Rheoliadau Tenantiaethau Sicr a Meddianaethau Amaethyddol Sicr (Ffurflenni) (Diwygio) (Cymru) (Rhif 2) 2014

Offerynnau Statudol Cymru

2014 Rhif 910 (Cy. 89)

Landlord A Thenant, Cymru

Rheoliadau Tenantiaethau Sicr a Meddianaethau Amaethyddol Sicr (Ffurflenni) (Diwygio) (Cymru) (Rhif 2) 2014

Gwnaed

2 Ebrill 2014

Yn dod i rym

4 Ebrill 2014

Mae Gweinidogion Cymru, drwy arfer y pwerau a roddwyd i’r Ysgrifennydd Gwladol gan adrannau 13(2) a 45(5) o Ddeddf Tai 1988(1) ac a freiniwyd(2) bellach yng Ngweinidogion Cymru i’r graddau eu bod yn arferadwy o ran Cymru, yn gwneud y Rheoliadau a ganlyn:

Enwi, cychwyn a chymhwyso

1.—( 1) Enw’r Rheoliadau hyn yw Rheoliadau Tenantiaethau Sicr a Meddianaethau Amaethyddol Sicr (Ffurflenni) (Diwygio) (Cymru) (Rhif 2) 2014.

(2) Daw’r Rheoliadau hyn i rym ar 4 Ebrill 2014.

(3) Mae’r Rheoliadau hyn yn gymwys mewn perthynas â mangreoedd yng Nghymru.

Diwygio Ffurflenni Rhagnodedig Cymraeg

2.   Yn yr Atodlen i Reoliadau Tenantiaethau Sicr a Meddianaethau Amaethyddol Sicr (Ffurflenni) 1997 (Ffurflenni a ragnodir at ddibenion Rhan I o Ddeddf Tai 1988)(3)—

(a) ym mharagraff 2 o destun Cymraeg y Canllawiau i Ffurflen 4D (hysbysiad landlord yn cynnig rhent newydd ar gyfer tenantiaeth gyfnodol sicr mangreoedd yng Nghymru)(4) hepgorer o “Dylech hefyd hysbysu” i “yn hawlio budd-dal” ac yn ei le rhodder—

“Mae’n ofynnol i chi hefyd hysbysu’r swyddfa Budd-daliadau Tai yn eich awdurdod lleol os ydych yn hawlio Budd-dal neu’r Adran Gwaith a Phensiynau os ydych yn hawlio Credyd Cynhwysol. Mae gwefan Gov.UK yn rhoi cyngor pellach: https://www.gov.uk”; a

(b) ym mharagraff 2 o destun Cymraeg y Canllawiau i Ffurflen 4E (hysbysiad landlord neu drwyddedwr yn cynnig rhent neu ffi’r drwydded newydd ar gyfer meddiannaeth amaethyddol sicr mangreoedd yng Nghymru)(5) hepgorer o “Dylech hefyd hysbysu” i “yn hawlio budd-dal” ac yn ei le rhodder—

“Mae’n ofynnol i chi hefyd hysbysu’r swyddfa Budd-daliadau Tai yn eich awdurdod lleol os ydych yn hawlio Budd-dal neu’r Adran Gwaith a Phensiynau os ydych yn hawlio Credyd Cynhwysol. Mae gwefan Gov.UK yn rhoi cyngor pellach: https://www.gov.uk”.

Carl Sargeant

Y Gweinidog Tai ac Adfywio,

un o Weinidogion Cymru

2 Ebrill 2014

NODYN ESBONIADOL

(Nid yw’r nodyn hwn yn rhan o’r Gorchymyn)

Mae’r Rheoliadau hyn yn diwygio ffurflenni Cymraeg penodol a ragnodir yn Rheoliadau Tenantiaethau Sicr a Meddianaethau Amaethyddol Sicr (Ffurflenni) 1997(6), fel y’u diwygiwyd(7).

Mae’r Rheoliadau hyn yn gwneud diwygiadau o ganlyniad i Ddeddf Diwygio Lles 2012 (p. 5) ac yn mewnosod cyfeiriadau yn y ffurflenni hynny at gredyd cynhwysol.

(1)

1988 p. 50. I gael diffiniad o “prescribed”, gweler adran 45(1). Ar gyfer darpariaeth ynghylch meddianaethau amaethyddol, gweler adran 24.

(2)

Trosglwyddwyd swyddogaethau’r Ysgrifennydd Gwladol o dan adran 13, i’r graddau eu bod yn arferadwy o ran Cymru, i Gynulliad Cenedlaethol Cymru gan erthygl 2 o Orchymyn Cynulliad Cendlaethol Cymru (Trosgwlyddo Swyddogaethau) 1999 (O.S. 1999/672), ac Atodlen 1 iddi. Mae’r swyddogaethau hyn bellach wedi eu breinio yng Ngweinidogion Cymru yn rhinwedd adran 162 o Ddeddf Llywodraeth Cymru 2006 (p.32) a pharagraff 30 o Atodlen 11 iddi.

(3)

O.S. 1997/194.

(4)

Mewnosodwyd ffurflen 4D gan O.S. 2003/307 (Cy. 46)

(5)

Mewnosodwyd ffurflen 4E gan O.S. 2003/307 (Cy. 46).

(6)

O.S. 1997/194.

(7)

Gweler O.S. 2003/307 (Cy. 46).