Adran 9 – Diwygiadau canlyniadol etc.
36.Mae’r adran hon yn rhoi’r pŵer i Weinidogion Cymru wneud unrhyw ddarpariaeth atodol, gysylltiedig, ganlyniadol, ddarfodol, drosiannol neu arbed yr ystyrir ei bod yn angenrheidiol neu’n hwylus o ganlyniad i ddarpariaethau’r Ddeddf hon, neu er mwyn rhoi effaith lawn iddynt. Gall rheoliadau a wneir o dan yr adran hon ddiwygio, ddiddymu neu ddirymu darpariaethau a wneir mewn deddfwriaeth, gan gynnwys darpariaethau’r Ddeddf hon, yn ogystal â gwneud diwygiadau yr ystyrir eu bod yn angenrheidiol o ganlyniad i’r ffaith bod Deddf Rhentu Cartrefi (Cymru) 2016 wedi ei dwyn i rym. Er enghraifft, unwaith y mae darpariaethau Deddf Rhentu Cartrefi (Cymru) 2016 wedi eu dwyn i rym, bydd tenantiaethau penodol yn peidio â bod yng Nghymru, a bydd angen diwygio cyfeiriadau mewn deddfwriaeth at denantiaethau diogel, tenantiaethau sicr ac ati, i gyfeirio at gontractau diogel.
