Gorchymyn Cynllunio Gwlad a Thref (Gweithdrefn Rheoli Datblygu) (Cymru) 2012

Erthyglau 8 a 28

ATODLEN 1 LL+C F1 Cydnabod Cais

Diwygiadau Testunol

F1 Atod. 1: yn y Cydnabod Cais mae'r geiriau “Os byddwch yn apelio, rhaid ichi apelio o fewn y cyfnod o 6 mis” hyd at “(“y dyddiad perthnasol”)]………..” wedi eu hepgor (22.6.2015) yn rhinwedd gan Gorchymyn Cynllunio Gwlad a Thref (Gweithdrefn Rheoli Datblygu) (Cymru) (Diwygio) 2015 (O.S. 2015/1330). erglau. 1(1), 11(1) (gyda ergl. 12)

Gwybodaeth Cychwyn

I1 Atod. 1 mewn grym ar 30.4.2012, gweler ergl. 1(1)

Erthygl 2(1)

[F2 ATODLEN 1A LL+C Defnydd Datblygiad Masnachol Bach

Diwygiadau Testunol

F2 Atod. 1A wedi ei fewnosod (22.6.2015) gan Gorchymyn Cynllunio Gwlad a Thref (Gweithdrefn Rheoli Datblygu) (Cymru) (Diwygio) 2015 (O.S. 2015/1330), ergl. 1(1), Atod. (ynghyd ag ergl. 12)

Siopau LL+C

1.   Defnydd ar gyfer pob un o’r dibenion canlynol neu unrhyw un neu ragor ohonynt—

(a) ar gyfer manwerthu nwyddau ac eithrio bwyd poeth,

(b) fel swyddfa bost,

(c) ar gyfer gwerthu tocynnau neu fel asiantaeth deithio,

(ch) ar gyfer gwerthu brechdanau neu fwyd oer arall i’w fwyta i ffwrdd o’r fangre,

(d) ar gyfer trin gwallt,

(dd) ar gyfer trefnu angladdau,

(e) ar gyfer arddangos nwyddau sydd ar werth,

(f) ar gyfer hurio nwyddau neu eitemau domestig neu bersonol,

(ff) ar gyfer golchi neu lanhau dillad neu ffabrigau yn y fangre,

(g) ar gyfer derbyn nwyddau i’w golchi, eu glanhau neu eu hatgyweirio,

pan fo’r gwerthu, yr arddangos neu’r gwasanaeth i aelodau o’r cyhoedd sy’n ymweld.

Gwasanaethau ariannol a phroffesiynol LL+C

2.   Defnydd ar gyfer darparu—

(a) gwasanaethau ariannol,

(b) gwasanaethau proffesiynol (ac eithrio gwasanaethau iechyd neu feddygol), neu

(c) unrhyw wasanaethau eraill (gan gynnwys defnydd fel swyddfa fetio) y mae’n briodol eu darparu mewn ardal siopa,

pan ddarperir y gwasanaethau yn bennaf i aelodau o’r cyhoedd sy’n ymweld.

Bwyd a diod LL+C

3.   Defnydd ar gyfer gwerthu bwyd neu ddiod ar gyfer ei fwyta neu ei yfed yn y fangre neu fwyd poeth ar gyfer ei fwyta i ffwrdd o’r fangre.]

Erthyglau 10 a 25

ATODLEN 2 LL+C F3 F4 Hysbysiadau o dan Erthyglau 10 a 25

Diwygiadau Testunol

F3 Geiriau yn Atod. 2 a fewnosodwyd cyn y diffiniad o "perchennog" yn yr Hysbysiad o dan Erthygl 10 o Gais am Ganiatâd Cynllunio (22.6.2015) gan Orchymyn Cynllunio Gwlad a Thref (Gweithdrefn Rheoli Datblygu) (Cymru) (Diwygio) 2015 (O.S. 2015/1330), erglau. 1(1), 11(3)(a) (gyda ergl. 12)

F4 Geiriau yn Atod. 2 a fewnosodwyd cyn y diffiniad o "perchennog" yn yr Hysbysiad Apêl o dan Erthyglau 10 a 25 (22.6.2015) gan Gorchymyn Cynllunio Gwlad a Thref (Gweithdrefn Rheoli Datblygu) (Cymru) (Diwygio) 2015 (O.S. 2015/1330), erglau. 1(1), 11(3)(b) (gydag ergl. 12)

Gwybodaeth Cychwyn

I2 Atod. 2 mewn grym ar 30.4.2012, gweler ergl. 1(1)

