Rheoliadau Cynllunio Gofal, Lleoli ac Adolygu Achosion (Cymru) (Diwygio) 2021

Offerynnau Statudol Cymru

2021 Rhif 860 (Cy. 199)

Plant A Phobl Ifanc, Cymru

Addysg, Cymru

Rheoliadau Cynllunio Gofal, Lleoli ac Adolygu Achosion (Cymru) (Diwygio) 2021

Gwnaed

15 Gorffennaf 2021

Yn dod i rym

1 Medi 2021

Mae Gweinidogion Cymru, drwy arfer y pwerau a roddir gan adrannau 83(2B) a (5), 84(b) a 196(2) o Ddeddf Gwasanaethau Cymdeithasol a Llesiant (Cymru) 2014(1), yn gwneud y Rheoliadau a ganlyn.

Yn unol ag adran 196(6) o’r Ddeddf honno, gosodwyd drafft o’r Rheoliadau hyn gerbron Senedd Cymru ac fe’i cymeradwywyd ganddi drwy benderfyniad(2).

Enwi a chychwyn

1.   Enw’r Rheoliadau hyn yw Rheoliadau Cynllunio Gofal, Lleoli ac Adolygu Achosion (Cymru) (Diwygio) 2021 a deuant i rym ar 1 Medi 2021.

Diwygio Rheoliadau Cynllunio Gofal, Lleoli ac Adolygu Achosion (Cymru) 2015

2.   Mae Rheoliadau Cynllunio Gofal, Lleoli ac Adolygu Achosion (Cymru) 2015(3) wedi eu diwygio fel y darperir ar eu cyfer yn rheoliadau 3 i 6.

Diwygiad i reoliad 2

3.   Yn y diffiniad o “cynllun addysg personol” yn rheoliad 2(1)(4), yn lle “yn rheoliad 5(b)(ii)” rhodder “gan adran 83(2A) o Ddeddf 2014(5)”.

Diwygiad i reoliad 3

4.   Yn rheoliad 3, yn lle “Nid yw’r Rheoliadau hyn” rhodder “Nid yw Rhannau 2 i 10”.

Mewnosod Rhan 1A

5.   Ar ôl rheoliad 3 mewnosoder—

“RHAN 1A PLANT NAD OES CYNLLUN ADDYSG PERSONOL I GAEL EI LUNIO AR EU CYFER

3A.   Rhagnodir y categorïau a ganlyn o blentyn sy’n derbyn gofal at ddibenion adran 83(2B) o Ddeddf 2014—

(a) unrhyw blentyn sydd wedi ei leoli ar gyfer ei fabwysiadu o dan Ddeddf Mabwysiadu a Phlant 2002(6) oni bai bod y plentyn yn dod o fewn rheoliad 56;

(b) unrhyw blentyn y mae’r amgylchiadau a nodir yn rheoliad 62(2) yn gymwys mewn perthynas ag ef;

(c) unrhyw blentyn nad yw ond yn derbyn gofal oherwydd ei fod ar remánd i lety cadw ieuenctid.”

Diwygiadau i reoliad 5

6.   Yn rheoliad 5—

(a) hepgorer paragraff (1)(b)(ii);

(b) ar ôl paragraff (1) mewnosoder—

“(1A) Rhaid i’r cynllun addysg personol (gweler adran 83(2A) i (2D) o Ddeddf 2014) gynnwys yr wybodaeth a nodir ym mharagraff 2 o Atodlen 2.”

Jeremy Miles

Gweinidog y Gymraeg ac Addysg, un o Weinidogion Cymru

15 Gorffennaf 2021

NODYN ESBONIADOL

(Nid yw’r nodyn hwn yn rhan o’r Rheoliadau)

Mae’r Rheoliadau hyn yn diwygio Rheoliadau Cynllunio Gofal, Lleoli ac Adolygu Achosion (Cymru) 2015 (O.S. 2015/1818 (Cy. 261)) (“Rheoliadau 2015”) yng ngoleuni diwygiadau i adran 83 o Ddeddf Gwasanaethau Cymdeithasol a Llesiant (Cymru) 2014 (dccc 4) (“Deddf 2014”) a wnaed gan adran 16 o Ddeddf Anghenion Dysgu Ychwanegol a’r Tribiwnlys Addysg (Cymru) 2018 (dccc 2). Mae rheoliad 6 yn dileu’r gofyniad yn Rheoliadau 2015 fod cynllun gofal a chymorth yn cynnwys cynllun addysg personol, oherwydd bod y gofyniad hwnnw wedi ei fewnosod yn adran 83 o Ddeddf 2014. Mae rheoliad 5 yn rhagnodi’r categorïau o blant sy’n derbyn gofal nad oes cynllun addysg personol i gael ei lunio ar eu cyfer fel rhan o’u cynllun gofal a chymorth. Y categorïau a ragnodir yw’r rheini nad oedd cynllun addysg personol yn ofynnol ar eu cyfer gan Reoliadau 2015. Nid yw’r materion y mae rhaid eu cynnwys mewn cynllun addysg personol wedi newid.

Ystyriwyd Cod Ymarfer Gweinidogion Cymru ar gynnal Asesiadau Effaith Rheoleiddiol mewn perthynas âʼr Rheoliadau hyn. O ganlyniad, ni luniwyd asesiad effaith rheoleiddiol o’r costau a’r manteision sy’n debygol o ddeillio o gydymffurfio â’r Rheoliadau hyn.

(1)

2014 dccc 4. Gweler adran 197(1) am y diffiniad o “rheoliadau”. Mewnosodwyd adran 83(2A) i (2D), ac mae adran 83(5) ac is-adrannau eraill o adran 83 wedi eu diwygio, gan adran 16 o Ddeddf Anghenion Dysgu Ychwanegol a’r Tribiwnlys Addysg (Cymru) 2018 (dccc 2). Diwygiwyd adran 196(6) gan baragraff 24(1) a (4) o Atodlen 1 i Ddeddf Anghenion Dysgu Ychwanegol a’r Tribiwnlys Addysg (Cymru) 2018.

(2)

Y rhain yw’r rheoliadau cyntaf a wneir o dan adran 83(2B). Mae’r cyfeiriad yn adran 196(6) at Gynulliad Cenedlaethol Cymru bellach yn cael effaith fel cyfeiriad at Senedd Cymru yn rhinwedd adran 150A(2) o Ddeddf Llywodraeth Cymru 2006 (p. 32).

(3)

O.S. 2015/1818 (Cy. 261).

(4)

Mae diwygiadau i reoliad 2 nad ydynt yn berthnasol.

(5)

Mewnosodwyd adran 83(2A) gan adran 16 o Ddeddf Anghenion Dysgu Ychwanegol a’r Tribiwnlys Addysg (Cymru) 2018.

(6)

2002 p. 38.