o dan adran 14 (ond nid fel bod y dyletswyddau o dan adran 3 yn cael eu dwyn i rym);

(c) adran 4 (annog cyfranogiad mewn addysg drydyddol), at ddibenion llunio cynllun strategol o dan adran 14 (ond nid fel bod y dyletswyddau o dan adran 4 yn cael eu dwyn i rym);

(d) adran 5 (hybu gwelliant parhaus mewn addysg drydyddol), at ddibenion llunio cynllun strategol o dan adran 14 (ond nid fel bod y ddyletswydd o dan adran 5 yn cael ei dwyn i rym);

(e) adran 6(1)(a) (hybu gwaith ymchwil ac arloesi), at ddibenion llunio cynllun strategol o dan adran 14 (ond nid fel bod y ddyletswydd o dan adran 6(1)(a) yn cael ei dwyn i rym);

(f) adran 7 (hybu cydlafurio a chydlynu mewn addysg drydyddol ac ymchwil), at ddibenion llunio cynllun strategol o dan adran 14 (ond nid fel bod y dyletswyddau o dan adran 7 yn cael eu dwyn i rym);

(g) adran 8 (cyfrannu at economi gynaliadwy ac arloesol), at ddibenion llunio cynllun strategol o dan adran 14 (ond nid fel bod y ddyletswydd o dan adran 8 yn cael ei dwyn i rym);

(h) adran 9(1) (hybu addysg drydyddol drwy gyfrwng y Gymraeg), at ddibenion llunio cynllun strategol o dan adran 14 (ond nid fel bod y dyletswyddau o dan adran 9(1) yn cael eu dwyn i rym);

(i) adran 10 (hybu cenhadaeth ddinesig), at ddibenion llunio cynllun strategol o dan adran 14 (ond nid fel bod y ddyletswydd o dan adran 10 yn cael ei dwyn i rym);

(j) adran 11 (hybu golwg fyd-eang), at ddibenion llunio cynllun strategol o dan adran 14 (ond nid fel bod y dyletswyddau o dan adran 11 yn cael eu dwyn i rym);

(k) adran 12 (hybu cydlafurio rhwng darparwyr addysg drydyddol ac undebau llafur), at ddibenion llunio cynllun strategol o dan adran 14 (ond nid fel bod y ddyletswydd o dan adran 12 yn cael ei dwyn i rym);

(l) adran 25, at ddibenion gwneud rheoliadau o dan yr adran honno;

(m) adran 25(1), (4), (6)(a) a (6)(b) (i’r graddau y mae’n ymwneud ag is-adrannau (4) a (5)), at ddibenion adran 25(7) (ond nid fel bod unrhyw ddyletswyddau o dan yr is-adrannau hynny yn cael eu dwyn i rym);

(n) adran 25(4)(d), at ddibenion adran 27(2) (amodau cofrestru cychwynnol) (ond nid fel bod y ddyletswydd o dan adran 25(4)(d) yn cael ei dwyn i rym);

(o) adran 25(9)(a) a (10) (i’r graddau y mae is-adran (10) yn ymwneud ag is-adran (9)(a));

(p) adran 27 (amodau cofrestru cychwynnol), at ddibenion gwneud rheoliadau o dan yr adran honno;

(q) adran 27(1), (2) ac (8), at ddibenion galluogi’r Comisiwn i lunio’r ddogfen y cyfeirir ati yn adran 27(2) (ond nid fel bod y ddyletswydd o dan adran 27(2) yn cael ei dwyn i rym);

(r) adran 28(1) i (3) (amodau cofrestru parhaus cyffredinol), at ddibenion galluogi’r Comisiwn i gymryd camau tuag at benderfynu’r amodau cofrestru parhaus cyffredinol yn unol ag adran 28(1) (ond nid fel bod y dyletswyddau o dan adran 28(1) yn cael eu dwyn i rym);