Erthygl 12

ATODLEN 3 LL+C Cyhoeddusrwydd i geisiadau am ganiatâd cynllunio

Gwybodaeth Cychwyn

I3 Atod. 3 mewn grym ar 30.4.2012, gweler ergl. 1(1)

Erthyglau 14 a 15

ATODLEN 4 LL+C Ymgyngoriadau cyn rhoi caniatâd cynllunio

Gwybodaeth Cychwyn

I4 Atod. 4 mewn grym ar 30.4.2012, gweler ergl. 1(1)

TABL

Paragraff	Disgrifiad o'r datblygiad	Ymgynghorai
(a)	Datblygiad sy'n debygol o effeithio ar dir yn ardal awdurdod cynllunio lleol arall	Yr awdurdod cynllunio lleol arall hwnnw
(b)	Datblygiad, y gwnaed cais am ganiatâd cynllunio mewn perthynas ag ef i Weinidogion Cymru o dan adran 293A o Ddeddf 1990 (datblygiad brys y Goron: gwneud cais)(1), pan fo'r datblygiad hwnnw'n debygol o effeithio ar dir o fewn ardal cyngor cymuned	Y cyngor cymuned
(c)	Datblygiad, o fewn ardal yr hysbyswyd yr awdurdod cynllunio lleol yn ei chylch gan yr Awdurdod Gweithredol Iechyd a Diogelwch at ddiben y ddarpariaeth hon, oherwydd presenoldeb sylweddau gwenwynig, tra adweithiol, ffrwydrol neu fflamadwy o fewn ei chyffiniau [F5 (ac eithrio ar safle niwclear perthnasol) ] , ac sy'n cynnwys darparu— (i) llety preswyl; (ii) mwy na 250 metr sgwâr o arwynebedd llawr manwerthu; (iii) mwy na 500 metr sgwâr o arwynebedd llawr swyddfa; neu (iv) mwy na 750 metr sgwâr o arwynebedd llawr i'w ddefnyddio ar gyfer proses ddiwydiannol, neu sydd, rywfodd arall, yn debygol o arwain at gynnydd sylweddol yn nifer y personau sy'n gweithio yn yr ardal yr hysbyswyd yn ei chylch neu'n ymweld â hi	Yr Awdurdod Gweithredol Iechyd a Diogelwch
([F6 ca)	Datblygiad, o fewn ardal yr hysbyswyd yr awdurdod cynllunio lleol yn ei chylch gan y Swyddfa dros Reoli Niwclear at ddiben y ddarpariaeth hon, oherwydd presenoldeb sylweddau gwenwynig, tra adweithiol, ffrwydrol neu fflamadwy o fewn ei chyffiniau, ar safle niwclear perthnasol ac sy'n cynnwys darparu— (i) llety preswyl; (ii) mwy na 250 metr sgw�r o arwynebedd llawr manwerthu; (iii) mwy na 500 metr sgw�r o arwynebedd llawr swyddfa; neu (iv) mwy na 750 metr sgw�r o arwynebedd llawr i'w ddefnyddio ar gyfer proses ddiwydiannol, neu sydd, rywfodd arall, yn debygol o arwain at gynnydd sylweddol yn nifer y personau sy'n gweithio yn yr ardal yr hysbyswyd yn ei chylch neu'n ymweld � hi.	Y Swyddfa dros Reoli Niwclear]
(ch)	Datblygiad sy'n debygol o arwain at gynnydd sylweddol ym maint, neu newid sylweddol yng nghymeriad y traffig— (i) sy'n ymuno neu'n ymadael â chefnffordd; neu	Gweinidogion Cymru
	(ii) yn defnyddio croesfan dros reilffordd	Gweithredwr y rhwydwaith sy'n cynnwys y rheilffordd dan sylw neu a gyfansoddir o'r rheilffordd honno, a Gweinidogion Cymru
(d)	Datblygiad sy'n debygol o arwain at gynnydd sylweddol ym maint, neu newid sylweddol yng nghymeriad y traffig sy'n ymuno neu'n ymadael â ffordd ddosbarthiadol neu briffordd arfaethedig	Yr awdurdod priffyrdd lleol perthnasol
