Rheoliadau'r Cynllun Ffermio Organig (Cymru) 2001

rheoliadau 4(2) a 13

ATODLEN 1 CYFRIFO CYMORTH

RHAN I Y TALIAD AR GYFER PARSEL ORGANIG

1.   Tir cymwys CTATA a chnydau parhaol:
(i) yn y flwyddyn gyntaf	£225 yr hectar
(ii) yn yr ail flwyddyn	£135 yr hectar
(iii) yn y drydedd flwyddyn	£50 yr hectar
(iv) yn y bedwaredd flwyddyn	£20 yr hectar
(v) yn y bumed flwyddyn	£20 yr hectar
2.   Tir wedi'i amgáu:
(i) yn y flwyddyn gyntaf	£175 yr hectar
(ii) yn yr ail flwyddyn	£105 yr hectar
(iii) yn y drydedd flwyddyn	£40 yr hectar
(iv) yn y bedwaredd flwyddyn	£15 yr hectar
(v) yn y bumed flwyddyn	£15 yr hectar
3.   Tir heb ei amgáu a choetir sy'n cael ei bori:
(i) yn y flwyddyn gyntaf	£25 yr hectar
(ii) yn yr ail flwyddyn	£10 yr hectar
(iii) yn y drydedd flwyddyn	£5 yr hectar
(iv) yn y bedwaredd flwyddyn	£5 yr hectar
(v) yn y bumed flwyddyn	£5 yr hectar

Yn Rhan I o'r Atodlen hon—

• ystyr “tir cymwys CTATA” yw tir sy'n “dir cymwys” o fewn ystyr “eligible land” yn Rheoliadau Taliadau Arwynebedd Tir År 1996(1);

• ystyr “llain arfordirol” yw'r llain o dir rhwng y marc penllanw a ffin y cae agosaf at y môr;

• ystyr “coetir sy'n cael ei bori” yw coetir sy'n cael ei ddefnyddio ar gyfer pori gan dda byw;

• ystyr “rhostir” yw tir sy'n cael ei ddangos gan y mannau lliw brown ar y mapiau a gynhwysir yn y gyfrol o fapiau sydd wedi'i marcio “Moorland Map of Wales 1992”, ac sydd wedi'i hadneuo yn swyddfeydd Cynulliad Cenedlaethol Cymru, Parc Cathays, Caerdydd;

• ystyr “tir wedi'i amgáu” yw unrhyw dir heblaw tir cymwys CTATA a chnydau parhaol sydd wedi'i amgáu'n llawn â ffiniau caeau traddodiadol neu ffensys ac, os yw'n cynnwys rhostir, nad yw'n cynnwys mwy na 5 hectar o rostir;

• ystyr “cnydau parhaol” yw unrhyw gnydau sydd yn y pridd am gyfnod o bum mlynedd neu ragor ac sy'n cynhyrchu cnydau dros nifer o flynyddoedd;

• ystyr “ffens lechi” yw ffens sy'n cynnwys darnau o lechi sydd wedi'u hoelio'n fertigol i mewn i'r ddaear mewn rhes ac wedi'u cysylltu â'i gilydd drwy ddefnyddio wifren;

• ystyr “ffiniau caeau traddodiadol” yw strwythurau megis perthi, waliau cerrig, cloddiau pridd a ffensys llechi a ddefnyddir fel arfer i wahanu caeau ar fferm;

• ystyr “tir heb ei amgáu” yw tir sy'n rhostir neu'n llain arfordirol, heblaw tir wedi'i amgáu.

RHAN II Y TALIAD AR GYFER YR UNED ORGANIG GYFAN

Yn y flwyddyn gyntaf	£300 am bob uned organig
Yn yr ail flwyddyn	£200 am bob uned organig
Yn y drydedd flwyddyn	£100 am bob uned organig

rheoliad 5(2)(b)(ii) (iv) a (v)

ATODLEN 2 Y SAFONAU I'W PARCHU

1.   Rhaid i'r buddiolwr beidio ag aredig, ailhadu na gwella, drwy ddefnyddio traeniau, teiliau neu asiantau calchu, unrhyw weundir, tir glas o werth cadwraeth, gan gynnwys tir glas toreithiog ei rywogaethau, neu dir pori garw. Rhaid i'r buddiolwr beidio â phori unrhyw gynefinoedd lled-naturiol a thrwy hynny achosi gorbori neu danbori a fyddai'n effeithio ar werth cadwraeth y cynefinoedd hynny.

2.   Rhaid i'r buddiolwr osgoi stocio'n drwm yn lleol yn y tymor nythu ar fannau llystyfiant lled-naturiol, gan gynnwys gweundir, tir glas toreithiog ei rywogaethau a thir pori garw.

3.   Rhaid i'r buddiolwr beidio â chyflawni gweithgareddau mewn caeau, megis llyfnu neu rolio, ar dir glas toreithiog ei rywogaethau neu dir pori garw yn ystod y tymor nythu.

4.   Rhaid i'r buddiolwr beidio â thrin y tir na rhoi gwrteithiau arno o fewn un metr o unrhyw nodweddion ffin, megis ffensys, perthi neu waliau.

5.   Rhaid i'r buddiolwr

(a) cadw nodweddion ffiniau traddodiadol fferm, er enghraifft, perthi a waliau ;

(b) tocio perthi mewn cylchdro, ond nid rhwng 1 Mawrth a 31 Awst mewn unrhyw flwyddyn;

(c) cynnal unrhyw ffiniau gwrth-stoc, gan ddefnyddio dulliau a deunyddiau traddodiadol.

6.   Rhaid gwneud gwaith cynnal ffosydd mewn cylchdro, ond nid rhwng 1 Mawrth a 31 Awst mewn unrhyw flwyddyn.

7.   Rhaid i'r buddiolwr gynnal nentydd, pyllau a gwlyptiroedd.

8.   Rhaid i'r buddiolwr gadw unrhyw brysgwydd, coetiroedd fferm neu grwpiau o goed.

9.   Rhaid i'r buddiolwr sicrhau, wrth ffermio'r tir, nad yw'n niweidio, dinistrio nac yn dileu unrhyw nodwedd o ddiddordeb hanesyddol neu archeolegol, gan gynnwys mannau cefn a rhych.

10.   Rhaid i'r buddiolwr gydymffurfio â thelerau'r Dulliau Gweithredu ar Arferion Amaethyddol Da ar gyfer Diogelu Pridd, Aer, Dwr a, lle bo'n gymwys, ar gyfer Plaleiddiaid, a gyhoeddir o bryd i'w gilydd gan Gynulliad Cenedlaethol Cymru.

(1)

O.S. 1996/3142, a ddiwygiwyd gan O.S. 1997/2969