Gorchymyn Deddf Enillion Troseddau 2002 (Cyfeiriadau at Ymchwilwyr Ariannol Awdurdod Cyllid Cymru) (Diwygio) 2018

Offerynnau Statudol Cymru

2018 Rhif 767 (Cy. 154)

Enillion Troseddau, Cymru

Gorchymyn Deddf Enillion Troseddau 2002 (Cyfeiriadau at Ymchwilwyr Ariannol Awdurdod Cyllid Cymru) (Diwygio) 2018

Gwnaed

24 Mehefin 2018

Gosodwyd gerbron Cynulliad Cenedlaethol Cymru

28 Mehefin 2018

Yn dod i rym

20 Gorffennaf 2018

Mae Gweinidogion Cymru yn gwneud y Gorchymyn hwn drwy arfer y pwerau a roddir iddynt gan adran 453(1A) a (2) o Ddeddf Enillion Troseddau 2002(1).

Enwi, cychwyn a dehongli

1.—( 1) Enw’r Gorchymyn hwn yw Gorchymyn Deddf Enillion Troseddau 2002 (Cyfeiriadau at Ymchwilwyr Ariannol Awdurdod Cyllid Cymru) (Diwygio) 2018.

(2) Daw’r Gorchymyn hwn i rym ar 20 Gorffennaf 2018.

(3) Yn y Gorchymyn hwn ystyr “ACC” (“WRA”) yw Awdurdod Cyllid Cymru.

Diwygio Gorchymyn Deddf Enillion Troseddau 2002 (Cyfeiriadau at Ymchwilwyr Ariannol Awdurdod Cyllid Cymru) 2018

2.—( 1) Mae Gorchymyn Deddf Enillion Troseddau 2002 (Cyfeiriadau at Ymchwilwyr Ariannol Awdurdod Cyllid Cymru) 2018(2) wedi ei ddiwygio fel a ganlyn.

(2) Yn Rhan 1 (cyfeiriad at ymchwilydd ariannol achrededig sy’n aelod o staff ACC) o’r Atodlen—

(a) ym mharagraff 3, ar ôl “290(4)(c)” mewnosoder “a’r cyfeiriad yn adran 297A(6)(c)(3)”;

(b) ar ôl paragraff 3 mewnosoder—

“3A.   Adran 303C(9)(d)(4) (swyddog perthnasol at ddibenion Pennod 3A), adran 303L(5)(d) (personau penodedig - cadwad pellach o eiddo yr ymafaelwyd ynddo) ac adran 303O(2)(d) (personau penodedig - fforffedu eiddo).

3B.   Adran 303Z1(6)(5) (swyddog gorfodi at ddibenion Pennod 3B) ac adran 303Z14(3)(d) (personau penodedig at ddibenion ceisiadau fforffedu cyfrif).”;

(c) ym mharagraff 4, ar ôl “352(5)(c)” mewnosoder “, (ca) ac (cb)(6)”;

(d) ym mharagraff 5, ar ôl “353(10)(c)” mewnosoder “, (ca) ac (cb)(7)”; ac

(e) ar ôl paragraff 7 mewnosoder—

“7A.   Adran 378(3C)(c)(8) (y swyddogion priodol at ddibenion ymchwiliadau eiddo dan gadwad o dan Ran 8).

7B.   Adran 378(3E)(c) (y swyddogion priodol at ddibenion ymchwiliadau cyllid clo o dan Ran 8).”

(3) Yn Rhan 2 (cyfeiriad at ymchwilydd ariannol achrededig sy’n aelod o staff ACC ac sydd ar radd 7 neu uwch neu radd gyfatebol) o’r Atodlen—

(a) ar ôl paragraff 11 mewnosoder—

“11A.   Adran 297A(6)(c) (uwch-swyddog at ddiben rhoi hysbysiad fforffedu).

11B.   Adran 303E(4)(f)(9) (uwch-swyddog at ddibenion cymeradwyaeth ymlaen llaw i gynnal chwiliadau).

11C.   Adran 303Z2(4)(e)(10) (uwch-swyddog at ddibenion Pennod 3B).

11D.   Adran 336D(7)(h)(11) (uwch-swyddog at ddibenion adran 336A (pŵer y llys i estyn y cyfnod moratoriwm)).”; a

(b) ar ôl paragraff 13 mewnosoder—

“13A.   Adran 378(3D)(c) (uwch-swyddogion priodol at ddibenion ymchwiliadau eiddo dan gadwad o dan Ran 8).

13B.   Adran 378(3F)(c) (uwch-swyddogion priodol at ddibenion ymchwiliadau cyllid clo o dan Ran 8).”

Mark Drakeford

Ysgrifennydd y Cabinet dros Gyllid, un o Weinidogion Cymru

24 Mehefin 2018

NODYN ESBONIADOL

(Nid yw’r nodyn hwn yn rhan o’r Gorchymyn)

Mae’r Gorchymyn hwn yn diwygio Gorchymyn Deddf Enillion Troseddau 2002 (Cyfeiriadau at Ymchwilwyr Ariannol Awdurdod Cyllid Cymru) 2018 (O.S. 2018/196 (Cy. 45)) (“y Prif Orchymyn”).