(dd)	Datblygiad sy'n debygol o beryglu'r gwaith o wella neu adeiladu ffordd ddosbarthiadol neu briffordd arfaethedig	Yr awdurdod priffyrdd lleol perthnasol
(e)	Datblygiad sy'n cynnwys— (i) ffurfio, llunweddu neu newid unrhyw fynedfa i briffordd (ac eithrio cefnffordd); neu	Yr awdurdod priffyrdd lleol perthnasol
	(ii) adeiladu priffordd neu fynedfa breifat i fangre, sy'n darparu mynediad i ffordd y mae gorchymyn tollau mewn grym mewn perthynas â hi	Yr awdurdod priffyrdd lleol perthnasol, ac yn achos ffordd sy'n ddarostyngedig i gonsesiwn, y consesiynydd
(f)	Datblygiad a gyfansoddir o lunweddu neu adeiladu, neu sy'n cynnwys llunweddu neu adeiladu, stryd newydd.	Yr awdurdod priffyrdd lleol
(ff)	Datblygiad sy'n ymwneud â darparu adeilad neu biblinell mewn ardal o weithfeydd glo, yr hysbyswyd yr awdurdod cynllunio lleol yn ei gylch gan yr Awdurdod Glo	Yr Awdurdod Glo
(g)	Datblygiad sy'n cynnwys neu'n ymwneud â gweithrediadau mwyngloddio	[F7 Corff Adnoddau Naturiol Cymru]
(ng)	Datblygiad sy'n debygol o effeithio ar safle heneb gofrestredig	Gweinidogion Cymru
(h)	Datblygiad sy'n ymwneud â chyflawni gwaith neu weithrediadau yng ngwely neu ar lannau afon neu ffrwd	[F7 Corff Adnoddau Naturiol Cymru”]
(i)	Datblygiad at y diben o buro neu storio olewau mwynol a'u deilliadau	[F7 Corff Adnoddau Naturiol Cymru]
(j)	Datblygiad sy'n ymwneud â defnyddio tir ar gyfer dyddodi sbwriel neu wastraff	[F7 Corff Adnoddau Naturiol Cymru]
(l)	Datblygiad mewn cysylltiad â chadw, trin neu waredu carthion, gwastraff masnachu, slyri neu slwtsh (ac eithrio gosod carthffosydd, adeiladu gorsafoedd pwmpio ar linell o garthffosydd, adeiladu tanciau carthion a charthbyllau i wasanaethu tai annedd sengl neu garafannau sengl neu a deiladau sengl lle na fydd mwy na deg person fel arfer yn preswylio, yn gweithio neu'n ymgasglu, a gweithiau atodol i'r cyfryw)	[F7 Corff Adnoddau Naturiol Cymru]
(ll)	Datblygiad mewn perthynas â defnyddio tir fel mynwent	[F7 Corff Adnoddau Naturiol Cymru]
(m)	Datblygiad sydd— (i) mewn safle o ddiddordeb gwyddonol arbennig, neu'n debygol o effeithio ar safle o'r fath; neu (ii) o fewn ardal yr hysbyswyd yr awdurdod cynllunio lleol yn ei chylch gan [F8 Corff Adnoddau Naturiol Cymru] , ac sydd o fewn dau gilometr i safle o ddiddordeb gwyddonol arbennig, y rhoddwyd hysbysiad yn ei gylch, neu sy'n cael effaith fel pe bai hysbysiad wedi ei roi yn ei gylch, i'r awdurdod cynllunio lleol gan [F8 Corff Adnoddau Naturiol Cymru] , yn unol ag adran 28 o Ddeddf Bywyd Gwyllt a Chefn Gwlad 1981 (safleoedd o ddiddordeb gwyddonol arbennig)(2)	[F8 Corff Adnoddau Naturiol Cymru]
(n)	Datblygiad sy'n ymwneud ag unrhyw dir sydd â theatr arno	Yr Ymddiriedolaeth Theatrau
