Rheoliadau Pwyllgor Llifogydd ac Erydu Arfordirol Cymru 2017

NODYN ESBONIADOL

(Nid yw’r nodyn hwn yn rhan o’r Rheoliadau)

Mae’r Rheoliadau hyn yn gwneud darpariaeth ar gyfer Pwyllgor Llifogydd ac Erydu Arfordirol Cymru, a sefydlir o dan adran 26B(1) o Ddeddf Rheoli Llifogydd a Dŵr 2010. Mae’r Pwyllgor yn gorff annibynnol sy’n cynghori Gweinidogion Cymru ac awdurdodau rheoli risg Cymru ar faterion sy’n ymwneud â rheoli perygl llifogydd ac erydu arfordirol.

Mae rheoliad 3 yn nodi aelodaeth y Pwyllgor. Mae rheoliadau 4 a 5 yn gwneud darpariaeth i Weinidogion Cymru benodi cadeirydd ac aelodau. Mae rheoliad 6 yn galluogi Gweinidogion Cymru i dalu taliadau cydnabyddiaeth i’r cadeirydd a’r aelodau.

Mae rheoliadau 8, 9 a 10 yn nodi cwmpas y Pwyllgor, ei ddyletswyddau a’i bwerau.

Mae rheoliad 14 yn galluogi’r Pwyllgor i sefydlu is-bwyllgorau (ac mae rheoliad 7 yn galluogi talu i aelodau is-bwyllgor lwfansau a bennir gan y cadeirydd gyda chymeradwyaeth Gweinidogion Cymru).

Mae rheoliad 11 yn ei gwneud yn ofynnol i’r Pwyllgor gynnal cyfarfodydd, ac mae rheoliad 12 yn gwneud darpariaeth i’r Pwyllgor gyflwyno adroddiadau i Weinidogion Cymru.

Mae rheoliad 13 yn galluogi’r Pwyllgor i reoleiddio ei weithdrefn ei hun, ac mae rheoliad 14 yn gwneud darpariaeth gyfatebol ar gyfer is-bwyllgorau.