Gorchymyn Llywodraeth Leol (Dangosyddion Perfformiad Gwerth Gorau) (Cymru) 2005

Offerynnau Statudol Cymru

2005 Rhif 665 (Cy.55)

LLYWODRAETH LEOL, CYMRU

Gorchymyn Llywodraeth Leol (Dangosyddion Perfformiad Gwerth Gorau) (Cymru) 2005

Wedi'i wneud

8 Mawrth 2005

Yn dod i rym

1 Ebrill 2005

Mae Cynulliad Cenedlaethol Cymru, ar ôl iddo ymgynghori â'r personau hynny y mae'n ofynnol, gan adran 4(3) o Ddeddf Llywodraeth Leol 1999(1), iddo ymgynghori â hwy, yn gwneud y Gorchymyn a ganlyn drwy arfer y pwerau a roddwyd iddo gan adrannau 4(1)(a) a (2) ac adran 29(1) o'r Ddeddf honno .

Enwi, cychwyn a chymhwyso

1.—( 1) Enw'r Gorchymyn hwn yw Gorchymyn Llywodraeth Leol (Dangosyddion Perfformiad Gwerth Gorau) (Cymru) 2005 a daw i rym ar 1 Ebrill 2005.

(2) Mae'r Gorchymyn hwn yn gymwys o ran Cymru yn unig.

Dangosyddion Perfformiad

2.   Y dangosyddion perfformiad a bennir ar gyfer cynghorau sir a chynghorau bwrdeistrefi sirol, gan gynnwys, pan fo hynny'n briodol, dangosyddion perfformiad o ran swyddogaethau a arferir ganddynt fel awdurdodau gwaredu gwastraff, o ran y swyddogaethau a nodir yn y tabl isod, yw'r dangosyddion perfformiad a roddir yn y tabl hwnnw.

TABL

Swyddogaethau'r Awdurdodau Gwerth Gorau a'r Dangosyddion Perfformiad y Mesurir Perfformiad y Swyddogaethau hynny drwyddynt

Gwasanaethau Cymdeithasol

Pob dangosydd yn Atodlen 1

Tai

Pob dangosydd yn Atodlen 2

Addysg

Pob dangosydd yn Atodlen 3

Rheoli Gwastraff

Pob dangosydd yn Atodlen 4

Trafnidiaeth/Priffyrdd

Pob dangosydd yn Atodlen 5

Diogelu'r Cyhoedd

Pob dangosydd yn Atodlen 6

Effeithlonrwydd Ynni

Pob dangosydd yn Atodlen 7

Budd-daliadau Tai a Budd-daliadau Dreth Gyngor

Pob dangosydd yn Atodlen 8

Llofnodwyd ar ran Cynulliad Cenedlaethol Cymru o dan adran 66(1) o Ddeddf Llywodraeth Cymru 1998(2).

D. Elis-Thomas

Llywydd y Cynulliad Cenedlaethol

8 Mawrth 2005

Erthygl 2

ATODLEN 1 DANGOSYDDION GWASANAETHAU CYMDEITHASOL

Rhif y Dangosydd	Prif ddangosydd
NS1	Cyfradd yr oedi wrth drosglwyddo gofal am resymau gofal cymdeithasol fesul 1,000 o'r boblogaeth sy'n 75 oed neu drosodd.
NS2	Cyfradd y bobl oedrannus (65 oed neu drosodd): (a) y rhoddwyd cymorth iddynt i fyw gartref, fesul 1,000 o'r boblogaeth sy'n 65 oed neu drosodd; a (b) y mae'r awdurdod yn eu cefnogi mewn cartrefi gofal fesul 1,000 o'r boblogaeth sy'n 65 oed neu drosodd.
NS3	(a) canran y lleoliadau cyntaf i blant sy'n derbyn gofal yn ystod y flwyddyn a ddechreuodd gyda chynllun gofal ar waith; a (b) ar gyfer y plant hynny sy'n derbyn gofal yr oedd eu hail adolygiad (a oedd i fod ar ôl 4 mis) i fod wedi'i gwblhau yn ystod y flwyddyn, canran gyda chynllun ar gyfer sefydlogrwydd adeg y dyddiad priodol.
NS4	Canran y plant sy'n derbyn gofal ar 31 Mawrth sydd â phrofiad o symud ysgol unwaith neu fwy yn ystod cyfnod neu gyfnodau o dderbyn gofal, nad oedd y symud hwnnw oherwydd trefniadau trosiannol, yn y 12 mis hyd at 31 Mawrth.