(o)	Datblygiad nad yw'n ddatblygiad at ddibenion amaethyddol ac nad yw'n cydweddu â darpariaethau cynllun datblygu ac yn ymwneud ag— (i) colli dim llai nag 20 hectar o dir amaethyddol o'r graddau 1, 2 neu 3a a ddefnyddir am y tro (neu a ddefnyddid ddiwethaf) at ddibenion amaethyddol; neu (ii) colli llai nag 20 hectar o dir amaethyddol graddau 1, 2 neu 3a a ddefnyddir am y tro (neu a ddefnyddid ddiwethaf) at ddibenion amaethyddol, mewn amgylchiadau pan fo'r datblygiad yn debygol o arwain at golled bellach o dir amaethyddol a thrwy hynny'n cyrraedd cyfanswm cronnol o 20 hectar neu ragor	Gweinidogion Cymru
(p)	Datblygiad o fewn 250 metr i dir— (i) a ddefnyddir, neu sydd wedi ei ddefnyddio, ar unrhyw adeg yn ystod y 30 mlynedd cyn y cais perthnasol, ar gyfer dyddodi sbwriel neu wastraff; a (ii) yr hysbyswyd yr awdurdod cynllunio lleol yn ei gylch gan [F7 Corff Adnoddau Naturiol Cymru] at ddibenion y ddarpariaeth hon	[F7 Corff Adnoddau Naturiol Cymru]
(ph)	Datblygiad at ddibenion ffermio pysgod	[F7 Corff Adnoddau Naturiol Cymru]
(r)	Datblygiad— (i) sy'n debygol o beryglu'r defnydd, neu o arwain at golli'r defnydd, o dir a ddefnyddir fel maes chwarae; neu (ii) sydd ar dir: (aa) a ddefnyddiwyd fel maes chwarae ar unrhyw adeg yn ystod y 5 mlynedd cyn gwneud y cais perthnasol, ac sy'n parhau heb ei ddatblygu; neu (bb) a neilltuwyd i'w ddefnyddio fel maes chwarae mewn cynllun datblygu neu mewn cynigion ar gyfer cynllun o'r fath neu addasu neu ddisodli cynllun o'r fath; neu (iii) sy'n cynnwys disodli'r arwyneb o laswellt ar lain chwarae o faes chwarae gan arwyneb artiffisial, arwyneb o waith llaw neu arwyneb cyfansawdd	Cyngor Chwaraeon Cymru
(rh)	Datblygiad sy'n debygol o effeithio ar— (i) unrhyw ddyfrffordd fewndirol (boed naturiol neu artiffisial) neu gronfa ddŵr sy'n eiddo i, neu a reolir gan Fwrdd Dyfrffyrdd Prydain(3); neu (ii) unrhyw sianel cyflenwi camlas, cwrs dŵr, dihangfa neu gwlfert, sydd o fewn ardal yr hysbyswyd yr awdurdod cynllunio lleol yn ei chylch gan Fwrdd Dyfrffyrdd Prydain at ddibenion y ddarpariaeth hon	Bwrdd Dyfrffyrdd Prydain
(s)	Datblygiad— (i) [F9 sy’n cynnwys lleoli sefydliadau newydd; (ii) sy’n cynnwys addasiadau i sefydliadau presennol y mae Erthygl 11 o Gyfarwyddeb 2012/18/EU yn eu cwmpasu; neu (iii) sy’n newydd, gan gynnwys llwybrau trafnidiaeth, lleoliadau a ddefnyddir gan y cyhoedd ac ardaloedd preswyl yng nghyffiniau sefydliadau presennol, lle gallai’r lleoliad neu’r datblygiad fod yn ffynhonnell y risg o ddamwain fawr, neu gynyddu’r risg neu ganlyniadau damwain fawr.]	[F10 “Awdurdod COMAH cymwys, ac mewn perthynas â datblygiad sy’n dod o fewn paragraff (iii), unrhyw berson sydd, yn ôl y gofrestr a gedwir gan yr awdurdod sylweddau peryglus o dan reoliad 22 o Reoliadau Cynllunio (Sylweddau Peryglus) (Cymru) 2015, y person sy’n rheoli’r tir y mae unrhyw sefydliad presennol dan sylw wedi ei leoli arno”;]

