Adran 57 – Pŵer i wneud darpariaeth ganlyniadol etc.
194.Mae adran 57 yn caniatáu i Weinidogion Cymru wneud darpariaethau mewn rheoliadau y gall fod eu hangen er mwyn rhoi effaith i’r Ddeddf, neu o ganlyniad iddi. Mae hyn yn cynnwys pŵer i ddiwygio Deddfau Seneddol neu Ddeddfau neu Fesurau’r Cynulliad. Os yw rheoliadau yn cynnig diwygio Deddfau Seneddol neu Ddeddfau neu Fesurau’r Cynulliad, ni ellir eu gwneud oni bai bod drafft yn cael ei osod gerbron y Cynulliad a’i gymeradwyo ganddo. Mewn amgylchiadau eraill, gellir gwneud rheoliadau heb gymeradwyaeth ymlaen llaw gan y Cynulliad, ond gall y Cynulliad eu diddymu.
