Gorchymyn Traffig Ffyrdd (Ardal Barcio a Ganiateir ac Ardal Barcio Arbennig) (Sir Gwynedd) 2007

Offerynnau Statudol Cymru

2007 Rhif 714 (Cy.62)

TRAFFIG FFYRDD, CYMRU

Gorchymyn Traffig Ffyrdd (Ardal Barcio a Ganiateir ac Ardal Barcio Arbennig) (Sir Gwynedd) 2007

Wedi'i wneud

6 Mawrth 2007

Yn dod i rym

1 Ebrill 2007

Mae Cyngor Sir Gwynedd wedi gwneud cais i Gynulliad Cenedlaethol Cymru (“y Cynulliad Cenedlaethol”) i Orchymyn gael ei wneud o dan baragraffau 1(1) a 2(1) o Atodlen 3 i Ddeddf Traffig Ffyrdd 1991(1) o ran Sir Gwynedd ac mae'r Cynulliad Cenedlaethol wedi ymgynghori â Phrif Gwnstabl Heddlu Gogledd Cymru yn unol â gofynion paragraffau 1(3) a 2(3) o'r Atodlen honno ac â Chyngor y Tribiwnlysoedd yn unol â gofynion adran 8 o Ddeddf Tribiwnlysoedd ac Ymchwiliadau 1992(2);

Mae'r Cynulliad Cenedlaethol, drwy arfer y pwerau a roddwyd gan baragraffau 1(1), 2(1) a 3(3) o Atodlen 3 i Ddeddf Traffig Ffyrdd 1991(3), drwy hyn yn gwneud y Gorchymyn a ganlyn:

(1)

1991 p.40. Cafodd Atodlen 3 ei diwygio gan Orchymyn Ddeddf Traffig Ffyrdd 1991 (Diwygio Atodlen 3) (Cymru a Lloegr) 1996 (O.S. 1996/500), gan Atodlen 7, paragraff 43 o Ddeddf Llywodraeth Leol (Cymru) 1994 (c. 19), a chan Atodlen 13, paragraff 171 o Ddeddf Llywodraeth Leol etc. (Yr Alban) 1994 (p.39).

(2)

1992 p.53.

(3)

Trosglwyddwyd y pwerau i Gynulliad Cenedlaethol Cymru gan Orchymyn Cynulliad Cenedlaethol Cymru (Trosglwyddo Swyddogaethau) 1999 (O.S. 1999/672).