Adran 17 – Contractau a wneir â landlord preifat neu a fabwysiedir ganddo
107.Bydd contract meddiannaeth a wneir rhwng landlord preifat a deiliad y contract yn gontract safonol, yn ddiofyn. Ond os yw landlord wedi rhoi hysbysiad i ddeiliad y contract (cyn neu wrth wneud y contract) i’r perwyl bod y contract yn gontract diogel, bydd yn gontract diogel.
108.Pan fo landlord preifat yn dod yn landlord o dan gontract diogel sy’n bodoli eisoes, neu gontract safonol sy’n bodoli eisoes, bydd y contract yn parhau’n gontract diogel neu’n gontract safonol, yn ôl eu trefn.
