Adran 24 – Dehongli cyffredinol
71.Mae is-adran (1) yn diffinio terminoleg a ddefnyddir yn y Mesur.
72.Mae is-adran (2) yn diffinio plentyn sy’n ‘derbyn gofal’, at ddibenion y Mesur, fel pe bai iddo’r un ystyr ag sydd i ‘looked after’ child yn adran 22(1) o Ddeddf Plant 1989, sef plentyn sydd yng ngofal awdurdod lleol (yr awdurdod cyfrifol) neu y darperir llety iddo gan awdurdod lleol tra bo’r awdurdod yn arfer unrhyw swyddogaethau o dan y Ddeddf honno.
73.Mae is-adran (3) yn darparu bod y Mesur i’w ddarllen fel pe bai’r Mesur a Deddf Addysg 1996 yn un endid. Golyga hyn fod y diffiniadau yn y Ddeddf honno i’w trosglwyddo wrth eu darllen i’r Mesur hwn, ac mae’r darpariaethau cyffredinol yn y Ddeddf honno’n gymwys i’r Mesur. Er enghraifft bydd pwerau Gweinidogion Cymru i gyfarwyddo o dan adrannau 496, 497 a 497A o Ddeddf 1996 yn gymwys mewn perthynas â swyddogaethau a roddir i awdurdodau lleol a chyrff llywodraethu gan y Mesur. Mae’r diffiniadau a geir yn is-adran (1) yn cymryd blaenoriaeth dros unrhyw ddiffiniadau a ddefnyddir yn Neddf Addysg 1996 os bydd yr ystyr yn wahanol (is-adran (4)).