(s) adran 31(1)(a) i (f), (i), (j) a (2) (amodau cofrestru parhaus mandadol ar gyfer pob darparwr cofrestredig), at ddibenion galluogi’r Comisiwn i gymryd camau tuag at benderfynu’r amodau cofrestru parhaus cyffredinol yn unol ag adran 28(1) (ond nid fel bod y ddyletswydd o dan adran 31(1) yn cael ei dwyn i rym);

(t) adran 32 (amod cofrestru parhaus mandadol ar y terfynau ffioedd), at ddibenion gwneud rheoliadau o dan yr adran honno;

(u) adran 32 ac adran 33 (amodau cofrestru parhaus mandadol ar gyfle cyfartal), at ddibenion galluogi’r Comisiwn i gymryd camau tuag at benderfynu’r amodau cofrestru parhaus cyffredinol yn unol ag adran 28(1) (ond nid fel bod unrhyw ddyletswyddau o dan adrannau 32 a 33 yn cael eu dwyn i rym);

(v) adran 35 (dyletswydd y Comisiwn i roi canllawiau ynghylch amodau cofrestru parhaus), at ddibenion galluogi’r Comisiwn i lunio canllawiau ar gyfer darparwyr cofrestredig ynghylch amodau cofrestru parhaus (ond nid fel bod y ddyletswydd o dan yr adran honno yn cael ei dwyn i rym);

(w) adran 36 (dyletswydd y Comisiwn i fonitro cydymffurfedd ag amodau cofrestru parhaus), at ddibenion galluogi’r Comisiwn i gymryd camau tuag at benderfynu sut y bydd yn monitro cydymffurfedd ag amodau cofrestru parhaus gan ddarparwyr cofrestredig (ond nid fel bod y ddyletswydd o dan yr adran honno yn cael ei dwyn i rym);

(x) adran 41 (datgofrestru), at ddibenion gwneud rheoliadau o dan yr adran honno;

(y) adran 43 (datgofrestru’n wirfoddol a datgofrestru gyda chydsyniad), at ddibenion gwneud rheoliadau o dan yr adran honno;

(z) adran 47(1) i (5) (cymeradwyo datganiad terfyn ffioedd), at ddibenion galluogi’r Comisiwn i gymryd camau tuag at benderfynu’r amod terfyn ffioedd yn unol ag adran 32(3)(a) a’r amodau cofrestru parhaus cyffredinol yn unol ag adran 28(1) (ond nid fel bod unrhyw ddyletswyddau o dan adran 47(2) na (4) yn cael eu dwyn i rym);

(aa) adran 54 (asesu ansawdd addysg uwch), at ddibenion gwneud rheoliadau o dan yr adran honno;

(bb) adran 57 (dyletswydd y Prif Arolygydd i arolygu ac adrodd), at ddibenion gwneud rheoliadau o dan yr adran honno;

(cc) adran 83 (dynodi darparwyr addysg drydyddol eraill), at ddibenion gwneud rheoliadau o dan yr adran honno;

(dd) adran 84 (dehongli Rhan 2), ac eithrio’r diffiniad o “ffioedd uwchlaw’r terfyn”;

(ee) adran 87(1) a (5), ac eithrio’r cyfeiriadau at adrannau 88 a 105 yn is-adran (5), at ddibenion llunio datganiad o dan adran 87(1) (ond nid fel bod y ddyletswydd o dan yr adran honno yn cael ei dwyn i rym);

(ff) adran 88 (cymorth ariannol i ddarparwyr penodedig ar gyfer addysg uwch), at ddibenion gwneud rheoliadau o dan yr adran honno;

(gg) adran 89(3) i (5), at ddibenion llunio datganiad o dan adran 87;

(hh) adran 97 (cymorth ariannol ar gyfer addysg bellach neu hyfforddiant), at ddibenion llunio datganiad o dan adran 87;

(ii) adran 101 (y chweched dosbarth mewn ysgolion), at ddibenion llunio datganiad o dan adran 87;

(jj) adran 103 (cymorth ariannol ar gyfer gweithgareddau eraill sy’n gysylltiedig ag addysg drydyddol), at ddibenion llunio datganiad o dan adran 87;

(kk) adran 104 (cymorth ariannol ar gyfer prentisiaethau), at ddibenion llunio datganiad o dan adran 87;

(ll) adran 105 (cymorth ariannol ar gyfer ymchwil ac arloesi), at ddibenion gwneud rheoliadau o dan yr adran honno;

(mm) yn Atodlen 1, paragraff 9(5), ac eithrio i’r graddau y mae’n cyfeirio at baragraff 6(5).