ATODLEN 2 DANGOSYDDION TAI

Rhif y Dangosydd	Prif ddangosydd
NS5	(a) Nifer y teuluoedd digartref gyda phlant sy'n defnyddio llety gwely a brecwast, ac eithrio mewn argyfyngau; a (b) cyfartaledd nifer y dyddiau y mae pob aelwyd ddigartref yn treulio mewn llety dros dro.
NS6	Cyfartaledd nifer y dyddiau gwaith rhwng cyflwyno person fel person digartref i'rawdurdod a chyflawni dyletswydd yr awdurdod at aelwydydd a geir yn ystatudol ddigartref.
NS7	Canran yr anheddau anffit yn y sector preifat a wnaed yn ffit, a gaewyd neu a ddymchwelwyd o ganlyniad i gamau gweithredu uniongyrchol gan yr awdurdod lleol.
NS8	Nifer gyfartalog fesul 1000 o'r boblogaeth o'r canlynol: (i) unedau o gymorth fel y bo'r angen; (ii) lleoedd gwely y gellir eu cael yn uniongyrchol; (iii) lleoedd gwely mewn llety preswyl dros dro; (iv) lleoedd gwely mewn llety preswyl parhaol; (v) lleoedd gwely mewn llety gwarchod i bobl hyn; a (vi) gwasanaethau larwm cymunedol.

ATODLEN 3 DANGOSYDDION ADDYSG

Rhif y Dangosydd	Prif ddangosydd
NS9	Canran presenoldeb y disgyblion mewn ysgolion uwchradd.
NS10	Nifer a chanran: (i) yr holl ddisgyblion (gan gynnwys y rheini sydd yng ngofal awdurdod lleol); a (ii) y disgyblion sydd yng ngofal awdurdod lleol, sydd mewn unrhyw sefydliad dysgu a gynhelir gan awdurdod lleol, sy'n cyrraedd 16 oed yn ystod y flwyddyn ysgol ac sy'n ymadaelag addysg, hyfforddiant neu ddysgu seiliedig ar waith, llawn amser, heb gymhwyster allanol a gymeradwywyd.
NS11	Canran y disgyblion sy'n gymwys i gael eu hasesu ar ddiwedd Cyfnodd Allweddol 2, mewn ysgolion a gynhelir gan yr awdurdod lleol, ac sy'n cyrraedd y Dangosydd Pynciau Craidd, fel a benderfynir gan Asesiadau Athrawon.
NS12	Canran y disgyblion sy'n gymwys i gael eu hasesu ar diwedd Cyfnod Allweddol 3, mewn ysgolion a gynhelir gan yr awdurdod lleol, ac sy'n cyrraedd y Dangosydd Pynciau Craidd, fel a benderfynir gan Asesiadau Athrawon.
NS13	Cyfartaledd y sgôr pwyntiau cymwysterau allanol ar gyfer disgyblion 16 oed, mewn amgylcheddau dysgu a gynhelir gan yr awdurdod lleol.
NS14	(a) Nifer; a (b) chanran y disgyblion sy'n gymwys i'w hasesu, mewn ysgolion a gynhelir gan yr awdurdod lleol, ac sy'n cael Asesiad Athro yn y Gymraeg (iaith gyntaf): (i) ar ddiwedd Cyfnod Allweddol 2; a (ii) ar ddiwedd Cyfnod Allweddol 3.

ATODLEN 4 DANGOSYDDION RHEOLI GWASTRAFF

Rhif y Dangosydd	Prif ddangosydd
NS15	(a) Cyfanswm mewn tunelli; a (b) chanran y gwastraff trefol (i) a ailddefnyddir ac/neu a ailgylchir; a (ii) a gompostir neu a drinnir yn fiolegol mewn ffordd arall.
NS16	(a) Cyfanswm mewn tunelli; a (b) chanran y gwastraff trefol pydradwy a anfonir at safleoedd tirlenwi.

ATODLEN 5 DANGOSYDDION CLUDIANT/PRIFFYRDD

Rhif y dangosydd	Prif ddangosydd
NS17	Cyflwr: (a) prif ffyrdd (dosbarth A); a (b) ffyrdd dosbarthedig/nad ydynt yn brif ffyrdd.

