- Y Diweddaraf sydd Ar Gael (Diwygiedig) - Saesneg
- Y Diweddaraf sydd Ar Gael (Diwygiedig) - Cymraeg
- Gwreiddiol (Fel y'i Gwnaed) - Saesneg
- Gwreiddiol (Fel y'i Gwnaed) - Cymraeg
Dyma’r fersiwn wreiddiol (fel y’i gwnaed yn wreiddiol). Dim ond ar ei ffurf wreiddiol y mae’r eitem hon o ddeddfwriaeth ar gael ar hyn o bryd.
Offerynnau Statudol Cymru
Pensiynau Gwasanaethau Cyhoeddus, Cymru
Gwnaed
9 Mai 2018
Gosodwyd gerbron Cynulliad Cenedlaethol Cymru
10 Mai 2018
Yn dod i rym
1 Mehefin 2018
Mae Gweinidogion Cymru yn gwneud y Rheoliadau hyn drwy arfer y pwerau a roddir gan adrannau 1(1) a (2)(f)(1), 2(1), 3(1) i (3) a 18(5)(a) a (6) o Ddeddf Pensiynau’r Gwasanaethau Cyhoeddus 2013(2) ac Atodlenni 2 (paragraff 6(b)) a 3 (paragraffau 1 i 4) iddi.
Yn unol ag adran 21 o’r Ddeddf honno, mae Gweinidogion Cymru wedi ymgynghori â chynrychiolwyr y personau hynny y mae’n ymddangos yn debygol i Weinidogion Cymru y bydd y Rheoliadau hyn yn effeithio arnynt.
1.—(1) Enw’r Rheoliadau hyn yw Rheoliadau Cynllun Pensiwn y Diffoddwyr Tân (Cymru) (Diwygio) 2018.
(2) Daw’r Rheoliadau hyn i rym ar 1 Mehefin 2018.
(3) Yn ddarostyngedig i baragraff (4), mae’r diwygiadau a wneir gan y Rheoliadau hyn yn cael effaith o 1 Ebrill 2015 ymlaen.
(4) Mae’r diwygiadau a wneir gan reoliad 8(3) yn cael effaith o 1 Mehefin 2018 ymlaen.
2. Mae Rheoliadau Cynllun Pensiwn y Diffoddwyr Tân (Cymru) 2015(3) sy’n sefydlu Cynllun Pensiwn y Diffoddwyr Tân (Cymru) 2015 wedi eu diwygio yn unol â rheoliadau 3 i 8.
3. Yn Rhan 3 (aelodaeth o’r cynllun), yn nhestun Saesneg rheoliad 30 (aelod â chredyd pensiwn), yn lle “WPRA 1999” rhodder “WRPA 1999”(4).
4. Yn Rhan 5 (buddion ymddeol), yn rheoliad 80A(5) (opsiwn i gymudo rhan o swm cyfwerth), ar ôl paragraff (3) mewnosoder—
“(4) Pan fo hawl gan y person i gael taliad ar unwaith o swm cyfwerth â phensiwn afiechyd haen isaf Cynllun 1992 ac yntau’n arfer yr opsiwn i gymudo o dan y rheoliad hwn, cyfrifir y cyfandaliad yn unol â rheol B7 (cymudo – darpariaeth gyffredinol) o Gynllun 1992.”
5.—(1) Mae Rhan 6 (buddion marwolaeth) wedi ei diwygio fel a ganlyn.
(2) Yn rheoliad 87(1) (pensiwn sy’n daladwy i bartner sy’n goroesi, ar farwolaeth aelod actif) yn lle “gyda mwy na thri” rhodder “gydag o leiaf dri”.
(3) Yn rheoliad 101(3) a (4) (pensiwn profedigaeth: plentyn cymwys), yn lle “pensiwn partner sy’n goroesi”, ym mhob lle y mae’r geiriau’n digwydd, rhodder “pensiwn plentyn cymwys”.
6.—(1) Mae Rhan 8 (cyfraniadau) wedi ei diwygio fel a ganlyn.
(2) Yn rheoliad 120(2) (cyfraniadau yn ystod absenoldeb o’r gwaith oherwydd salwch, anaf, anghydfod undebol neu absenoldeb awdurdodedig), ar ôl “hwnnw” mewnosoder “wneud dewisiad i”.
(3) Yn rheoliad 128(5) (ad-dalu cyfraniad ychwanegol cyflogwr ar gyfer dyfarniad afiechyd, yn dilyn adolygiad) ar ôl “mewn cysylltiad â P” yn y lle cyntaf y mae’r geiriau hynny’n digwydd, mewnosoder “o’r dyddiad pan ddaeth yr hawlogaeth i ben”.