Diwygiadau Testunol

F5 Geiriau yn Atod. 4 wedi eu mewnosod (1.4.2014) gan The Energy Act 2013 (Office for Nuclear Regulation) (Consequential Amendments, Transitional Provisions and Savings) Order 2014 (O.S. 2014/469), ergl. 1(2), Atod. 3 para. 208(2)(a) (ynghyd ag Atod. 4)

F6 Geiriau yn Atod. 4 wedi eu mewnosod (1.4.2014) gan The Energy Act 2013 (Office for Nuclear Regulation) (Consequential Amendments, Transitional Provisions and Savings) Order 2014 (O.S. 2014/469), ergl. 1(2), Atod. 3 para. 208(2)(b) (ynghyd ag Atod. 4)

F7 Geiriau yn Atod. 4 wedi eu hamnewid (1.4.2013) gan Gorchymyn Corff Adnoddau Naturiol Cymru (Swyddogaethau) 2013 (O.S. 2013/755), ergl. 1(2), Atod. 5 para. 80(2) (ynghyd ag Atod. 7)

F8 Geiriau yn Atod. 4 wedi eu hamnewid (1.4.2013) gan Gorchymyn Corff Adnoddau Naturiol Cymru (Swyddogaethau) 2013 (O.S. 2013/755), ergl. 1(2), Atod. 5 para. 80(3) (ynghyd ag Atod. 7)

F9 Geiriau yn Atod. 4 wedi eu hamnewid (4.9.2015) gan Rheoliadau Cynllunio (Sylweddau Peryglus) (Cymru) 2015 (O.S. 2015/1597), rhl. 1(1), Atod. 5 para. 2(2)(a) (ynghyd â rhl. 36)

F10 Geiriau yn Atod. 4 wedi eu hamnewid (4.9.2015) gan Rheoliadau Cynllunio (Sylweddau Peryglus) (Cymru) 2015 (O.S. 2015/1597), rhl. 1(1), Atod. 5 para. 2(2)(b) (ynghyd â rhl. 36)

Dehongli'r Tabl LL+C

Yn y Tabl uchod—

(a) ym [F11 mharagraffau (c)(iv) ac (ca)(iv) ] , ystyr “proses ddiwydiannol” (“industrial process”) yw proses sydd ar gyfer, neu'n atodol i, unrhyw un o'r dibenion canlynol—

(i)

gwneud unrhyw wrthrych neu ran o unrhyw wrthrych (gan gynnwys llong neu gwch, neu ffilm, fideo neu recordiad sain);

(ii)

newid, atgyweirio, cynnal, addurno, gorffen, glanhau, golchi, pacio, canio, addasu ar gyfer gwerthu, datgymalu neu chwalu unrhyw wrthrych; neu

(iii)

cael, naddu neu drin mwynau yng nghwrs unrhyw fasnach neu fusnes heblaw amaethyddiaeth, ac eithrio proses a ymgymerir ar dir a ddefnyddir fel mwynglawdd neu sy'n gyfagos i fwynglawdd ac a feddiennir ynghyd â'r mwynglawdd (ac yn yr is-baragraff hwn, ystyr “mwynglawdd” (“mine”) yw unrhyw safle lle y cyflawnir gweithrediadau mwyngloddio);

[F12 (aa) ym mharagraffau (c) ac (ca) ystyr “safle niwclear perthnasol” (“relevant nuclear site”) yw safle sydd—

(i) yn safle niwclear ym Mhrydain Fawr (o fewn yr ystyr a roddir i “GB nuclear site” yn adran 68 o Ddeddf Ynni 2013);

(ii) yn safle amddiffyn awdurdodedig (o fewn yr ystyr a roddir i “authorised defence site” gan Reoliadau Iechyd a Diogelwch (Awdurdod Gorfodi) 1998); neu

(iii) yn safle adeiladu niwclear newydd (o fewn yr ystyr a roddir i “new nuclear build site” gan y Rheoliadau hynny).]

(b) ym mharagraff (ch)(ii), mae i “rhwydwaith a “gweithredwr”, yn eu trefn, yr un ystyr ag a roddir i “network” ac “operator” yn Rhan I o Ddeddf Rheilffyrdd 1993 (darparu gwasanaethau rheilffordd)(4);

(c) ym mharagraffau (d) ac (dd), ystyr “ffordd ddosbarthiadol” (“classified road”) yw priffordd neu briffordd arfaethedig—

(i)

sy'n ffordd ddosbarthiadol neu'n brif ffordd yn rhinwedd adran 12(1) o Ddeddf Priffyrdd 1980 (darpariaeth gyffredinol o ran prif ffyrdd a ffyrdd dosbarthiadol)(5); neu

(ii)

a ddosbarthwyd at ddibenion unrhyw ddeddfiad gan Weinidogion Cymru yn rhinwedd adran 12(3) o'r Ddeddf honno;

(ch) ym mharagraff (e), mae i “consesiynydd”, “ffordd sy'n ddarostyngedig i gonsesiwn” a “gorchymyn tollau”, yn eu trefn, yr un ystyr a roddir i “concessionaire”, “road subject to a concession” a “toll order” yn Rhan I o Ddeddf Ffyrdd Newydd a Gwaith Stryd 1991 (ffyrdd newydd yng Nghymru a Lloegr)(6);

(d) ym mharagraff (f), mae i “stryd” yr un ystyr a roddir i “street” yn adran 48(1) o Ddeddf Ffyrdd Newydd a Gwaith Stryd 1991 (strydoedd, gwaith stryd ac ymgymerwyr), ac y mae “stryd newydd” (“new street”) yn cynnwys parhad o stryd bresennol;