ATODLEN 6 DANGOSYDDION DIOGELU'R CYHOEDD

Rhif y dangosydd	Prif ddangosydd
NS18	(a) Nifer y busnesau uchel eu risg sy'n atebol i gael arolygiadau wedi'u rhaglenni neu weithgarwch gorfodi amgen yn ystod y flwyddyn; a (b) canran y busnesau hyn a oedd yn agored i arolygiad wedi'i raglennu neu weithgarwch gorfodi arall a arolygwyd/a oedd yn destun gweithgarwch gorfodi arall, o ran: Safonau Masnach Hylendid Bwyd; Iechyd Anifeiliaid; ac Iechyd a Diogelwch.

ATODLEN 7 DANGOSYDDION EFFEITHLONRWYDD YNNI

Rhif y dangosydd	Prif ddangosydd
NS19	(a) Canran y newid mewn allyriadau carbon deuocsid yn y stoc cyhoeddus annomestig; a (b) canran y newid yn y defnydd o ynni ac o allyriadau carbon deuocsid yn y stoc dai.

ATODLEN 8 DANGOSYDDION Y BUDD-DALIADAU TAI A BUDD-DALIADAU'R DRETH GYNGOR

Rhif y dangosydd	Prif ddangosydd
NS20	Diogelu'r budd-dal tai: (a) nifer yr hawlwyr yr ymwelwyd â hwy fesul 1,000 baich achos; (b) nifer yr ymchwilwyr i dwyll a gyflogwyd fesul 1,000 baich achos; (c) nifer yr ymchwiliadau i dwyll fesul 1,000 baich achos; ac (ch) nifer yr erlyniadau a'r sancsiynau fesul 1,000 baich achos.
NS21	Cyflymder y prosesu: (a) cyfartaledd yr amser a gymerwyd i brosesu hawliadau newydd; a (b) cyfartaledd yr amser a gymerwyd i brosesu hysbysiadau o newidiadau mewn amgylchiadau.
NS22	Cywirdeb y prosesu: (a) canran yr achosion lle'r oedd y swm o fudd-dal a gyfrifwyd i fod yn ddyledus yn gywir ar sail yr wybodaeth a oedd ar gael adeg gwneud y penderfyniad, a hynny ar gyfer sampl o achosion a wiriwyd ar ôl i'r penderfyniad gael ei wneud; a (b) y ganran o ordaliadau budd-dal tai a adenillwyd.

Nodyn Esboniadol

(Nid yw'r nodyn hwn yn rhan o'r Gorchymyn)

Mae'r Gorchymyn hwn yn pennu dangosyddion perfformiad, ar gyfer Cymru, y cyfeirir atynt wrth fesur perfformiad cynghorau sir a chynghorau bwrdeistref sirol, wrth arfer eu swyddogaethau, o 1 Ebrill 2005.

Drwy gyfeirio at yr Atodlenni, mae erthygl 2 yn nodi pa ddangosyddion perfformiad a gaiff eu defnyddio i fesur perfformiad pa swyddogaethau ar gyfer y gwahanol awdurdodau gwerth gorau.

Mae Atodlenni 1 i 8 yn manylu ar y dangosyddion rhagnodedig ar gyfer y gwahanol swyddogaethau fel a ganlyn:

• Atodlen 1 — Gwasanaethau Cymdeithasol

• Atodlen 2 — Tai

• Atodlen 3 — Addysg

• Atodlen 4 — Rheoli gwastraff

• Atodlen 5 — Trafnidiaeth/Priffyrdd

• Atodlen 6 — Diogelu'r cyhoedd

• Atodlen 7 — Effeithlonrwydd Ynni

• Atodlen 8 — Budd-daliadau Tai a Budd-daliadau'r Dreth Gyngor

Dirymir Gorchymyn Llywodraeth Leol (Dangosyddion Perfformiad Gwerth Gorau) (Cymru) 2002 gan Orchymyn Llywodraeth Leol (Dangosyddion Perfformiad Gwerth Gorau) (Cymru) (Dirymu) 2005 a ddaw i rym ar 1 Ebrill 2005.

(1)

1999 p.27.

(2)

1998 p.38.