Rheoliadau Deddf Rheoleiddio ac Arolygu Gofal Cymdeithasol (Cymru) 2016 (Diwygiadau Canlyniadol i Is-ddeddfwriaeth) 2018

Rheoliadau Datgymhwyso rhag Gofalu am Blant (Cymru) 2004

11.—( 1) Mae Rheoliadau Datgymhwyso rhag Gofalu am Blant (Cymru) 2004(1) wedi eu diwygio fel a ganlyn.

(2) Yn yr Atodlen—

(a) yn Rhan 1 (tramgwyddau penodedig), ar ôl paragraff 4, mewnosoder—

“4A.   Tramgwydd mewn perthynas â gwasanaeth cartref gofal a ddarperir yn gyfan gwbl neu’n bennaf i bersonau o dan 18 oed o dan neu yn rhinwedd unrhyw un o ddarpariaethau canlynol Deddf Rheoleiddio ac Arolygu Gofal Cymdeithasol (Cymru) 2016—

(a) adran 5 (gofyniad i gofrestru);

(b) adran 43 (methiant i gydymffurfio ag amod);

(c) adran 44 (disgrifiadau anwir);

(ch) adran 45 (methiant gan ddarparwr gwasanaeth i gydymffurfio â gofynion mewn rheoliadau); neu

(d) adran 47 (datganiadau anwir).”;

(b) yn Rhan 2 (personau perthnasol), ar ôl paragraff 25, mewnosoder—

“25A.   Mewn perthynas â chofrestru gwasanaeth cartref gofal (o fewn ystyr Deddf Rheoleiddio ac Arolygu Gofal Cymdeithasol (Cymru) 2016 (“Deddf 2016”)) a ddarperir yn gyfan gwbl neu’n bennaf i bersonau o dan 18 oed—

(a) mae cais y person i gofrestru wedi’i wrthod o dan adran 7 o Ddeddf 2016;

(b) mae cais y person i amrywio ei gofrestriad (yn unol ag adran 11(1)(a)(i) neu (ii) o Ddeddf 2016) wedi’i wrthod o dan adran 12 o Ddeddf 2016;

(c) mae cofrestriad y person wedi’i ganslo o dan adran 15(1)(b) i (f) neu 23(1) o Ddeddf 2016;

(ch) mae’r person wedi bod yn ymwneud â rheoli gwasanaeth cartref gofal a ddarperir yn gyfan gwbl neu’n bennaf i bersonau o dan 18 oed, neu yr oedd ganddo fuddiant ariannol ynddo, ac y mae cofrestriad unrhyw berson wedi’i ganslo ar ei gyfer o dan adran 15(1)(b) i (f) neu 23(1) o Ddeddf 2016; neu

(d) mae cofrestriad y person wedi’i amrywio o dan adran 13(3)(b) neu (4)(b) neu 23(1) o Ddeddf 2016.”.

(1)

O.S. 2004/2695 (Cy. 235), y mae offerynnau diwygio iddo nad ydynt yn berthnasol i’r Rheoliadau hyn.