Rheoliadau Deunyddiau ac Eitemau Plastig mewn Cysylltiad â Bwyd (Cymru) 2006

RHAN 5 Cyffredinol ac Atodol

Cymhwyso darpariaethau'r Ddeddf

22.   Mae'r darpariaethau a ganlyn o'r Ddeddf yn gymwys at ddibenion y Rheoliadau hyn yn yr un modd ag y maent yn gymwys at ddibenion y Ddeddf —

(a) adran 3 (rhagdybiaeth bod bwyd wedi'i fwriadu ar gyfer ei fwyta gan bobl);

(b) adran 30(8) (ynghylch tystiolaeth ddogfennol);

(c) adran 44 (amddiffyn swyddogion sy'n ymddwyn yn ddidwyll).

Diwygiad i Reoliadau Diogelwch Bwyd (Samplu a Chymwysterau) 1990

23.   Yn Rheoliadau Diogelwch Bwyd (Samplu a Chymwysterau) 1990(1), yn Atodlen 1 (darpariaethau nad yw'r Rheoliadau hynny yn gymwys iddynt) yn lle enw a chyfeirnod Rheoliadau 1998 rhodder enw a chyfeirnod y Rheoliadau hyn.

Diwygiadau i Reoliadau Deunyddiau ac Eitemau mewn Cysylltiad â Bwyd (Cymru) 2005

24.—( 1) Diwygir Rheoliadau 2005 yn unol â pharagraffau (2) i (6).

(2) Yn rheoliad 2(1) —

(a) ar ôl y diffiniad o “Cyfarwyddeb 93/10/EEC” rhodder y diffiniad a ganlyn—

“ystyr “Cyfarwyddeb 2002/72/EC” (“Directive 2002/72/EC”) yw Cyfarwyddeb y Comisiwn 2002/72/EC sy'n ymwneud â deunyddiau ac eitemau plastig y bwriedir iddynt ddod i gysylltiad â deunyddiau bwyd(2), fel y'i diwygiwyd diwethaf gan Gyfarwyddeb y Comisiwn 2005/79/EC(3)”;

(b) mewnosoder y diffiniad canlynol yn y man priodol yn nhrefn yr wyddor —

“ystyr “Rheoliadau 2006” (“the 2006 Regulations”) yw Rheoliadau Deunyddiau ac Eitemau Plastig mewn Cysylltiad â Bwyd (Cymru) 2006(4).”

(3) Yn rheoliad 8—

(a) ar ddechrau paragraff (2) ychwaneger yr ymadrodd “Ac eithrio paragraff (4),”:

(b) yn lle paragraff (4) rhodder y paragraff canlynol—

“(4) Ni chaiff neb weithgynhyrchu unrhyw gaenen i'w rhoi ar ffilm y cyfeirir ati ym mharagraff (3)(b) gan ddefnyddio unrhyw sylwedd neu grŵp o sylweddau ac eithrio'r rhai a restrir yn Atodiadau II, III neu IV i Gyfarwyddeb 2002/72/EC a heblaw yn unol â'r gofynion, y cyfyngiadau a manylebau priodol a geir yn yr Atodiadau hynny ac yn Rheoliadau 2006.”.

(4) Yn rheoliad 9—

(a) ym mharagraff (3), yn lle'r ymadrodd “yn Rhan I o Atodlen 1 i Reoliadau 1998” rhodder “yn Adran A neu B o Atodiad II i Gyfarwyddeb 2002/72/EC”.

(b) yn is-baragraff (b) o baragraff (3), yn lle'r ymadrodd “o'r Rhan honno fel y'i darllenir gyda Rhan II o'r Atodlen honno.” rhodder “o'r Adrannau hynny fel y'u darllenir gyda'r rhagarweiniad cyffredinol i'r Atodiad hwnnw.”.

(c) ym mharagraff (5), yn lle'r ymadrodd “Atodlenni 3 a 4 rhodder “Atodlenni 2 a 3”.

Dirymiadau

25.   Dirymir y Rheoliadau a ganlyn neu rannau ohonynt —

(a) Rheoliadau 1998 i'r graddau y maent yn gymwys o ran Cymru;

(b) Rheoliadau Deunyddiau ac Eitemau Plastig mewn Cysylltiad â Bwyd (Diwygio) (Cymru) 2000(5);

(c) Rheoliadau Deunyddiau ac Eitemau Plastig mewn Cysylltiad â Bwyd (Diwygio) (Cymru) 2002(6);

(ch) Rheoliadau Deunyddiau ac Eitemau Plastig mewn Cysylltiad â Bwyd (Diwygio) (Cymru) (Rhif 2) 2002(7);

(d) Rheoliadau Deunyddiau ac Eitemau Plastig mewn Cysylltiad â Bwyd (Diwygio) (Cymru) 2004(8);

(dd) Rheoliadau Deunyddiau ac Eitemau Plastig mewn Cysylltiad â Bwyd (Diwygio) (Cymru) 2005(9);

(e) rheoliad 15 o Reoliadau 2005.

(1)

O.S. 1990/2463.

(2)

OJ Rhif L220, 15.8.2002, t.18. Diwygiwyd y Gyfarwyddeb hon o'r blaen gan Gyfarwyddebau'r Comisiwn 2004/1/EC (OJ Rhif L7, 13.1.2004, t.45) a 2004/19/EC (OJ Rhif L71, 10.3.2004, t..8)

(3)

OJ Rhif L302, 19.11.2005, t.35.

(4)

O.S. 2006/2982 (W.273).

(5)

O.S. 2001/1263 (Cy.70).

(6)

O.S. 2002/2834 (Cy.272).

(7)

O.S. 2003/302 (Cy.44).

(8)

O.S. 2005/182 (Cy.15).

(9)

O.S. 2005/1649 (Cy.130).