Adran 8 – Gwybodaeth i denantiaid a darpar denantiaid
34.Mae’r adran hon yn gwneud darpariaeth ar gyfer darparu gwybodaeth i denantiaid ynglŷn ag effaith y Ddeddf hon.
35.Rhaid i Weinidogion Cymru gyhoeddi gwybodaeth a fydd, yn eu barn hwy, yn helpu tenantiaid i ddeall effaith y Ddeddf hon, o fewn mis i’r adeg y daw’r adran hon i rym. Rhaid i Weinidogion Cymru gymryd pob cam rhesymol i ddarparu copi o’r wybodaeth i bob landlord cymwys ac i gyrff perthnasol eraill. Rhaid i landlordiaid cymwys hwythau, yn eu tro, ddarparu copi o’r wybodaeth, neu unrhyw ran ohoni sy’n berthnasol i’w denantiaid ym marn y landlord, i’w holl denantiaid perthnasol. Rhaid i landlordiaid cymwys ddarparu’r wybodaeth i’r tenantiaid o fewn dau fis i’r adeg y daw adran 8 i rym, neu o fewn mis i gael yr wybodaeth a gyhoeddir gan Weinidogion Cymru, pa un bynnag sydd gynharaf.