Y darpariaethau sy’n dod i rym ar 1 Ebrill 2024

4.   Daw’r darpariaethau a ganlyn o’r Ddeddf i rym ar 1 Ebrill 2024—

(a) adrannau 2 i 5 a 7 i 12 i’r graddau nad ydynt eisoes mewn grym;

(b) adran 16 (adolygu’r cynllun strategol);

(c) adran 85 i’r graddau nad yw eisoes mewn grym;

(d) yn Atodlen 1—

(i) paragraff 4 i’r graddau nad yw eisoes mewn grym;

(ii) paragraff 6;

(iii) paragraff 8 i’r graddau nad yw eisoes mewn grym;

(iv) paragraff 9 i’r graddau nad yw eisoes mewn grym;

(v) paragraff 11 i’r graddau nad yw eisoes mewn grym;

(e) yn Atodlen 4—

(i) paragraff 28 i’r graddau nad yw eisoes mewn grym;

(ii) paragraff 40.

Y darpariaethau sy’n dod i rym ar 1 Ebrill 2024 i’r graddau a bennir

5.   Daw adran 94 (addysg a hyfforddiant ar gyfer personau cymwys dros 19 oed) i rym ar 1 Ebrill 2024 at ddibenion gwneud rheoliadau o dan yr adran honno.

Y darpariaethau sy’n dod i rym ar 1 Ebrill 2024 yn ddarostyngedig i drefniadau darfodol

6.—( 1) Daw adran 15 (cymeradwyo, cyhoeddi a gweithredu’r cynllun strategol) i rym ar 1 Ebrill 2024 yn ddarostyngedig i’r addasiad a nodir ym mharagraff (2) sy’n gymwys yn ystod y cyfnod sy’n dechrau â 1 Ebrill 2024 ac sy’n dod i ben ar 16 Rhagfyr 2024.

(2) Mae adran 15(1) i’w darllen fel pe bai’r geiriau “cynllun strategol a lunnir o dan adran 14 at Weinidogion Cymru i’w gymeradwyo cyn diwedd cyfnod o 6 mis sy’n dechrau â’r diwrnod y cyhoeddir y datganiad o dan adran 13(1)” yn darllen fel “y cynllun strategol cyntaf y mae’n ei lunio o dan adran 14 at Weinidogion Cymru i’w gymeradwyo erbyn 15 Rhagfyr 2024”.

Jeremy Miles

Gweinidog y Gymraeg ac Addysg, un o Weinidogion Cymru

21 Awst 2023

NODYN ESBONIADOL

(Nid yw’r nodyn hwn yn rhan o’r Gorchymyn)

Mae’r Gorchymyn hwn wedi ei wneud gan Weinidogion Cymru ac mae’n dwyn i rym ddarpariaethau yn Neddf Addysg Drydyddol ac Ymchwil (Cymru) 2022 (“y Ddeddf”). Hwn yw’r ail orchymyn cychwyn a wnaed o dan y Ddeddf.

Mae’r Gorchymyn hwn yn dwyn i rym y darpariaethau a restrir yn erthyglau 2 a 3 ar 4 Medi 2023 a’r darpariaethau a restrir yn erthyglau 4 i 6 ar 1 Ebrill 2024.

Caiff y darpariaethau a restrir yn erthyglau 2 a 4 eu dwyn i rym yn llawn a chaiff y rhai yn erthyglau 3 a 5 eu dwyn i rym i’r graddau a bennir. Mae erthygl 6 yn dwyn i rym adran 15 o’r Ddeddf, sy’n ddarostyngedig i ddarpariaeth ddarfodol.

