Rheoliadau Awdurdodau Lleol (Coronafeirws) (Cyfarfodydd) (Cymru) 2020

Mynediad i gyfarfodydd awdurdodau lleol penodol ac at ddogfennau perthynol

23.—( 1) Mae Rheoliadau Awdurdodau Lleol (Trefniadau Gweithrediaeth) (Penderfyniadau, Dogfennau a Chyfarfodydd) (Cymru) 2001(1) (“y Rheoliadau”) yn cael effaith mewn perthynas â chyfarfod a gynhelir, neu benderfyniad gweithrediaeth a wneir, cyn diwedd 30 Ebrill 2021 fel y nodir yn y rheoliad hwn.

(2) Mae’r Rheoliadau i’w darllen fel pe bai rheoliad 3 wedi ei hepgor.

(3) Mae rheoliad 4 i’w ddarllen fel pe bai—

(a) paragraff (1) wedi ei hepgor;

(b) ym mhob un o baragraffau (2) a (3), “Pan fo cyfarfod yn agored i’r cyhoedd,” wedi ei fewnosod ar y dechrau;

(c) ym mharagraff (6)—

(i) yn is-baragraff (a) “ac, os bwriedir i unrhyw ran o’r cyfarfod fod yn agored i’r cyhoedd, sut i gael mynediad at y cyfarfod” wedi ei roi yn lle “a’r man cyfarfod”;

(ii) yn is-baragraff (a)(i), “gyhoeddi ar wefan” wedi ei roi yn lle “bostio ym mhrif swyddfeydd”;

(iii) yn is-baragraff (a)(ii), “gyhoeddi ar wefan yr awdurdod cyn gynted ag y bo’n rhesymol ymarferol” wedi ei roi yn lle “bostio ym mhrif swyddfeydd yr awdurdod adeg cynnull y cyfarfod”;

(iv) yn is-baragraff (b), paragraff (ii) a’r “a” sy’n dod o’i flaen wedi eu hepgor.

(4) Mae rheoliad 5 i’w ddarllen fel pe bai—

(a) ym mharagraff (1), “gael eu cyhoeddi ar wefan yr awdurdod” wedi ei roi yn lle “fod yn agored i aelodau o’r cyhoedd eu harchwilio ym mhrif swyddfeydd yr awdurdod”;

(b) ym mharagraff (2), “cyhoeddi” wedi ei roi yn lle “darparu”;

(c) ym mharagraff (2), y canlynol wedi ei roi yn lle “ag eitemau nad yw’r cyfarfod, ym marn y swyddog priodol, yn debyg o fod yn agored i’r cyhoedd tra byddant yn cael eu trafod",

“—

(a) os yw’r cyfarfod i fod yn agored i’r cyhoedd, ag eitemau pryd nad yw’r cyfarfod, ym marn y swyddog priodol, yn debyg o fod yn agored i’r cyhoedd yn rhinwedd rheoliad 4(2) neu (3), neu

(b) os nad yw’r cyfarfod i fod yn agored i’r cyhoedd heblaw yn rhinwedd rheoliad 4(2) neu (3), ag eitemau pryd nad yw’n debygol, ym marn y swyddog priodol, y buasai’r cyfarfod yn agored i’r cyhoedd yn rhinwedd rheoliad 4(2) neu (3), pe buasai rheoliad 3 yn gymwys.”;

(d) ym mharagraff (3)—

(i) “baragraff (1) iddi gael ei chyhoeddi ar wefan yr awdurdod” wedi ei roi yn lle “baragraff (1) iddi fod yn agored i’w harchwilio”;

(ii) “gael ei chyhoeddi felly” wedi ei roi yn lle “fod yn agored felly”;

(iii) yn is-baragraff (a), “cyn gynted ag y bo’n rhesymol ymarferol” wedi ei roi yn lle “o’r amser y mae’r cyfarfod yn cael ei gynnull”;

(iv) y canlynol wedi ei roi yn lle is-baragraff (b)—

“(b) pan fydd eitem yn cael ei hychwanegu at agenda a gyhoeddwyd ar wefan yr awdurdod, rhaid i’r eitem (neu’r agenda diwygiedig), ac unrhyw adroddiad i’r cyfarfod sy’n ymwneud â’r eitem, gael eu cyhoeddi ar wefan yr awdurdod pan ychwanegir yr eitem at yr agenda;”;

