Adran 5 – Eithriad i’r cyfyngiad ar arfer yr hawl i gaffael
28.Mae’r adran hon yn diwygio Deddf Tai 1996. Mae’n mewnosod adran 16C newydd yn y Ddeddf honno, gan nodi eithriad i’r cyfyngiad ar arfer yr hawl i gaffael. Os yw’r eithriad yn gymwys i gartref, neu wedi bod yn gymwys iddo, gall tenant cymwys arfer yr hawl i gaffael hyd yn oed os yw’r cartref yn stoc tai cymdeithasol newydd.
29.Mae’r eithriad yn gymwys pan fo’r llys, ar ôl y dyddiad y daeth adran 4 i rym, wedi rhoi gorchymyn i denant sydd â’r hawl i gaffael roi’r gorau i feddiannu ei gartref ar seiliau penodol, bod y tenant wedi symud i gartref newydd (sy’n stoc tai cymdeithasol newydd), a phan ystyrir bod y cartref newydd yn llety addas at ddibenion y gorchymyn llys.
30.Gellir ychwanegu eithriadau pellach pan fo modd arfer yr hawl i gaffael mewn perthynas â chartrefi nad ydynt o stoc tai cymdeithasol a osodwyd yn flaenorol, drwy reoliadau.