Mae erthyglau 2(v)(i) i (xiv), 3(mm) a 4(d)(i) i (v) yn dwyn i rym y rhan fwyaf o ddarpariaethau Atodlen 1 i’r Ddeddf nad ydynt eisoes mewn grym. Mae Atodlen 1 yn gwneud darpariaeth ynghylch y Comisiwn Addysg Drydyddol ac Ymchwil (“y Comisiwn”). Hynny yw, darpariaeth megis aelodaeth, trafodion, a phwerau atodol. Daw’r mwyafrif o’r darpariaethau hynny i rym ar 4 Medi 2023 ond caiff darpariaethau sy’n ymwneud ag aelod cyswllt staff y Comisiwn eu dwyn i rym ar 1 Ebrill 2024.

Mae erthygl 3(a) i (k) yn dwyn i rym ddyletswyddau strategol y Comisiwn a nodir yn adrannau 2 i 5, 6(1)(a), 7, 8, 9(1) a 10 i 12 o’r Ddeddf ond dim ond at ddibenion galluogi’r Comisiwn i lunio cynllun strategol o dan adran 14.

Mae erthygl 4(a) yn dwyn i rym ddyletswyddau strategol y Comisiwn yn adrannau 2 i 5 a 7 i 12 o’r Ddeddf i’r graddau nad ydynt eisoes mewn grym.

Mae erthygl 2(a) yn dwyn i rym adran 13 o’r Ddeddf, sy’n gosod dyletswydd ar Weinidogion Cymru i gyhoeddi datganiad sy’n nodi eu blaenoriaethau strategol ar gyfer addysg drydyddol ac ymchwil ac arloesi, ac mewn cysylltiad â hwy.

Mae erthygl 2(b) yn dwyn i rym adran 14 o’r Ddeddf, sy’n gosod dyletswydd ar y Comisiwn i lunio cynllun strategol sy’n nodi sut y mae’n bwriadu cyflawni ei ddyletswyddau strategol o dan adrannau 2 i 12 o’r Ddeddf ac ymdrin â’r blaenoriaethau a nodir yn natganiad Gweinidogion Cymru a gyhoeddir o dan adran 13.

Mae erthygl 6 yn dwyn i rym adran 15 o’r Ddeddf, sy’n gosod dyletswydd ar y Comisiwn i anfon cynllun strategol a lunnir o dan adran 14 at Weinidogion Cymru i’w gymeradwyo. Fodd bynnag, caiff adran 15 ei dwyn i rym yn ddarostyngedig i addasiad mewn cysylltiad â’r amseriad ar gyfer cyflwyno’r cynllun strategol cyntaf fel bod rhaid ei anfon at Weinidogion Cymru i’w gymeradwyo erbyn 15 Rhagfyr 2024.

Mae erthygl 4(b) yn dwyn i rym adran 16 o’r Ddeddf, sy’n gosod dyletswydd ar y Comisiwn i adolygu ei gynllun strategol cyhoeddedig os yw Gweinidogion Cymru yn diwygio eu datganiad o flaenoriaethau. Mae’r adran yn galluogi’r Comisiwn i adolygu ei gynllun ar unrhyw adeg arall.

Mae erthygl 2(c) yn dwyn i rym adran 17 o’r Ddeddf, sy’n gosod dyletswydd ar Weinidogion Cymru a’r Comisiwn i roi sylw i bwysigrwydd diogelu rhyddid academaidd darparwyr addysg uwch a’u staff academaidd.

Mae erthygl 2(d) yn dwyn i rym adran 18 o’r Ddeddf, sy’n gosod dyletswydd ar Weinidogion Cymru a’r Comisiwn i roi sylw i bwysigrwydd diogelu awtonomi sefydliadol darparwyr addysg drydyddol.

