Rheoliadau Addysg (Cymorth i Fyfyrwyr) (Diwygiadau Amrywiol) (Cymru) 2021

RHAN 2 GRANTIAU MYFYRWYR ANABL

PENNOD 1 DIWYGIADAU I REOLIADAU ADDYSG (CYMORTH I FYFYRWYR) (CYMRU) 2017

Diwygiadau i Reoliadau Addysg (Cymorth i Fyfyrwyr) (Cymru) 2017

2.   Mae Rheoliadau Addysg (Cymorth i Fyfyrwyr) (Cymru) 2017(1) wedi eu diwygio yn unol â rheoliadau 3 i 7.

3.   Yn rheoliad 24 (grantiau at gostau byw myfyrwyr anabl)—

(a) yn lle paragraff (3) rhodder—

“(3) Rhaid i swm y grant at gostau byw myfyrwyr anabl beidio â bod yn fwy na’r canlynol—

(a) £31,831 mewn perthynas â blwyddyn academaidd at wariant ar gynorthwyydd personol anfeddygol, eitemau mawr o offer arbenigol ac unrhyw wariant arall y mae’r myfyriwr cymwys yn mynd iddo mewn cysylltiad â’r cwrs oherwydd anabledd y myfyriwr (ar wahân i’r gwariant a bennir yn is-baragraff (b)); a

(b) y gwariant ychwanegol yr eir iddo—

(i) yn y Deyrnas Unedig at ddiben bod yn bresennol yn y sefydliad; a

(ii) yn y Deyrnas Unedig neu’r tu allan iddi at ddiben bod yn bresennol, fel rhan o gwrs y myfyriwr cymwys, ar unrhyw gyfnod astudio mewn sefydliad tramor neu at ddiben bod yn bresennol yn yr Athrofa.”;

(b) ym mharagraff (6), yn lle “baragraffau (7) ac (8)” rhodder “baragraff (8)”;

(c) hepgorer paragraff (7);

(d) ym mharagraff (8), yn lle “mharagraff (3)(a), (c) a (d), mewn perthynas â’r chwarteri hynny sy’n dechrau ar ôl i’r digwyddiad perthnasol ddigwydd” rhodder “mharagraff (3)(a) a (b) mewn perthynas â’r flwyddyn academaidd o’r dyddiad y mae’r digwyddiad perthnasol a restrir yn rheoliad 23(12) yn digwydd”.

4.   Yn rheoliad 71 (grant at gostau byw myfyrwyr dysgu o bell anabl)—

(a) yn lle paragraff (8) rhodder—

“(8) Rhaid i swm y grant o dan y rheoliad hwn beidio â bod yn fwy na’r canlynol—

(a) £31,831 mewn perthynas â blwyddyn academaidd at wariant ar gynorthwyydd personol anfeddygol, eitemau mawr o offer arbenigol ac unrhyw wariant arall y mae’r myfyriwr dysgu o bell cymwys yn mynd iddo mewn cysylltiad â’r cwrs oherwydd anabledd y myfyriwr (ar wahân i’r gwariant a bennir yn is-baragraff (b)); a

(b) y gwariant ychwanegol yr eir iddo—

(i) yn y Deyrnas Unedig at ddiben bod yn bresennol yn y sefydliad; a

(ii) yn y Deyrnas Unedig neu’r tu allan iddi at ddiben bod yn bresennol, fel rhan o gwrs y myfyriwr dysgu o bell cymwys, ar unrhyw gyfnod astudio mewn sefydliad tramor neu at ddiben bod yn bresennol yn yr Athrofa.”;

(b) ym mharagraff (9), yn lle “baragraffau (10) ac (11)” rhodder “baragraff (11)”;

(c) hepgorer paragraff (10);

(d) ym mharagraff (11), yn lle “mharagraff (8)(a), (c) a (d) mewn perthynas â’r chwarteri hynny sy’n dechrau ar ôl i’r digwyddiad perthnasol yn rheoliad 65(4) ddigwydd” rhodder “mharagraff (8)(a) a (b) mewn perthynas â’r flwyddyn academaidd o’r dyddiad y mae’r digwyddiad perthnasol a restrir yn rheoliad 65(4) yn digwydd”.

