Pennod 6 - Yr Hawl I Feddiannu Heb Ymyrraeth
Adran 54 – Yr hawl i feddiannu heb ymyrraeth gan y landlord
179.Pan fo un o delerau’r contract yn ymgorffori’r ddarpariaeth hon heb ei haddasu, ni chaiff landlord ymyrryd â hawl deiliad y contract i feddiannu’r annedd. Cyfeirir at hyn hefyd fel hawl deiliad y contract i ‘fwynhau’r eiddo yn dawel’. Nid yw hyn yn rhwystro’r landlord rhag gwneud unrhyw waith atgyweirio. Mae’n golygu na ddylai landlord weithredu mewn ffordd sy’n effeithio ar hawl deiliad y contract i fyw yn ei gartref o ddydd i ddydd heb ymyrraeth gan y landlord.
