Deddf Deddfwriaeth (Gweithdrefn, Cyhoeddi a Diddymiadau) (Cymru) 2025

(a gyflwynir gan adran 2)

ATODLEN 2 LL+C MÂN DDIWYGIADAU I DDEDDF DEDDFWRIAETH (CYMRU) 2019

Cyflwyniad LL+C

1 Mae Deddf Deddfwriaeth (Cymru) 2019 (dccc 4) wedi ei diwygio fel a ganlyn.

Gwybodaeth Cychwyn

I1 Atod. 2 para. 1 mewn grym ar 10.9.2025, gweler a. 9(2)(e)

Cyfeiriadau at “is-offeryn Cymreig” LL+C

2 Yn adran 3 (deddfwriaeth y mae Rhan 2 yn gymwys iddi), yn lle is-adran (3) rhodder—

“(3) Mae cyfeiriadau yn y Rhan hon at Ddeddf gan Senedd Cymru (oni ddarperir fel arall) yn gyfeiriadau at Ddeddf gan Senedd Cymru y mae’r Rhan hon yn gymwys iddi yn rhinwedd is-adran (1).

(3A) Mae cyfeiriadau yn y Rhan hon at is-offeryn Cymreig (oni ddarperir fel arall) yn gyfeiriadau at yr is-ddeddfwriaeth sydd wedi ei chynnwys mewn is-offeryn Cymreig y mae’r Rhan hon yn gymwys iddo yn rhinwedd is-adran (1).”

Gwybodaeth Cychwyn

I2 Atod. 2 para. 2 mewn grym ar 10.9.2025, gweler a. 9(2)(e)

Gosod dogfennau gerbron Senedd Cymru LL+C

3 Ar ôl adran 12 mewnosoder—

“Gosod dogfennau gerbron Senedd Cymru LL+C

12A Ystyr cyfeiriadau at osod dogfennau gerbron Senedd Cymru

(1) Mae’r adran hon yn gymwys pan fo Deddf gan Senedd Cymru neu is-offeryn Cymreig yn awdurdodi neu’n ei gwneud yn ofynnol gosod unrhyw ddogfen (gan gynnwys offeryn statudol Cymreig) gerbron Senedd Cymru.

(2) Mae’r cyfeiriad at osod y ddogfen yn gyfeiriad at gymryd y camau a bennir mewn perthynas â gosod dogfen gerbron Senedd Cymru yn rheolau sefydlog y Senedd.”

Gwybodaeth Cychwyn

I3 Atod. 2 para. 3 mewn grym ar 10.9.2025, gweler a. 9(2)(e)

Arfer pŵer neu ddyletswydd nad yw mewn grym LL+C

4 Yn adran 16—

(a) yn is-adran (1), yn lle paragraff (a) a’r “neu” ar ei ôl rhodder—

“(a) gan ddarpariaeth mewn Deddf gan Senedd Cymru na ddaw i rym ar y diwrnod y caiff y Ddeddf y Cydsyniad Brenhinol neu drannoeth y diwrnod hwnnw, neu”;

(b) ar ôl is-adran (3) mewnosoder—

“(3A) Nid yw is-adran (3) yn gymwys i arfer pŵer neu ddyletswydd i wneud is-ddeddfwriaeth oni bai bod yr is-ddeddfwriaeth i ddod i rym cyn y ddarpariaeth sy’n rhoi’r pŵer neu’n gosod y ddyletswydd.”;

(c) ar ôl is-adran (5) mewnosoder—

“(6) Yn is-adran (1), mae’r cyfeiriadau at ddarpariaeth mewn Deddf gan Senedd Cymru neu is-offeryn Cymreig yn cynnwys darpariaeth sy’n diwygio deddfiad arall.

