Rheoliadau Addysg (Gwrthwynebiadau i Drefniadau Derbyn) (Cymru) 2006

Dehongli

3.—( 1) Yn y Rheoliadau hyn—

• mae i “ardal berthnasol” yr un ystyr i “relevant area” yn Rheoliadau Addysg (Ardaloedd Perthnasol i ymgynghori ar Drefniadau Derbyn) 1999(1)

• ystyr “y Cynulliad Cenedlaethol” (“the National Assembly”) yw Cynulliad Cenedlaethol Cymru;

• ystyr “y Ddeddf” (“the Act”) yw Deddf Safonau a Fframwaith Ysgolion 1998;

• ystyr “nifer derbyn” (“admission number”) yw'r nifer o ddisgyblion mewn unrhyw grŵp oedran perthnasol y bwriedir eu derbyn mewn unrhyw flwyddyn ysgol, fel a benderfynir gan awdurdod derbyn yn unol ag adran 89A(1)(2);

• ystyr “nifer derbyn a nodir” (“indicated admission number”) yw nifer y disgyblion mewn unrhyw grŵp oedran perthnasol a benderfynir yn unol â'r dull asesu capasiti a nodir yn y canllawiau, “Mesur capasiti ysgolion yng Nghymru” (3);

• mae i “rhiant” yr ystyr sydd i “parent” yn adran 576 o Ddeddf Addysg 1996(4).

(2) Mae unrhyw gyfeiriad yn y Rheoliadau hyn at adran â Rhif yn gyfeiriad at yr adran honno o'r Ddeddf.

(1)

O.S 1999/ 124.

(2)

Mewnosodwyd adran 89(A) gan adran 47(2) o Ddeddf Addysg 2002.

(3)

Mae'r canllaw yma ar gael ar wefan y Cynulliad Cenedlaethol www.dysgu.cymru.gov.uk.

(4)

1996 p.56.