Mae erthygl 2(e) yn dwyn i rym adran 19 o’r Ddeddf, sy’n darparu nad oes dim byd yn y Ddeddf sy’n galluogi’r Comisiwn neu Weinidogion Cymru i’w gwneud yn ofynnol i gorff llywodraethu darparwr addysg drydyddol wneud unrhyw beth sy’n anghydnaws â’i rwymedigaethau cyfraith elusennau neu ei ddogfennau llywodraethu.

Mae erthygl 2(f) yn dwyn i rym adran 20 o’r Ddeddf, sy’n gosod dyletswydd ar y Comisiwn i roi sylw i ganllawiau a roddir iddo gan Weinidogion Cymru.

Mae erthygl 2(g) yn dwyn i rym adran 21 o’r Ddeddf, sy’n galluogi Gweinidogion Cymru i roi cyfarwyddydau cyffredinol i’r Comisiwn ynghylch arfer unrhyw un neu ragor o’i swyddogaethau.

Mae erthygl 2(h) yn dwyn i rym adran 22 o’r Ddeddf, sy’n galluogi Gweinidogion Cymru i wneud rheoliadau sy’n rhoi swyddogaethau atodol i’r Comisiwn.

Mae erthygl 2(i) ac (w) yn dwyn i rym adran 24 o’r Ddeddf ac Atodlen 2 iddi. Mae Atodlen 2 yn galluogi Gweinidogion Cymru i wneud cynlluniau sy’n darparu ar gyfer trosglwyddo i’r Comisiwn staff, eiddo, hawliau ac atebolrwyddau.

Mae erthyglau 2(j) i (m) a 3(l) i (z) yn dwyn i rym ddarpariaethau ym Mhennod 1 o Ran 2 o’r Ddeddf i alluogi’r Comisiwn i ymgymryd â gwaith paratoi mewn cysylltiad â chofrestru darparwyr addysg drydyddol.

Mae erthygl 2(j) yn dwyn i rym adran 25(7) o’r Ddeddf, sy’n ymwneud â cheisiadau i gofrestru gyda’r Comisiwn. Mae erthygl 3(m) hefyd yn dwyn i rym adran 25(1), (4) a (6)(a) a (b) (i’r graddau y mae’n ymwneud ag is-adrannau (4) a (5)) at ddibenion adran 25(7).

Mae erthygl 3(l) yn dwyn i rym adran 25 o’r Ddeddf i alluogi Gweinidogion Cymru i wneud rheoliadau sy’n ymwneud â chategorïau cofrestru ac i bennu’r wybodaeth y mae rhaid ei chynnwys yng nghofnod darparwr yn y gofrestr.

Rhaid i’r Comisiwn gofrestru darparwr addysg drydyddol mewn categori o’r gofrestr os yw’n bodloni’r amodau yn adran 25(4) o’r Ddeddf. Mae’r amodau’n cynnwys, ym mharagraff (d), ofyniad i fodloni amodau cofrestru cychwynnol perthnasol. Mae adran 27(2) o’r Ddeddf yn gosod rhwymedigaeth ar y Comisiwn i gyhoeddi dogfen sy’n pennu’r gofynion sydd i’w diwallu mewn perthynas â’r amodau cofrestru cychwynnol. Mae erthygl 3(n) a (q) yn dwyn i rym, yn ôl eu trefn, adran 25(4)(d) ac adran 27(1), (2) ac (8) at ddibenion galluogi’r Comisiwn i lunio’r ddogfen honno.

Mae erthygl 3(p) yn dwyn i rym adran 27 o’r Ddeddf i alluogi Gweinidogion Cymru i wneud rheoliadau sy’n ymwneud ag amodau cofrestru cychwynnol pellach.

Mae erthygl 3(r) yn dwyn i rym adran 28(1) i (3) o’r Ddeddf i alluogi’r Comisiwn i gymryd camau tuag at benderfynu’r amodau cofrestru parhaus cyffredinol.

Mae erthygl 3(o) yn dwyn i rym adran 25(9)(a) a (10) (i’r graddau y mae is-adran (10) yn ymwneud ag is-adran (9)(a)) i ddarparu ar gyfer ystyr “amodau cofrestru parhaus” at ddibenion Rhan 2 o’r Ddeddf.