(7) Pan fo darpariaeth mewn Deddf gan Senedd Cymru neu is-offeryn Cymreig yn rhoi pŵer neu’n gosod dyletswydd drwy ddiwygio deddfiad arall, mae’r cyfeiriadau at Ddeddf neu offeryn yn is-adrannau (3)(a) a (b), (4) a (5) yn cynnwys y deddfiad arall fel y’i diwygiwyd.”

Gwybodaeth Cychwyn

I4 Atod. 2 para. 4 mewn grym ar 10.9.2025, gweler a. 9(2)(e)

Mesurau gan Eglwys Loegr: effaith cyfeiriadau a diwygiadau LL+C

5 Yn adran 21(2) (cyfeiriadau at raniadau o ddeddfiadau)—

(a) ar ôl paragraff (b) mewnosoder—

“(ba) Mesur gan Gynulliad Eglwys Loegr neu gan Synod Cyffredinol Eglwys Loegr;”;

(b) ym mharagraff (c), yn lle “neu (b)” rhodder “, (b) neu (ba)”.

Gwybodaeth Cychwyn

I5 Atod. 2 para. 5 mewn grym ar 10.9.2025, gweler a. 9(2)(e)

6 LL+C Yn adran 25(4) (mae cyfeiriadau at ddeddfiadau yn gyfeiriadau at ddeddfiadau fel y’u diwygiwyd)—

(a) ar ôl paragraff (b) mewnosoder—

“(ba) Mesur gan Gynulliad Eglwys Loegr neu gan Synod Cyffredinol Eglwys Loegr;”;

(b) ym mharagraff (c), yn lle “neu (b)” rhodder “, (b) neu (ba)”.

Gwybodaeth Cychwyn

I6 Atod. 2 para. 6 mewn grym ar 10.9.2025, gweler a. 9(2)(e)

7 LL+C Yn adran 37 (ystyr diddymu a dirymu yn Rhan 2)—

(a) ym mhennawd yr adran, yn lle “Ystyr” rhodder “Dehongli darpariaethau ynghylch diwygio,”;

(b) ar ôl is-adran (2) mewnosoder—

“(3) Yn adrannau 32 i 35, ac yn is-adran (1) fel y mae’n gymwys at ddibenion yr adrannau hynny, mae “deddfiad yn cynnwys deddfiad sy’n Fesur gan Gynulliad Eglwys Loegr neu gan Synod Cyffredinol Eglwys Loegr neu’n offeryn a wneir o dan Fesur o’r fath, neu sydd wedi ei gynnwys mewn Mesur neu offeryn o’r fath.”

Gwybodaeth Cychwyn

I7 Atod. 2 para. 7 mewn grym ar 10.9.2025, gweler a. 9(2)(e)

Parhad is-ddeddfwriaeth: dim effaith ar gymhwyso i’r Goron LL+C

8 Yn adran 35, ar ôl is-adran (4) mewnosoder—

“(5) Nid yw is-adran (3) yn peri i adran 28 gael effaith mewn perthynas ag unrhyw is-ddeddfwriaeth pan nad oedd yn cael effaith yn flaenorol.”

Gwybodaeth Cychwyn

I8 Atod. 2 para. 8 mewn grym ar 10.9.2025, gweler a. 9(2)(e)

Cyfeirio at is-offerynnau Cymreig LL+C

9 Yn adran 36—

(a) daw’r ddarpariaeth bresennol yn is-adran (1);

(b) ar ôl yr is-adran (1) newydd mewnosoder—

“(2) Caniateir parhau i gyfeirio at is-offeryn Cymreig yn ôl ei enw er i’r offeryn gael ei ddirymu.”

(c) daw’r pennawd yn “Cyfeirio at Ddeddf gan Senedd Cymru ar ôl iddi gael ei diddymu neu is-offeryn Cymreig ar ôl iddo gael ei ddirymu”.

Gwybodaeth Cychwyn

I9 Atod. 2 para. 9 mewn grym ar 10.9.2025, gweler a. 9(2)(e)