Rheoliadau Gweithdrefnau a Ffioedd Tribiwnlys Eiddo Preswyl (Cymru) (Diwygio Rhif 2) 2014

Offerynnau Statudol Cymru

2014 Rhif 2553 (Cy. 247)

Tai, Cymru

Rheoliadau Gweithdrefnau a Ffioedd Tribiwnlys Eiddo Preswyl (Cymru) (Diwygio Rhif 2) 2014

Gwnaed

17 Medi 2014

Yn dod i rym

1 Hydref 2014

Mae Gweinidogion Cymru, drwy arfer y pwerau a freiniwyd ynddynt hwy(1) gan adran 250(2) o Ddeddf Tai 2004(2) ac Atodlen 13 i’r Ddeddf honno, yn gwneud y Rheoliadau a ganlyn.

Yn unol ag adran 250(6)(g) o’r Ddeddf honno(3) mae drafft o’r Rheoliadau hyn wedi ei osod gerbron Cynulliad Cenedlaethol Cymru ac wedi ei gymeradwyo drwy benderfyniad gan Gynulliad Cenedlaethol Cymru.

(1)

Mae’r swyddogaethau a roddwyd i Gynulliad Cenedlaethol Cymru gan Ddeddf Tai 2004 yn arferadwy gan Weinidogion Cymru yn rhinwedd adran 162 o Ddeddf Llywodraeth Cymru 2006 (p. 32) a pharagraff 30(2)(c) o Atodlen 11 i’r Ddeddf honno.

(2)

2004 p. 34.

(3)

Yr un, neu’r un i raddau sylweddol, yw’r swyddogaeth o wneud rheoliadau o dan Ddeddf Tai 2004 â’r swyddogaeth sy’n arferadwy o ran Lloegr. Mae adran 250(6)(g) o’r Ddeddf honno’n darparu bod rhaid i Reoliadau a wneir yn rhinwedd paragraff 11(3)(b) neu 12(3)(b) o Atodlen 13 i’r Ddeddf honno gael eu gosod gerbron a’u cymeradwyo gan benderfyniad dau Dŷ’r Senedd. Yn rhinwedd paragraff 34(2) o Atodlen 11 i Ddeddf Llywodraeth Cymru 2006 (p. 32), mae’r ddarpariaeth yn gymwys i arfer y swyddogaeth honno o wneud y rheoliadau gan Weinidogion Cymru, fel pe bai unrhyw gyfeiriad at naill Dŷ’r Senedd neu’r llall yn gyfeiriad at Gynulliad Cenedlaethol Cymru.