Adran 108 – Arfer swyddogaethau o dan y Bennod hon
501.Mae’r adran hon yn darparu y caniateir i swyddogaethau a roddir i brif gyngor o dan y Bennod hon (ac eithrio swyddogaethau a roddir i bwyllgor llywodraethu ac archwilio) gael eu cyflawni gan y cyngor neu gan ei weithrediaeth, fel y penderfyna’r cyngor.
502.Mae is-adrannau (2) i (4) yn darparu nad yw’r swyddogaethau a restrir yn is-adran (4) yn ddarostyngedig i ddarpariaethau adran 101 o Ddeddf 1972 nac adrannau 14 a 15 o Ddeddf 2000.
503.Golyga hyn, os yw’r cyngor yn penderfynu bod un o’r swyddogaethau rhestredig hynny i fod yn gyfrifoldeb i’r cyngor, na chaniateir ei ddirprwyo i bwyllgor nac is-bwyllgor i’r cyngor, nac i swyddog i’r cyngor, nac i brif gyngor arall. Yn yr un modd, os yw’r cyngor yn penderfynu bod un o’r swyddogaethau rhestredig hynny i fod yn gyfrifoldeb i weithrediaeth y cyngor, ni chaniateir ei dyrannu i bwyllgor o’r weithrediaeth nac i un o swyddogion y cyngor, er enghraifft.