5.   Yn rheoliad 88 (grantiau at gostau byw myfyrwyr rhan-amser anabl)—

(a) yn lle paragraff (3) rhodder—

“(3) Rhaid i swm y grant beidio â bod yn fwy na’r canlynol—

(a) £31,831 mewn perthynas â blwyddyn academaidd at wariant ar gynorthwyydd personol anfeddygol, eitemau mawr o offer arbenigol ac unrhyw wariant arall y mae’r myfyriwr rhan-amser cymwys yn mynd iddo mewn cysylltiad â’r cwrs oherwydd anabledd y myfyriwr (ar wahân i’r gwariant a bennir yn is-baragraff (b)); a

(b) y gwariant ychwanegol yr eir iddo—

(i) yn y Deyrnas Unedig at ddiben bod yn bresennol yn y sefydliad; a

(ii) yn y Deyrnas Unedig neu’r tu allan iddi at ddiben bod yn bresennol, fel rhan o gwrs y myfyriwr rhan-amser cymwys, ar unrhyw gyfnod astudio mewn sefydliad tramor neu at ddiben bod yn bresennol yn yr Athrofa.”;

(b) ym mharagraff (4), yn lle “baragraffau (5) a (6)” rhodder “baragraff (6)”;

(c) hepgorer paragraff (5);

(d) ym mharagraff (6), yn lle “mharagraff (3)(a), (c) a (d) mewn perthynas â’r chwarteri hynny sy’n dechrau ar ôl i’r digwyddiad perthnasol yn rheoliad 82(4) ddigwydd” rhodder “mharagraff (3)(a) a (b) mewn perthynas â’r flwyddyn academaidd o’r dyddiad y mae’r digwyddiad perthnasol a restrir yn rheoliad 82(4) yn digwydd”.

6.   Yn rheoliad 110 (myfyrwyr ôl-raddedig cymwys), ym mharagraff (8), yn lle “117(3)(c)(ii)” rhodder “117(2)(b)(ii)”.

7.   Yn rheoliad 117 (swm y grant)—

(a) yn lle paragraff (2) rhodder—

“(2) Rhaid i’r grant beidio â bod yn fwy na’r canlynol—

(a) £31,831 mewn perthynas â gwariant ar gynorthwyydd personol anfeddygol, eitemau mawr o offer arbenigol ac unrhyw wariant arall y mae’r myfyriwr ôl-raddedig cymwys yn mynd iddo mewn cysylltiad â’r cwrs oherwydd anabledd y myfyriwr; a

(b) y gwariant ychwanegol yr eir iddo—

(i) yn y Deyrnas Unedig at ddiben bod yn bresennol yn y sefydliad;

(ii) yn y Deyrnas Unedig neu’r tu allan iddi at ddiben bod yn bresennol, fel rhan o’r cwrs, ar unrhyw gyfnod o astudio mewn sefydliad tramor neu at ddibenion bod yn bresennol yn yr Athrofa.”;

(b) yn lle paragraff (3) rhodder—

“(3) At ddibenion y Rhan hon, ystyr y “mathau o wariant cymwys” yw’r gwariant a ddisgrifir ym mharagraff (2)(a) a (b).”;

(c) ym mharagraff (4), yn lle “baragraffau (5) a (6)” rhodder “baragraff (6)”;

(d) hepgorer paragraff (5);

(e) ym mharagraff (6), yn lle “at y dibenion a bennir ym mharagraff (3)(a) ac (c) mewn perthynas â’r chwarteri hynny sy’n dechrau ar ôl i’r digwyddiad perthnasol ddigwydd” rhodder “at y dibenion a bennir ym mharagraff (2)(a) a (b) mewn perthynas â’r flwyddyn academaidd o’r dyddiad y mae’r digwyddiad perthnasol a restrir yn rheoliad 111(2) yn digwydd”.

PENNOD 2 DIWYGIADAU I REOLIADAU ADDYSG (CYMORTH I FYFYRWYR) (CYMRU) 2018

Diwygiadau i Reoliadau Addysg (Cymorth i Fyfyrwyr) (Cymru) 2018

8.   Mae Rheoliadau Addysg (Cymorth i Fyfyrwyr) (Cymru) 2018(2) wedi eu diwygio yn unol â rheoliadau 9 i 12.

9.   Yn rheoliad 63 (swm y grant myfyriwr anabl), yn lle paragraff (2) rhodder—

“(2) Yr Achosion a’r terfynau yw—

Achos 1

Gwariant sy’n ofynnol ar gynorthwyydd personol anfeddygol, eitemau mawr o offer arbenigol ac unrhyw wariant arall y mae’r myfyriwr cymwys yn mynd iddo mewn cysylltiad â’r cwrs oherwydd anabledd y myfyriwr (ar wahân i’r gwariant a bennir yn Achos 2).

Terfyn o £31,831 mewn cysylltiad â blwyddyn academaidd o gwrs.

