Rheoliadau Cig (Ffioedd Rheolaethau Swyddogol) (Cymru) (Diwygio) 2019

Enwi a chychwyn

1.—( 1) Enw’r Rheoliadau hyn yw Rheoliadau Cig (Ffioedd Rheolaethau Swyddogol) (Cymru) (Diwygio) 2019.

(2) Daw’r Rheoliadau hyn i rym ar 14 Rhagfyr 2019.

Diwygio Rheoliadau Cig (Ffioedd Rheolaethau Swyddogol) (Cymru) 2009

2.   Mae Rheoliadau Cig (Ffioedd Rheolaethau Swyddogol) (Cymru) 2009 wedi eu diwygio fel a ganlyn.

3.   Yn rheoliad 2 (dehongli), ym mharagraff (1)—

(a) yn y diffiniad o “archwilio”, yn lle “Erthygl 2.6 o Reoliad 882/2004” rhodder “Erthygl 3(30) o Reoliad 2017/625”;

(b) yn y diffiniad o “rheolaethau”, yn lle “yn unol â Rheoliad 854/2004,”, yn y ddau le y mae’n digwydd, rhodder “yn unol â Rheoliad 2017/625, Rheoliad 2019/624 a Rheoliad 2019/627,”;

(c) yn y diffiniad o “safle torri”—

(i) ym mharagraff (a), yn lle “Erthygl 31.2 o Reoliad 882/2004” rhodder “Erthygl 148 o Reoliad 2017/625”;

(ii) hepgorer paragraff (b);

(d) yn lle’r diffiniad sy’n dechrau “mae i “Cyfarwyddeb 2004/41”” rhodder—

“mae i “Cyfarwyddeb 2004/41” (“Directive 2004/41”), “Rheoliad 178/2002” (“Regulation 178/2002”), “Rheoliad 852/2004” (“Regulation 852/2004”), “Rheoliad 853/2004” (“Regulation 853/2004”), “Rheoliad 1688/2005” (“Regulation 1688/2005”), “Rheoliad 2073/2005” (“Regulation 2073/2005”), “Rheoliad 2074/2005” (“Regulation 2074/2005”), “Rheoliad 2015/1375” (“Regulation 2015/1375”), “Rheoliad 2017/185” (“Regulation 2017/185”), “Rheoliad 2017/625” (“Regulation 2017/625”), “Rheoliad 2019/624” (“Regulation 2019/624”) a “Rheoliad 2019/627” (“Regulation 2019/627”) yr ystyron a roddir iddynt yn ôl eu trefn yn Atodlen 1;”;

(e) yn y diffiniad o “sefydliad trin anifeiliaid hela”—

(i) ym mharagraff (a), yn lle “Erthygl 31.2 o Reoliad 882/2004” rhodder “Erthygl 148 o Reoliad 2017/625”;

(ii) hepgorer paragraff (b);

(f) yn y lle priodol, mewnosoder—

“mae i “cynorthwyydd swyddogol” yr ystyr a roddir i “official auxiliary” yn Erthygl 3(49) o Reoliad 2017/625;”;

(g) yn y diffiniad o “rheolaethau swyddogol”, yn lle “Erthygl 2.1 o Reoliad 882/2004” rhodder “Erthygl 2(1) o Reoliad 2017/625”;

(h) yn y diffiniad o “milfeddyg swyddogol”, yn lle “Erthygl 2.1(f) o Reoliad 854/2004” rhodder “Erthygl 3(32) o Reoliad 2017/625”;

(i) yn y diffiniad o “lladd-dy”—

(i) ym mharagraff (a), yn lle “Erthygl 31.2 o Reoliad 882/2004” rhodder “Erthygl 148 o Reoliad 2017/625”;

(ii) hepgorer paragraff (b).

4.   Yn lle Atodlen 1 (diffiniadau o ddeddfwriaeth yr UE), rhodder yr Atodlen a nodir yn yr Atodlen i’r Rheoliadau hyn.

5.   Yn Atodlen 2 (cyfrifo’r ffi rheolaethau swyddogol)—

(a) ym mharagraff 6—

(i) yn lle “yr amcanion a bennir yn Erthygl 1.1 o Reoliad 882/2004” rhodder “bod amcanion Rheoliad 2017/625”;

(ii) yn lle “Erthygl 3.1” rhodder “Erthygl 9(1)”;

(b) ym mharagraff 11, yn lle “Atodiad VI i Reoliad 882/2004” rhodder “Erthyglau 81 a 82 o Reoliad 2017/625”.

Vaughan Gething

Y Gweinidog Iechyd a Gwasanaethau Cymdeithasol, un o Weinidogion Cymru

27 Tachwedd 2019