Rheoliadau Awdurdodau Lleol (Rheolau Sefydlog) (Cymru) 2006

RHAN 1 LL+C Awdurdod gyda Maer a Chabinet Gweithredol

Gwybodaeth Cychwyn

I1 Atod. 3 Rhn. 1 mewn grym ar 3.7.2006, gweler rhl. 1(1)

1.   Yn y Rhan hon– LL+C

ystyr “aelod o'r staff” (“member of staff”) yw rhywun a benodwyd i neu sy'n dal swydd daledig neu gyflogaeth dan yr awdurdod;

mae i “camau disgyblu” (“disciplinary action”) yr un ystyr ag yn Rheoliadau Awdurdodau Lleol (Rheolau Sefydlog) (Cymru) 2006;

ystyr “Deddf 1989” (“the 1989 Act”) yw Deddf Llywodraeth Leol a Thai 1989(1);

ystyr “Deddf 2000” (“the 2000 Act”) yw Deddf Llywodraeth Leol 2000(2);

mae i “maer etholedig” a “chorff gweithredol” yr un ystyr sydd I “elected mayor” ac “executive” yn Rhan II o Ddeddf 2000; ac

ystyr “swyddog priodol” (“proper officer”) yw swyddog a benodwyd gan yr awdurdod at ddibenion y darpariaethau yn y Rhan hon.

2.   Yn amodol ar baragraffau 3 a 5, rhaid cyflawni swyddogaeth penodi a diswyddo aelod o staff yr awdurdod perthnasol, a chymryd camau disgyblu yn ei erbyn, ar ran yr awdurdod perthnasol, gan [F1 y person a benodwyd yn brif weithredwr yr awdurdod neu gan swyddog a enwebwyd gan brif weithredwr yr awdurdod]. LL+C

Diwygiadau Testunol

F1 Geiriau yn Atod. 3 Rhn. 1 wedi eu hamnewid (5.5.2022) gan Rheoliadau Deddf Llywodraeth Leol ac Etholiadau (Cymru) 2021 (Diwygiadau Canlyniadol a Darpariaeth Drosiannol) (Prif Weithredwyr) 2022 (O.S. 2022/355), rhlau. 1(2), 3(6)(a) (ynghyd â rhl. 9)

3.— [F2 (1)]  Nid yw paragraff 2 yn gymwys i benodi neu ddiswyddo, neu gamau disgyblu yn erbyn, y canlynol– LL+C

[F3 (a) y person a benodwyd yn brif weithredwr yr awdurdod;]

(b) prif swyddog statudol o fewn ystyr adran 2(6) o Ddeddf 1989(3) (swyddi â chyfyngiad gwleidyddol);

(c) prif swyddog anstatudol o fewn ystyr adran 2(7) o Ddeddf 1989;

(ch) dirprwy brif swyddog o fewn ystyr adran 2(8) o Ddeddf 1989;

(d) person a benodwyd yn rhinwedd adran 9 o Ddeddf 1989(4) (cymhorthwyr i grwpiau gwleidyddol);

(dd) person a benodwyd yn rhinwedd rheoliadau o dan baragraff 6 Atodlen 1 i Ddeddf 2000 (cymhorthydd y maer); neu

(e) person y mae rheoliadau a wneir o dan adran 35(4) a (5) (darpariaeth o ran penodi, disgyblu, atal dros dro a diswyddo athrawon a staff eraill mewn ysgolion a gyflogir gan yr [F4 awdurdod lleol] ) o Ddeddf Addysg 2002(5) yn gymwys iddo.

[F5 (f) y swyddog a ddynodwyd yn swyddog monitro’r awdurdod; neu

(ff) y swyddog a ddynodwyd yn bennaeth gwasanaethau democrataidd yr awdurdod.]

[F6 (2) Nid yw paragraff 2 yn gymwys i ddiswyddo, na chymryd camau disgyblu yn erbyn, swyddog y bwriedir cymryd camau disgyblu mewn perthynas ag ef,—

(a) a oedd yn swyddog y cyfeirir ato ym mharagraff 3(1)(a) i (ff), ond nad yw bellach, ar adeg y camau disgyblu arfaethedig, yn swyddog o’r fath; a

(b) pan fo’r camymddwyn honedig neu, yn ôl y digwydd, y rheswm dros y cynnig o ddiswyddo, wedi digwydd yn ystod y cyfnod pan oedd y swyddog yn swyddog y cyfeirir ato ym mharagraff 3(1)(a) i (ff).]