7. Yn Rhan 9 (cronfa bensiwn y diffoddwyr tân), yn nhestun Saesneg rheoliad 137(2)(b) (diffygion gwirioneddol), ar ôl “must repay it” mewnosoder “to”.
8.—(1) Mae Atodlen 2 wedi ei diwygio fel a ganlyn.
(2) Yn Rhan 3A(6) (talu buddion afiechyd i aelodau trosiannol)—
(a)ym mharagraff 22(2)(a), ar ôl “reol 2” mewnosoder “o Ran 3”; a
(b)ym mharagraff 25(2), yn lle “B1A(3)(i)” yn y ddau le y mae’n digwydd rhodder “B1A(3)(a)”.
(3) Yn Rhan 3C(7) (darpariaethau trosiannol mewn perthynas ag CPNDT a Chynllun 1992)—
(a)ym mharagraff 37—
(i)yn lle’r pennawd “Rheolwr cynllun yn penderfynu nad oes gan aelod o CPNDT hawl i ddyfarniad afiechyd” rhodder “Awdurdod yn penderfynu a oes hawlogaeth gan aelod o CPNDT i gael dyfarniad afiechyd”;
(ii)yn is-baragraff (2), yn lle “Os yw’r paragraff hwn yn gymwys” rhodder “Os yw’r awdurdod yn penderfynu wedi hynny nad oes hawl gan yr aelod o CPNDT i gael dyfarniad afiechyd”; a
(iii)ar ôl is-baragraff (2) mewnosoder—
“(3) Os yw’r awdurdod yn penderfynu wedi hynny bod hawl gan yr aelod o CPNDT i gael dyfarniad afiechyd—
(a)nid yw’r aelod yn ymuno â’r cynllun hwn;
(b)mae’r aelod yn parhau i fod yn aelod o CPNDT; ac
(c)mae’r dyfarniad afiechyd yn daladwy o dan reol 2 o Ran 3 (dyfarndal yn sgil ymddeoliad oherwydd afiechyd) o CPNDT.”; a
(b)ym mharagraff 38—
(i)yn lle’r pennawd “Rheolwr cynllun yn penderfynu nad oes gan aelod o Gynllun 1992 hawl i ddyfarniad afiechyd” rhodder “Awdurdod yn penderfynu a oes hawlogaeth gan aelod o Gynllun 1992 i gael dyfarniad afiechyd”;
(ii)yng ngeiriau agoriadol is-baragraff (2), yn lle “Os yw’r paragraff hwn yn gymwys” rhodder “Os yw’r awdurdod yn penderfynu wedi hynny nad oes hawl gan yr aelod o Gynllun 1992 i gael dyfarniad afiechyd,”;
(iii)yn is-baragraff (2)(b), yn lle “H2A (apelau yn erbyn barn sy’n seiliedig ar gyngor meddygol)” rhodder “H2 (apêl yn erbyn barn ar fater meddygol)”; a
(iv)ar ôl is-baragraff (2) mewnosoder—
“(3) Os yw’r awdurdod yn penderfynu wedi hynny bod hawl gan yr aelod o Gynllun 1992 i gael dyfarniad afiechyd—
(a)nid yw’r aelod yn ymuno â’r cynllun hwn;
(b)mae’r aelod yn parhau i fod yn aelod o Gynllun 1992; ac
(c)mae’r dyfarniad afiechyd yn daladwy o dan reol B3 (dyfarniadau afiechyd) o Gynllun 1992.”
9. Yn y rhaglith i Reoliadau Cynllun Pensiwn y Diffoddwyr Tân (Cymru) (Darpariaethau Trosiannol a Chanlyniadol) 2015(8) hepgorer “(6) a (7),”.
Alun Davies
Ysgrifennydd y Cabinet dros Lywodraeth Leol a Gwasanaethau Cyhoeddus, un o Weinidogion Cymru
9 Mai 2018
(Nid yw’r nodyn hwn yn rhan o’r Rheoliadau)
Mae’r Rheoliadau hyn yn diwygio Rheoliadau Cynllun Pensiwn y Diffoddwyr Tân (Cymru) 2015 (“Rheoliadau 2015”) a oedd yn sefydlu cynllun ar gyfer talu pensiynau a buddion eraill i ddiffoddwyr tân yng Nghymru o 1 Ebrill 2015 ymlaen.
Mae rheoliadau 3, 5, 6, 7 ac 8(2) yn gwneud mân ddiwygiadau i egluro darpariaethau Rheoliadau 2015.
Mae rheoliad 4 yn diwygio rheoliad 80A o Reoliadau 2015 i egluro sut y dylid cyfrifo’r cyfandaliad pan fo hawl gan aelod i gael taliad ar unwaith o swm cyfwerth â’r pensiwn afiechyd haen isaf yng Nghynllun Pensiwn y Dynion Tân (Cymru) 1992 (a nodir yn Atodlen 2 i Orchymyn Cynllun Pensiwn y Dynion Tân 1992) ac yntau’n arfer yr opsiwn i gymudo rhan o’r pensiwn am gyfandaliad.
