Adran 143 - Contract safonol â chymorth a llety â chymorth
347.Mae’r adran hon yn diffinio ‘contractau safonol â chymorth’ a ‘llety â chymorth’. Llety â chymorth yw llety a ddarperir gan landlord cymunedol neu elusen gofrestredig, lle y darperir gwasanaethau cymorth i ddeiliad y contract mewn cysylltiad â’r llety. Mae is-adran (4) yn diffinio ‘gwasanaethau cymorth’ fel rhai sy’n cynnwys cymorth i oresgyn dibyniaeth, i ddod o hyd i gyflogaeth ac i fyw’n annibynnol. Mae is-adran (5) yn diffinio ‘cymorth’ fel rhywbeth sy’n cynnwys cyngor a hyfforddiant.