(dd) ym mharagraff (ng), mae i “heneb gofrestredig” yr un ystyr a roddir i “scheduled monument” yn adran 1(11) o Ddeddf Henebion a Mannau Archeolegol 1979 (rhestr o henebion)(7);

(e) ym mharagraff (l), ystyr “slyri” (“slurry”) yw ysgarthion a throeth anifeiliaid (pa un a ychwanegwyd dŵr er mwyn eu trin ai peidio), ac y mae i “carafán” yr un ystyr a roddir i “caravan” at ddibenion Rhan I o Deddf Safleoedd Carafannau a Rheoli Datblygu 1960 (safleoedd carafannau)(8);

(f) ym mharagraff (m), ystyr “safle o ddiddordeb gwyddonol arbennig” (“site of special scientific interest”) yw tir y mae adran 28(1) o Ddeddf Bywyd Gwyllt a Chefn Gwlad 1981 (safleoedd o ddiddordeb gwyddonol arbennig) yn gymwys iddo;

(ff) ym mharagraff (n), mae i “theatr” yr un ystyr a roddir i “theatre” yn adran 5 o Ddeddf Ymddiriedolaeth Theatrau 1976 (dehongli)(9);

(g) ym mharagraff (r)—

(i)

ystyr “maes chwarae” (“playing field”) yw'r cyfan o safle sy'n cwmpasu o leiaf un llain chwarae;

(ii)

ystyr “llain chwarae” (“playing pitch”) yw man wedi ei amlinellu y mae ei arwynebedd ynghyd ag unrhyw redegfa iddo, yn 0.2 hectar neu'n fwy, sy'n cael ei ddefnyddio ar gyfer pêl-droed, pêl-droed Americanaidd, rygbi, criced, hoci, lacrós, rownderi, pêl fas, pêl feddal, pêl-droed Awstralaidd, pêl-droed Wyddelig, bando, hyrli, polo neu bolo beiciau; ac

[F13 (ng) ym mharagraff (s)—

(i) mae i’r ymadroddion a ddefnyddir yn y paragraff hwnnw ac yng Nghyfarwyddeb 2012/18/EU yr un ystyr ag a roddir i’r ymadroddion Saesneg cyfatebol yn y Gyfarwyddeb honno; a

(ii) ystyr “awdurdod COMAH cymwys” (“COMAH competent authority”) yw—

(aa) mewn perthynas â safle niwclear perthnasol, y Swyddfa dros Reoli Niwclear a Chorff Adnoddau Naturiol Cymru yn gweithredu ar y cyd;

(bb) fel arall, yr Awdurdod Gweithredol Iechyd a Diogelwch a Chorff Adnoddau Naturiol Cymru yn gweithredu ar y cyd.]

Diwygiadau Testunol

F11 Geiriau yn Atod. 4 wedi eu hamnewid (1.4.2014) gan The Energy Act 2013 (Office for Nuclear Regulation) (Consequential Amendments, Transitional Provisions and Savings) Order 2014 (O.S. 2014/469), ergl. 1(2), Atod. 3 para. 208(3)(a) (ynghyd ag Atod. 4)

F12 Geiriau yn Atod. 4 wedi eu mewnosod (1.4.2014) gan The Energy Act 2013 (Office for Nuclear Regulation) (Consequential Amendments, Transitional Provisions and Savings) Order 2014 (O.S. 2014/469), ergl. 1(2), Atod. 3 para. 208(3)(b) (ynghyd ag Atod. 4)

F13 Geiriau yn Atod. 4 wedi eu hamnewid (4.9.2015) gan Rheoliadau Cynllunio (Sylweddau Peryglus) (Cymru) 2015 (O.S. 2015/1597), rhl. 1(1), Atod. 5 para. 2(2)(c) (ynghyd â rhl. 36)

Erthygl 24

ATODLEN 5 LL+C Hysbysiad pan wrthodir caniatâd cynllunio neu pan roddir caniatâd cynllunio yn ddarostyngedig i amodau

Gwybodaeth Cychwyn

I5 Atod. 5 mewn grym ar 30.4.2012, gweler ergl. 1(1)

DEDDF CYNLLUNIO GWLAD A THREF 1990

Hysbysiad sydd i'w anfon at geisydd pan fo awdurdod cynllunio lleol yn gwrthod caniatâd cynllunio neu'n rhoi caniatâd cynllunio yn ddarostyngedig i amodau (sydd i'w harnodi ar hysbysiadau o benderfyniad)

Apelau i Weinidogion Cymru LL+C

• Os ydych wedi eich tramgwyddo gan benderfyniad eich awdurdod cynllunio lleol i wrthod caniatâd ar gyfer y datblygiad arfaethedig neu i roi'r caniatâd yn ddarostyngedig i amodau, yna gellwch apelio i Weinidogion Cymru o dan adran 78 o Ddeddf Cynllunio Gwlad a Thref 1990.