Mae rheoliad 8(3) yn diwygio paragraffau 37 a 38 o Atodlen 2 i Reoliadau 2015 er mwyn darparu ar gyfer y trefniadau trosiannol mewn achos pan fo’r awdurdod yn penderfynu cael barn ysgrifenedig ymarferydd meddygol cymwysedig annibynnol (ymarferydd meddygol fel y’i diffinnir yn Rheoliadau 2015) cyn penderfynu ynghylch hawlogaeth aelod i gael dyfarniad afiechyd ac nad yw’r penderfyniad wedi ei wneud cyn dyddiad trosiant yr aelod. Mae’r diwygiadau yn darparu bod aelodau y rhoddir dyfarniad afiechyd iddynt wedi hynny yn parhau yn eu cynllun pensiwn presennol.
Mae rheoliad 9 yn cywiro mân wall yn Rheoliadau Cynllun Pensiwn y Diffoddwyr Tân (Cymru) (Darpariaethau Trosiannol a Chanlyniadol) 2015.
Mae’r diwygiadau a wneir gan y Rheoliadau yn cael effaith o 1 Ebrill 2015 ymlaen, ac eithrio’r rhai a wneir gan reoliad 8(3) sy’n cael effaith o 1 Mehefin 2018 ymlaen.
Ystyriwyd Cod Asesiadau Effaith Rheoleiddiol Gweinidogion Cymru ar Is-ddeddfwriaeth mewn perthynas â’r Rheoliadau hyn. O ganlyniad, ystyriwyd nad oedd yn angenrheidiol cynnal asesiad effaith rheoleiddiol o’r costau a’r manteision sy’n debygol o ddeillio o gydymffurfio â’r Rheoliadau hyn.
Gweler hefyd adran 1(3) ac Atodlen 1.
O.S. 2015/622 (Cy. 50), a ddiwygiwyd gan O.S. 2015/1016 (Cy. 71).
Ystyr “WRPA 1999” yw Deddf Diwygio Lles a Phensiynau 1999 (p. 30); gweler rheoliad 3 o O.S. 2015/622 (Cy. 50).
Mewnosodwyd rheoliad 80A gan reoliad 2 o O.S. 2015/1016 (Cy. 71) a pharagraff 5(f) o Atodlen 1 iddo.
Mewnosodwyd Rhan 3A gan reoliad 2 o O.S. 2015/1016 (Cy. 71), a pharagraff 7(d) o Atodlen 1 iddo.
Mewnosodwyd Rhan 3C gan reoliad 2 o O.S. 2015/1016 (Cy. 71), a pharagraff 7(d) o Atodlen 1 iddo.
Y Diweddaraf sydd Ar Gael (diwygiedig):Y fersiwn ddiweddaraf sydd ar gael o’r ddeddfwriaeth yn cynnwys newidiadau a wnaed gan ddeddfwriaeth ddilynol ac wedi eu gweithredu gan ein tîm golygyddol. Gellir gweld y newidiadau nad ydym wedi eu gweithredu i’r testun eto yn yr ardal ‘Newidiadau i Ddeddfwriaeth’. Dim ond yn Saesneg y mae’r fersiwn ddiwygiedig ar gael ar hyn o bryd.
Gwreiddiol (Fel y’i Deddfwyd neu y’i Gwnaed) - Saesneg: Mae'r wreiddiol Saesneg fersiwn y ddeddfwriaeth fel ag yr oedd pan gafodd ei deddfu neu eu gwneud. Ni wnaed unrhyw newidiadau i’r testun.
Gwreiddiol (Fel y’i Deddfwyd neu y’i Gwnaed)-Cymraeg:Y fersiwn Gymraeg wreiddiol o’r ddeddfwriaeth fel yr oedd yn sefyll pan gafodd ei deddfu neu ei gwneud. Ni wnaed unrhyw newidiadau i’r testun.
Gallwch wneud defnydd o ddogfennau atodol hanfodol a gwybodaeth ar gyfer yr eitem ddeddfwriaeth o’r tab hwn. Yn ddibynnol ar yr eitem ddeddfwriaeth sydd i’w gweld, gallai hyn gynnwys:
Defnyddiwch y ddewislen hon i agor dogfennau hanfodol sy’n cyd-fynd â’r ddeddfwriaeth a gwybodaeth am yr eitem hon o ddeddfwriaeth. Gan ddibynnu ar yr eitem o ddeddfwriaeth sy’n cael ei gweld gall hyn gynnwys:
liciwch ‘Gweld Mwy’ neu ddewis ‘Rhagor o Adnoddau’ am wybodaeth ychwanegol gan gynnwys