Deddf Rhentu Cartrefi (Cymru) 2016

RHAN 3 CONTRACTAU SAFONOL CYFNOD PENODOL

TABL 5

DARPARIAETH SYLFAENOL	NATUR Y DDARPARIAETH	NODIADAU
Adran 31	Rhaid i landlord (“L”) roi datganiad ysgrifenedig o gontract meddiannaeth i ddeiliad contract (“D-C”)
Adrannau 39 a 40	Rhaid i L roi enw a chyfeiriad L i D-C ynghyd â gwybodaeth arall
Adran 41	Rhaid i hysbysiadau a dogfennau fod mewn ysgrifen
Adrannau 43 a 45	Talu blaendaliadau etc. a’r gofyniad bod L yn defnyddio cynllun blaendal awdurdodedig	Rhaid ymgorffori adran 45 heb ei haddasu.
Adran 49	Caniateir i D-C, gyda chydsyniad L, ychwanegu cyd D-C
Adran 52	Hawliau cyd D-C pan fydd cyd D-C arall yn marw neu’n gadael y contract fel arall	Rhaid ei hymgorffori heb ei haddasu.
Adran 54	Rhaid i L beidio ag ymyrryd â hawl D-C i feddiannu’r annedd
Adran 55	Ymddygiad gwrthgymdeithasol ac ymddygiad gwaharddedig arall	Rhaid ei hymgorffori heb ei haddasu.
Adran 57	Ni chaniateir i D-C ddelio â’r contract meddiannaeth ond mewn ffyrdd cyfyngedig
Adran 88	Caniateir i D-C osod tâl digolledu y mae L yn atebol i’w dalu o dan adran 87 yn erbyn rhent D-C
Adrannau 91 i 93 a 95 i 99	Rhwymedigaethau L i gadw annedd mewn cyflwr da etc.	Nid yw’n gymwys i gontractau safonol cyfnod penodol a wneir am gyfnod o saith mlynedd neu ragor.
Adrannau 134 i 136	Pryd a sut y caniateir amrywio contract	Rhaid ymgorffori adrannau 134(1)(b) a (2) a 135 heb eu haddasu. Nid yw adran 135(2)(k) ond yn gymwys os oes gan gontract gymal terfynu deiliad y contract (gweler adran 189).
Adran 145	Hawl L i wahardd D-C dros dro o lety â chymorth	Ond yn gymwys i gontractau safonol â chymorth (gweler adran 143).
Adrannau 148 i 150	Darpariaeth gyffredinol yn ymwneud â therfynu contract	Rhaid ymgorffori adrannau 148 a 149 heb eu haddasu.
Adrannau 152 i 155	Terfynu heb hawliad meddiant	Rhaid ymgorffori adran 155 (marwolaeth D-C) heb ei haddasu (ond nid i gontractau safonol cyfnod penodol sy’n cynnwys y ddarpariaeth a grybwyllir yn adran 139(1)).
Adrannau 157 i 159	Terfynu gan L ar sail tor contract	Rhaid ymgorffori adran 158 (cymell L i wneud contract drwy ddatganiad ffug) heb ei haddasu.
Adrannau 160 a 161 a Rhan 1 o Atodlen 8	Terfynu gan L ar sail rheoli ystad
Adran 186	Terfynu drwy hysbysiad a roddir gan L mewn cysylltiad â diwedd cyfnod y contract	Nid yw is-adrannau (2) a (4) o adran 186 yn gymwys i gontract nad yw’n ymgorffori is-adran (1), neu i gontract sydd o fewn Atodlen 9. Os yw contract yn ymgorffori is-adran (1) ac nad yw o fewn Atodlen 9, rhaid ymgorffori is-adrannau (2) a (4) heb eu haddasu.
Adrannau 187 a 188	Terfynu gan L ar sail ôl-ddyledion rhent difrifol
Adrannau 190 i 193	Terfynu drwy hysbysiad a roddir gan D-C o dan gymal terfynu deiliad y contract	Nid yw ond yn gymwys os yw’r contract yn cynnwys cymal terfynu deiliad y contract.
Adrannau 195 i 201	Terfynu drwy hysbysiad a roddir gan L o dan gymal terfynu’r landlord	Nid yw ond yn gymwys os yw’r contract yn cynnwys cymal terfynu’r landlord. Nid yw adran 196 ychwaith yn gymwys i gontract sydd o fewn Atodlen 9. Os oes gan gontract gymal terfynu’r landlord ac nad yw o fewn Atodlen 9, rhaid ymgorffori adran 196 heb ei haddasu. Os yw’r contract yn cynnwys cymal terfynu’r landlord, rhaid ymgorffori adran 196 (torri’r rheolau blaendal) heb ei haddasu.
Adran 206	Effaith gorchymyn adennill meddiant
Adran 231	Terfynu contract sydd â chyd D-C