(v) “gael eu cyhoeddi ar wefan yr awdurdod” wedi ei roi yn lle “fod yn agored i’r cyhoedd eu harchwilio”;

(e) ym mharagraff (4)(a)(2)—

(i) “wedi ei gyhoeddi ar wefan yr awdurdod” wedi ei roi yn lle “yn agored i aelodau o’r cyhoedd ei archwilio”;

(ii) ym mharagraff (i), “am” wedi ei hepgor;

(iii) ym mharagraff (ii), “cyn gynted ag y bo’n rhesymol ymarferol” wedi ei roi yn lle “o’r amser y bydd y cyfarfod yn cael ei gynnull”;

(f) ym mharagraff (5)—

(i) “wedi ei gyhoeddi ar wefan yr awdurdod” wedi ei roi yn lle “yn agored i’r cyhoedd ei archwilio”;

(ii) “, neu y byddent yn debygol o’u gwahardd o’i herwydd yn rhinwedd rheoliad 4(3)” wedi ei fewnosod ar ôl “yn ymwneud â hi”;

(g) paragraffau (6) i (8) wedi eu hepgor.

(5) Mae’r Rheoliadau i’w darllen fel pe bai’r canlynol wedi ei roi yn lle rheoliad 8—

“Archwilio dogfennau yn dilyn penderfyniadau gweithrediaeth

8.— (1) Mae paragraffau (2), (3) a (6) yn gymwys mewn perthynas â chyfarfodydd a gynhaliwyd, a phenderfyniadau gweithrediaeth a wnaed (boed mewn cyfarfod neu beidio), cyn i Reoliadau Awdurdodau Lleol (Coronafeirws) (Cyfarfodydd) (Cymru) 2020 ddod i rym.

(2) Ar ôl cyfarfod corff penderfynu lle mae penderfyniad gweithrediaeth wedi ei wneud neu ar ôl i aelod unigol wneud penderfyniad gweithrediaeth, rhaid i’r swyddog priodol sicrhau y bydd copi—

(a) o unrhyw ddatganiadau ysgrifenedig a baratowyd yn unol â rheoliad 6 neu 7; a

(b) o unrhyw adroddiad a ystyriwyd yn y cyfarfod neu, yn ôl fel y digwydd, a ystyriwyd gan yr aelod unigol, sef adroddiad sy’n berthnasol i benderfyniad sy’n cael ei gofnodi yn unol â rheoliad 6 neu 7 neu, pan nad oes ond rhan o’r adroddiad yn berthnasol i’r penderfyniad hwnnw, y rhan honno,

cyn belled ag y bo’n rhesymol ymarferol, yn cael ei ddarparu ar gais i aelod o’r cyhoedd.

(3) Caiff prif gyngor godi ffi resymol am ddarparu dogfen o dan baragraff (2).

(4) Mae paragraffau (5) a (6) yn gymwys mewn perthynas â chyfarfodydd a gynhaliwyd, a phenderfyniadau gweithrediaeth a wnaed (boed mewn cyfarfod neu beidio), ar ôl i Reoliadau Awdurdodau Lleol (Coronafeirws) (Cyfarfodydd) (Cymru) 2020 ddod i rym.

(5) Ar ôl cyfarfod corff penderfynu lle mae penderfyniad gweithrediaeth wedi ei wneud neu ar ôl i aelod unigol wneud penderfyniad gweithrediaeth, rhaid i’r swyddog priodol sicrhau y bydd copi—

(a) o unrhyw ddatganiadau ysgrifenedig a baratowyd yn unol â rheoliad 6 neu 7; a

(b) o unrhyw adroddiad a ystyriwyd yn y cyfarfod neu, yn ôl fel y digwydd, a ystyriwyd gan yr aelod unigol, sef adroddiad sy’n berthnasol i benderfyniad sy’n cael ei gofnodi yn unol â rheoliad 6 neu 7 neu, pan nad oes ond rhan o’r adroddiad yn berthnasol i’r penderfyniad hwnnw, y rhan honno,

yn cael ei gyhoeddi, cyn belled ag y bo’n rhesymol ymarferol, ar wefan yr awdurdod lleol perthnasol.