• Os ydych am apelio yn erbyn penderfyniad eich awdurdod cynllunio lleol, rhaid ichi wneud hynny o fewn cyfnod o 6 mis o ddyddiad yr hysbysiad hwn.

• Rhaid gwneud apelau drwy ddefnyddio ffurflen y gellwch ei chael gan Weinidogion Cymru, yn yr Arolygiaeth Gynllunio, Adeilad y Goron, Parc Cathays, Caerdydd CF10 3NQ, neu ar-lein yn www.planningportal.gov.uk/pcs

• Caiff Gweinidogion Cymru ganiatáu cyfnod hwy ar gyfer rhoi hysbysiad o apêl, ond fel rheol, nid ydynt yn fodlon defnyddio'r pŵer hwnnw ac eithrio mewn amgylchiadau arbennig sy'n esgusodi'r oedi cyn rhoi hysbysiad o apêl.

• Nid oes raid i Weinidogion Cymru ystyried apêl os yw'n ymddangos iddynt na fyddai wedi bod yn bosibl i'r awdurdod cynllunio lleol roi caniatâd cynllunio ar gyfer y datblygiad arfaethedig, neu na fyddai wedi bod yn bosibl iddo ei roi heb yr amodau a osodwyd, o ystyried y gofynion statudol, darpariaethau unrhyw orchymyn datblygu ac unrhyw gyfarwyddiadau a roddwyd o dan orchymyn datblygu.

• Yn ymarferol, ni fydd Gweinidogion Cymru yn gwrthod ystyried apelau oherwydd, yn unig, fod yr awdurdod cynllunio lleol wedi seilio ei benderfyniad ar gyfarwyddyd a roddwyd gan Weinidogion Cymru.

Hysbysiadau Prynu LL+C

• Os yw naill ai'r awdurdod cynllunio lleol neu Weinidogion Cymru wedi gwrthod caniatâd i ddatblygu tir, neu wedi ei roi yn ddarostyngedig i amodau, caiff y perchennog hawlio nad oes modd i'r perchennog ddefnyddio'r tir yn ei gyflwr presennol mewn ffordd sy'n rhesymol fuddiol, nac ychwaith roi'r tir mewn cyflwr a fyddai'n galluogi ei ddefnyddio mewn ffordd resymol fuddiol, drwy gyflawni unrhyw ddatblygiad sydd wedi ei ganiatáu neu y byddid yn ei ganiatáu.

• Yn yr amgylchiadau hyn, caiff y perchennog gyflwyno hysbysiad prynu i awdurdod cynllunio lleol yr ardal y lleolir y tir ynddi. Bydd yr hysbysiad hwnnw'n ei gwneud yn ofynnol bod awdurdod cynllunio lleol yn prynu buddiant y perchennog yn y tir, yn unol â darpariaethau Rhan VI o Ddeddf Cynllunio Gwlad a Thref 1990. (Caiff awdurdod cynllunio lleol dderbyn yr hysbysiad a mynd ymlaen i gaffael y tir; neu wrthod yr hysbysiad ac os yw'n gwrthod, rhaid iddo atgyfeirio'r hysbysiad at Weinidogion Cymru.)

Erthygl 27

ATODLEN 6 LL+C Hysbysiad o dan Erthygl 27

Gwybodaeth Cychwyn

I6 Atod. 6 mewn grym ar 30.4.2012, gweler ergl. 1(1)

Erthygl 28

ATODLEN 7 LL+C Tystysgrif o Gyfreithlondeb Defnydd neu Ddatblygiad

Gwybodaeth Cychwyn

I7 Atod. 7 mewn grym ar 30.4.2012, gweler ergl. 1(1)

Erthygl 33

ATODLEN 8 LL+C OFFERYNNAU STATUDOL A DDIRYMIIR

Gwybodaeth Cychwyn

I8 Atod. 8 mewn grym ar 30.4.2012, gweler ergl. 1(1)

