Adran 16: Cyfyngiadau ar ddatgelu gwybodaeth
33.Mae’r adran hon yn cyfyngu ar ddatgelu gwybodaeth a ddarperir gan achwynydd neu unrhyw berson arall i’r Comisiynydd mewn perthynas â chwyn. Ni chaiff y Comisiynydd na neb sy’n gweithio i’r Comisiynydd ddatgelu gwybodaeth o’r fath ac eithrio i’r graddau y bydd hynny’n angenrheidiol er mwyn galluogi’r Comisiynydd i gyflawni ei swyddogaethau o dan y Mesur (er enghraifft fel rhan o adroddiad y Comisiynydd i'r Pwyllgor Safonau Ymddygiad), i gydymffurfio ag unrhyw rwymedigaeth statudol arall (megis o dan Ddeddf Diogelu Data 1998) neu i ymchwilio i unrhyw dramgwydd troseddol. Nid oes sancsiwn penodol wedi'i ragnodi ond byddai datgelu heb awdurdod yn golygu bod y tramgwyddwr yn agored i achos sifil mewn nifer o ffyrdd (gweler er enghraifft baragraff 34).
