Adran 13: Llwon a chadarnhadau
27.Mae adran 13 (sy’n cyfateb i adran 40(1) o’r Ddeddf) yn galluogi’r Comisiynydd i’w gwneud yn ofynnol i berson sy’n bresennol er mwyn rhoi tystiolaeth (o’i wirfodd neu beidio) dyngu llw neu roi cadarnhad. Pwysigrwydd y pŵer hwn yw ei fod yn cryfhau eto ar bŵer y Comisiynydd i ymchwilio. Mae tyst sydd, ar ôl tyngu llw neu ar ôl rhoi cadarnhad, yn rhoi tystiolaeth ffug, yn cyflawni’r tramgwydd o dyngu anudon o dan adran 2 o Ddeddf Anudon 1911 (sef tramgwydd a all gael ei gosbi â dirwy a hyd at ddwy flynedd yn y carchar ar hyn o bryd).
