Rheoliadau Melysyddion mewn Bwyd (Diwygio) (Cymru) 2002

Enwi, cychwyn, cymhwyso a dehongli

1.—( 1) Enw'r Rheoliadau hyn yw Rheoliadau Melysyddion mewn Bwyd (Diwygio) (Cymru) 2002, deuant i rym ar 1 Mawrth 2002 a byddant yn gymwys i Gymru yn unig.

(2) Yn y Rheoliadau hyn ystyr “y prif Reoliadau” (“the principal Regulations”) yw Rheoliadau Melysyddion mewn Bwyd 1995(1).

Diwygio'r prif Reoliadau

2.—( 1) Caiff y prif Reoliadau eu diwygio, i'r graddau y maent yn gymwys i Gymru, yn unol â pharagraffau (2) a (3) isod.

(2) Ym mharagraff (1) o reoliad 2 (dehongli)—

(a) yn y diffiniad o “Directive 95/31/EC” caiff y geiriau “and by Directive 2001/52/EC” eu hychwanegu ar y diwedd(2); a

(b) yn lle'r diffiniad “permitted sweetener” rhoddir y diffiniad canlynol—

• ““permitted sweetener” means any sweetener specified in column 2 of Schedule 1 which satisfies the specific purity criteria for that sweetener set out—

  (a)

  in the case of any sweetener other than sucralose, in the Annex to Directive 95/31/EC; and

  (b)

  in the case of sucralose, at pages 119 to 124 of the Food and Agriculture Organisation’s Compendium of Food Additives Specifications Addendum 2 (1993) FAO Food and Nutrition Paper 52 Addendum 2;”.

(3) Yn Atodlen 1 (melysyddion a ganiateir a'r bwydydd y gellir eu defnyddio arnynt neu ynddynt), caiff y darpariaethau a bennir yn yr Atodlen i'r Rheoliadau hyn eu hychwanegu ar ddiwedd colofnau 2 i 4.

Diwygiadau canlyniadol

3.—( 1) Bydd paragraff (2) o reoliad 4 (diwygiadau canlyniadol) o Reoliadau Melysyddion mewn Bwyd (Diwygio) (Cymru) 2001(3) yn peidio â bod yn effeithiol.

(2) Yn y darpariaethau a bennir ym mharagraff (3) isod, i'r graddau y maent yn gymwys i Gymru, rhaid dehongli cyfeiriadau at y prif Reoliadau fel cyfeiriadau at y Rheoliadau hynny fel y'u diwygiwyd hyd at a chan gynnwys y diwygiadau a weithredir gan y Rheoliadau hyn.

(3) Dyma'r darpariaethau y mae paraagraff (2) uchod yn cyfeirio atynt—

(a) y diffiniad o “permitted sweetener” ym mharagraff (1) o reoliad 2 (interpretation) o Reoliadau Jam a Chynnyrch Tebyg 1981(4);

(b) y diffiniad o “additive” ym mharagraff (1) o reoliad 2 (dehongli) o Reoliadau Cynhyrchion Cig a Chynhyrchion Pysgod y gellir eu Taenu 1984(5));

(c) y diffiniad o “sweetener” yn Rhan II o Atodlen 1 (categorïau o ychwanegion bwyd) i Reoliadau Labelu Ychwanegion Bwyd 1992(6);

(ch) y diffiniad o “sweetener” ym mharagraff (1) o reoliad 2 (dehongli) o Reoliadau Ychwanegion Bwyd Amrywiol 1995(7); a

(d) yn Rheoliadau Labelu Bwyd 1996(8)—

(i) paragraff (1) o reoliad 34 (bwydydd sy'n cynnwys melysyddion, siwgr ychwanegol a melysyddion, aspartame neu polyols); a

(ii) yn Atodlen 8 (disgrifiadau camarweiniol) Rhan I (cyffredinol), yr amod yng ngholofn 2 gyferbyn â'r disgrifiad “ice cream” yng ngholofn 1.

Llofnodwyd ar ran Cynulliad Cenedlaethol Cymru o dan adran 66(1) o Ddeddf Llywodraeth Cymru 1998(9))

John Marek

Dirprwy Lywydd y Cynulliad Cenedlaethol

13 Chwefror 2002