Rheoliadau Anifeiliaid (Rheolwyr Milfeddygol Rhanbarthol) (Cymru) 2010

Offerynnau Statudol Cymru

2010 Rhif 619 (Cy.61)

ANIFEILIAID, CYMRU

IECHYD ANIFEILIAID

Rheoliadau Anifeiliaid (Rheolwyr Milfeddygol Rhanbarthol) (Cymru) 2010

Gwnaed

4 Mawrth 2010

Gosodwyd gerbron Cynulliad Cenedlaethol Cymru

8 Mawrth 2010

Yn dod i rym

1 Ebrill 2010

Mae Gweinidogion Cymru wedi eu dynodi(1) at ddibenion adran 2(2) o Ddeddf y Cymunedau Ewropeaidd 1972(2) mewn perthynas â pholisi amaethyddol cyffredin y Gymuned Ewropeaidd, a thrwy arfer y pwerau a roddwyd gan yr adran honno, yn gwneud y Rheoliadau a ganlyn:

Enwi a chychwyn

1.   Enw'r Rheoliadau hyn yw Rheoliadau Anifeiliaid (Rheolwyr Milfeddygol Rhanbarthol) (Cymru) 2010; maent yn gymwys o ran Cymru ac yn dod i rym ar 1 Ebrill 2010.

Diwygiadau i Reoliadau Cynhyrchion sy'n Dod o Anifeiliaid (Mewnforio ac Allforio) 1996

2.—( 1) Mae Rheoliadau Cynhyrchion sy'n Dod o Anifeiliaid (Mewnforio ac Allforio) 1996(3) wedi eu diwygio fel a ganlyn.

(2) Yn rheoliad 1(2) mae'r diffiniad o “Divisional Veterinary Manager” wedi ei ddirymu.

(3) Yn rheoliadau 13(5) a (6) a 16(8), yn lle'r geiriau “appropriate Divisional Veterinary Manager”, ym mhob man y maent yn ymddangos, rhodder “Welsh Ministers”.

Diwygiad i Reoliadau Clwy'r Traed a'r Genau (Rheoli Brechu) (Cymru) 2006

3.   Yn rheoliad 23(1) o Reoliadau Clwy'r Traed a'r Genau (Rheoli Brechu) (Cymru) 2006(4), yn lle “a'r Rheolwr Milfeddygol Rhanbarthol o Wasanaeth Milfeddygol y Llywodraeth” rhodder “a Gweinidogion Cymru”.

Diwygiad i Reoliadau Ffliw Adar (Mesurau Atal) (Cymru) 2006

4.   Yn rheoliad 13 o Reoliadau Ffliw Adar (Mesurau Atal) (Cymru) 2006(5), yn lle “ar unwaith y Rheolwr Milfeddygol Rhanbarthol a benodwyd gan y Cynulliad Cenedlaethol ar gyfer yr ardal lle mae'r aderyn hwnnw” rhodder “Gweinidogion Cymru ar unwaith”.

Diwygiad i Reoliadau Ffliw Adar (Brechu) (Cymru) (Rhif 2) 2006

5.   Yn lle rheoliad 11 o Reoliadau Ffliw Adar (Brechu) (Cymru) (Rhif 2) 2006(6) rhodder–

“11.   Rhaid i unrhyw berson a ŵyr neu a dybia nad yw aderyn wedi ei frechu, fel sy'n ofynnol gan Weinidogion Cymru, eu hysbysu ar unwaith.”

Diwygiad i Reoliadau'r Tafod Glas (Cymru) 2008

6.—( 1) Mae Rheoliadau'r Tafod Glas (Cymru) 2008(7) wedi eu diwygio fel a ganlyn.

(2) Mae rheoliad 8(3) wedi ei ddirymu.

(3) Yn rheoliadau 8(1)(a) a (2) ac 11(b) yn lle “hysbysu'r Rheolwr Milfeddygol Rhanbarthol” rhodder “hysbysu Gweinidogion Cymru”.

Elin Jones

Y Gweinidog dros Faterion Gwledig, un o Weinidogion Cymru

4 Mawrth 2010

Nodyn Esboniadol

(Nid yw'r nodyn hwn yn rhan o'r Rheoliadau)

Mae'r Rheoliadau hyn yn disodli cyfeiriadau at “Rheolwr Milfeddygol Rhanbarthol” â chyfeiriadau at “Gweinidogion Cymru” ac, fel y bo'n briodol, yn disodli cyfeiriadau at “Divisional Veterinary Manager” â chyfeiriadau at “Welsh Ministers” yn—

(a) Rheoliadau Cynhyrchion sy'n Dod o Anifeiliaid (Mewnforio ac Allforio) 1996;

(b) Rheoliadau Clwy'r Traed a'r Genau (Rheoli Brechu) (Cymru) 2006;

(c) Rheoliadau Ffliw Adar (Mesurau Atal) (Cymru) 2006;

(ch) Rheoliadau Ffliw Adar (Brechu) (Cymru) (Rhif 2) 2006; a

(d) Rheoliadau'r Tafod Glas (Cymru) 2008.

Nid oes asesiad effaith rheoleiddiol wedi ei lunio ar gyfer y Rheoliadau hyn, gan na ragwelir y byddant yn effeithio o gwbl ar y sector preifat, y sector cyhoeddus na'r sector gwirfoddol.

(1)

O.S 2005/2766. Yn rhinwedd adrannau 59 a 162 o Ddeddf Llywodraeth Cymru 2006 a pharagraffau 28 a 30 o Atodlen 11 iddi, mae swyddogaethau a roddwyd i Gynulliad Cenedlaethol Cymru yn arferadwy gan Weinidogion Cymru.

(2)

1972 p. 68.

(3)

O.S. 1996/3124 y mae diwygiadau iddo nad ydynt yn berthnasol i'r Rheoliadau hyn.

(4)

O.S. 2006/180 (Cy. 31).

(5)

O.S. 2006/2803 (Cy. 242).

(6)

O.S. 2006/2932 (Cy. 265).

(7)

O.S. 2008/1090 (Cy. 116).