Enw'r Offeryn	Cyfeirnod	Graddau'r dirymiad
Gorchymyn Cynllunio Gwlad a Thref (Gweithdrefn Datblygu Cyffredinol) 1995(10)	OS 1995/419	Y Gorchymyn cyfan(11)
Gorchymyn Cynllunio Gwlad a Thref (Gweithdrefn Datblygu Cyffredinol) (Ffurflenni Cymraeg) 1995	OS 1995/3336	Y Gorchymyn cyfan
Gorchymyn Awdurdodau Parciau Cenedlaethol (Cymru) 1995	OS 1995/2803	Paragraff 21 o Atodlen 5 ac erthygl 18 i'r graddau y mae'n ymwneud â'r paragraff hwnnw
Gorchymyn Cynllunio Gwlad a Thref (Gweithdrefn Datblygu Cyffredinol) (Diwygio) 1996(12)	OS 1996/1817	Y Gorchymyn cyfan
Gorchymyn Ad-drefnu Llywodraeth Leol (Cymru) (Diwygiadau Canlyniadol) 1996	OS 1996/525	Paragraff 20 o'r Atodlen ac erthygl 3 i'r graddau y mae'n ymwneud â'r paragraff hwnnw
Gorchymyn Cynllunio Gwlad a Thref (Gweithdrefn Datblygu Cyffredinol) (Diwygio) 1997(13)	OS 1997/858	Y Gorchymyn cyfan
Gorchymyn Cynllunio Gwlad a Thref (Gweithdrefn Datblygu Cyffredinol) (Diwygio) (Cymru) 2002	OS 2002/1877 (Cy.186)	Y Gorchymyn cyfan
Gorchymyn Cynllunio Gwlad a Thref (Gweithdrefn Datblygu Cyffredinol) (Diwygio) (Cymru) 2004	OS 2004/1434 (Cy.147)	Y Gorchymyn cyfan
Gorchymyn Cynllunio Gwlad a Thref (Cyfathrebiadau Electronig) (Cymru) (Rhif 1) 2004	OS 2004/3156 (Cy.273)	Erthygl 11 ac Atodlen 1
Gorchymyn Cynllunio Gwlad a Thref (Gweithdrefn Datblygu Cyffredinol) (Diwygio) (Cymru) 2006	OS 2006/3390 (Cy.310)	Y Gorchymyn cyfan
Gorchymyn Cynllunio Gwlad a Thref (Diwygiadau Amrywiol ac Addasiadau sy'n ymwneud â Thir y Goron) (Cymru) 2006	OS 2006/1386 (Cy.136)	Erthygl 4
Gorchymyn Cynllunio Gwlad a Thref (Gweithdrefn Datblygu Cyffredinol) (Diwygio) (Cymru) 2008	OS 2008/2336 (Cy.199)	Y Gorchymyn cyfan
Gorchymyn Cynllunio Gwlad a Thref (Gweithdrefn Datblygu Cyffredinol) (Diwygio) (Cymru) 2009	OS 2009/1024 (Cy.87)	Y Gorchymyn cyfan

(1)

Mewnosodwyd adran 293A gan adran 82(1) o Ddeddf 2004.

(2)

1981 (p. 69); amnewidiwyd adran 28 gan adran 75(1) o Ddeddf Cefn Gwlad a Hawliau Tramwy 2000 (p.37) a pharagraff 1 o Atodlen 9 i'r Ddeddf honno.

(3)

Gweler adrannau 1 a 10 o Ddeddf Trafnidiaeth 1962 (p.46).

(4)

1993 p.43; gweler adran 83.

(5)

1980 p.66.

(6)

1991 p.22.

(7)

1979 p.46.

(8)

1960 p.62.

(9)

1976 p.27.

(10)

Dirymwyd i'r graddau yr oedd yn gymwys i Loegr gan Orchymyn Cynllunio Gwlad a Thref (Gweithdrefn Datblygu Cyffredinol) 2010 (O.S. 2010/2184).

(11)

Gweler erthygl 33 am arbedion.

(12)

Dirymwyd i'r graddau yr oedd yn gymwys i Loegr gan Orchymyn Cynllunio Gwlad a Thref (Gweithdrefn Datblygu Cyffredinol) 2010 (O.S. 2010/2184).

(13)

Dirymwyd i'r graddau yr oedd yn gymwys i Loegr gan Orchymyn Cynllunio Gwlad a Thref (Gweithdrefn Datblygu Cyffredinol) 2010 (O.S. 2010/2184).