Diwygiadau Testunol

F2 Atod. 3 para. 3(1): Atod. 3 Rhn. 1 para. 3 wedi ei ailrifo fel Atod. 3 Rhn. 1 para. 3(1) (1.7.2014) gan Rheoliadau Awdurdodau Lleol (Rheolau Sefydlog) (Cymru) (Diwygio) 2014 (O.S. 2014/1514), rhlau. 1(2), 10(1)(a) (ynghyd â rhl. 12)

F3 Atod. 3 Rhn. 1 wedi ei amnewid (5.5.2022) gan Rheoliadau Deddf Llywodraeth Leol ac Etholiadau (Cymru) 2021 (Diwygiadau Canlyniadol a Darpariaeth Drosiannol) (Prif Weithredwyr) 2022 (O.S. 2022/355), rhlau. 1(2), 3(6)(b) (ynghyd â rhl. 9)

F4 Geiriau yn Atod. 3 Rhn. 1 para. 3(g) wedi eu hamnewid (5.5.2010) gan Gorchymyn Awdurdodau Addysg Lleol ac Awdurdodau Gwasanaethau Plant (Integreiddio Swyddogaethau) (Is-ddeddfwriaeth) (Cymru) 2010 (O.S. 2010/1142), ergl. 1(1), Atod. 2 para. 18(2)

F5 Atod. 3 para. 3(1)(h)(i) wedi ei fewnosod (1.7.2014) gan Rheoliadau Awdurdodau Lleol (Rheolau Sefydlog) (Cymru) (Diwygio) 2014 (O.S. 2014/1514), rhlau. 1(2), 10(1)(b) (ynghyd â rhl. 12)

F6 Atod. 3 para. 3(2) wedi ei fewnosod (1.7.2014) gan Rheoliadau Awdurdodau Lleol (Rheolau Sefydlog) (Cymru) (Diwygio) 2014 (O.S. 2014/1514), rhlau. 1(2), 10(1)(c) (ynghyd â rhl. 12)

4.—( 1) Lle bo pwyllgor, is-bwyllgor neu swyddog yn cyflawni, ar ran yr awdurdod perthnasol, swyddogaeth penodi neu ddiswyddo [F7 person a benodwyd yn brif weithredwr yr awdurdod], rhaid i'r awdurdod perthnasol gymeradwyo'r penodiad hwnnw cyn cynnig y penodiad neu, pa un bynnag sy'n briodol, rhaid cymeradwyo'r diswyddo hwnnw cyn rhoi rhybudd diswyddo. LL+C

(2) Lle bo pwyllgor neu is-bwyllgor yr awdurdod perthnasol yn cyflawni, ar ran yr awdurdod perthnasol, swyddogaeth penodi neu ddiswyddo unrhyw swyddog y cyfeirir ato yn is-baragraffau (a), (b), (c) [F8 , (ch), (f), neu (ff) o baragraff 3(1) neu’r swyddogaeth o ddiswyddo unrhyw swyddog y cyfeirir ato ym mharagraff 3(2)] –

(a) rhaid i o leiaf un aelod o'r corff gweithredu fod yn aelod o'r pwyllgor neu'r is-bwyllgor hwnnw; a

(b) rhaid nad yw mwy na hanner aelodau o'r pwyllgor neu'r is-bwyllgor hwnnw yn aelodau o weithrediaeth yr awdurdod perthnasol.

Diwygiadau Testunol

F7 Geiriau yn Atod. 3 Rhn. 1 wedi eu hamnewid (5.5.2022) gan Rheoliadau Deddf Llywodraeth Leol ac Etholiadau (Cymru) 2021 (Diwygiadau Canlyniadol a Darpariaeth Drosiannol) (Prif Weithredwyr) 2022 (O.S. 2022/355), rhlau. 1(2), 3(7)(c) (ynghyd â rhl. 9)

F8 Geiriau yn Atod. 3 para. 4(2) wedi eu hamnewid (1.7.2014) gan Rheoliadau Awdurdodau Lleol (Rheolau Sefydlog) (Cymru) (Diwygio) 2014 (O.S. 2014/1514), rhlau. 1(2), 10(1)(d) (ynghyd â rhl. 12)

5.   Nid oes unrhyw beth ym mharagraff 2 yn atal person rhag gweithredu fel aelod o unrhyw bwyllgor neu is-bwyllgor a sefydlwyd gan yr awdurdod perthnasol i ystyried apêl gan aelod o staff yr awdurdod perthnasol yn erbyn unrhyw benderfyniad sy'n ymwneud â diswyddo, neu gymryd camau disgyblu yn erbyn, yr aelod hwnnw o'r staff. LL+C

[F9 6.   Rhaid i’r awdurdod perthnasol bennu lefel y gydnabyddiaeth ariannol, ac unrhyw newid yn lefel y gydnabyddiaeth ariannol, a delir i brif swyddog.] LL+C

Diwygiadau Testunol

F9 Atod. 3 para. 6 wedi ei fewnosod (1.7.2014) gan Rheoliadau Awdurdodau Lleol (Rheolau Sefydlog) (Cymru) (Diwygio) 2014 (O.S. 2014/1514), rhlau. 1(2), 10(1)(e) (ynghyd â rhl. 12)

(1)

1989 p.42.

(2)

2000 p.22.

(3)

Diwygiwyd adran 2(6) gan baragraff 95 o Atodlen 37 i Ddeddf Addysg 1996 (p.56), paragraff 3(a), (b) ac (c) o Atodlen 2 i Ddeddf Plant 2004 (p.31), ac Atodlen 2 i Ddeddf y Gwasanaethau Tân ac Achub 2004 (p.21).

(4)

Mae diwygiadau i adran 9 nad ydynt yn berthnasol i'r Rheoliadau hyn.

(5)

2002 p.32.