- Latest available (Revised) - English
- Latest available (Revised) - Welsh
- Original (As made) - English
- Original (As made) - Welsh
This is the original version (as it was originally made). Dim ond ar ei ffurf wreiddiol y mae’r eitem hon o ddeddfwriaeth ar gael ar hyn o bryd.
(Nid yw’r nodyn hwn yn rhan o’r Rheoliadau)
Mae’r Rheoliadau hyn yn gwneud darpariaeth, o ran Cymru, ynghylch awdurdodiadau cynhyrchion bwyd rheoleiddiedig. Maent hefyd yn gwneud mân gywiriadau i is-offerynnau Cymreig amrywiol ar gyfraith bwyd a chyfraith bwyd anifeiliaid.
Gwneir Rhan 2 o’r Rheoliadau hyn (rheoliadau 2 i 4 ac Atodlenni 1 a 2) drwy arfer pwerau yn Rheoliad (EC) Rhif 1331/2008 sy’n sefydlu gweithdrefn awdurdodi gyffredin ar gyfer ychwanegion bwyd, ensymau bwyd a chyflasynnau bwyd (EUR 2008/1331). Gyda’i gilydd, mae’r diwygiadau a wneir yn Rhan 2 o’r Rheoliadau hyn yn darparu ar gyfer awdurdodi, o ran Cymru, roi ar y farchnad a defnyddio’r ychwanegyn bwyd E 960c rebaudiosid M a gynhyrchir drwy addasu glycosidau stefiol o Stevia ag ensymau. Mae’r cofnodion awdurdodi presennol ar gyfer yr ychwanegyn bwyd E 960 glycosidau stefiol yn cael eu newid i adlewyrchu’r enw a’r E-rif diwygiedig E 960a glycosidau stefiol o Stevia.
Mae rheoliad 2 ac Atodlen 1 yn diweddaru, o ran Cymru, y rhestr ddomestig o ychwanegion bwyd sydd wedi eu cymeradwyo i’w defnyddio mewn bwydydd yn Atodiad 2 i Reoliad (EC) Rhif 1333/2008 ar ychwanegion bwyd (EUR 2008/1333). Mae Atodlen 1 hefyd yn cywiro’r E-rif mewn dau gofnod yn yr Atodiad hwnnw ar gyfer yr ychwanegyn bwyd E 969 Advantame.
Mae rheoliad 3 ac Atodlen 2 yn diwygio, o ran Cymru, Reoliad y Comisiwn (EU) Rhif 231/2012 sy’n gosod manylebau ar gyfer ychwanegion bwyd a restrir yn Atodiadau II a III i Reoliad (EC) Rhif 1333/2008 (EUR 2012/231).
Mae rheoliad 4 yn cynnwys darpariaeth drosiannol sy’n caniatáu ar gyfer cyfnod o 18 mis pan ganiateir i stociau o gynhyrchion barhau i gael eu labelu fel E 960 glycosidau stefiol, neu fel eu bod yn cynnwys E960 glycosidau stefiol. Caniateir i stociau sy’n cael eu labelu o fewn yr amserlen honno gael eu rhoi ar y farchnad a’u defnyddio hyd nes y bydd y stociau hynny wedi eu dihysbyddu.
Gwneir Rhan 3 o’r Rheoliadau hyn (rheoliad 5 ac Atodlen 3) hefyd drwy arfer pwerau yn EUR 2008/1331. Mae rheoliad 5 ac Atodlen 3 yn diweddaru, o ran Cymru, y rhestr ddomestig o sylweddau cyflasu yn Atodiad 1 i Reoliad (EC) Rhif 1334/2008 ar gyflasynnau a chynhwysion bwyd penodol â phriodoleddau cyflasu sydd i’w defnyddio mewn bwydydd ac ar fwydydd (EUR 2008/1334). Mae’r diwygiadau hyn yn darparu ar gyfer awdurdodi, o ran Cymru, roi ar y farchnad a defnyddio’r cyflasyn bwyd 3-(1-((3,5-deumethylisocsasol-4-yl)methyl)-1H-pyrasol-4-yl)-1-(3-hydrocsybensyl)imidasolidin-2,4-dion.
Gwneir Rhan 4 o’r Rheoliadau hyn (rheoliad 6 ac Atodlenni 4 a 5) drwy arfer pwerau yn Rheoliad (EU) 2015/2283 ar fwydydd newydd (EUR 2015/2283). Mae rheoliad 6 ac Atodlenni 4 a 5 yn diweddaru, o ran Cymru, y rhestr o fwydydd newydd awdurdodedig yn Atodiad 1 i Reoliad Gweithredu’r Comisiwn (EU) 2017/2470 sy’n sefydlu rhestr yr Undeb o fwydydd newydd (EUR 2017/2470):
Mae Atodlen 4 yn amnewid y cofnod ar gyfer burum pobi sydd wedi ei drin ag UV (Saccharomyces cerevisiae), gan ymestyn y categorïau bwyd penodedig y mae’r bwyd newydd hwnnw wedi ei awdurdodi ar eu cyfer.
Mae Atodlen 5 yn mewnosod cofnod newydd, sy’n awdurdodi rhoi ar y farchnad bowdr madarch fitamin D2 newydd fel bwyd newydd i’w ddefnyddio yn y categorïau bwyd penodedig.
Mae Rhan 5 o’r Rheoliadau hyn (rheoliadau 7, 8 a 9) yn cynnwys mân gywiriadau i is-offerynnau Cymreig amrywiol ar gyfraith bwyd a chyfraith bwyd anifeiliaid. Gwneir rheoliadau 7 ac 8 drwy arfer pwerau yn Neddf Diogelwch Bwyd 1990 (p. 16). Gwneir rheoliad 9 drwy arfer pwerau yn Neddf Amaethyddiaeth 1970 (p. 40).
Ystyriwyd Cod Ymarfer Gweinidogion Cymru ar gynnal Asesiadau Effaith Rheoleiddiol mewn perthynas â’r Rheoliadau hyn. O ganlyniad, ystyriwyd nad oedd yn angenrheidiol cynnal asesiad effaith rheoleiddiol o’r costau a’r manteision sy’n debygol o ddeillio o gydymffurfio â’r Rheoliadau hyn.
Latest Available (revised):The latest available updated version of the legislation incorporating changes made by subsequent legislation and applied by our editorial team. Changes we have not yet applied to the text, can be found in the ‘Changes to Legislation’ area. The revised version is currently only available in English.
Original (As Enacted or Made) - English: The original English language version of the legislation as it stood when it was enacted or made. No changes have been applied to the text.
Original (As Enacted or Made) - Welsh:The original Welsh language version of the legislation as it stood when it was enacted or made. No changes have been applied to the text.
Access essential accompanying documents and information for this legislation item from this tab. Dependent on the legislation item being viewed this may include:
Use this menu to access essential accompanying documents and information for this legislation item. Dependent on the legislation item being viewed this may include:
Click 'View More' or select 'More Resources' tab for additional information including: