Rheoliadau Treth Trafodiadau Tir (Bandiau Treth a Chyfraddau Treth) (Cymru) 2018

Offerynnau Statudol Cymru

2018 Rhif 128 (Cy. 32)

Treth Trafodiadau Tir, Cymru

Rheoliadau Treth Trafodiadau Tir (Bandiau Treth a Chyfraddau Treth) (Cymru) 2018

Gwnaed

Ionawr 2018

Yn dod i rym

1 Ebrill 2018

Mae Gweinidogion Cymru yn gwneud y Rheoliadau a ganlyn drwy arfer y pwerau a roddir iddynt gan adran 24(1) o Ddeddf Treth Trafodiadau Tir a Gwrthweithio Osgoi Trethi Datganoledig (Cymru) 2017, a pharagraff 28(1) o Atodlen 6 iddi(1).

Yn unol ag adran 25(1) o’r Ddeddf honno, gosodwyd drafft o’r Rheoliadau hyn gerbron Cynulliad Cenedlaethol Cymru ac fe’i cymeradwywyd ganddo drwy benderfyniad.

Enwi a chychwyn LL+C

1.—( 1) Enw’r Rheoliadau hyn yw Rheoliadau Treth Trafodiadau Tir (Bandiau Treth a Chyfraddau Treth) (Cymru) 2018.

(2) Daw’r Rheoliadau hyn i rym ar 1 Ebrill 2018.

Gwybodaeth Cychwyn

I1 Rhl. 1 mewn grym ar 1.4.2018, gweler rhl. 1(2)

Cymhwyso LL+C

2.— [F1 (1)] [F2 Yn ddarostyngedig i baragraff (2),] mae’r Rheoliadau hyn yn cael effaith mewn perthynas ag unrhyw drafodiad trethadwy(2) y mae’r dyddiad y mae’n cael effaith ar 1 Ebrill 2018 neu ar ôl hynny.

[F3 (2) Nid yw’r Rheoliadau hyn yn cael effaith mewn perthynas ag unrhyw drafodiad trethadwy sy’n ddarostyngedig i Reoliadau Treth Trafodiadau Tir (Amrywio Dros Dro Gyfraddau a Bandiau ar gyfer Trafodiadau Eiddo Preswyl) (Cymru) 2020.]

Diwygiadau Testunol

F1 Rhl. 2(1): rhl. 2 wedi ei ailrifo fel rhl. 2(1) (27.7.2020) gan Rheoliadau Treth Trafodiadau Tir (Amrywio Dros Dro Gyfraddau a Bandiau ar gyfer Trafodiadau Eiddo Preswyl) (Cymru) 2020 (O.S. 2020/794), rhlau. 1(2), 4(2)(a) (ynghyd â rhl. 2)

F2 Geiriau yn rhl. 2(1) wedi eu mewnosod (27.7.2020) gan Rheoliadau Treth Trafodiadau Tir (Amrywio Dros Dro Gyfraddau a Bandiau ar gyfer Trafodiadau Eiddo Preswyl) (Cymru) 2020 (O.S. 2020/794), rhlau. 1(2), 4(2)(b) (ynghyd â rhl. 2)

F3 Rhl. 2(2) wedi ei fewnosod (27.7.2020) gan Rheoliadau Treth Trafodiadau Tir (Amrywio Dros Dro Gyfraddau a Bandiau ar gyfer Trafodiadau Eiddo Preswyl) (Cymru) 2020 (O.S. 2020/794), rhlau. 1(2), 4(2)(c) (ynghyd â rhl. 2)

Gwybodaeth Cychwyn

I2 Rhl. 2 mewn grym ar 1.4.2018, gweler rhl. 1(2)

Bandiau treth a chyfraddau treth canrannol LL+C

3.   Mae’r Atodlen i’r Rheoliadau hyn yn pennu’r bandiau treth a’r cyfraddau treth canrannol at ddibenion adran 24(1) o Ddeddf Treth Trafodiadau Tir a Gwrthweithio Osgoi Trethi Datganoledig (Cymru) 2017, a pharagraff 28(1) o Atodlen 6 iddi—

(a) mae Tabl 1 yn pennu’r bandiau treth a’r cyfraddau treth canrannol ar gyfer pob band o ran trafodiadau eiddo preswyl;

(b) mae Tabl 2 yn pennu’r bandiau treth a’r cyfraddau treth canrannol ar gyfer pob band o ran trafodiadau eiddo preswyl cyfraddau uwch;

(c) mae Tabl 3 yn pennu’r bandiau treth a’r cyfraddau treth canrannol ar gyfer pob band o ran trafodiadau eiddo amhreswyl; a

(d) mae Tabl 4 yn pennu’r bandiau treth a’r cyfraddau treth canrannol ar gyfer pob band o ran trafodiadau pan fo’r gydnabyddiaeth drethadwy ar ffurf rhent.

Gwybodaeth Cychwyn

I3 Rhl. 3 mewn grym ar 1.4.2018, gweler rhl. 1(2)

Mark Drakeford

Ysgrifennydd y Cabinet dros Gyllid, un o Weinidogion Cymru

31 Ionawr 2018

Rheoliad 3

YR ATODLEN LL+C

Gwybodaeth Cychwyn

I4 Atod. mewn grym ar 1.4.2018, gweler rhl. 1(2)

[F4 Tabl 1

Trafodiadau eiddo preswyl

Band treth	Y gydnabyddiaeth berthnasol	Y gyfradd dreth ganrannol
Band cyfradd sero	Nid mwy na £225,000	0%
Y band treth cyntaf	Mwy na £225,000 ond nid mwy na £400,000	6%
Yr ail fand treth	Mwy na £400,000 ond nid mwy na £750,000	7.5%
Y trydydd band treth	Mwy na £750,000 ond nid mwy na £1,500,000	10%
Y pedwerydd band treth	Mwy na £1,500,000	12%]

Diwygiadau Testunol

F4 Atod. Tabl 1 wedi ei amnewid (10.10.2022) gan Rheoliadau Treth Trafodiadau Tir (Bandiau Treth a Chyfraddau Treth) (Cymru) (Diwygio) 2022 (O.S. 2022/1027), rhlau. 1, 7(2) (ynghyd â rhlau. 3-6)

[F5 Tabl 2: Trafodiadau eiddo preswyl cyfraddau uwch

Band treth	Y gydnabyddiaeth berthnasol	Y gyfradd dreth ganrannol
Y band treth cyntaf	Nid mwy na £180,000	5%
Yr ail fand treth	Mwy na £180,000 ond nid mwy na £250,000	8.5%
Y trydydd band treth	Mwy na £250,000 ond nid mwy na £400,000	10%
Y pedwerydd band treth	Mwy na £400,000 ond nid mwy na £750,000	12.5%
Y pumed band treth	Mwy na £750,000 ond nid mwy na £1,500,000	15%
Y chweched band treth	Mwy na £1,500,000	17%]

Diwygiadau Testunol

F5 Atod. Tabl 2 wedi ei amnewid (11.12.2024) gan Rheoliadau Treth Trafodiadau Tir (Bandiau Treth a Chyfraddau Treth) (Cymru) (Diwygio) 2024 (O.S. 2024/1311), rhlau. 1(2), 6 (ynghyd â rhlau. 3-5)

[F6 Tabl 3: Trafodiadau eiddo amhreswyl

Band treth	Y gydnabyddiaeth berthnasol	Y gyfradd dreth ganrannol
Band cyfradd sero	Nid mwy na £225,000	0%
Y band treth cyntaf	Mwy na £225,000 ond nid mwy na £250,000	1%
Yr ail fand treth	Mwy na £250,000 ond nid mwy na £1,000,000	5%
Y trydydd band treth	Mwy na £1,000,000	6%]

