Adran 40 – Cyhoeddi etc. hysbysiad o dan Ran 5
118.Mae’r adran hon yn ei gwneud yn ofynnol i CCAUC roi copi o unrhyw hysbysiad y mae’n ei roi o dan Ran 5 i Weinidogion Cymru a chyhoeddi’r hysbysiad. Caiff rheoliadau a wneir gan Weinidogion Cymru wneud darpariaeth ynghylch y ffordd y mae rhaid i CCAUC roi copi o’r hysbysiad i Weinidogion Cymru a chyhoeddi’r hysbysiad, ac ynghylch pryd y mae rhaid iddo wneud hynny. Gallai rheoliadau gynnwys gofyniad i CCAUC ddarparu copi o’r hysbysiad i Weinidogion Cymru o fewn cyfnod penodedig o amser ar ôl ei roi i sefydliad. Gallai rheoliadau hefyd ei gwneud yn ofynnol i CCAUC gyhoeddi’r hysbysiad ar wefan neu mewn papur newydd.