Mae erthygl 3(s) ac (u) yn dwyn i rym, yn ôl eu trefn, adran 31(1)(a) i (f), (i), (j) a (2) ac adrannau 32 a 33 at ddibenion galluogi’r Comisiwn i gymryd camau tuag at benderfynu’r amodau cofrestru parhaus cyffredinol. Mae adrannau 31 i 33 o’r Ddeddf yn darparu ar gyfer amodau cofrestru parhaus mandadol. Mae adran 32 yn ymwneud â therfynau ffioedd ac mae adran 33 yn ymwneud â chyfle cyfartal.

Mae erthygl 3(t) yn dwyn i rym adran 32 o’r Ddeddf i alluogi Gweinidogion Cymru i wneud rheoliadau mewn cysylltiad â therfynau ffioedd. Mae erthyglau 2(m) a 3(z) yn dwyn i rym, yn ôl eu trefn, ddarpariaeth gysylltiedig yn adran 46 mewn cysylltiad â datganiadau terfyn ffioedd ac adran 47(1) i (5) o’r Ddeddf mewn cysylltiad â chymeradwyo’r datganiadau hynny.

Mae erthygl 2(l) yn dwyn i rym adran 34 o’r Ddeddf, sy’n galluogi Gweinidogion Cymru i wneud rheoliadau i ddarparu ar gyfer amodau cofrestru parhaus mandadol pellach.

Mae erthygl 2(k) yn dwyn i rym adran 30(1) o’r Ddeddf, sy’n ymwneud â chymesuredd amodau.

Mae erthygl 3(v) ac (w) yn dwyn i rym, yn ôl eu trefn, adrannau 35 a 36 o’r Ddeddf at ddibenion galluogi’r Comisiwn i lunio canllawiau sy’n ymwneud ag amodau cofrestru parhaus ac i ymgymryd â gwaith paratoi tuag at benderfynu sut y bydd yn monitro cydymffurfedd darparwyr cofrestredig ag amodau cofrestru parhaus.

Mae erthygl 3(x) ac (y) yn dwyn i rym, yn ôl eu trefn, adrannau 41 a 43 o’r Ddeddf at ddibenion galluogi Gweinidogion Cymru i wneud rheoliadau mewn cysylltiad â datgofrestru.

Mae erthygl 3(aa) yn dwyn i rym adran 54 o’r Ddeddf at ddibenion gwneud rheoliadau sy’n ymwneud ag asesiadau ansawdd addysg uwch.

Mae erthygl 3(bb) yn dwyn i rym adran 57 o’r Ddeddf at ddibenion gwneud rheoliadau sy’n ymwneud ag arolygiadau gan Brif Arolygydd Ei Fawrhydi dros Addysg a Hyfforddiant yng Nghymru.

Mae erthygl 3(cc) yn dwyn i rym adran 83 o’r Ddeddf at ddibenion gwneud rheoliadau sy’n ymwneud â dynodi darparwyr addysg drydyddol.

Mae erthygl 2(n) yn dwyn i rym adran 85(1), (2)(a) a (b) o’r Ddeddf o 4 Medi 2023, sy’n rhoi pŵer i Weinidogion Cymru i gyllido’r Comisiwn. Mae erthygl 4(c) yn dwyn i rym adran 85 at yr holl ddibenion sy’n weddill o 1 Ebrill 2024.

Mae erthyglau 2(o) a 3(ee) yn dwyn i rym, yn ôl eu trefn, adran 87(2), ac 87(1) a (5) o’r Ddeddf (ac eithrio’r cyfeiriad at adrannau 88 a 105 o’r Ddeddf yn is-adran (5)), at ddibenion galluogi’r Comisiwn i lunio datganiad o dan adran 87(1). Mae adran 87(1) yn gosod dyletswydd ar y Comisiwn i gyhoeddi datganiad ar sut y mae’n bwriadu arfer ei bwerau cyllido.