Diwygiadau Testunol

F6 Atod. Tabl 3 wedi ei amnewid (yn effeithiol yn unol ag rhlau. 3-5 o'r O.S. sy'n diwygio) gan Rheoliadau Treth Trafodiadau Tir (Bandiau Treth a Chyfraddau Treth) (Cymru) (Diwygio) 2020 (O.S. 2020/1618), rhlau. 1, 6(3)

[F7 Tabl 4: Cydnabyddiaeth drethadwy sydd ar ffurf rhent

Band treth	Y gydnabyddiaeth berthnasol	Y gyfradd dreth ganrannol
Band cyfradd sero LA	Nid mwy na £225,000	0%
Y band treth cyntaf	Mwy na £225,000 ond nid mwy na £2,000,000	1%
Yr ail fand treth	Mwy na £2,000,000	2%]

Diwygiadau Testunol

F7 Atod. Tabl 4 wedi ei amnewid (yn effeithiol yn unol ag rhlau. 3-5 o'r O.S. sy'n diwygio) gan Rheoliadau Treth Trafodiadau Tir (Bandiau Treth a Chyfraddau Treth) (Cymru) (Diwygio) 2020 (O.S. 2020/1618), rhlau. 1, 6(4)

NODYN ESBONIADOL

(Nid yw’r nodyn hwn yn rhan o’r Rheoliadau)

Mae’r Rheoliadau hyn yn pennu’r bandiau treth a’r cyfraddau treth canrannol cyntaf ar gyfer treth trafodiadau tir, a gyflwynir gan Ddeddf Treth Trafodiadau Tir a Gwrthweithio Osgoi Trethi Datganoledig (Cymru) 2017 (“Deddf TTT”).

Mae’r bandiau treth a’r cyfraddau treth canrannol yn y Rheoliadau hyn yn cael effaith mewn perthynas â thrafodiadau trethadwy y mae’r dyddiad y mae’r trafodiadau hynny’n cael effaith ar 1 Ebrill 2018 neu ar ôl hynny.

Mae bandiau treth a chyfraddau treth canrannol ar wahân yn gymwys i:

• Trafodiadau eiddo preswyl (Tabl 1);

• Trafodiadau eiddo preswyl cyfraddau uwch (Tabl 2);

• Trafodiadau eiddo amhreswyl (Tabl 3); a

• Cydnabyddiaeth drethadwy sydd ar ffurf rhent (ac sydd felly ond yn berthnasol yn achos lesoedd) (Tabl 4).

Mae’r dreth i’w chyfrifo yn unol ag adrannau 27 a 28 o’r Ddeddf TTT ac eithrio pan fo’r gydnabyddiaeth drethadwy ar ffurf rhent. Yn yr achosion hynny, mae’r dreth i’w chyfrifo yn unol â Rhan 5 o Atodlen 6 i’r Ddeddf TTT.

Yn rhinwedd adran 24(8) o’r Ddeddf TTT, mae trafodiadau sy’n cynnwys cymysgedd o eiddo preswyl ac eiddo amhreswyl i’w trin fel trafodiadau eiddo amhreswyl (ac mae’r bandiau treth a’r cyfraddau treth canrannol yn Nhabl 3 yn gymwys).

Ystyriwyd Cod Ymarfer Gweinidogion Cymru ar gynnal Asesiadau Effaith Rheoleiddiol mewn perthynas â’r Rheoliadau hyn. O ganlyniad, lluniwyd Asesiad Effaith Rheoleiddiol o’r costau a’r manteision sy’n debygol o ddeillio o gydymffurfio â’r Rheoliadau hyn. Gellir cael copi oddi wrth: Llywodraeth Cymru, Parc Cathays, Caerdydd CF10 3NQ.

(1)

2017 dccc 1.

(2)

Gweler adran 17 o Ddeddf Treth Trafodiadau Tir a Gwrthweithio Osgoi Trethi Datganoledig (Cymru) 2017 i gael y diffiniad o “trafodiad trethadwy”.