Achos 2

Gwariant ychwanegol yr eir iddo—

(a) o fewn y Deyrnas Unedig at ddiben bod yn bresennol mewn sefydliad, a

(b) o fewn y Deyrnas Unedig neu’r tu allan iddi at ddiben bod yn bresennol, fel rhan o’r cwrs presennol, am unrhyw gyfnod o astudio mewn sefydliad tramor (gan gynnwys Sefydliad Prifysgol Llundain ym Mharis).

Wedi ei gyfyngu i’r gwariant gwirioneddol yr eir iddo at y diben hwn.”

10.   Yn rheoliad 85 (talu benthyciadau cynhaliaeth a grantiau)—

(a) ym mharagraff (3), yn lle “baragraffau (4) a (5)” rhodder “baragraff (5)”;

(b) hepgorer paragraff (4).

11.   Yn Atodlen 4 (grant myfyriwr ôl-raddedig anabl)—

(a) ym mharagraff 14(2), yn lle “chwarter neu’r chwarteri o’r flwyddyn academaidd sy’n dechrau ar ôl i’r digwyddiad perthnasol ddigwydd” rhodder “flwyddyn academaidd o’r dyddiad y mae’r digwyddiad perthnasol yn digwydd”;

(b) ym mharagraff 18(6)(d), yn lle “un o’r dibenion” rhodder “math o wariant”;

(c) ym mharagraff 20—

(i) yn lle is-baragraff (1) rhodder—

“(1) Swm y grant myfyriwr ôl-raddedig anabl sy’n daladwy i fyfyriwr ôl-raddedig cymwys mewn cysylltiad â blwyddyn academaidd yw’r swm—

(a) y mae Gweinidogion Cymru yn meddwl ei fod yn briodol, ond

(b) nad yw’n fwy na swm cyfanredol y terfynau sy’n gymwys mewn cysylltiad â’r Achosion a restrir yn is-baragraff (2).”;

(ii) yn lle is-baragraff (2) rhodder—

“(2) Yr Achosion a’r terfynau yw—

Achos 1

Gwariant sy’n ofynnol ar gynorthwyydd personol anfeddygol, eitemau mawr o offer arbenigol ac unrhyw wariant arall y mae’r myfyriwr ôl-raddedig cymwys yn mynd iddo mewn cysylltiad â’r cwrs oherwydd anabledd y myfyriwr (ar wahân i’r gwariant a bennir yn Achos 2).

Terfyn o £31,831 mewn cysylltiad â blwyddyn academaidd o gwrs.

Achos 2

Gwariant ychwanegol yr eir iddo—

(a) o fewn y Deyrnas Unedig at ddiben bod yn bresennol mewn sefydliad, a

(b) o fewn y Deyrnas Unedig neu’r tu allan iddi at ddiben bod yn bresennol, fel rhan o’r cwrs presennol, am unrhyw gyfnod o astudio mewn sefydliad tramor (gan gynnwys Sefydliad Prifysgol Llundain ym Mharis).

Wedi ei gyfyngu i’r gwariant gwirioneddol yr eir iddo at y diben hwn.”

12.   Yn Atodlen 7 (mynegai o dermau wedi eu diffinio), yn Nhabl 16 hepgorer—

(a) ““gwariant cymwys” (mewn perthynas â grant myfyriwr ôl-raddedig anabl)” yn y golofn gyntaf, a

(b) y cofnod cyfatebol “Atodlen 4, paragraff 20(2)” yn yr ail golofn.

(1)

O.S. 2017/47 (Cy. 21), a ddiwygiwyd gan O.S. 2018/191 (Cy. 42), O.S. 2018/814 (Cy. 165), O.S. 2019/235 (Cy. 54), O.S. 2019/1094, O.S. 2019/1192 (Cy. 209), O.S. 2020/142 (Cy. 25), O.S. 2020/153 (Cy. 27), O.S. 2020/708 (Cy. 159), O.S. 2020/1302 (Cy. 287) ac O.S. 2021/9 (Cy. 4).

(2)

O.S. 2018/191 (Cy. 42), a ddiwygiwyd gan O.S. 2018/813 (Cy. 164), O.S. 2018/814 (Cy. 165), O.S. 2019/235 (Cy. 54), O.S. 2019/1094, O.S. 2019/1192 (Cy. 209), O.S. 2020/142 (Cy. 25), O.S. 2020/153 (Cy. 27), O.S. 2020/708 (Cy. 159), O.S. 2020/1302 (Cy. 287) ac O.S. 2021/9 (Cy. 4).