Rheoliadau Canolfan Iechyd Cymru (Cyfansoddiad, Aelodaeth a Gweithdrefnau) 2004

Enwi, cychwyn a dehongli

1.—( 1) Enw'r Rheoliadau hyn yw Rheoliadau Canolfan Iechyd Cymru (Cyfansoddiad, Aelodaeth a Gweithdrefnau) 2004 a deuant i rym ar 31 Gorffennaf 2004.

(2) Yn y rheoliadau hyn—

ystyr “aelod” (“member”) neu “aelodau” (“members”) yw person neu bersonau a benodwyd gan y Cynulliad yn unol ag adran 2(2) o'r Ddeddf, gan gynnwys y cadeirydd onid yw'r cyd-destun yn ei eithrio;

ystyr “aelod cyfetholedig” (“co-opted member”) neu “aelodau cyfetholedig” (“co-opted members”) yw person neu bersonau a benodwyd gan y Ganolfan yn unol â rheoliad 2(4);

ystyr “cadeirydd” (“chair”) yw person a benodwyd gan y Cynulliad yn unol ag adran 2(3) o'r Ddeddf;

ystyr “corff gwasanaeth iechyd” (“health service body”) yw Awdurdod Iechyd, Awdurdod Iechyd Arbennig, Awdurdod Iechyd Strategol, Bwrdd Iechyd Lleol, Ymddiriedolaeth Gwasanaeth Iechyd Gwladol, neu Ymddiriedolaeth Gofal Sylfaenol;

ystyr “y Cynulliad” (“the Assembly”) yw Cynulliad Cenedlaethol Cymru;

ystyr “y Ddeddf” (“the Act”) yw Deddf Iechyd (Cymru) 2003; ac

ystyr “y Ganolfan” (“the Centre”) yw Canolfan Iechyd Cymru neu the Wales Centre for Health (1).

(1)

Caiff Canolfan Iechyd Cymru ei sefydlu pan ddaw adrannau 2 a 3 o Ddeddf Iechyd (Cymru) 2003 ac Atodlen 2 iddi i rym (“y Ddeddf”). Daeth adrannau 2 a 3 o'r Ddeddf a pharagraff 10 o Atodlen 2 iddi i rym at ddibenion gwneud rheoliadau yn unig ar 20 Hydref 2003 yn unol â Gorchymyn Deddf Iechyd (Cymru) 2003 (Cychwyn Rhif 1) 2003 O.S.2003/2660 (Cy.256) (C.102).