Cyffredinol
Adran 20 – Dehongli
66.Mae’r adran hon yn darparu diffiniadau a chyfeiriadau at ddiffiniadau ar gyfer y termau a ganlyn a ddefnyddir yn y Ddeddf: ‘awdurdod lleol’, ‘bag siopa’, ‘cynnyrch plastig’, ‘cynnyrch plastig untro gwaharddedig’, ‘defnyddiwr’, ‘partneriaeth’, ‘plastig’, ‘swyddog awdurdodedig awdurdod lleol’, ‘untro’.
Adran 21 – Rheoliadau
67.Mae’r adran hon yn esbonio sut y mae pwerau i wneud rheoliadau o dan y Ddeddf hon i’w harfer ac yn nodi’r weithdrefn gymwys i’w dilyn wrth wneud y rheoliadau hynny.
Adran 22 – Dod i rym
68.Mae’r adran hon yn nodi darpariaethau’r Ddeddf a ddaw i rym ar y diwrnod drannoeth dyddiad y Cydsyniad Brenhinol (adrannau 3, 4, 17, 21, 22, 23); a’r rheini a ddaw i rym yn unol â gorchymyn cychwyn a wneir gan Weinidogion Cymru (sef y gweddill).
