CYFLWYNIAD
1.Mae’r Nodiadau Esboniadol hyn ar gyfer Deddf Treth Gwarediadau Tirlenwi (Cymru) 2017 (“y Ddeddf”) a basiwyd gan Gynulliad Cenedlaethol Cymru ar 27 Mehefin 2017 ac a gafodd y Cydsyniad Brenhinol ar 7 Medi 2017.
2.Fe’u lluniwyd gan Swyddfa’r Prif Weinidog a Swyddfa’r Cabinet Llywodraeth Cymru er mwyn cynorthwyo’r sawl sy’n darllen y Ddeddf. Dylid darllen y Nodiadau Esboniadol ar y cyd â’r Ddeddf ond nid ydynt yn rhan ohoni. Pan fo adran neu ran o adran yn hunanesboniadol ac nad ymddengys bod angen rhoi esboniad neu wneud sylw pellach arni, nis rhoddir.
3.Mae gan Gynulliad Cenedlaethol Cymru y pŵer i wneud y Ddeddf hon yn rhinwedd y darpariaethau yn Rhannau 4 a 4A o Ddeddf Llywodraeth Cymru 2006, a pharagraff 16A o Atodlen 7 iddi, fel y’i diwygiwyd gan Ddeddf Cymru 2014. Mae’r darpariaethau hyn yn rhoi’r cymhwysedd deddfwriaethol i Gynulliad Cenedlaethol Cymru wneud darpariaeth mewn perthynas â threthi datganoledig (gan gynnwys treth a godir ar warediadau tirlenwi a wneir yng Nghymru).