Mae’r diwygiadau a wneir gan y Gorchymyn hwn yn ofynnol o ganlyniad i ddiwygiadau i Ddeddf Enillion Troseddau 2002 (p. 29) a wneir gan Ddeddf Cyllid Troseddol 2017 (p. 22).

Mae Deddf Cyllid Troseddol 2017 yn cyflwyno pwerau i Ddeddf Enillion Troseddau 2002 er mwyn ymafael yn eitemau eiddo penodol a restrir, eu cadw a’u fforffedu, ac i gloi a fforffedu arian mewn cyfrifon banc a chymdeithasau adeiladu (“y pwerau fforffedu newydd”). Cefnogir y pwerau hyn drwy greu dau gategori ymchwilio newydd yn Rhan 8 o Ddeddf Enillion Troseddau 2002 (ymchwiliad eiddo dan gadwad ac ymchwiliadau cyllid clo) (“yr ymchwiliadau newydd”). Mae’r Gorchymyn hwn yn mewnosod darpariaethau yn y Prif Orchymyn er mwyn galluogi ymchwilwyr ariannol achrededig Awdurdod Cyllid Cymru i gael mynediad at y pwerau fforffedu newydd a’r ymchwiliadau newydd, ac i bennu pa ymchwilwyr ariannol achrededig sy’n “uwch-swyddogion” at ddibenion y darpariaethau hynny. Yn ogystal, mae’r Gorchymyn hwn yn gwneud darpariaeth mewn cysylltiad â’r mynediad at bwerau chwilio yn adrannau 352 a 353 o Ddeddf Enillion Troseddau 2002. Mae cwmpas y ddarpariaeth yn y Prif Orchymyn wedi ei estyn i gynnwys yr ymchwiliadau newydd.

Mae Deddf Cyllid Troseddol 2017 yn mewnosod darpariaethau yn Rhan 7 o Ddeddf Enillion Troseddau 2002 syn caniatáu i ymchwilwyr ariannol achrededig sy’n uwch-swyddogion wneud cais i’r llys ynadon am orchymyn o dan adran 336A o Ddeddf Enillion Troseddau 2002 er mwyn estyn y cyfnod moratoriwm. Cyfnod o 31 diwrnod yw hwn sy’n digwydd pan fydd amheuaeth o wyngalchu arian wedi ei datgelu, ac yn ystod y cyfnod hwnnw ni ellir cymryd yn ganiataol bod awdurdodau gorfodi’r gyfraith yn rhoi cydsyniad i drafodiad penodol fynd yn ei flaen. Mae’r Gorchymyn hwn hefyd yn mewnosod darpariaeth yn y Prif Orchymyn er mwyn pennu pa ymchwilwyr ariannol achrededig sy’n uwch-swyddogion at ddibenion gorchymyn o dan adran 336A o Ddeddf Enillion Troseddau 2002.

Ystyriwyd Cod Ymarfer Gweinidogion Cymru ar gynnal Asesiadau Effaith Rheoleiddiol mewn perthynas â’r Gorchymyn hwn. O ganlyniad, ystyriwyd nad oedd yn angenrheidiol cynnal asesiad effaith rheoleiddiol o’r costau a’r manteision sy’n debygol o ddeillio o gydymffurfio â’r Gorchymyn hwn.

(1)

2002 p. 29. Mewnosodwyd adran 453(1A) gan adran 186(4) o Ddeddf Casglu a Rheoli Trethi (Cymru) 2016 (dccc 6).

(2)

O.S. 2018/196 (Cy. 45).

(3)

Mewnosodwyd adran 297A gan adran 65(1) o Ddeddf Plismona a Throsedd 2009 (p. 26). Fe’i diwygiwyd gan baragraff 14 o Atodlen 21 i Ddeddf Troseddu a’r Llysoedd 2013 (p. 22) ac adran 34(7) o Ddeddf Cyllid Troseddol 2017 (p. 22) (“Deddf 2017”) a pharagraff 19 o Atodlen 1 iddi.

(4)

Mewnosodwyd adrannau 303C, 303L a 303O gan adran 15 o Ddeddf 2017.

(5)

Mewnosodwyd adrannau 303Z1 a 303Z14 gan adran 16 o Ddeddf 2017.

(6)

Mewnosodwyd adran 352(5)(ca) ac (cb) gan baragraff 47 o Atodlen 5 i Ddeddf 2017.

(7)

Mewnosodwyd adran 353(10)(ca) ac (cb) gan baragraff 48 o Atodlen 5 i Ddeddf 2017.

(8)

Mewnosodwyd adran 378(3C) i (3F) gan baragraff 59 o Atodlen 5 i Ddeddf 2017.

(9)

Mewnosodwyd adran 303E gan adran 15 o Ddeddf 2017.

(10)

Mewnosodwyd adran 303Z2 gan adran 16 o Ddeddf 2017.

(11)

Mewnosodwyd adran 336D gan adran 10(4) o Ddeddf 2017.