(6) Rhaid peidio â chymryd bod unrhyw beth yn y rheoliad hwn yn awdurdodi swyddog priodol i ddatgelu gwybodaeth esempt neu gyfrinachol neu’n ei gwneud yn ofynnol iddo ei datgelu.”

(6) Mae’r Rheoliadau i’w darllen fel pe bai rheoliad 9 wedi ei hepgor.

(7) Mae rheoliad 10 i’w ddarllen fel pe bai—

(a) ym mharagraff (1)—

(i) “i’r graddau y mae’n rhesymol ymarferol, gael ei darparu ar gais i unrhyw aelod o’r awdurdod lleol” wedi ei roi yn lle “fod yn agored i unrhyw aelod o’r awdurdod lleol ei harchwilio”;

(ii) “pan ddaw’r cyfarfod i ben” wedi ei hepgor;

(iii) “cyn gynted ag y bo’n rhesymol ymarferol” wedi ei roi yn lle “yn union”;

(b) “yn cael ei darparu” wedi ei roi yn lle “ar gael i’w harchwilio”, ym mhob lle y mae’n digwydd.

(8) Mae rheoliad 13 i’w ddarllen fel pe bai—

(a) paragraffau (1) a (2) wedi eu hepgor;

(b) ym mharagraff (3)—

(i) “Nid yw darpariaethau yn y Rheoliadau hyn sy’n ei gwneud yn ofynnol i ddogfennau gael eu cyhoeddi neu eu darparu” wedi ei roi yn lle “Nid yw paragraff (2)”;

(ii) “â’r darpariaethau hynny” wedi ei roi yn lle “â’r paragraff hwnnw”;

(c) ym mharagraff (4), “Pan fydd y Rheoliadau hyn yn ei gwneud yn ofynnol i unrhyw ddogfen gael ei chyhoeddi ar wefan awdurdod neu ei darparu i aelodau o’r cyhoedd,” wedi ei roi yn lle’r geiriau o “Pan fydd unrhyw ddogfen” hyd at ddiwedd is-baragraff (b);

(d) ym mharagraff (5)—

(i) “yn ei gwneud yn ofynnol iddo gael ei ddarparu i aelod o’r cyhoedd ar gais” wedi ei roi yn lle “yn ei gwneud yn ofynnol iddo fod ar gael i aelodau o’r cyhoedd ei archwilio”;

(ii) “rhaid ei ddarparu ar gais” wedi ei roi yn lle “rhaid trefnu iddo fod ar gael i’w archwilio gan y cyhoedd”;

(e) y canlynol wedi ei fewnosod ar ôl paragraff (5)—

“(5A) Rhaid i unrhyw beth a gyhoeddir yn electronig o dan reoliad 8 gael ei gadw gan yr awdurdod lleol a rhaid iddo barhau i fod ar gael yn electronig i aelodau o’r cyhoedd.”;

(f) ym mharagraff (6)—

(i) “y byddai rheoliad 9 yn ei gwneud yn ofynnol iddynt fod ar gael i aelodau o’r cyhoedd eu harchwilio, oni bai am reoliad 23(6) o Reoliadau Awdurdodau Lleol (Coronafeirws) (Cyfarfodydd) (Cymru) 2020, gael eu cadw gan yr awdurdod lleol” wedi ei roi yn lle “y mae rheoliad 9 yn ei gwneud yn ofynnol iddynt fod ar gael i aelodau o’r cyhoedd eu harchwilio gael eu cadw gan yr awdurdod lleol”;

(ii) “a bod ar gael i’w harchwilio gan y cyhoedd” wedi ei hepgor.

(9) Mae’r Rheoliadau i’w darllen fel pe bai rheoliad 14 wedi ei hepgor.

(1)

O.S. 2001/2290 (Cy. 178).

(2)

Amnewidwyd paragraff (4) gan reoliad 2(2) o Reoliadau Awdurdodau Lleol (Trefniadau Gweithrediaeth) (Penderfyniadau, Dogfennau a Chyfarfodydd) (Cymru) (Diwygio) 2002 (O.S. 2002/1385 (Cy. 135)).