Adran 43 Y ddogfen llwybr dysgu
130.Mae’r adran hon yn darparu bod pob “disgybl perthnasol” neu “fyfyriwr perthnasol” yn cael dogfen sy’n cofnodi ei lwybr dysgu. Mae llwybr dysgu disgybl neu fyfyriwr yn cynnwys y cyrsiau astudio cwricwlwm lleol y mae ganddo'r hawlogaeth i’w dilyn o dan y darpariaethau a fewnosodir gan Rannau 1 neu 2 o’r Mesur hwn ynghyd â’r gwasanaethau cymorth i ddysgwyr a ddarperir ar ei gyfer o dan adran 37 o’r Mesur hwn. Adwaenir y cofnod fel “y ddogfen llwybr dysgu”. O dan yr adran hon, dyletswydd pennaeth ysgol neu bennaeth Sefydliad Addysg Bellach yw cynhyrchu a diweddaru dogfennau llwybr dysgu.