Mae erthygl 3(gg), (hh), (ii), (jj) a (kk) yn dwyn i rym, yn ôl eu trefn, adrannau 89(3) i (5), 97, 101, 103 a 104 o’r Ddeddf (mae’r adrannau hynny’n cynnwys pwerau cyllido) at ddibenion llunio datganiad o dan adran 87.

Mae erthygl 3(ff) yn dwyn i rym adran 88 o’r Ddeddf at ddibenion gwneud rheoliadau sy’n ymwneud â darparwyr penodedig a chymorth ariannol oddi wrth y Comisiwn.

Mae erthygl 2(p) yn dwyn i rym adran 89(1) a (2) o’r Ddeddf i ganiatáu i reoliadau sy’n ymwneud â chymorth ariannol ar gyfer cyrsiau addysg uwch penodol gael eu gwneud.

Mae erthygl 3(ll) yn dwyn i rym adran 105 o’r Ddeddf at ddibenion gwneud rheoliadau sy’n ymwneud â darparwyr penodedig a chymorth ariannol oddi wrth y Comisiwn.

Mae erthygl 5 yn dwyn i rym adran 94 o’r Ddeddf at ddibenion gwneud rheoliadau sy’n ymwneud ag addysg a hyfforddiant ar gyfer personau cymwys dros 19 oed.

Mae erthygl 2(q) ac (r) yn dwyn i rym, yn ôl eu trefn, adran 130 o’r Ddeddf, sy’n ymwneud â gwybodaeth a chyngor oddi wrth y Comisiwn a gwybodaeth oddi wrth Weinidogion Cymru, a darpariaethau penodol yn adran 132 o’r Ddeddf, sy’n ymwneud â phwerau i rannu gwybodaeth.

Mae erthygl 2(s) yn dwyn i rym adran 141 o’r Ddeddf, sy’n darparu nad yw unrhyw ddarpariaeth a wneir gan y Ddeddf sy’n ei gwneud yn ofynnol datgelu neu ddefnyddio gwybodaeth, neu sy’n galluogi datgelu neu ddefnyddio gwybodaeth, yn datgymhwyso, mewn unrhyw ffordd, y ddeddfwriaeth diogelu data bresennol.

Mae erthygl 2(t) yn dwyn i rym adran 142 o’r Ddeddf, sy’n ymwneud â dyletswyddau i gyhoeddi o dan y Ddeddf.

Mae erthygl 2(u) ac (x) yn dwyn i rym, yn ôl eu trefn, adran 147 o’r Ddeddf, a diwygiadau canlyniadol i adran 148 o Ddeddf Llywodraeth Cymru 2006 ac i Atodlen 6 i Fesur y Gymraeg (Cymru) 2011.

Mae erthygl 4(e) yn dwyn i rym ddiwygiadau canlyniadol i Atodlen 6 i Fesur y Gymraeg (Cymru) 2011 ac i reoliad 3(4) o Reoliadau Safonau’r Gymraeg (Rhif 6) 2017 (O.S. 2017/90 (Cy. 33)).

NODYN AM Y GORCHYMYN CYCHWYN CYNHARACH

(Nid yw’r nodyn hwn yn rhan o’r Gorchymyn)

Mae’r darpariaethau a ganlyn o’r Ddeddf wedi eu dwyn i rym drwy Orchymyn Cychwyn cyn dyddiad y Gorchymyn hwn.

Y Ddarpariaeth	Y Dyddiad Cychwyn	Rhif O.S.
Adran 1	15 Rhagfyr 2022	O.S. 2022/1318 (Cy. 267)(C. 106)
Adran 9 (yn rhannol)	15 Rhagfyr 2022	O.S. 2022/1318 (Cy. 267)(C. 106)
Atodlen 1 Paragraffau 1; 2; 3; 4(1)(a) ac (c); 5(1) a (2); 7(1) a (2); 10(1), (3), (4) a (7); 11(1) (yn rhannol) a (2); 12	15 Rhagfyr 2022	O.S. 2022/1318 (Cy. 267)(C. 106)

(1)

2022 dsc 1.