Gorchymyn Dynodi Ysgolion Sydd â Chymeriad Crefyddol (Ysgolion Annibynnol) (Cymru) 2009

Offerynnau Statudol Cymru

2009 Rhif 1218 (Cy.103)

ADDYSG, CYMRU

Gorchymyn Dynodi Ysgolion Sydd â Chymeriad Crefyddol (Ysgolion Annibynnol) (Cymru) 2009

Gwnaed

8 Mai 2009

Yn dod i rym

1 Mehefin 2009

Mae Gweinidogion Cymru yn gwneud y Gorchymyn a ganlyn drwy arfer y pwerau a roddwyd i'r Ysgrifennydd Gwladol gan adrannau 69(3) a (4) a 138(7) ac (8) o Ddeddf Safonau a Fframwaith Ysgolion 1998(1), fel y'u cymhwysir mewn perthynas ag ysgolion annibynnol gan adran 124B(1)(2) o'r Ddeddf honno, ac sydd bellach wedi eu breinio ynddynt hwy(3).

Wrth wneud y Gorchymyn hwn mae Gweinidogion Cymru wedi dilyn y weithdrefn a bennwyd yn Rheoliadau Ysgolion Annibynnol (Cymeriad Crefyddol Ysgolion) (Gweithdrefn Ddynodi) (Cymru) 2003(4).

Enwi a chychwyn

1.   Enw'r Gorchymyn hwn yw Gorchymyn Dynodi Ysgolion Sydd â Chymeriad Crefyddol (Ysgolion Annibynnol) (Cymru) 2009, a daw i rym ar 1 Mehefin 2009.

Dehongli

2.   Yn y Gorchymyn hwn ystyr “y grefydd berthnasol neu'r enwad crefyddol perthnasol” (“the relevant religion or religious denomination”) yw'r grefydd neu'r enwad crefyddol y caiff addysg yn yr ysgol ei darparu neu'r ysgol ei rheoli yn unol â'i daliadau neu â'i ddaliadau (neu, yn ôl y digwydd, pob enwad crefyddol o'r fath).

Dynodi ysgolion

3.—( 1) Dynodir yr Ysgolion a restrir yng ngholofn (1) yn yr Atodlen yn ysgolion sydd â chymeriad crefyddol.

(2) Mewn perthynas ag ysgol a restrir yng ngholofn (1) yn yr Atodlen, pennir yng ngholofn (2) y grefydd berthnasol neu'r enwad crefyddol perthnasol i'r ysgol honno.

Jane E. Hutt

Y Gweinidog dros Blant, Addysg, Dysgu Gydol Oes a Sgiliau, un o Weinidogion Cymru

8 Mai 2009

Erthygl 3

YR ATODLEN Ysgolion Sydd â Chymeriad Crefyddol

(1)	(2)
Enw a Chod Post yr Ysgol	Y Grefydd Berthnasol neu'r Enwad Crefyddol Perthnasol
Bangor
Ysgol Hillgrove, LL57 2TW	Cristnogaeth
St Gerards, LL57 2EL	Cristnogaeth
Aberhonddu
Coleg Crist, LD3 8AF	Cristnogaeth
Caerffili
Ysgol Wycliff, CF83 8PU	Cristnogaeth
Caerdydd
Coleg St John's, CF3 5YX	Catholigiaeth Rufeinig
Ysgol y Gadeirlan, CF5 2YH	Cristnogaeth
Aberteifi
Ysgol Gristnogol Aberteifi, SA43 1HU	Cristnogaeth
Cross Keys
Ysgol Gristnogol Emmanuel, NP11 5AJ	Cristnogaeth
Bae Colwyn
Ysgol Rydal Penrhos, LL29 7BT	Cristnogaeth
Llandudno
Coleg Dewi Sant, LL30 1RD	Cydenwadaeth
Trefynwy
Ysgol Agincourt, NP25 3SY	Cristnogaeth
Ysgol Trefynwy i Fechgyn, NP25 3XP	Cristnogaeth
Ysgol Trefynwy i Ferched, NP25 5XT	Cristnogaeth
Porth-cawl
Ysgol Gwfaint St Clare's, CF36 5NR	Catholigiaeth Rufeinig
Powys
Ysgol Ridgeway, SY16 4EW	Cristnogaeth
Abertawe
Ymddiriedolaeth Addysg Keystone, SA5 4DH	Cristnogaeth

Nodyn Esboniadol

(Nid yw'r nodyn hwn yn rhan o'r Gorchymyn)

Mae'r Gorchymyn hwn yn dynodi'r ysgolion annibynnol a enwir yn ysgolion sydd â chymeriad crefyddol.

O dan adran 124A o Ddeddf Safonau a Fframwaith Ysgolion 1998, caniateir i ysgolion annibynnol sydd wedi eu dynodi felly roi sylw i ystyriaethau crefyddol penodol pan fyddant yn gwneud penderfyniadau ynghylch cyflogaeth benodedig mewn perthynas â staff sy'n addysgu.

Nid yw dynodiad gan y Gorchymyn hwn yn fodd ynddo'i hun i ennill cymeriad crefyddol neu newid cymeriad crefyddol. Yr hyn a wnaiff dynodiad yw cydnabod nodweddion presennol penodol yr ysgol neu ei chorff llywodraethu fel y'u disgrifir yn Rheoliadau Ysgolion Annibynnol (Cymeriad Crefyddol Ysgolion) (Cymru) 2003.

(1)

1998 p.31. Diwygiwyd adran 69(1) gan baragraff 104(1) a (2) o Atodlen 21 i Ddeddf Addysg 2002 (p.32). Diwygiwyd adran 69(2) gan baragraff 104(1) a (3) o Atodlen 21 i Ddeddf Addysg 2002.

(2)

Mewnosodwyd adran 124B gan Reoliadau Ysgolion Annibynnol (Cyflogi Athrawon mewn Ysgolion Sydd â Chymeriad Crefyddol) 2003 (O.S. 2003/2037).

(3)

Cafodd swyddogaethau'r Ysgrifennydd Gwladol o dan yr adrannau hyn eu trosglwyddo i Gynulliad Cenedlaethol Cymru gan Orchymyn Cynulliad Cenedlaethol Cymru (Trosglwyddo Swyddogaethau) 1999 (O.S. 1999/672) ac yna i Weinidogion Cymru gan baragraff 30 o Atodlen 11 i Ddeddf Llywodraeth Cymru 2006 (p.32).

(4)

O.S. 2003/3233.