Adran 42 – Byrddau cydgynllunio – pŵer i wneud darpariaeth ganlyniadol ac atodol
164.Mae’r adran hon yn ad-drefnu ac yn mewnosod is-adran newydd yn adran 9 (Pŵer i wneud darpariaeth ganlyniadol ac atodol ynghylch awdurdodau) o DCGTh 1990.
165.Mae’n galluogi Gweinidogion Cymru, wrth wneud rheoliadau sy’n cynnwys darpariaethau sy’n ganlyniadol neu’n atodol i sefydlu bwrdd cydgynllunio, i ddiwygio deddfwriaeth o ddisgrifiadau penodol.